ဘွဲ့ရရဟန်းတော်များနှင့် ဝေဝါးနေဆဲအနာဂတ်ခရီး ))

((( ဘွဲ့ရရဟန်းတော်များနှင့် ဝေဝါးနေဆဲအနာဂတ်ခရီး )))

#ဓမ္မာစရိယအောင်ပြီးနောက်
စာချဘုန်းကြီးဘဝအတွက် နေရာအာမခံချက်မရှိသော်
ဤကားလက်ရှိဖြစ်ပျက်နေသော အဖြစ်သနစ်အစုံပါတည်း။
--------------
(၁)
ဒီရက်ပိုင်း မစိုးရိမ်တိုက်သစ်မှ ဓမ္မာစရိယတန်း အောင်မြင်ပြီးသော သံဃာများရဲ့ အလားအလာအကြောင်းကို ဆွေးနွေးဖြစ်ကြပါတယ်။

"ရန်ကုန်သွားဦးမယ်၊ ရန်ကုန်မှာ အင်္ဂလိပ်စာ သွားသင်မယ်"

"သီရိလင်္ကာကို သွားပြီး ဘွဲ့တစ်ခုလောက် ယူဦးမယ်"

"မဟာစည်ရိပ်သာက ဘယ်လိုဝင်ရတာလဲ၊ ဦးဇင်း သိလား"

"သီတဂူလား, နပသ (နိုင်ငံတော်ပရိယတ္တိ)လား၊ ထေရဝါဒလား မစဉ်းစားရသေးဘူး"

"တိပိဋကသွားကျက်ရမလား စဉ်းစားနေတာပဲ"

ဒါက ကျမ်းပြီးဦးဇင်း (ဓမ္မာစရိယအောင်မြင်ပြီးသော ဦးဇင်း) တွေရဲ့ ရှေ့ခရီးအတွက် စဉ်းစားချက်ပါ။

မစိုးရိမ်တိုက်သစ်ထဲမှာဆိုရင် နာယက အပါး (၂၀) ရှိပါတယ်။ အားလုံး စာချကြပါတယ်။ နာယကတွေကို ကူညီပြီး စာချဖို့ အကူစာချ (၃၀) ခန့် ရှိပါတယ်။

ကျန်တဲ့ စာမချကျမ်းပြီးဦးဇင်းတွေက (၁၀၀) ဝန်းကျင်လောက် ရှိနေပါတယ်။ သူတို့ရဲ့တာဝန်တွေက လပြည့်လကွယ်တိုင်းမှာ စာမေးပွဲအခန်းစောင့်မယ်၊ စာစစ်မယ်၊ ဒါပါပဲ။

ကြာတော့ တိုက်ထဲမှာနေရတာ တိုးတက်မှုမရှိဘူး-လို့ ထင်မြင်လာကြပါတယ်။ ဒီတော့ ကောင်းနိုးရာရာကို မျှော်မှန်းစဉ်းစားကြတာပါ။

(၂)
ပထမဆုံး နပသနဲ့ ထေရဝါဒကို သွားကြတဲ့ပုဂ္ဂိုလ်တွေရဲ့ အတွေ့အကြုံတွေက စိတ်ဝင်စားစရာတစ်မျိုးပါ။
မန္တလေး သာသနတက္ကသိုလ်မှာ လေးနှစ်သင်ယူ၊ တောင်တန်းဒေသမှာ နှစ်နှစ်ခန့် သာသနာပြုတာဝန်ထမ်းဆောင်ပြီးတာနဲ့ တက္ကသိုလ်ပြန်ပြီး ဘွဲ့ယူရပါတယ်။ ပြီးတာနဲ့ သေတ္တာထမ်း ထွက်ရပါတယ်။ နေစရာနေရာကို ကိုယ်ဘာသာရှာဖွေပြီး ကိုယ့်ဘဝကို ကိုယ်ဆက်လျှောက်ရပါတယ်။
ရန်ကုန် သာသနတက္ကသိုလ်ကလဲ အလားတူပဲ ဖြစ်ပါလိမ့်မယ်။

မန္တလေးမှာ တက္ကသိုလ်နောက်တစ်ခုက ဆရာကြီးဦးမြင့်ဆွေတည်ထောင်တဲ့ ဆူးခါးတက္ကသိုလ်ပါ။ သူကတော့ ပညာပဲ သက်သက်သင်ပေးပါတယ်။
နေဖို့ထိုင်ဖို့ စီစဉ်မပေးပါဘူး။

ရန်ကုန် ထေရဝါဒကလဲ ထိုနည်းပါပဲ။ ဝင်ခွင့်စာမေးပွဲဖြေဖို့ ရန်ကုန်မှာ နေစရာကျောင်း ခက်ခက်ခဲခဲ ရှာကြရပါတယ်။ ဝင်ခွင့်ဖြေလို့ အောင်တာနဲ့ တက္ကသိုလ်မှာ တစ်နှစ်နေခွင့်ရတယ်လို့ ကြားရပါတယ်။ ပြီးတာနဲ့ နေစရာအခက်အခဲနဲ့ ပြန်တွေ့ရပြန်ပါတယ်။

ဒါတွေက ပြည်တွင်းတက္ကသိုလ်ကို တက်ကြတဲ့ ကျောင်းသားတွေရဲ့ အခက်အခဲပါ။

(၃)
မင်းကွန်း၊ ရွှေတောင်ဦး၊ တိပိဋကဂန္ထဝင်၊ နိကာယ်စာသင်တိုက်-စသည်ဖြင့် တိပိဋကပြန်ကျောင်းတွေကို သွားကြတဲ့ဦးဇင်းတွေထဲက အများစုဟာ ပိဋကတစ်ပုံရဲ့ တစ်ဝက်လောက်ကျက်ပြီးတာနဲ့ လက်လျှော့ပြီး ယနေ့ ခေတ်စားနေတဲ့ အင်္ဂလိပ်စာနဲ့ ကွန်ပြူတာဘက်ကိုပဲ လှည့်သွားတတ်ကြပါတယ်။

ရိပ်သာတွေကို ဝင်ကြတဲ့ဦးဇင်းတွေမှာလဲ ဝါတွင်းတရားအားထုတ်ပြီးတာနဲ့ ရိပ်သာဝန်ဆောင်အဖွဲ့ထဲမှာ ပါရင်ပါ၊ မပါရင် ကိုယ်ဘာသာ တော်ရာနေရာတစ်ခု ရှာကြရပြန်ပါတော့တယ်။

ပြည်ပထွက်ထဲ့ဦးဇင်းတွေကို ကြည့်ပြန်တော့ တစ်ချို့ဦးဇင်းတွေဟာ နိုင်ငံရပ်ခြားမှာ ဘုန်းကြီးနဲ့တူအောင် နေလို့မရတဲ့အခက်အခဲနဲ့ ကြုံရပြီး ပြည်တွင်းကိုရောက်ပြန်တော့ ဝါဆိုစရာနေရာတည်းဟူသော အခက်အခဲနဲ့ ပြန်တွေ့ကြရပြန်ပါတယ်။

(၄)
အားလုံးရဲ့အခက်အခဲတွေကို အကျဉ်းချုပ်လိုက်တော့ မစိုးရိမ်တိုက်သစ်က စာကိစ္စပြီးလို့ ထွက်သွားတဲ့ဦးဇင်းတွေဟာ ဝါဆိုစရာ နေရာအခက်အခဲကို မနည်းပြေလည်အောင် ရှင်းကြရကြောင်း တွေ့ရပါတယ်။

ကိုရင်ပေါက်စတစ်ပါးအတွက် (သို့မဟုတ်)
တောထွက်ဦးဇင်းကြီးတစ်ပါးအတွက် နေစရာမခက်ပေမယ့် ပညာတတ်ဦးဇင်းတွေအတွက်ကတော့ ကျောင်းလျှောက်ရာမှာ ရဖို့အခွင့်အလမ်းနည်းပါးလှတဲ့အကြောင်းကို အံ့သြဖွယ်ရာ ကြားသိကြရပါတယ်။

နောက်ပိုင်းမှာ ပညာတတ်တန်မဲ့ အခြေမဲ့အနေမဲ့ဖြစ်ရတဲ့အတွက် လူထွက်ကြတဲ့ ကျမ်းပြီးဦးဇင်းတွေကိုလဲ ကြားလာကြရပါပြီ။

သို့ပေမယ့် ယခုလက်ရှိတိုက်ထဲမှာတော့ ရန်ကုန်ကို သွားပြီး
ပညာရှာမဲ့ ဦးဇင်းတွေက စဉ်ဆက်မပြတ်ရှိနေဆဲပါ။

ဘုရားရှင်ခေတ်အခါကလို သံဃိကကျောင်းတွေမှာ ပညာတတ်သံဃာတွေနဲ့ တင့်တင့်တယ်တယ် ထည်ထည်ဝါဝါ ဖြစ်နေဖို့ (နောက်တစ်နည်းပြောရရင်) ပညာတတ်တွေကို စောင့်ရှောက်ဖို့ တစ်နိုင်ငံလုံးက
ကျောင်းထိုင်ဘုန်းကြီးတွေ အနေနဲ့ ဝိုင်းဝန်းစဉ်းစားပေးဖို့ လိုအပ်နေပြီ ထင်ပါတယ်။

(၅)
မစိုးရိမ်တိုက်သစ်က ကျမ်းပြီးအပါး (၁၀၀)ခန့်ရဲ့ ဦးနှောက်ဟာ အလွန်တန်ဖိုးရှိမယ့် ဦးနှောက်များဖြစ်တာ သေချာပါတယ်။ ထိုဦးနှောက်များကို လမ်းပေါ်မှာ လေလွင့်စေတာထက် တိုက်တွင်းမှာ အနာဂတ်သာသနာအတွက် စီမံကိန်းများ စနစ်တကျရေးဆွဲပြီး ထိရောက်အောင် အသုံးချနိုင်မယ်ဆိုရင် သာသနာအတွက် အားတက်စရာဖြစ်မှာ အမှန်ပါပဲ။

ဥပမာ---
ကျမ်းပြီးဦးဇင်းတိုင်းက အဓိကဘာသာရပ်အဖြစ် အင်္ဂလိပ်ဘာသာကို ကျွမ်းကျင်အောင်သင်။
ဒုတိယဘာသာစကားအနေနဲ့ (၁)တရုတ် (၂)ပြင်သစ် (၃) စပိန် (၄) ဂျပန်---စတာတွေထဲက တစ်ခုခုကို ရွေးချယ်သင်ယူပြီး ကမ္ဘာနဲ့ဆက်သွယ်နိုင်ကြမယ်ဆိုရင် သာသနာ့အရေးမှာ အများကြီး အထောက်အကူပြုနိုင်ပါလိမ့်မယ်။

နိဂုံးချုပ်ရရင်...
လိုအပ်ချက်အနေနဲ့ လမ်းပေါ်မှာလေလွင့်နေတဲ့ ပြည်တွင်းပြည်ပ ပညာတတ်ဦးဇင်းတွေ အများကြီးရှိပါတယ်။ ထိုပညာတတ်တွေကို
စုပေါင်းပြီး ပညာတတ်များစုပေါင်းအပ်သော သာသနာပြုအဖွဲ့တစ်ခုကို ပြုစုပျိုးထောင်သင့်ပြီလို့ ထင်မြင်မိပါကြောင်း တင်ပြလိုက်ရပါတယ်။
------------------------ + +  + + + ---------------------

ပို့စ်ပိုင်ရှင် = New Masoeyein Readers

Credit = New Masoeyein Readers FB page

Owner's Link =  https://www.facebook.com/msy.readers/?fref=nf