သီဟိုဠ်ကို လာမည်ဆိုလျင်

((( သီဟိုဠ်ကို လာမည်ဆိုလျင် )))

သီရိလင်္ကာနိုင်ငံမှာရှိတဲ့ မြန်မာရဟန်းတွေအတက်များတဲ့ တက္ကသိုလ်တွေအကြောင်းပါ။ နည်းနည်းများလို့ ဓာတ်ပုံနဲ့ပဲတင်ပေးလိုက်ပါတယ်။

ဘယ်တက္ကသိုလ်က ကျောင်းစရိတ်ဘယ်လောက်ရှိတယ်။
ဘယ်လိုဘွဲ့မျိုးတွေတက်လို့ရတယ်။ ဘယ်နှစ်နှစ်တက်ရတယ်။ ဘာတွေလိုအပ်တယ် ဆိုတာတွေကို အပြည့်အစုံရှင်းပြထားတာပါ။

မဖြစ်မနေအလိုအပ်ဆုံးကတော့ အင်္ဂလိပ်စာကို အပြည့်စုံဆုံးမဟုတ်ရင်တောင် တော်တော်လေးကျွမ်းကျင်အောင် လေ့လာခဲ့ဖို့လိုပါတယ်။ ဒီရောက်မှ ထပ်လေ့လာမယ်လို့ စိတ်မကူးမိပါစေနဲ့။ မလာခင်ကတည်းက ကျွမ်းကျင်အောင်လေ့လာထားရင် ပိုကောင်းပါတယ်။

အခြေခံမရှိသေးသူတွေအနေနဲ့ ကိုယ့်မြန်မာဆရာနဲ့သင်ရတာက ပိုအတတ်မြန်ပါတယ်။ အချို့တွေက " ဒီမှာမြန်မာကျောင်းသားတွေရှိတာပဲ၊ အဆင်ပြေပါတယ် "ဆိုပြီး လာလိုက်ကြတာ၊ ဒီမှာ ဒုက္ခလှလှရောက်ကြရပါတယ်။ တကယ်တော့ အဲ့ဒီလောက်မလွယ်ကူပါဘူး။
ဒီမှာ အင်္ဂလိပ်သင်တန်းတွေ ပြန်တက်လို့တော့ ရပါတယ်။ ဒါပေမယ့် အခြေခံမရှိသေးသူတွေအဖို့ အင်္ဂလိပ်စာကို အင်္ဂလိပ်လိုပဲပြန်သင်ယူရတာ အတော်ကို မလွယ်တဲ့ကိစ္စပါ။
ငွေလည်းအပိုကုန်သလို အချိန်လည်း အပိုကုန်ပါတယ်။

တက္ကသိုလ်ဆရာတွေဆိုတာ ဆင်ဟာလီလူမျိုးဆရာတွေမို့ သူတို့အင်္ဂလိပ်သံက ဝဲပါတယ်။ ကိုယ်တစ်ယောက်တည်းအမြင်ပြောရရင်တော့ အနောက်တိုင်းသားတွေရဲ့အသံထွက်ကတောင် ပိုပြီး နားလည်ဖို့လွယ်ကူပါသေးတယ်။ ဥပမာပြောရရင်----

Give ကို 'ဂယု' Live ကို 'လယု' active ကို 'အက်တယု'
Passive ကို ' ပက်စယု' လို့ ဒီကဆရာတွေက အသံထွက်ကြပါတယ်။ ဒါဟာ မြင်သာ ထင်သာတဲ့အသံထွက်ကိုပြောပြတာပါ။ အခြားအသံထွက်ကွာတဲ့စကားလုံးတွေလည်း ရှိပါသေးတယ်။

အဓိကကတော့ " ဟိုမှာ မြန်မာတွေရှိတာပဲကွာ၊ အင်္ဂလိပ်စာအခြေခံလောက်ပါရင် ရပါတယ်၊ ဟိုရောက်မှ ထပ်လေ့လာမှာပေါ့ "ဆိုပြီး လာဖို့စိတ်မကူးစေချင်ပါဘူး။ မြန်မာတွေအချင်းချင်းနေကြတဲ့အတွက် အင်္ဂလိပ်စကားဟာ မပြောဖြစ်သလောက်ပါပဲ။

တကယ်စေတနာနဲ့ပါ။ ပညာသင်သွားတယ်ဆိုကတည်းက 'အင်္ဂလိပ်စာလေ့လာဖို့ သွားတာမဟုတ်ဘူး'ဆိုတာကို သတိချပ်စေချင်ပါတယ်။

စေတနာဖြင့်
အရှင်ကောသလ္လ(ရေဦး)

( ဓာတ်ပုံတွေကို သတ္တမအကြိမ်ထုတ် လင်္ကာတမန်မဂ္ဂဇင်းထဲက ရိုက်ယူထားပါတယ်။ တစ်ပုံချင်းစီကို နှိပ်ပြီး ဖတ်ကြည့်ရင် သေချာဖတ်လို့ရပါတယ်။)