ယခုကာလတွင် ရှိသော သံဃာတော်တို့ကား

ယခုကာလတွင် ရှိသော သံဃာတော်တို့ကား

သမုတိသံဃာဟူ၍ခေါ်ရသည်။ ]သမုတိ} ဟူသည်မှာ အများက သမုတ်ခြင်းဖြစ်၍၊ သံဃာခေါ်ကြစို့ဟု သမုတ်ကြသည်ကို ဆိုလိုသည်။ ဘယ်သို့ သမုတ်ခေါ်ဝေါ်ပါသနည်းဆိုသော်။ ဥတ္တိစတုတ္ထကမ္မဝါအားဖြင့်။ ဥပသမ္ပဒါကံကိုဆောင်၍၊ ရဟန်း ခံခြင်းပင်ဖြစ်၏။ ထို့ကြောင့် ရဟန်းခံခြင်း အကြောင်းကို ဖေါ်ပြပါဦးတော့အံ့။

ရှစ်သောင်းလေးထောင်သော အလှူကြီးကိုပေး၍၊ ဗုဒ္ဓသာသနာကို ကြည်ညိုသော သူတို့တွင် တူမျှသောသူ မရှိဟု ဗျာဒိတ်ရသော၊ သီရိဓမ္မာသောကမင်းကြီးအား၊ အရှင်မောဂ္ဂလိပုတ္တတိဿ အရှင်က၊ မိမိပစ္စည်းကို ဤလူ့ပြည်မှသည် ဗြဟ္မာပြည်တိုင်အောင် စုပုံ၍လှူငြားသော်လည်း၊ သာသနာတော် အမွေခံမဖြစ်သေး။ မိမိ၌ဖြစ်သော သားသမီးတို့ကို ရဟန်းပြုစေခြင်းသာလျှင်၊ သာသနာတော် အမွေခံ ဖြစ်သတည်းဟု မိန့်တော်မူသည်မှ သားတော် မဟိန္ဒ၊ သမီးတော် သင်္ဂမိတ္တာတို့ကို ရဟန်းပြုစေသည်။ ဤနည်းကို အစဉ်မှီးသဖြင့်၊မြန်မာပြည်တွင် ယောင်္ကျားတိုင်း ရှင်သာမဏေပြုစေ၍၊ သင်္ကန်းဝတ်စေသည်။ ထိုသို့ သင်္ကန်းဝတ်သောသူမှသာ၊ သာသနာနှင့် ဆိုင်သည်။ ရဟန်း မခံသော သူတို့မှာ သာသနာထမ်း ရဟန်းတို့၏ အထောက်အမ၊ ဒါယကာ၊ ဒါယိကာမ၊ ဥပသကာ၊ ဥပသကီမ မျသာဖြစ်လေသည်။ သို့အတွက် ရဟန်းခံသည်ဆိုသော် ဘယ်သို့ဆိုလိုသနည်း။ သိမ်ဝင်၍ ဥတ်ကမ္မဝါဖတ်ခြင်းသည် ဘယ်သို့ဆိုသည်ကို သိကြစေရန် အကျဉ်းအားဖြင့် ဖေါ်ပြပါမည်။

ဥတ္တိစတုတ္ထကမ္မဝါစာအရ ရဟန်းခံခြင်း။

ရဟန်းလောင်းအား ဆုံးမခဏ်းကို ရေးသောအခါ၊ စကားရှည်လျှား ကျယ်ဝန်းနေမည် စိုးသောကြောင့်၊ မြန်မာစကား သက်သက်ဖြင့်သာ ရေးသားရသည်။ အချို့သော အချက်၌သာ ပါဠိကို အနည်းငယ်တည့်သွင်း၍ ရေးထားပါသည်။ ရှေးကာလ လူများတို့သည် မိမိတို့သိသင့်သိထိုက်သော အရာများကို မသိရ၊ ယခုကာလမှာ၊ အရာရာတိုင်း တိုးတက်လာ၍၊ ပုံနှိပ်တိုက်များစွာတို့မှ စာအုပ်များ ပိဋကတ်တော်များကို၊ ပုံနှိပ်ရောင်းချလျှက် နေပြီးဖြစ်၍၊ မိမိတို့အလိုရှိ သိသင့်သိထိုက် သိအပ်လှသော အရာများတို့ကို ရှာဖွေကြည့်ရှုခြင်းအားဖြင့် သိရသော အခွင့်ရှိလေပြီ။ ထိုသို့ သိသင့် သိထိုက်အပ်သော အရာတို့တွင် ရဟန်းဖြစ်ခြင်းသည် ဗုဒ္ဓတရားအတိုင်း ဒုလ္လဘတရား ငါးပါးတွင်၊ တပါးအပါအဝင်ဖြစ်သောကြောင့်၊ လူတိုင်း သိသင့် သိထိုက်သော သိအပ်သော အရာဖြစ်လေသည်နှင့် အပိုအလိုမပါစေဘဲ ကမ္မဝါနိဿယျ လာသည့်အတိုင်းရေး၍ ဖေါ်ပြလိုက်ပါသည်။

ပါဠိ။ ။ပဌမံ ဥပ္ပဇ္ဈံ ဂါဟာပေတပ္ပေါ။ ။မြန်မာ၊ ရှေးဦးစွာ ဥပစ္ဈာယ် ဆရာကိုရွေးလိုက်ပါ။

ပါဠိ။ ။ ဥပဇ္ဈာယောမေဘန္တေဟောတိ။ဟု သုံးကြိမ်တိုင်တိုင် ရဟန်းလောင်းက ဆိုရမည်။ မြန်မာ၊ ကျွန်ုပ်၏ ဥပစ္ဈာယ်ဆရာဖြစ်လော။

ဥပစ္ဈာယ်ဆရာ လုပ်ရမည့်ရဟန်းက။ ။သာဟု၊ ကောင်းပြီ။ လဟု၊ မင်းဥပစ္ဈာယ် လုပ်ရန် ဝန်မလေးဟု ဆိုပြီးမှ။ ။ ပါသာဒိသေန သမ္ပာဒေထ။ ။ကြည်ညိုဘွယ်သော လက္ခဏာနှင့် ပြည့်စုံလော့။ ။ ရဟန်းလောင်းက။ ။အာမဘန္တေ။ ။ဟုတ်ပါ၏ဘုရား ဟူ၍ ဆိုလေ။

ဆရာက။ ဥပဇ္ဈဂါဟေပေတွာပတ္တစီဝရံအာစိက္ခိတဗ္ဗံ။ ။အဓိပ္ပါယ်ကား။ ဥပဇ္ဈာယ်ဆရာကို ယူပြီး၍၊ သပိတ်တလုံး၊ သုံးထည်သောသင်္ကန်းကို ဘုရားပညတ်၍ သင့်ကို ကျွန်ုပ်တို့ကြားပေအံ့။ ။အယန္တေပတ္တေ။ ။ဤသပိတ်ကို သင်၏သပိတ်ဟုမှတ်။ ။အယံသံဃာဋိ။ ။ ဤဒုကုဋ်သင်္ကန်းကြီးကို သင်၏သင်္ကန်းကြီးဟုမှတ်။ ။အယံ ဥတ္တရ သံဃော။ ။ဤသင်္ကန်းသည် သင်၏ ကိုယ်ဝတ်သင်္ကန်းကြီးဟုမှတ်။ ။အယံအန္တရဝါသကော။ ။ဤသင်းပိုင်သည် သင်၏ သင်းပိုင်ဟုမှတ်။ သပိတ်၊သင်္ကန်းတို့ကို ကြားသောအခါ။

ရဟန်းလောင်းက။ ။အာမဘန္တေ။ ။ဟုတ်မှန်ပါ၏ မှတ်ပါမည်ဘုရားဆို။ ဂစ္ဆာမိအမုမှိဩကာသေတိဌာသိ။ ။ဆုံးမရန် အချိန်ကြပြီဖြစ်၍ သံဃာအလယ်မှထွက်၍ သင့်အပ်သောအရပ်၌ နေလော့။

( ရဟန်းလောင်းကို တဆယ့်နှစ်တောင် လွတ်သောအရပ်၌ ထားရမည်၊ထားပြီးလျှင် ဆုံးမလိုသော ကမ္မဝါဆရာတို့ ရွတ်ဘတ်ရမည်မှာ)

ပါဠိ။ ။သုဏာတုမေ ဘန္တေ သံဃော၊ နာဂေါ အာယသ္မာတော။ တိဿဥပသမ္ပဒါပခါ၊ ယဒိသံဃဿတ္တကလ္လံ။ အဟံနာဂံ အနုသာသေယျံ။ ။ ဤသို့ ဘတ်ပြီးလျှင်၊ ရဟန်းလောင်းရှိရာသို့ သွား၍ ဆုံးမရမည်။ ။ဆုံးမသော စကားမှာ။

မြန်မာ။ ။ ပဉ္စလောင်းက၊ ယခုကျွန်ုပ်မေးသော စကားများကို စေ့စေ့နားထောင်၍၊ ဟုတ်ရာ မှန်ရာကို ပြောသော အချိန်ရောက်ပြီ။ ဟုတ်တိုင်းမှန်ရာကိုသာ ပြောပါ။ ရှိက ရှိသည်။ မရှိက မရှိဟုပြော၊ မင်းကို အရှက်ကွဲအောင်မေးခြင်းမဟုတ်၊ ဘုရား အမန့်တော်နှင့်သာ ငါတို့မေးရသည်။

ရဟန်းလောင်းအား မေးစစ်သော အချက်၌၊ ပါဠိကို မရေးဘဲ မြန်မာသက်သက်သာ ရေးပေအံ့။

၁။ သွေးပြည်ယိုသောအနာရှိသလား၊( မရှိပါဘုရား)။

၂။ ပွေး၊ ညှင်း၊ တင်းတိပ်နာရှိသလား၊ ( မရှိပါဘုရား)။

၃။ ချောင်ဆိုးနာရှိသလား။ ( မရှိပါဘုရား)။

၎။ ဝက်ရူးနာရှိသလား။ ( မရှိပါဘုရား)။

၅။ လူစင်စစ်ဖြစ်သလား။ ( လူစင်စစ်ဖြစ်ပါသည်ဘုရား)။

၆။ ယောင်္ကျား စင်စစ်ဖြစ်ပါသလား။ ( ယောင်္ကျားစင်စစ်ဖြစ်ပါသည်ဘုရား)။

၇။ တော်လှန်သောသူဖြစ်ပါသလား။ ( မဖြစ်ပါဘုရား)။

၈။ သူ့ြွေကး သူ့မြီးတင်သောသူ ဖြစ်ပါသလား။ ( မဖြစ်ပါဘုရား)။

၉။ မင်းခစားသောသူဖြစ်ပါသလား။ ( မဖြစ်ပါဘုရား)။

၁၀။ အမိ၊ အဘတို့ အခွင့်လွှတ်ပြီလား။ ( လွှတ်ပါပြီဘုရား)။

၁၁။ အသက် ၂၀ ပြည့်ပြီလား။ ( ပြည့်ပါပြီဘုရား)။

၁၂။ သပိတ်သင်္ကန်း ပြည့်စုံပြီလား။ ( ပြည့်စုံပါပြီဘုရား)။

၁၃။ သင်၏ အမည်ကို ဘယ်သို့ခေါ်သနည်း။ ( နာဂ ဟုခေါ်ပါသည်ဘုရား)။

၁၄။ သင်၏ ဆရာအမည်ကို ဘယ်သို့ခေါ်သနည်း။ ( တိဿ ဟုခေါ်ပါသည်ဘုရား)။

မှတ်ရန်။ ။ အစကတည်းက အမည်ကို မည်သို့ခေါ်ဆို၍ မည်သို့ဖြေဆိုရန် ပြောထားပြီးဖြစ်သည်။

ဤသို့မေးသမျတို့ကို အလုံးစုံဖြေဆိုပြီးသောကြောင့် ငါတို့သုံးပါးကို ကမ္မဝါဆရာဟု မှတ်တော့။ သင့်ကို အလုံးစုံမေး၍ ပြီးသောကြောင့်၊ သံဃာကို ငါတို့ကြားဦးမည်။ ဤသိမ်ပြင်ပသို့ မသွားဘဲ သည်နေရာမှာ ရပ်နေဦး၊ ငါတို့က လာခဲ့ဟုခေါ်သောအခါမှ ငါတို့ထံသို့ လာခဲ့လော။

၎င်းရွတ်ဖတ်ရသော ကမ္မဝါစာမှာ။ ။ သုဏာတုမေ ဘန္တေ သံဃော၊ နာဂေါအာယသ္မတော၊ တိဿ ဥပသမ္ပဒါပေခေါ၊ အနုသိဌောသောမယာ၊ ကဒိသံဃဿပတ္တကလ္လံ၊ နာဂေါအာဂစ္ဆေယျ၊ အာဂစ္ဆာဟီတိဝတ္ထဗ္ဗော။ ( ၄င်းကိုဖတ်ပြီးလျင် ရဟန်းလောင်းကိုခေါ်၊ ရောက်လျှင် သံဃာအပေါင်းတို့အား၊ ပဉ္စင်းအဖြစ်သို့ လျှောက်တောင်းရမည်မှာ)။

သံဃဘန္တေ ဥပသမ္ပဒံယာစာမိ၊ ဥလ္လုမ္မတုမံ ဘန္တေသံဃော အနုကမ္မံ ဥပဒါယ။ ဤသို့ သုံးကြိမ်ဆို၍ တောင်းရမည်။

မြန်မာပြန်သော်၊ အရှင်ဘုရားတို့၊ တပည့်တော်တို့သည်၊ သံဃာတော်များတို့ကို ပဉ္စင်းအဖြစ်ကို တောင်းပါ၏။ အရှင်ဘုရားတို့၊ သံဃာတော်တို့သည်၊ ကျွန်ုပ်ကို နိဗ္ဗာန် အကျိုးကိုရည်စူး၍၊ မည်းညစ်သော အကုသိုလ် ဘဝမှ ဖြူစင်သန့်ရှင်းသော ကုသိုလ်ဘဝသို့ တည်စေပါဘုရား။ ။ဤသို့လျှောက်တောင်းပြီးမှ၊ သံဃာတော်တို့က၊ အထက်ကမေးသော မေးခွန်းတဆယ့်လေးခွန်းကို ပြန်၍ မေးပြီး။ မေးသည်ကို အကုန်ဖြေဆိုပြီးမှ၊ အောက်ပါအတိုင်း ကမ္မဝါကိုဖတ်ရမည်။

သုဏာတုမေ ဘန္တေ သံဃော၊ နာဂေါအာယသ္မတော၊ တိဿ ဥပသမ္ပဒါပေခေါ။ ပရိသုဒ္ဓေါ အန္တရာယိကေဟိ ဓမ္မေဟိ၊ ပရိပုဏ္ဏဿပတ္တစီဝရံ၊ နာဂေါသံဃံဥပသမ္ပဒံယာစတိ၊ အာယသ္မတာတိေဿနဥပဇ္ဈာယေန။ ယဒိသံဃဿပတ္တကလ္လံ။ သံဃောနာဂံဥပသမ္ပာဒေယျ။ အာယသမ္မတာတိေဿန ဥပဇ္ဈယေန ဧသာဥတ္တိ။

သုဏာတုမေ ဘန္တေ သံဃော၊ နာဂေါအာယသ္မတော၊ တိဿ ဥပသမ္ပဒါပေခေါ။ ပရိသုဒ္ဓေါ အန္တရာယိကေဟိ ဓမ္မေဟိ၊ ပရိပုဏ္ဏဿပတ္တစီဝရံ၊ နာဂေါသံဃံဥပသမ္ပဒံယာစတိ၊ အာယသ္မတာတိေဿနဥပဇ္ဈာယေန၊ သံဃောနဂံ ဥပသမ္ပာဒေတိ အာယသ္မာတာတိေဿန ဥပဇ္ဈာယေန၊ ယဿယသ္မတော ခမတိ နာဂဿ ဥပသမ္ပဒါ၊ အာယသ္မာတာ တိေဿန ဥပဇ္ဈာယေန၊ သောတုဏှဿ ယဿနက္ခမတိ သေဘာသေယျ။

ဒုတိယကမ္မဝါ။ တတိယကမ္မဝါမှာ ဤအတူမှတ်။ ။ဥပသမ္ပန္နော သံဃေန နာဂေါ၊ အာယသ္မတာတိေဿန ဥပဇ္ဈာယေန ခမတိ၊ သံဃဿတသ္မာတုဏှိ၊ ဧဝမေတံဓါရယာမိ။ ။ဥပသမ္ပန္နောကစ၍ သုံးကြိမ်ဖတ်။ ဒုတိယကမ္မဝါမှာ ၊ ဒုတိယံပိဧကမတ္တံဝဒါမိ ကစ၍၊ သောဘာသေယျတိုင်အောင် ဒုတိယကမ္မဝါမှတ်။ ။တတိယကမ္မဝါမှာ၊ တတိယံဧကမတ္ထံဝဒါမိကစ၍၊ ဘာသေယျတိုင်အောင် တတိယကမ္မဝါမှတ်။

၎င်းကမ္မဝါ၏ အဓိပ္ပါယ်မှာကား။ ။ အရှင်ဘုရားတို့ သံဃာတော်တို့သည် ကျွန်ုပ်၏ စကားကို နားထောင်တော်မူပါလော့၊ ဘုန်းကြီး၍ သက်တော်ရှည်သော၊ တိဿ အမည်ရှိသော မထေရ်၏ ပဉ္စင်းအဖြစ်ကို ငဲ့သော နာဂ အမည်ရှိသော ဤပဉ္စင်းလောင်းသည်၊ အန္တရယ်ကို ပြုတတ်သော၊ သွေးပြည်ယိုသော အနာ၊ ပွေး၊ ညှင်း၊ တင်းတိပ်နာ၊ ချောင်းဆိုးနာ၊ ဝတ်ရူးနာတည်းဟူသော ငါးပါးသော တရားတို့မှ၊ စင်ကြယ်သန့်ရှင်း၏။ ထိုပဉ္စင်းလောင်းအား အဓိဌာန်လောက်သော သပိတ်သင်္ကန်းသည်ပြည့်စုံပြီ။ နာဂမည်သော ပဉ္စင်းလောင်းသည် သံဃာကို သက်တော်ရှည်သော တိဿမည်သော ဥပဇ္ဈာယ်ဆရာဖြင့်၊ မြတ်သော ပဉ္စင်းအဖြစ်ကို တောင်းပန်ပါ၏။ သံဃာအား လျှောက်ပတ်သောအခါ ရှိသောကံသည်၊ အကယ်၍ ရှိသည်ဖြစ်အံ့၊ သံဃာသည် ရှည်သော သက်တော်ရှိသော တိဿ အမည်ရှိသော ဥပဇ္ဈာယ်ဆရာဖြင့်၊ နာဂ မည်သော ပဉ္စင်းလောင်းကို၊ ပဉ္စင်းခံရာ၏။ ဤကား သိစေခြင်းတည်။ ။ အဓိပ္ပါယ်အချုပ်မှာ၊ အလုံးစုံ စုံစုံလင်လင်အသင့်ရှိပြီဖြစ်၍၊ ပဉ္စင်းခံအံ့သောငှါ သံဃာတော်တို့ကို သိစေပါ၏ဟူလို။

နောက်တပုဒ်မှာ၊ အဓိပ္ပါယ် အတူတူပင်ဖြစ်သောကြောင့် ထူးခြားတာကိုသာ ဖေါ်ပြပါတော့မည်။

တိဿ အမည်ရှိသော ဥပဇ္ဈာယ်ဆရာဖြင့် ပဉ္စင်းခံသော ပဉ္စင်းလောင်းကို မြင်သော ပဉ္စင်းအဖြစ်ဖြင့် အလိုရှိသော အကြင်ရဟန်းသည် ( နှစ်သက်လျှင်) တိတ်တိတ်နေရာ၏။ အကယ်၍ မနှစ်သက်သော ရဟန်းသည် ( သဘောမတူလျှင်) ပြောပါလော့၊ ( သုံးကြိမ်မေး)။ ။သံဃာသည် ပဉ္စင်းလောင်းကို ရှည်သော သတ်တော်ရှိသော တိဿ အမည်ရှိသော ဥပဇ္ဈာယ်ဆရာဖြင့် ပဉ္စင်းအဖြစ်သည်ပြည့်စုံပြီ။ သံဃာအား အကြင်နှစ်သက်ခြင်းရှိ၏ ။ထို့ကြောင့် တိတ်တိတ်နေသည်ဖြစ်ရာ၏။ ဤသို့ဆိတ်ဆိတ်နေသဖြင့် ထိုသို့နှစ်သက်သည်မှတ်ရာ၏။ ထို့နောက် ရဟန်းလောင်းနှစ်ချုပ်သက္ကရာဇ်များရေး၍ ရှောင်အပ်သောအရာ လေးပါး၊ ဆောင်အပ်သော အရာလေးပါးတို့ကို ပညတ်ရလေသည်မှာ။