❖အရှုံးပေးသူကအနိုင်ရခြင်း (၃)❖

❖အရှုံးပေးသူကအနိုင်ရခြင်း (၃)❖
❖မြန်မာရာဇ၀င်ထဲမှာ ပြန်ကြည့်လိုက်မယ်ဆိုလို့ရှိရင် ပုဂံခေတ်မှာဖြစ်ပျက်ခဲ့တဲ့ အဖြစ်အပျက်လေးတစ်ခု၊ မြန်မာသက္ကရာဇ် (၅၃၆) ခုနှစ်မှာ ပုဂံပြည်မှာ နရပတိစည်သူ ဆိုတဲ့ ဘုရင်ဟာ နန်းတက်လာတယ်၊ နရပတိစည်သူဟာ နန်းတက်ရတဲ့အချိန်မှာ သူ့ရဲ့ ဝေဠုဝတီမိဖုရားကိစ္စနဲ့ပတ်သက်ပြီး အစ်ကိုအရင်းဖြစ်တဲ့ မင်းယဉ်နရသင်္ခဆိုတာကို လုပ်ကြံသတ်ဖြတ်ပြီးတော့မှ သူဟာနန်းတက်လာတယ်။ အဲဒီနန်းတက်တဲ့အခါမှာ နရပတိစည်သူက သူ့အစ်ကိုနဲ့ဆက်စပ်တဲ့ ပုဂ္ဂိုလ်တွေအားလုံးရှင်းပစ်တယ်ပေါ့။

❖အဲ့လိုရှင်းပစ်တဲ့အထဲမှာ သယ်သူပါသလဲဆိုလို့ရှိရင် မင်းယဉ်နရသင်္ခရဲ့ အထိန်းတော်သား၊ အထိန်းတော်သားဆိုတာ ယခုခေတ် လိုပြောမယ်ဆိုရင် ကိုယ်ရေးအတွင်းဝန် PSO ဆိုတာမျိုးလိုပေါ့နော်၊ အင်မတန်မှ ရင်းနှီးလို့ အနီးကပ်ထား တဲ့ပုဂ္ဂိုလ်တွေပေါ့။ မင်းယဉ်နရသင်္ခ ကနန်းချသတ်ဖြတ်ပြီးတော့ နရပတိစည်သူမှာ အရင်းဆုံးဖြစ်တဲ့ အားအကိုးရဆုံးဖြစ်တဲ့ အနန္တသူရိယ ခေါ်တဲ့ သူ့ရဲ့ အထိန်းတော်သား ကိုလည်းပဲသတ်ခိုင်းလိုက်တယ်။ အဲဒီသတ်ခိုင်းတဲ့ အချိန်အတွင်းမှာ အနန္တသူရိယဘယ်လောက် သတ္တိကောင်းတယ်ဆိုတာ သူ့မသတ်ခင်မှာ ကဗျာတစ်ပုဒ် ရေးသွားတယ်။ သူ့စိတ်ကိုသူ ဘယ်လောက် နိုင်တယ်ဆိုတာစဉ်းစားကြည့်၊ အဲဒီ ကဗျာဟာမြန်မာနိုင်ငံမှာ နာမည်အထင်ရှားဆုံး မြန်မာစာပေတွေထဲမှာလဲ ပထမဦးဆုံးကဗျာ လို့ဆိုရအောင် ရှေးအကျဆုံးကဗျာတစ်ပုဒ်ဖြစ်တယ်၊ အားလုံး လဲကြားဖူးကြတယ်။ အလွန်အဓိပ္ပာယ်ရှိပြီး အလွန်ရဲရင့်ပြီး၊ သူ့စိတ်ကို ပိုင်ပိုင်နိုင်နိုင်နဲ့ သည်းခံတဲ့စိတ်နဲ့ ခွင့်လွှတ်သွားတဲ့ကဗျာ၊ ကမ္ဘာမှာဆိုလို့ရှိရင်တော့ မြန်မာလူမျိုးတွေက ဒီကဗျာကို အင်္ဂလိပ်လိုပြန်ဆိုပြီး သမိုင်းတွင်အောင် လုပ်မယ်ဆိုရင်တော့ ကမ္ဘာမှာသမိုင်းဝင်မည့် ပုဂ္ဂိုလ်ထူး ပုဂ္ဂိုလ်မြတ် ဖြစ်သွားနိုင်တယ်ဆိုတာ သေချာတယ်ပေါ့၊

❖သို့သော်မြန်မာစာ ထဲရှိပြီး မြန်မာလူမျိုး အချို့သာသိတာဖြစ်သောကြောင့်ကမ္ဘာကျော် မဟုတ်ပေမယ့် တရားဓမ္မနဲ့ ပတ်သက်လို့ရှိရင် အလွန်ထင်ရှားတဲ့ စံပြုရတဲ့ အတွေးအခေါ် တစ်ခုဖြစ် ပေါ်လာခဲ့တယ်ပေါ့။ ဒါကြောင့်ဒီကဗျာလေးက နှလုံးသားကနေ အနိုင်ယူသွား တဲ့ကဗျာလေးလို့ ဒီလိုပြောရမယ်။ မသေခင်လေး မှာ ဘုရင်ကြီးကိုဆက်သဖို့ဆိုပြီး တည်တည်ငြိမ်ငြိမ် လေးရေးသွား တဲ့ကဗျာလေးက

“ သူတည်းတစ်ယောက်ကောင်းဖို့ရောက်မူ၊ သူတစ်ယောက်မှာပျက်လင့်ကာသာ ဓမ္မတာတည်း”

တစ်ယောက်ကောင်းစားရင်တစ်ယောက်ပျက်တာ ဒါထုံးစံပဲဖြစ်တယ်။ မြန်မာ့နိုင်ငံရေးမှာ ဒီပုံစံဘဲဖြစ်တယ်၊ ရှေးကတည်းက တစ်ယောက်ကောင်းစားရင် တစ်ယောက်ကပျက်စီးပေးရတယ်၊ ပျက်စီးသွားတယ်၊ ဒီလိုအဓိပ္ပာယ်မျိုး၊ လောကမှာဖြစ်နေကျ နိယာမတစ်ခုကို ဓမ္မတာလို့ဆက်ပြီးတော့သူကရေးတယ်၊

”ရွှေအိမ်နန်းနှင့် ၊ ကြငှန်းလည်းစံ ၊ မတ်ပေါင်းရံလျက် ၊ ပျော်စံရိပ်ငြိမ် ၊ စည်းစိမ်မကွာ ၊ မင်းချမ်းသာကား ၊ သမုဒ္ဒရာ ၊ ရေမျက်နှာထက် ၊ ခဏတက်သည် ၊ ရေပွက်ပမာ ၊ တစ်သက်လျာတည်း။“

အင်မတန်မှအဓိပ္ပာယ်ရှိတယ်၊ သူဟာ သူ့ရဲ့ အရှင်သခင်ဖြစ်တဲ့ မင်းယဉ်နရသိင်္ခသတ်လိုက်ပြီး၊ သတ်ပြီးတဲ့ အခါမှာ သူ့ညီအရင်းဖြစ်တဲ့ နရပတီစည်သူက နန်းတက်လာတယ်၊ အဲဒီနန်းတက်လာလို့၊ သူရလာတဲ့ နန်းစည်းစိမ်ကရော ဘယ်လောက်ကြာမှာလဲတဲ့၊
တံစက်မြိတ်ကရေကလေးတွေကျတဲ့ အခါတွေ့ဖူးလိမ့်မယ်၊ ရေလေးစီးနေတဲ့အပေါ်မှာ တစ်စက်မြိတ်က ရေပေါက်ကလေး ကျရင် ဖျက်ခနဲဆိုပြီးတော့ ရေဗူဖောင်းလေးတွေ၊ ဗူဖောင်းလေးတွေထွက်လာတယ်၊ ခဏလေး နေပေါက်ကွဲသွားတာ၊ အဲ့တော့ လူ့လောကမှာ နေကြတာတွေက ခဏလေးပဲလို့ဆိုလိုတယ်၊ ကောင်းစားတဲ့လူဆိုလည်း ခဏလေးပဲ၊ မကောင်းစား တဲ့လူဆိုတာလည်း ခဏလေးပဲ။ ဘယ်လောက်ချမ်းသာတဲ့ ပုဂ္ဂိုလ်ပဲဖြစ်ဖြစ် ခဏလေးပဲ၊ နေ့မြင်ညပျောက်ဆိုတာလို လောကမှာ ပျက်စီးဆုံးရှုံးမှုက အလွန်လျှင်မြန်တယ်။ သက်တမ်းတွေကလည်း အလွန်တိုတယ်၊ ဒါကြောင့်မို့ ဘယ်လောက်ပဲ ချမ်းသာ ချမ်းသာ၊ မင်းချမ်းသာဆိုတာ သမုဒ္ဒရာရေပြင်ထက်က တက်လာတဲ့ အချိန်လေးမှာ ရေပေါက်ကလေးထလို့ ပွက်ခနဲထလာတဲ့ရေပွက်ကလေးလိုတိုတိုလေးပါတဲ့။

❖ သေချာစဉ်းစားကြည့်ရင် လူ့ဘ၀က ခဏလေးဘဲ။ စတုမာရ်ဇ် နတ်ပြည်ရဲ့ နတ်သက်နဲ့ တွက်ကြည့်ရင် လူတွေရဲ့ အနှစ်ငါးဆယ်မှာ စတုမာရ်ဇ် နတ်ပြည်ကတစ်ရက်ရှိ  သေးတယ်။ တာဝတိံသာနဲ့တွက်မယ်ဆိုရင် လူတွေရဲ့ အနှစ်တစ်ရာက တာဝတိံသာမှာ တစ်ရက်ဘဲရှိသေးတယ်၊ အဲ့တော့ တာဝတိံသာနတ်ပြည်ကနေ လူတွေ ကိုကြည့်လိုက် မယ်ဆိုရင် အခုဘဲမွေး၊ အခုဘဲအို၊ အခုဘဲ အဘိုးကြီးဖြစ်၊ အခုဘဲသေသွားတယ်လို့ ဒီလိုထင်မှာ၊ တစ်ခါတုံးက Salmon ဆိုတဲ့ အင်္ဂလိပ်စာအုပ်ထဲမှာ လူ့ဘ၀သက်တမ်းလေးကို ဖော်ပြထားတာရှိတယ်၊ စိတ်ဝင်စားဖို့ကောင်းတာက ဘာလဲဆိုတော့ တနင်္ဂနွေနေ့မှာမွေးတယ်တဲ့၊ တနလာင်္နေ့ကျတော့ကျောင်း နေတယ်၊ အင်္ဂါ နေ့ ကျ လပ်ထပ်တယ်၊ ဗုဒ္ဓဟူးနေ့ ကျ နေမကောင်းထိုင်မကောင်းဖြစ်တယ်၊ ကြာသာပတေးနေ့ ကျဆေးရုံတက်တယ်၊ သောကြာနေဂ့ဂသေ၊ စနေနေ့ချ၊ လူတစ်ယောက်ရဲ့အသက်ကိုဖေါ်ပြထားပုံးလေးက ဒီခုနှစ်ရက်ပဲ၊ လူ့ လောကဟာလည်းဒီလိုပြောရလောက်အောင် ခုနှစ်ရက်ထဲမှာပဲ မွေးတစ်နေ့ သေတစ်နေ့ ဆိုတာလို အလွန်တိုတောင်းတဲ့ အခြေအနေလေးတစ်ခုရှိတယ်ပေါ့၊

❖အဲဒီလိုတိုတောင်းနေတာဖြစ်သောကြောင့် သူ့ါဖို့ က လူ့ ဘဝ နေရလဲ ဘာမှမကြာတဲ့အကြောင်း၊ ဒါတွေကို ကမ္မဌာန်းအာရုံနဲ့ သူကြည့်လိုက်တဲ့အခါမှာ လူ့ သက်တမ်းဆိုတာ အလွန်တိုတယ်ပေါ့။ လူ့ ချမ်းသာဆိုတာလည်း ဘယ်လောက်မှမရှိပါဘူးလို့ သံဝေဂစကားပြောတာ၊သူဟာသေရဲ တယ်ပေါ့၊နံပါတ်သုံး ဆက်လက်ပြီးတော့ ရေးတဲ့ကဗျာလေးကဘာတုန်းဆိုတော့

“ ကြင်နာသနား ငါ့အားမသတ် ခုလွှတ်လည်း မလွတ်ကြမ္မာ လူတကာတို့ “

သူ့ ကို သနားလို့ အခုမသတ်ဘဲနဲ့လွှတ်လိုက်ဦးတဲ့၊ လွှတ်လိုက်လို့ ရှိရင် ၊ သူ မလွတ်နိုင်တာက ဘာလဲ?

“ခန္ဓာခိုင်ကြည် ၊ အတည်မမြဲ ၊ ဖောက်လွဲတတ်သည် ၊ မချွတ်စသာ ၊ သတ္တဝါတည်း။“

သူဟာသေမှာသေချာတဲ့သတ္တဝါတစ်ဦးပါတဲ့၊ ခုချိန်မှာသူ အပြစ်ကလွတ်ပြီး မသတ်လဲ တစ်နေ့ ကျတော့ သူဟာသေရမယ့်လူပဲလို့ ဒီလိုဆိုပြီးတော့၊ လက်တုန့် ပြန်တာတွေမလုပ်ဘူး၊ အပြစ်ယူတာတွေလည်းမလုပ်ဘူး၊
ဒါ့ကြောင့်နံပါတ်လေး ကဗျာပိုဒ်ကျတော့၊

“ရှိခိုးကော်ရော် ၊ ပူဇော်အကျွန် ၊ ပန်ခဲ့တုံ၏၊”

သူဟာ ဘုရင်ကြီးကို ဦးခိုက်ပြီးပန်ကြားခဲ့ပါတယ်တဲ့၊ ဖွင့်ဆိုပြီးတော့ပြောခဲ့ပါတယ်။

“ခိုက်ကြုံဝိပါက် ၊ သံသာစက်၌ ၊ ကြိုက်လတ်တွန်မူ ၊ တုံ့မယူလို၊“

❖သူ့ ကိုအခုသတ်သည့်အတွက်ကြောင့်ဘယ်တော့မှလက်တုန့် ပြန် ပြီး ဘယ်ဘဝမှာမှ မသတ်ပါဘူး၊ ဘုရင်ကြီးကို ဘယ်တော့မှ လက်တုန့် မပြန်ဘူး လို့ ၊ အရှုံးပေးသွားတာလေ၊ သာမာန်အားဖြင့် ပြောရမယ်ဆိုရင် အရှုံးပေးတယ်လို့ ဆိုရမယ်၊ သို့ သော် သူအနိုင်ရသွားတာပဲ၊
အဲတော့သံသရာထဲမှာ ကြုံတွေ့ ရင်လည်း လက်စားချေတာတွေမလုပ်ပါဘူး၊ ကလဲ့စားချေတာတွေမလုပ်ပါဘူး၊
ကနေ့ ခေတ် လူတွေက ကလဲ့စားချေတာတွေသိပ်များတယ်ပေါ့၊ ဇာတ်လမ်းဇာတ်ကွက်တွေကြည့်၊ ရုပ်ရှင်ရိုက်တာတွေကို ကြည့်၊ အထူးသဖြင့် India ဇာတ်ကားတွေမှာ လူဆိုးကနှိပ်ဆက်တယ်၊ ပြီးရင်ပြန်ပြီးတော့ ကလဲ့စားချေတယ်၊ ဆိုတဲ့ ဇာတ်လမ်းတွေပဲများတယ်၊ ကလဲ့စားချေတာတွေကို Revenge လို့ ခေါ်တယ်၊
လောကကြီးက အဲဒီ ကလဲ့စားချေပြီး အနိုင်ယူတာကိုပဲ အကောင်းလို့ ထင်တယ်၊ အခုကြည့်  အနန္တသူရိယ အမတ်ကြီးက သူဘာပြောသွားလဲ? ကြုံကြိုက်လာရင်လည်းလက်တုန့် မပြန်ပါဘူးတဲ့။

"ကြည်ညိုစိတ်သန် ၊ သခင်မွန်ကို ၊ ချန်ဘိစင်စစ် ၊ အပြစ်မဲ့ရေး ၊ ခွင့်လျှင်ပေး၏ ၊ သွေးသည်အနိစ္စာ ၊ ငါ့ခန္ဓာတည်း။"

❖သူ့ မှာကြည်ညိုတဲစိတ်၊ ကြည်လင်တဲ့စိတ် ဘယ်တော့မှ မပြတ်ပါဘူး။ဘုရင်မင်းမြတ်အပ်ါမှာ ဘယ်တော့မှအပြစ်မယူပါဘူး၊ ငါ့ကိုလုပ်တာ တစ်နေ့ ကျသူခံရမယ်ဆိုတာမျိုးလည်းသူ့ မှာမရှိဘူး၊ သူခွင့်လွှတ်တယ်ပေါ့၊ ဒါက့ုဂံခေတ်က စာပေတောင်များများ မထွန်းကားသေးတဲ့ သက္ကရာဇ် (၅၃၆) ခုနှစ်မှာ ရေးခဲ့တဲ့ကဗျာလေးတစ်ပုဒ်ပဲ၊ အဲတာက အရှုံးပေးသူကအနိုင်ရသွားခြင်းပဲဖြစ်တယ်ပေါ့၊ဒါဟာအောင်မြင်ခြင်းတစ်ခုပဲပေါ့၊ တကယ့်ကို သူတော်ကောင်းတွေရဲ့အောင်နိုင်ခြင်းမျိုး အောင်နိုင်သွားတယ်လို့ ဒီလိုဆိုလိုတယ်၊ ဒီလို အနိုင်မျိုးကို မြတ်စွာဘုရားသခင်လိုလားတဲ့ အနိုင်ရနည်းကားပဲဖြစ်တယ်၊

သို့ သော်လောက ပုထုဇဉ် သတ္တဝါတွေက ကိုယ့်လုပ်ရင် ပြန်လုပ်ရမယ်ဆိုတဲ့စိတ်ဆွဲနေကြတယ်ပေါ့၊ မဟုတ်မခံ ကိုယ့်ထိရင် ကတ်ကတ်လန် ပြန်ရန်တွေ့ မယ်၊ ပြန်ချမယ်ဆိုတဲ့စိတ်ဓာတ်မျိုးတွေပဲ မွေးနေကြတာဖြစ်တယ်၊တကယ်တော့အနိုင်ရခြင်းမဟုတ်ဘဲတုန့် ပြန်တာဟာ အရှုံးသာဖြစ်တယ်လို့ မြတ်စွာဘုရားရဲ့ဒေသနာတွေအရမှတ်သားနားလည်ကြရမှာဖြစ်တယ်ပေါ့။
ပါမောက္ခချုပ်ဆရာတော်ကြီးဟောကြားသော အရှုံးပေးသူက အနိုင်ရခြင်းတရားဒေသနာတော်မှ
#AshinNandamalabhivamsa
www.drnandamalabhivamsa.com.mm
❖မျက်ဖြေလင်္ကာ❖
“❖သူတည်းတစ်ယောက် ၊ ကောင်းဖို့ရောက်မူ ၊ သူတစ်ယောက်မှာ ၊ ပျက်လင့်ကာသာ ၊ ဓမ္မတာတည်း ။
❖ရွှေအိမ်နန်းနှင့် ၊ ကြငှန်းလည်းစံ ၊ မတ်ပေါင်းရံလျက် ၊ ပျော်စံရိပ်ငြိမ် ၊ စည်းစိမ်မကွာ ၊ မင်းချမ်းသာကား ၊ သမုဒ္ဒရာ ၊ ရေမျက်နှာထက် ၊ ခဏတက်သည် ၊ ရေပွက်ပမာ ၊ တစ်သက်လျာတည်း ။
❖ကြင်နာသနား ၊ ငါ့အားမသတ် ၊ ယခုလွှတ်လည်း ၊ မလွတ်ကြမ္မာ ၊ လူတကာတို့ ၊ ခန္ဓာခိုင်ကြည် ၊ အတည်မမြဲ ၊ ဖောက်လွဲတတ်သည် ၊ မချွတ်စသာ ၊ သတ္တဝါတည်း ။
❖ရှိခိုးကော်ရော် ၊ ပူဇော်အကျွန် ၊ ပန်ခဲ့တုံ၏ ၊ ခိုက်ကြုံဝိပါက် ၊ သံသာစက်၌ ၊ ကြိုက်လတ်တွန်မူ ၊ တုံ့မယူလို ၊ ကြည်ညိုစိတ်သန် ၊ သခင်မွန်ကို ၊ ချန်ဘိစင်စစ် ၊ အပြစ်မဲ့ရေး ၊ ခွင့်လျှင်ပေး၏ ၊ သွေးသည်အနိစ္စာ ၊ ငါ့ခန္ဓာတည်း။“
အနန္တသူရိယ