((( ကိုသောင်းဖေရဲ့တင်ပြချက်)))
" ဟုတ်ကဲ့၊ ဟွာ---ခုနက ပြောခဲ့သလိုပေါ့ဗျာ---ကျုပ်---အဲလေ---ကျနော့်ကို ပေးအပ်လာမယ့် ဂျူတီများကို ကျေးရွာအုပ်ချုပ်ရေးမှုတစ်ယောက် အနေနဲ့ ကျေပွန်အောင် ထမ်းဆောင်ပါ့မယ် လို့ ပရောင်းမစ်ပေးပါတယ်---"
ပြီးခဲ့တဲ့လက ရွေးချယ်လိုက်သော အုပ်ချုပ်ရေးမှူးအသစ်က အစည်းအဝေးဆိုသဖြင့် ကိုသောင်းဖေ အစည်းအဝေးတက်ရောက်ကာ နားထောင်နေခြင်းဖြစ်သည်။
ကိုသောင်းဖေက သူနားမလည်သည့်စကားလုံးများကို ဘေးက ကိုချက်ဖောင်းကို မေးရသည်။ ကိုချက်ဖောင်းဆိုတာ အမြဲလိုလို စာအုပ်ခါးထိုးထားသူ မဟုတ်လား။
" ကိုချက်ဖောင်း---သူပြောတဲ့ 'ဂျူတီ'ဆိုသာ ဘာတုန်းဗျ"
" ဟာ---ကိုသောင်းဖေကလည်း ကျုပ်လည်း ဘယ်သိမှာတုန်းဗျ၊ အင်း---မနက်ကတော့ ရွာထိပ်မှာ ကားတစ်စီးတွေ့ခဲ့သယ်၊ ကျုပ်အထင်တော့ ဂျူတီတွေတင်လာသာ ထင်သာပဲ၊ အဟွာ---မြေဆီအိတ်တွေနဲ့တော့ ခပ်ဆင်ဆင်ပဲဗျ "
ကိုချက်ဖောင်းက သူ့အထင်တွေးတွေးဆဆ ပြောသည်။ ကိုသောင်းဖေက ခေါင်းတညိမ့်ညိမ့်။
" ဒါဖြင့် ဟို'ပရောင်းမစ်'ဆိုသာကရော"
" အင်း---ကျုပ်အထင်တော့ အဲ့ဒါက ပြောင်ဖူးမစ်လိုဟာမျိုး ထင်သာပဲဗျ၊ အစည်းဝေးပြီးရင် ပေးမလားမသိဘူး "
အုပ်ချုပ်ရေးမှူးက 'ကတိပေးပါတယ်'ပြောတဲ့ ပရောမစ် ကို သူတို့နားလည်သလို ဘာသာပြန် ကြခြင်းဖြစ်သည်။ ကိုချက်ဖောင်း နွားကျောင်းသွားရင်လည်း စာအုပ်တစ်အုပ်နှင့်မို့ သူပြောတာမှန်နိုင်သည်ဟု ကိုသောင်းဖေတွေးသည်။
" အခု ကျနော်တို့နိုင်ငံကြီး ချိန်းဖို့ဆိုရင် နိုင်ငံသားတစ်ယောက်ချင်းစီက 'ချိန်း'လုပ်ဖို့ လိုအပ်ပါတယ်။
အဟွာ---- ကိုယ့်ရပ်ကိုယ့်ရွာ တိုးတက်ဖို့ဆိုရင် ရွာသူရွာသားတွေကိုယ်တိုင် အဟွာပြုဖို့ လိုပါတယ်။ ဟွာပေါ့---ကျနော်တို့ရွာမှာ အက်ဂျူကိတ်တွေရှိဖို့ လိုပါတယ် "
ကျေးရွာအုပ်ချုပ်ရေးမှူးအသစ်က သူပြောချင်တာတွေကို ပြောနေရင်း မှတ်ထားသော အင်္ဂလိပ်စကားနှစ်လုံးသုံးလုံး ကိုလည်း ပြောဖြစ်အောင်ထည့်ပြောသည်။
မတင်ရွှေက အစည်းအဝေးတက်လိုက်ဦး ဆိုလို့သာ လာခဲ့ရသည်။ ဘာအစည်းအဝေးမှန်း ကိုသောင်းဖေမသိ။ ဘေးက ကိုချက်ဖောင်းက တော့ အာရုံစိုက်သလိုလုပ်နေသည်။
" ဒါနဲ့ ဟို "ချိန်းလုပ်ရမှာ" တို့ " အက်ဂျူကိတ်ဖြစ်ဖို့" တို့ဆိုသာက ဘာပြောသာတုန်း ကိုချက်ဖောင်းရ"
ကိုချက်ဖောင်းက ကွမ်းတံတွေးကို သူ့ဘေးနား တိုင်ခြေကို ပျစ်ခနဲထွေးချလိုက်သည်။
" ချိန်းဆိုတာ---ဟွာပေါ့ ကိုသောင်းဖေရာ---ကျုပ်တို့ စက်ဘီးတွေမှာ ချိန်းကြိုးတွေ ပါသမှုတ်လား "
" အင်း----ပါသယ်လေ "
"အဲ့သည်ချိန်းကြိုးတွေရှိအောင်လုပ်ရမှာလို့ပြောသာ ထင်သယ်ဗျ၊ အမေရိကန်ဒေါ်လာဈေးလည်း တက်နေသယ်လေ"
အုပ်ချုပ်ရေးမှူးပြောသည့် ပြောင်းလဲရန်လိုအပ်ကြောင်းစကားက ကိုချက်ဖောင်းနှင့် ကိုသောင်းဖေအတွက် စက်ဘီးချိန်းကြိုးသာဖြစ်သည်။ ကိုချက်ဖောင်းက ဘာမှလည်းမဆိုင်ဘဲ အမေရိကန်ဒေါ်လာ ဈေးတက်တာကို ထည့်ပြောလိုက်သေးသည်။
" သြော်---ဒါဆို ချိန်းကြိုးတွေ အဝယ်လိုက်မယ့် သဘောပါ့၊ အင်း---မတင်ရွှေကို ချိန်းကြိုးများများ ရှာခိုင်းထားဦးမှပါ "
ကိုသောင်းဖေကလည် အမေရိကန်ဒေါ်လာဈေး နှင့် ချိန်းကြိုးကို သူနားလည်သလို ဆက်စပ်တွေး လိုက်သည်။
" အင်း---အက်ဂျူကိတ်ဖြစ်ဖို့လည်းလိုသတဲ့-- ကိုချက်ဖောင်းရ။ ဒီအုပ်ချုပ်ရေးမှူးက ပညာတတ်တော့ စကားလုံးတွေကလည်း အဆင့်မြင့်သာ၊ နားကိုမလည်တော့ဘူး၊ ပြောပါဦး ကိုချက်ဖောင်းရ၊ အက်ဂျူကိတ်အကြောင်းလေး "
" ခင်ဗျားကလည်း အမေးအမြန်းထူသာဗျာ၊ အုပ်ချုပ်ရေးမှူးပြောတာတွေကို နားမထောင်ရတော့ဘူး "
" ကိုချက်ဖောင်းကလည်း မသိလို့ မေးတဲ့ဟာကို"
" အဲ့ဒီ အက်ဂျူကိတ်ဆိုတာ နိုင်ငံခြားကလာတဲ့ ကိတ်မုန့်လို့ကြားဖူးတာပဲဗျ၊ ကျုပ်တို့နိုင်ငံက ရွှေဘိုဝင်းကိတ်တို့၊ နန်းစိန်ကိတ်တို့လိုလားတော့ မပြောတတ်ဘူး၊ ဒါပေမယ့် တစ်ခါစားထားရင် အကြာကြီးနေနိုင်တယ်ဆိုပဲ ကိုသောင်းဖေရ "
" သြ---အတော်လည်းဈေးကြီးမှာပါ့ မောင်ရာ"
" အင်း----ဒါပေါ့ ဒါပေါ့ "
ကိုသောင်းဖေနှင့် ကိုချက်ဖောင်းက အတိုင်အဖောက်ညီနေကြသည်။ အုပ်ချုပ်ရေးမှူးက ဘာတွေပြောသွားမှန်းမသိ။
" ဟွာပေါ့---ကျနော် ခုနကပြောသလို---ကျနော့်အုပ်ချုပ်နေချိန်ကာလအတွင်းမှာ ရပ်မိရပ်ဖများအနေနဲ့ မိမိတို့မကြိုက်တာကို ကျနော့်ကို ပွင့်ပွင့်လင်းလင်းတင်ပြနိုင်ပါတယ် "
ကိုယ်မကြိုက်တာကို ပြောနိုင်တယ်ဆိုတော့ နားထောင်နေတဲ့လူတွေ လှုပ်လှုပ်ရွရွဖြစ်သွား သည်။ ကိုသောင်းဖေက ကိုချက်ဖောင်းကို တစ်ချက်လှမ်းကြည့်တော့ ကိုချက်ဖောင်းက လွယ်အိတ်ထဲကို တစ်ခုခုရှာသလိုလုပ်နေသည်။
" ကိုချက်ဖောင်း---အုပ်ချုပ်ရေးမှူးကတော့ ကိုယ်မကြိုက်တာ ပွင့်ပွင့်လင်းလင်း ပြောလို့ရတယ် ပြောနေတယ်ဗျ၊ ဘယ်သူမှလည်း ထမပြောကြပါလား "
" ဘယ်သူမှမပြော ခင်ဗျားပြောဗျာ---ကိုသောင်းဖေ၊ ချ---ဘာမှဖြစ်ပါဘူးဗျ၊ ဒီမိုကရေစီ ခေတ်ပဲဟာ "
ကိုသောင်းဖေ တစ်ချက်တွေသွားသည်။ " ပြောစရာရှိ ထသာပြောခဲ့" ဆိုသော မတင်ရွှေစကားကို နားထဲပြန်ကြားကာ လူက မတ်တတ်ထရပ်လိုက်မိတော့သည်။
" ဟော---ကိုသောင်းဖေ---ဘာများပြောစရာရှိသလဲ ပြောပါ ပြောပါ "
" ဟို---အဟွာ--အုပ်ချုပ်ရေးမှူးက ကိုယ်မကြိုက်တာကို ပွင့်ပွင့်လင်းလင်းပြောပါ ဆိုလို့ပါ "
" ဟုတ်ပါတယ် ဟုတ်ပါတယ်---ပြောပါ "
" အဟွာ--- အဟမ်း----"
ကိုသောင်းဖေက လည်ချောင်းတစ်ချက်ရှင်းလိုက်ကာ အောက်ကိုဝေ့ကြည့်တော့ အားလုံးက စိတ်ဝင်တစား နားထောင်နေကြသည်။
" ကျုပ် ကျုပ်မကြိုက်တာ ပြောရမယ်ဆိုရင်---
ကျုပ်--- ကြက်ဟင်းခါးသီးချက် မကြိုက်ဘူး "
" ဟမ်---အဲ---"
" နောက် နောက်ပြီး---ဒညင်းသီးတို့ ဒူးရင်းသီး တို့လည်း မကြိုက်ပါဘူးခင်ဗျ၊ အဟွာ---နောက်ပြီး ထပ် ထပ်ပြောလို့ ရ ရသေးလား "
ကိုသောင်းဖေက သူ့စကားကို ခဏရပ်ရင်း အုပ်ချုပ်ရေးမှူးကို လှမ်းမေးသည်။ အုပ်ချုပ်ရေးမှူးလည်း ဘာပြောရမှန်းမသိသဖြင့် " ရပါတယ် ရပါတယ်" ဟုသာ ပြောလိုက်သည်။
" တ တကယ်လို့ အုပ်ချုပ်ရေးမှူးအနေနဲ့ ပရောင်းမစ်တို့ အက်ဂျူကိတ်တို့ ဝေရင် ကျနော့်မိန်းမ မတင်ရွှေအတွက် တစ်ခုစီလောက် အပိုပေးပါ လို့ အဲ အဲ့ဒါ အဲ့ဒါလေး "
ကိုသောင်းဖေက သူမကြိုက်တာ၊ သူတောင်းဆိုချင်တာများ ပြောပြီး ပြန်ထိုင်သွားတော့ အောက်က နားထောင်နေတဲ့လူများကလည်း "ကိုသောင်းဖေကွ"ဟုဆိုကာ ဘာရယ်ညာ ရယ်မသိလက်ခုပ်ဝိုင်းတီးကြသည်။
ကိုသောင်းဖေပြောပြီးသည်နှင့် အုပ်ချုပ်ရေးမှူးလည်း အစည်းအဝေးကို ချက်ချင်းရုပ်သိမ်းလိုက်ရတော့သည်။
တော်ကြာ---ကျန်တဲ့ လူတွေကလည်း ကိုသောင်းဖေလို သူတို့မကြိုက်တာတွေ ထပြောနေရင်ခက်ရချည်ရဲ့လေ။
အရှင်ကောသလ္လ(ရေဦး)
၃၀၊ ၅၊ ၂၀၁၆။
( ဝန်ခံချက်။ သူငယ်ချင်းတစ်ယောက်ပြောပြသော ဟာသတစ်ခုကို မှီငြမ်းထားပါသည် )
No comments:
Post a Comment