စကားကြီး(၃)ခွန်း
■ မြစ်ကြီးလည်း မခန်းပါစေနဲ့ ■
■ သစ်ပင်ကြီးလည်း မလဲပါစေနဲ့ ■
■ ထုံးအိုးကြီးလည်း မကွဲပါစေနဲ့ ■
■ " မြစ်ကြီးလည်း မခန်းပါစေနဲ့" ဆိုတာ အေးမြသောစမ်းရေလို ကြည်ကြည်လင်လင် တသွင်သွင်စီးဆင်းနေတဲ့ မေတ္တာမြစ်ကြီး ဆိုလိုတာပါ ။လူလူချင်း မေတ္တာထားကြ။ မေတ္တာတရားတွေ ပွားများကြ။ မေတ္တာတွေ မခန်းကြစေနဲ့ဆိုတဲ့ အဓိပ္ပါယ်ပဲ။
■ "သစ်ပင်ကြီးလည်း မလဲပါစေနဲ့" ဆိုတာ သစ်ပင်ကြီးဟာ အခက်အလက်အရွက်တွေ ဝေဝေဆာဆာနဲ့ အရိပ်အာဝါသကို ပေးတယ်။ ထို့အတူပဲ ဘုရား၊ တရား၊ သံဃာ ရတနာသုံးပါးရဲ့ အရိပ်အာဝါသကောင်းကို ခိုလုံရလို့လည်း ကြီးပွားချမ်းသာခြင်းကိုရတယ်။ ဒီအရိပ်အာဝါသတွေကို မဖျက်ဆီးမိဖို့ ကျေးဇူးမကန်းမိဖို့ သတိထားရပါလိမ့်မယ်။
သစ်ပင်ကြီးကို ခုတ်လှဲပစ်ခြင်းဟာ အရိပ်အာဝါသကို ဖျက်ဆီးရာရောက်တာပဲ။ ဒါ့ကြောင့် သစ်ပင်ကြီးလည်း မလဲအောင် ကြိုးစားထိန်းသိမ်းကြ။
■ "ထုံးအိုးကြီးလည်း မကွဲပါစေနဲ့ " ဆိုတာကတော့ ရိုးရာဓလေ့ ထုံးစံတွေကို ပြောတာပါ။ မိဘဘိုးဘွားလက်ထက်ကတည်းက လိုက်နာကျင့်သုံးလာကြတဲ့ ယဉ်ကျေးမှုထုံးတမ်းစဉ်ကောင်းတွေ မပျောက်ပျက်ရအောင် ထိန်းသိမ်းပြီး ဗုဒ္ဒဘာသာဓလေ့ ယဉ်ယဉ်ကျေးကျေး
သိမ်သိမ်မွေ့မွေ့ နေထိုင်ကြ။
( ရွှေဥမင်ဆရာတော် )
---------------------------
No comments:
Post a Comment