မုဒိမ်းမှုကို ဘာသာရေးအစိတ်အပိုင်းတစ်ခုအဖြစ် ပြဌာန်းနေသော အစ္စလမ္မစ်စတိတ်

မုဒိမ်းမှုကို ဘာသာရေးအစိတ်အပိုင်းတစ်ခုအဖြစ် ပြဌာန်းနေသော အစ္စလမ္မစ်စတိတ်

အသက် ၁၂ နှစ် အရွယ် မိန်းကလေးငယ်ကို မုဒိမ်းမကျင့်မီ အခိုက်အတန့်လေးမှာပင် အစ္စလမ္မစ်တိုက်ခိုက်ရေးသမားက ၎င်းမှ မုဒိမ်းကျင့်မည့်လုပ်ရပ်မှာ အပြစ်တစ်ခုမဟုတ်ကြောင်း အချိန်ယူရှင်းပြလိုက်သေးသည်။ ဆယ်ကျော်သက်အရွယ်ပင်မရှိသေးသော မိန်းကလေးသည် အစ္စလာမ်မဟုတ်ဘဲ အခြားဘာသာတစ်ခုကို ကိုးကွယ်သည့်အတွက် ကုရ်အာန်၌ ၎င်းကို မိန်းကလေးအား မုဒိမ်းကျင့်ခွင့်ပေးယုံသာမက ထိုအပြုအမူကို လက်လည်းခံ၊ အားလည်းပေးသည် ဟု ထိုသူက အတင်းအကြပ်ပြောကြားသည်။

ထိုသူက မိန်းကလေး၏လက်များကို ကြိုးတုတ်ပြီး ပါးစပ်ကို အဝတ်တစ်ခုဖြင့် ပိတ်စည်းထားသည်။ ထို့နောက် ကုတင်ဘေးတွင် ဒူးထောက်ကာ နဖူးကြမ်းထိအောင်အလ္လာဟ်အရှင်မြတ်အား ဝပ်ပြုဆုတောင်းသည်။ ထို့နောက်တွင် မိန်းကလေးကို ဗလက္ကာယပြုကျင့်လိုက်တော့သည်။

ထိုကိစ္စပြီးသည်နှင့် ထိုသူမှ ယခင်ပုံစံအတိုင်း ဒူးထောက်ဝတ်ပြုဆုတောင်းပြန်သည်။ ဘာသာရေးကြည်ညိုမှုနှင့် မုဒိမ်းမှုကို ယှဉ်တွဲနေသည့်သဘောပြုမူလိုက်ခြင်းပင်။

"သမီး နာကျင်လှတဲ့အကြောင်း ပြောပြောနေခဲ့တာပါ — ရပ်ပါတော့ လို့" ဟု အရွယ်သူတစ်ယောက် လက်နှစ်ဖက်နှင့် ဆုပ်လိုက်လျှင်ပင် သူမခါးကို တစ်ပတ်ထိရလောက်အောင် ခန္ဓာကိုယ်သေးငယ်လှသည့် မိန်းကလေးက ပြောကြားသည်။ "သူက သမီးကို ပြောပါတယ်။ အစ္စလာမ်အရ သူက ကာဖိရ်တစ်ယောက်ကို မုဒိမ်းကျင့်ခွင့် ရှိပါတယ် တဲ့။ သူကပြောသေးတယ်။ မုဒိမ်းကျင့်လိုက်ခြင်းအားဖြင့် သူက အလ္လာဟ်အရှင်နှင့် ပိုပိုနီးနီးသွားပါတယ် တဲ့" ဟု ၁၁ လ ကြာ ဖမ်းဆီးခံထားရာမှ လွတ်မြောက်လာပြီး ဒုက္ခသည်စခန်းတစ်ခု၌ နေထိုင်လျက်ရှိသော မိန်းကလေးက သူမ၏မိသားစုနှင့်အတူ တွေ့ဆုံမေးမြန်းမှုကို ဖြေကြားသည်။

အစ္စလမ္မစ်စတိတ်အဖွဲ့အတွင်း ကျွန်ပြုမှုကို ပြန်လည်အသက်သွင်းပြီဟု အစွန်းရောက်ဘာသာရေးအယူဝါဒစွဲ အစ္စလမ္မစ်စတိတ်အဖွဲ့မှ ယမန်နှစ်က ကြေငြာခဲ့ပြီးသည့်နောက်ပိုင်း လူနည်းစု ယာဇီဒီဘာသာဝင် အမျိုးသမီးများ နှင့် မိန်းကလေးများမှာ အစ္စလမ္မစ်စတိတ်အဖွဲ့သားများ၏ စနစ်တကျကြိုတင်စီမံပြီး မုဒိမ်းကျင့်မှုများကို ခံနေရကာ ၎င်းတို့၏လက်မှ ရုန်းမထွက်နိုင်ဖြစ်နေရသည်။ အစ္စလမ္မစ်စတိတ်လက်မှ လွတ်မြောက်လာသော ၂၁ ဦးသော အမျိုးသမီးများ နှင့် မိန်းကလေးများအား တွေ့ဆုံမေးမြန်းမှုများအရ နှင့်  အစ္စလမ္မစ်စတိတ်အဖွဲ့၏ တရားဝင်ပြန်ကြားရေးမီဒီယာများကို သေသေချာချာစောင့်ကြည့်လေ့လာမှုများ အရ မုဒိမ်းမှုကို ၎င်းတို့သက်ဝင်ယုံကြည်မှု၏ အဓိကအပိုင်းကဏ္ဍအဖြစ် ပြဌာန်းထားသည်ကို တွေ့ရသည်။

ယာဇီဒီ အမျိုးသမီးများနှင့် မိန်းကလေးများအား လူကုန်ကူးခြင်းကို အခြေခံအဆောက်အအုံများ ခိုင်ခိုင်မာမာဖန်တီး၍ လုပ်ဆောင်ခဲ့ခြင်းဖြစ်သည်။ မိန်းကလေးများအား ထားရှိရန် နေရာကျယ်များကိုလည်း ကွန်ယက်ချိတ်၍ ထားရှိသည်။ မိန်းကလေးများအား စစ်ဆေးရန် နှင့် ဈေးကွက်တင်ရောင်းချရန် အခန်းများလည်း ထားရှိသည်။ မိန်းကလေးများအား သယ်ပို့ရန် ကားများကိုပင် ကြိုတင်စီမံထားရှိပြီးဖြစ်သည်။

ယာဇီဒီခေါင်းဆောင်များ၏အဆိုအရ ယမန်နှစ်က ယာဇီဒီစုစုပေါင်း ၅၂၇၀ ဦး ဖမ်းဆီးခေါ်ဆောင်ခြင်း ခံခဲ့ရပြီး အနည်းဆုံး ၃၁၄၄ ဦး မှာ ဖမ်းဆီးခံနေရဆဲဖြစ်သည်။ ယာဇီဒီ အမျိုးသမီးများကို ကိုင်တွယ်ရန် အစ္စလာမ်စတိတ်မှ လိင်ကျွန်ပြုရေး အသေးစိပ်ဗျူရိုကရေစီယန္တရားကို ချမှတ်ထားပြီး အိုင်ဆစ်၏ အစ္စလမ္မစ်တရားရုံးများမှ အသိသက်သေပြု ရောင်းဝယ်စာချုပ်များပင် ပါဝင်သည်။ ထို့အပြင် ရှေးရိုးစွဲမူဆလင်အသိုင်းအဝန်းများတွင် "တာရှည်လက်တွဲခြင်းမဟုတ်ဘဲ ကြုံခိုက် လိင်ဆက်ဆံခြင်း" (casual sex) ကို ဘာသာရေးအရ ခွင့်မပြုဘဲ "တစ်နေရာရာ၌ ချိန်းတွေ့ခြင်း" (dating) ကိုလည်း တားမြစ်ထားသည်ဖြစ်ရာ ၎င်းအသိုင်းအဝန်းများမှ ယောက်ျားသားများကို အဖွဲ့ဝင်သစ်များအဖြစ်ဆွယ်ရာ၌  မုဒိမ်းမှုကို ကိရိယာအဖြစ် အသုံးပြုလာသည်။ 

အစ္စလမ္မစ်စတိတ်၏ အဖွဲ့တွင်း ဝါဒရေးရာစာစောင်များ နှင့် ဘာသာအယူဝါဒဆိုင်ရာ ဆွေးနွေးပွဲများက ကျွန်ပြုမှုကို လမ်းညွှန်ချက်များပေးသည်။ ဇူလိုင်လအတွင်းက အစ္စလမ္မစတိတ်သုတေသန နှင့် ဖာ့တဝါ(အစ္စလာမ်အမိန့်)ဌာန က ထုတ်ပြန်သော လက်စွဲစာစောင်၌ မည်သို့မည်ပုံ ကျွန်ပြုနိုင်သည့်နည်းလမ်းများကို ရှည်ရှည်လျားလျား ရေးသားထားသည်။ အိုင်ဆစ်ခေါင်းဆောင်ပိုင်းက ကုရ်အာန် နှင့် အခြားသော အစ္စလမ္မစ်ဖြတ်ထုံးများမှ လိုရာကိုသာ ကွက်ကွက်လေးဖော်ပြ၍ မုဒိမ်းမှုသည် အကြမ်းဖက်မှု မမြောက်သည်သာမက ဘာသာရေးအရကုသိုလ်ပြုသည်မည်ကြောင်း၊ ပြုလုပ်ထိုက်သည့်အကြောင်း စိတ်ဓာတ်ရေးရာ မြှင့်တင်မှုပါ ပြုလုပ်လေ့ရှိသည်။

"သူ သမီးကို မုဒိမ်းကျင့်ဖို့လာတိုင်း ဆုတောင်းလေ့ရှိတယ်" ဟု ပြီးခဲ့သည့်နှစ်က စင်ဂျာတောင်တန်း၌ အစ္စလမ္မစ်စတိတ်၏ ဖမ်းဆီးခြင်းကို ခံရပြီး အသက် ၂၀ ကျော်အရွယ် အီရတ်လူမျိုး အစ္စလမ္မစ်စတိတ်တိုက်ခိုက်ရေးသမားတစ်ဦးထံ ရောင်းချခြင်းခံခဲ့ရသူ အသက် ၁၅ နှစ် အရွယ် မိန်းကလေး "F" က ပြောကြားသည်။ The New York Times မှ တွေ့ဆုံမေးမြန်းပြီးဖြစ်သော အခြားမိန်းကလေးများကဲ့သို့ပင် မုဒိမ်းမှုနှင့်ဆက်စပ်သော အရှက်တရားကြောင့် မိန်းကလေးသည်လည်း သူမအမည်၏ ပထမဆုံးစကားလုံးကိုသာ အသိပေးချင်ပုံရသည်။

"သမီးကို သူပြုကျင့်တာက 'အီဒါဘာဟ်' လို့ သူက ပြောတယ်" ဟု အစ္စလမ္မစ်ကျမ်းစာများပါ 'ဝတ်ပြုသည်' ဟု အဓိပ္ပါယ်ရသော 'အီဒါဘာဟ်' ဟူသော စကားလုံးကိုသုံး၍ မိန်းကလေးက ပြောပြသည်။

"သမီးကိုမုဒိမ်းကျင့်တယ်ဆိုတာက အလ္လာဟ်ကိုဝတ်ပြုတာလည်းဖြစ်တယ်လို့ သူကသမီးကိုပြောတယ်ရှင့်။ သမီးက သူ့ကိုပြောတယ်ရှင့်။ "ခင်ဗျား ကျွန်မကိုလုပ်တာတွေက မှားတယ်။ ဒါက အလ္လာဟ်ဆီကို နီးနီးကပ်ကပ်ဖြစ်အောင် ပို့ဆောင်မပေးနိုင်ပါဘူး' ဒီတော့ သူက ပြန်ပြောတယ်ရှင့်။ 'မဟုတ်ဘူး။ ဒီလိုလုပ်ဖို့ (အစ္စလာမ်မှာ) ခွင့်ပြုထားတယ်။ ဒါက 'ဟာလာလ်' ဖြစ်ပါတယ်' " ဟု ၉ လ နီးပါးကြာအောင် ကျွန်ပြုခံနေရရာမှ လူမှောင်ခိုကူးသူများ၏ အကူအညီနှင့် ဧပြီလအတွင်းက လွတ်မြောက်လာခဲ့သူ ဆယ်ကျော်သက်က ပြောကြားသည်။

တမင်ကြိုတင်ကြံစည်ထားသော သိမ်းပိုက်အောင်နိုင်မှု

အစ္စလမ္မစ်စတိတ်၏ စစနစ်တကျအကွက်ချ၍ လိင်ကျွန်ပြုခြင်းသည် ၂၀၁၄ ခုနှစ် သြဂုတ်လ ၁၃ ရက်နေ့က တိတိကျကျ စတင်ခဲ့သည်။ ထိုရက်မှစ၍ အစ္စလမ္မစ်စတိတ်တိုက်ခိုက်ရေးသမားများက အီရတ်မြောက်ပိုင်း၊ ညိုမှိုင်းကျောက်ဆောင်များဖြင့် မြေပြင်မညီမညာ စင်ဂျာတောင်တန်း တောင်ဖက်ခြမ်းမှ ကျေးရွာများကို ကျူးကျော်သိမ်းပိုက်ခဲ့သည်။

စင်ဂျာတောင်တန်း၏ တောင်ကြားများ၊ လျှိုမြောင်များသည်က 'ယာဇီဒီ' တို့ နေထိုင်ရာ ဌာနေဖြစ်သည်။ ယာဇီဒီ ဆိုသည်က ယာဇီဒီဘာသာကို သက်ဝင်ယုံကြည်သူ လူနည်းစုဖြစ်ပြီး အီရတ်ခန့်မှန့်လူဦးရေ ၃၄ သန်း၏ ၁.၅ ရာနှုန်း အောက်သာရှိသည်။
စင်ဂျာတောင်တန်းအား ထိုးစစ်ဆင်နွှဲမှုသည် အီရတ်၏ဒုတိယအကြီးဆုံးမြို့ 'မိုဆူးလ်' ကျဆုံးပြီး နှစ်လအကြာ၌ ဖြစ်ပွားခဲ့ခြင်းဖြစ်သည်။ ပထမ၌ စင်ဂျာတောင်တန်းဆီသို့ တောက်လျှောက်ချီတက်လာမှုသည် အစ္စလမ္မစ်စတိတ်တိုက်ခိုက်ရေးသမားများ နယ်မြေချဲ့ထွင်ရန် ကြိုးစားမှုသက်သက်သာဖြစ်မည်ဟု ထင်မြင်ခဲ့ကြသည်။

ချက်ချင်းဆိုသလိုပင် အစ္စလမ္မစ်စတိတ်၏ ယခုတစ်ကြိမ် ရည်ရွယ်ချက်မှာ မိမိတို့အထင်နှင့် မတူညီကြောင်း သိလာကြရသည်။

မိမိတို့ကို ဖမ်းဆီးပြီးပြီးချင်းပင် အမျိုးသားများနှင့် အမျိုးသမီးများကို ခွဲခြားပစ်လိုက်သည်ဟု အစ္စလမ္မစ်စတိတ်လက်ထဲ အသက်မသေဘဲ လွတ်မြောက်လာသူများက ပြောကြားသည်။ မြီးကောက်ပေါက်အရွယ်ကောင်လေးများကို ဝတ်ထားသောအင်္ကျီကို ချိုင်းအထက်ရောက်အောင် မ,စေသည်။ ချိုင်းမွှေးပေါက်သူများကို အဖေ၊ အစ်ကိုများရှိသောအဖွဲ့သို့ ထည့်လိုက်သည်။ တစ်ရွာဝင်တစ်ရွာထွက် ယောက်ျားသားများကို အနီးနားရှိ လယ်ကွင်းပြင်များသို့ မောင်းထုတ်၊ ဇွတ်တရွတ်သွားခိုင်းပြီး ညစ်ပေနေသောမြေပြင်ပေါ် ဝမ်းလျားမှောက်ခိုင်းကာ အနောက်မှ အော်တိုမစ်တစ်သေနတ်များဖြင့် ကျည်ဆံမိုးရွာချကြသည်။

အမျိုးသမီးများ၊ မိန်းကလေးများနှင့် ကလေးများကို ကုန်တင်ကားတစ်စီးပေါ်တင်၍ အဓမ္မခေါ်ဆောင်သွားကြသည်။

"စင်ဂျာတောင်တန်းထိုးစစ်က နယ်မြေသိမ်းပိုက်မှုအောင်ပွဲလိုပဲ လိင်ပိုင်းဆိုင်ရာသိမ်းပိုက်မှုအောင်ပွဲကိုလဲ ဆင်နွှဲလိုက်တာပါ" ဟု ချီကာဂိုတက္ကသိုလ်မှ ယာဇီဒီအရေးကျွမ်းကျင်သူ မက်သယူး ဘာဘာက ပြောကြားသည်။ ပြီးခဲ့သည့်နွေရာသီက သတ်ဖြတ်မှုကြီးစတင်စဉ် မက်သယူး ဘာဘာသည်  စင်ဂျာတောင်တန်းအနီး 'ဒိုဟတ်' မြို့၌ ရှိနေပြီး ၂၀၀၀ ဝန်းကျင်ရှိ လွတ်မြောက်လာသူများကို စိတ်ပိုင်းဆိုင်ရာ အကူအညီပေးရန် ဖောင်ဒေးရှင်းတစ်ခု ထောင်ထားသည်။

သူမမိသားစုဝင် ၉ ဦး လုံး Opel ကားအအိုအဟောင်းကြီးကို တောင်ပေါ်လွန်းထိုးရထားလမ်းများအတိုင်း မြန်နှုန်းအကုန်တင်မောင်းကာ ထွက်ပြေးရန်ကြိုးစားခဲ့ကြသည်ဟု အသက် ၁၅ နှစ်အရွယ် F က ပြောကြားသည်။ တစ်နေရာတွင် ကားက အင်ဂျင်ပူလွန်း၍ စက်ရပ်သွားသည်။ လက်နက်များအပြည့်အစုံကိုင် အစ္စလမ္မစ်စတိတ်တိုက်ခိုက်ရေးသမားများ လိုက်ပါလာသော ယာဉ်တန်းက မိန်းကလေး Fတို့ ကို ဝန်းရံလိုက်ချိန်တွင် သူမ၊ သူမ၏မိခင်၊ အသက် ၁၄ နှစ်၊ ၇ နှစ် နှင့် ၄ နှစ် အသီးသီးရှိသော သူမ၏ညီမလေးများတို့မှာ စက်ရပ်သွားသောကားဘေးတွင်သာ စိတ်ပျက်လက်ပျက် မတ်တပ်ရပ်နေလိုက်ရတော့သည်။

"ချက်ချင်းပဲ တိုက်ခိုက်ရေးသမားများက အမျိုးသား နှင့် အမျိုးသမီးကို ခွဲခြားလိုက်ပါတယ်" ဟု သူမက ပြောကြားသည်။ သူမ၊ သူမမိခင် နှင့် သူမ၏ညီမလေးများကို စင်ဂျာတောင်တန်းပေါ်ရှိ အနီးဆုံးမြို့သို့ ပထမခေါ်ဆောင်သွားကြသည်။ "ဟိုရောက်တော့ သမီးကို သမီးအမေနှင့် ထပ်ခွဲလိုက်ပါတယ်။ အသက်ငယ်ငယ်မိန်းကလေးတွေ၊ အပျိုလေးတွေကို ဘတ်စ်ကားတွေပေါ်ကို အတင်းတက်ခိုင်းပါတယ်"

ဘတ်စကားများမှာ အဖြူရောင်ဖြစ်ပြီး ဘေး၌ အစင်းကြားများ ပတ်ထားသည်။ "ဟတ်ဂ်ျ" ဟူသော စကားလုံးလည်း ရေးထားသည်။ အစ္စလမ္မစ်စတိတ်သည် အီရတ်အစိုးရမှ မက္ကာသို့ နှစ်စဉ်ဘုရားဖူးသွားရာ၌ သယ်ပို့ယာဉ်အဖြစ်အသုံးပြုသော ဘတ်စ်ကားများကို သိမ်းယူလာပြီးအသုံးချခြင်းဖြစ်မည်ဟု ခန့်မှန်းကြသည်။ မိမိတို့ လိုက်ပါသော ဘတ်စ်ကားထဲတွင် လူများပြွတ်သိပ်ညပ်နေသဖြင့် တစ်ယောက်ရင်ခွင်ပေါ်တစ်ယောက် တက်ထိုင်ကြရသည်ဟု မိန်းကလေး F က ပြောကြားသည်။

ဘတ်စ်ကားရွေ့ပြီဆိုကတည်းက ပြတင်းပေါက်များကို ခန်းဆီးများဖြင့် ကာရံထားသည်ကို သတိပြုမိကြသည်။ အဆောင်အယောင်ပစ္စည်းများလည်း ထပ်မံထည့်သွင်းထားသည်ကို တွေ့ရသည်။ အစ္စလမ္မစ်တိုက်ခိုက်ရေးသမားများက ဘူရခါမခြုံသော၊ ခေါင်းစည်းပဝါများဆောင်းမထားသော မြောက်များလှစွာသော မိန်းကလေးများကိုလည်း သယ်ယူပို့ဆောင်ရေးလုပ်ရန် စီစဉ်ထားသည့်သဘောဖြစ်သည်။

၆ နာရီကြာ ကားဖြင့်ခေါ်ဆောင်လာပြီးနောက် သူမတို့ကို မိုဆူးလ်မြို့ရှိ ဂလက်ဆီမင်္ဂလာခန်းမတွင်းသို့ ပို့ဆောင်နေရာချထားလိုက်သည်ဟု မိန်းကလေး F က ပြောကြားသည်။ အခြားအမျိုးသမီးများနှင့်မိန်းကလေးများပါဝင်သော အဖွဲ့များမှာ ဆက်ဒမ်ဟူစိန်ခေတ်က နန်းတော်၊ ဘာဒူးရှ် အကျဉ်းထောင်ဝင်း၊ လူငယ်ပြုပြင်ရေးဂေဟာတို့တွင် နေရာချထားခံကြရသည်ဟု အခြားသောလွတ်မြောက်လာသူများက ပြောကြားသည်။ အမျိုးသမီးများကို မိုဆူးလ်မြို့အပြင် တယ်လ်အဖာ၊ ဆိုလာဟ်၊ ဘာ့ဂ်ျ နှင့် စင်ဂျာမြို့များရှိ မူလတန်းကျောင်းများ၊ စည်ပင်သာယာအဆောက်အအုံးများအတွင်း၌လည်း နေရာချထားပေးသည်များရှိသည်။

သူမတို့ကို အကျဉ်းချထားလေ့ရှိသည်။ အချို့ ရက်ပိုင်းကျခံရပြီး အချို့ လ ချီကျခံရသည်။ ထို့နောက် မလွှဲမရှောင်သာပင် ဘတ်စ်ကားများပေါ်သို့ နောက်တစ်ကြိမ် တက်ရပြန်သည်။ နောက်တစ်ကြိမ်တွင်မူ သူမတို့ကို ဆီးရီးယားရှိ အစ္စလမ္မစ်စတိတ်အဖွဲ့ခွဲများ၊ အီရတ်ရှိ အစ္စလမ္မစ်စတိတ်တပ်ဖွဲ့များ တည်ရှိရာတို့ကို ပို့ဆောင်ကြသည်။ ထိုနေရာများ၌ သူမတို့ကို လိင်အတွက် ရောင်းကြဝယ်ကြသည်။

"ဒါက ၁၀၀ ရာနှုန်း ကြိုတင်ကြံစည်ထားတာပါ" ဟု လိင်ကျွန်ပြုခံရသူမိန်းကလေးများ၏ ဒေတာအချက်အလက်များကို ထိန်းသိမ်းထားရှိသော ယာဇီဒီအရေး တက်ကြွလှုပ်ရှားသူ ခိုင်ဒါ ဒွန်လေ က ပြောကြားသည်။ "မိုဆူးလ်က လူငယ်ပြုပြင်ရေးဂေဟာကို ပထမဆုံးရောက်တဲ့ မိသားစုက ကျွန်တော့်ဆီဖုန်းဆက်ပြောတယ်။ ခန်းမထဲမှာ အရာအားလုံး ပြင်ဆင်ထားတယ် တဲ့။ မွေ့ယာတွေ၊ ပန်းကန်တွေ ဇွန်းတွေ၊ အစားအစာတွေနှင့် ရေတွေ ကို လူ ရာပေါင်းများစွာအတွက် ကြိုပြင်ဆင်ထားပြီးသား တဲ့"

လူ့အခွင့်အရေးစောင့်ကြည့်ရေးအဖွဲ့ နှင့် နိုင်ငံတကာချစ်ကြည်ရင်းနှီးမှုအဖွဲ့ကြီး တို့၏ အသေးစိပ်အစီရင်ခံစာများတွင်လည်း အစီအစဉ်ချလုပ်ဆောင်သော လိင်ကုန်ကူးမှု ဟု အဆုံးသတ်မှတ်ချက်ပြုထားသည်ကို တွေ့ရသည်။

ယာဇီဒီအမျိုးသမီး နှင့် မိန်းကလေးများအား ဖမ်းဆီးထားသော နေရာတိုင်းတွင် အစ္စလမ္မစ်တိုက်ခိုက်ရေးသမားများက ၎င်းတို့ဖမ်းဆီးထားသူကို လူဦးရေစာရင်းကောက်ခံသည်။

ဂလက်ဆီခန်းမအတွင်းတွင် မိန်းကလေး F မှာ စကျင်ကျောက်ပြားကြမ်းခင်းပေါ်၌ အခြားသော မိန်းကလေးငယ်နှစ်ဦး၏ကြား ကျပ်ကျပ်ညပ်ညပ် ထိုင်လျက်ရှိနေ၏။ စုစုပေါင်းလျှင် ခန့်မှန်းအားဖြင့် ၁၃၀၀ ခန့်ရှိမည့် ယာဇီဒီမိန်းကလေးများမှာ ထိုင်သူထိုင်၊ ဆောင့်ကြောင့်ထိုင်သူထိုင်၊ ခြေဆင်းလျက်နေသူကနေ၊ နံရံမှီလျက်နေသူကနေကြလျက် ရှိသည်။ ယင်း ၁၃၀၀ ဟူသော ပမာဏကို ထိုခန်းမထဲတွင် အဖမ်းခံထားရသည့် အခြားသူများကလည်း အတည်ပြုသည်။

သူမတို့က အစ္စလမ္မစ်တိုက်ခိုက်ရေးသမား ၃ ဦး ဝင်လာပြီး လူစာရင်းကောက်ခံကြပုံကို ပြန်ပြောပြသည်။ အစ္စလမ္မစ်စတိတ်တိုက်ခိုက်ရေးသမားများက မိန်းကလေးများကို မတ်တပ်ရပ်ရန် အမိန့်ပေးသည်။ ၎င်းတို့ထဲမှ တစ်ဦးက မိန်းကလေးတစ်ဦးချင်းစီ၏ ပထမအမည်၊ အလယ်အမည်၊ အဆုံးအမည်၊ နေထိုင်ရာမြို့၊ လက်ထပ်ပြီးသားဟုတ်/မဟုတ်၊ ရှိလျှင် ကလေးရှိ/မရှိ တို့ကို ဖော်ပြကြရန် ညွှန်ကြားသည်။

နှစ်လကြာအောင် မိန်းကလေး F ကို ဂလက်ဆီခန်းမထဲ၌ ထိန်းသိမ်းထားခဲ့သည်။ ထို့နောက် တစ်နေ့တွင် အစ္စလမ္မစ်စတိတ်အဖွဲ့သားများ ရောက်လာပြီး မိန်းကလေးများကို စတင်ဖယ်ရှားသည်။ မလိုက်နာသူများကို ဆံပင်ဆောင့်ဆွဲကာ တရွတ်တိုက်ဆွဲခေါ်သွားသည်ဟု သူမက ပြောပြသည်။

ကားပါကင်တွင် သူမတို့စီးလာခဲ့သော ဟတ်ဂ်ျ ဘုရားဖူးယာဉ်များက သူမတို့ကို တစ်နေရာသို့ပို့ဆောင်ရန် အသင့်စောင့်ကြိုလျက်ရှိသည်ဟု မိန်းကလေး F က ပြောကြားသည်။ အခြားသော မိန်းကလေး ၂၄ ဦး နှင့်အတူ အသက် ၁၅ နှစ် အရွယ် မိန်းကလေးကိုလည်း အီရတ်ရှိ စစ်အခြေစိုက်စခန်းတစ်ခုသို့ ပို့ဆောင်ခြင်းကို ခံခဲ့ရသည်။ မိန်းကလေး F အနေဖြင့် ကားပါကင်၌ ရှိနေစဉ် "ဆာဘာယာ" ဟူသော စကားလုံးကို ပထမဆုံးအကြိမ်အဖြစ် ကြားခဲ့ရသည်။

"သူတို့က သမီးကိုကြည့်ပြီး ရယ်ကြတယ်။ 'မင်းက ငါတို့ရဲ့ ဆာဘာယာ' ဆိုပြီး လှောင်ပြောင်ကြတယ်။ ဒီစကားလုံးအဓိပ္ပါယ်ကို သမီးမသိဘူး" ဟု သူမက ပြောကြားသည်။ နောက်ပိုင်းတွင် ဒေသခံအစ္စလမ္မစ်စတိတ်ခေါင်းဆောင်က 'ဆာဘာယာ' ဟူသည် 'ကျွန်' ကို ဆိုလိုခြင်းဖြစ်သည်ဟု ရှင်းပြခဲ့သည်။

"သူ(ဒေသခံအစ္စလမ္မစ်စတိတ်ခေါင်းဆောင်)က သမီးတို့ကို ပြောတယ်။ 'တောက်စ် မာလစ်ခ်'(ယာဇီဒီတို့ကိုးကွယ်သော နတ်သမီး ၇ ဦး ထဲမှ တစ်ဦး) က ဘုရားမဟုတ်ဘူး တဲ့။ တောက်စ် မာလစ်ခ်က နတ်ဆိုး တဲ့။ နင်တို့က နတ်ဆိုးကို ကိုးကွယ်နေတာကြောင့် နင်တို့ကို ငါတို့ကပိုင်တယ် တဲ့။ ငါတို့က နင်တို့ကိုရောင်းပြီး နင်တို့ကို လိင်ကိစ္စအသုံးချသွားမယ် တဲ့"

အစ္စလမ္မစ်စတိတ်၏ လိင်ကုန်ကူးမှုသည် လူနည်းစု ယာဇီဒီ အမျိုးသမီးများ နှင့် မိန်းကလေးများကိုသာ ကျွန်ပြုခြင်းဖြစ်ပုံရသည်။ ယခုထိ အခြားသော လူနည်းစုအခြားဘာသာဝင် အမျိုးသမီးများ နှင့် မိန်းကလေးများကို ကျွန်ပြုသော ကျယ်ကျယ်ပြန့်ပြန့်လှုပ်ရှားမှု မတွေ့ရသေးဟု လတ်တလော လူ့အခွင့်အရေးစောင့်ကြည့်အဖွဲ့အစီရင်ခံစာကို ရေးသားသူ ဆမာ မူစကာ့တီက ပြောကြားသည်။ လူမှုအသိုက်အဝန်းခေါင်းဆောင်များ၊ အစိုးရအရာရှိများ နှင့် အခြားသော လူ့အခွင့်အရေးလုပ်သားများကလည်း ယင်းအဆိုအတိုင်းပင် တစ်သံတည်းထွက်ကြသည်။

ချီကာဂိုတက္ကသိုလ်မှ မစ္စတာ ဘာဘာက ယာဇီဒီများကိုသာလျှင် ဦးတည်ချက်ထားသည်ဆိုခြင်းမှာ ဖြစ်နိုင်သည်၊ အကြောင်းမှာ ယာဇီဒီများသည် နတ်ဘုရားအများကို ကိုးကွယ်သောဝါဒ (ဝါ) ဗဟုနာထဝါဒ ရှိသူများဖြစ်ကြသည်၊ ကျမ်းစာကို ယုံကြည်လိုက်နာမှုထက် နှုတ်ဖြင့်ရွတ်ဆိုလေ့ရှိသူများဖြစ်ကြသည်၊ အစ္စလမ္မစ်စတိတ်၏ မျက်စိထဲတွင် ယာဇီဒီဆိုသည်မှာ အများနှင့်အကြောင်းကွဲ စက်ဆုပ်ဖွယ်ကာဖိရ်များ ဖြစ်ကြသည်၊ ခရစ်ယာန် နှင့် ဂျူးများကိုမှ ကုရ်အာန်ကျမ်း၌ "ကျမ်းစာလိုက်နာသူများ" ဟု မဆိုစလောက် အကာအကွယ်ပေးမှုရှိသေးရာ ယာဇီဒီများကို ခရစ်ယာန် နှင့် ဂျူးများထက်ပင် ပို၍စက်ဆုပ်ဖွယ်ဟု ယူဆကြသည် ဟု ပြောကြားသည်။

'ကိုဂျို' ဆိုသည်က စင်ဂျာတောင်တန်း၏ တောင်ဘက်စွန်းရှိ ရွာများထဲမှ တစ်ခုအပါအဝင်ဖြစ်ပြီး ထွက်ပြေးရန်မလွယ်သောနေရာတွင်ရှိသည်။ သို့ဖြစ်ရာ ဒေသခံများက နေရာတွင်ပင်ဆက်နေရန် ဆုံးဖြတ်လိုက်ကြသည်။ မိုဆူးလ်ကို အစ္စလမ္မစ်စတိတ်သိမ်းစဉ်က ခရစ်ယာန်များကို ဆက်ဆံသကဲ့သို့ ယခုလည်း ၎င်းတို့ကို ဆက်ဆံလိမ့်မည်ဟု ယုံကြည်ကြသည်။ ၂၀၁၄ ခုနှစ်၊ သြဂုတ်လ ၁၅ ရက်က အစ္စလမ္မစ်စတိတ်မှ ဒေသခံများကို ရွာလယ်ရှိ စာသင်ကျောင်းတစ်ခုသို့ လာရောက်ရန် ဆင့်ခေါ်လိုက်သည်။

သူမထိုနေရာသို့ ရောက်ရှိလာချိန်တွင် ရပ်ရွာအကြီးအကဲမှ မိမိတို့မှ မိမိတို့ပိုင်ဆိုင်သော ရွှေ၊ ငွေ များကို ပေးအပ်မည်၊ အပြန်အလှန်အားဖြင့် အစ္စလမ္မစ်စတိတ်မှ မိမိတို့အသက်အိုးအိမ်ကို မထိပါးရန် အစ္စလမ္မစ်စတိတ်နှင့် ညှိနှိုင်းနေသည်ကို အသက် ၄၀ အရွယ် အေအိရှန် အလီ ဆာလေးဟ် တစ်ယောက် တွေ့ရသည်။

ကနဦး၌ အစ္စလမ္မစ်စတိတ်အကြမ်းဖက်သမားများက ညိနှိုင်းမှုကို သဘောတူကာ စောင်တစ်ထည် ဖြန့်ခင်းပေးလိုက်သည်။ မစ် ဆာလေးဟ် မှ သူမ၏ အသည်းပုံဆွဲသီးနှင့် ရွှေဆွဲကြိုးကို ထည့်လိုက်သည်။ ထိုသူက တွန့်ကြေနေသော ဖြတ်ပိုင်းတစ်စောင် ထုတ်ပေးသည်။

လွှတ်ပေးဖို့ ဝေးစွ။ တိုက်ခိုက်ရေးသမားများက ယောက်ျားသားများကို အပြင်ဘက်သို့ တွန်းထိုးခေါ်ဆောင်သွားပြီး မပြန်လမ်းသို့ပို့ဆောင်လိုက်ကြသည်။

ခဏအကြာတွင် ကားယာဉ်တန်းရောက်ရှိလာပြီး အမျိုးသမီးများ၊ မိန်းကလေးများ နှင့် ကလေးငယ်များကို ခေါ်ဆောင်ကာ မောင်းထွက်သွားတော့သည်။

ဈေးကွက်

စင်ဂျာတောင်တန်းအားသိမ်းပိုက်ပြီး လများစွာအကြာတွင် အစ္စလမ္မစ်စတိတ်မှ ၎င်း၏အွန်လိုင်းမဂ္ဂဇင်း ဒါဘစ် တွင် ယာဇီဒီအမျိုးသမီးများ နှင့် မိန်းကလေးများအား ကျွန်ပြုခြင်းကမ်ပိန်းသည် အသေးစိပ်ကြိုတင်စီမံထားခြင်းဖြစ်သည်ဟု ရှင်းလင်းထားသည်။

"စင်ဂျာကို မသိမ်းမီ အစ္စလမ္မစ်စတိတ်အဖွဲ့တွင်းမှ ရှာရီယာကျောင်းသားများကို ယာဇီဒီများနှင့်ပတ်သက်၍ သုတေသနပြုလုပ်ရန် တာဝန်ပေးခဲ့သည်" ဟု အင်္ဂလိပ်စာနှင့်ရေးသားထားသော အောက်တိုဘာလထုတ် 'ဒါဘစ်' မဂ္ဂဇင်း၌ ပါရှိသော “The Revival of Slavery Before the Hour” ဆောင်းပါး၌ ရေးသားထားသည်။

ယင်းဆောင်းပါးအရ  ယာဇီဒီများသည် ဂျူးများ၊ ခရစ်ယာန်များကဲ့သို့ ဂျစ်ဇ်ယာ (အစ္စလာမ်ပိုင်နက်အတွင်းရှိ အခြားဘာသာဝင်များပေးရသော အခွန်ငွေ) ပေးသော်လည်း လွတ်မြောက်ခွင့်မရှိသည်မှာ ထင်ရှားသည်။

"ဖမ်းဆီးမှုပြုပြီးနောက် ရှားရီးယားဥပဒေအတိုင်း ငါးပုံတစ်ပုံသော ယာဇီဒီအမျိုးသမီး နှင့် မိန်းကလေးများကို စစ်ပွဲတွင်းသိမ်းဆည်းရမိသောပစ္စည်းများအဖြစ် အစ္စလမ္မစ်အာဏာပိုင်များထံ လွှဲပြောင်းပေးလိုက်ပြီးနောက် ကျန်သောယာဇီဒီအမျိုးသမီး နှင့် မိန်းကလေးများ ကို စင်ဂျာစစ်ဆေးရေး၌ ပါဝင်ခဲ့သော အစ္စလမ္မစ်စတိတ်တိုက်ခိုက်ရေးသမားများကို ခွဲဝေပေးလိုက်သည်" ဟု ဆောင်းပါး၌ ရေးသားထားသည်။

အမေရိကန်ပြည်ထောင်စုတွင် ကျွန်ကုန်ကူးမှုကို ထောက်ခံမှုပြုရန် သမ္မာကျမ်းစာမှ စာပိုဒ်အချို့ကို ကိုးကားခဲ့သည့်ပုံစံအတိုင်း အစ္စလမ္မစ်စတိတ်သည်လည်း ၎င်းတို့၏ လူကုန်ကူးမှုကို ဖြေရှင်းမှုပြုရန် တမန်တော်မုဟမ္မဒ်၏ ဘဝနေထိုင်မှုများ နှင့် ပြောစကားများကို အခြေခံထားသော ဆွန်နာဟ်ကျမ်း နှင့် ကုရ်အာန်ကျမ်းများမှ စာပိုဒ်များကို ထုတ်နှုတ်ကိုးကားခြင်းဖြစ်သည်ဟု ကျွမ်းကျင်သူများက ပြောကြားသည်။

အစ္စလာမ်ကျမ်းတတ်ပုဂ္ဂိုလ်များကမူ ယင်းအပိုဒ်များကို အဓိပ္ပါယ်ကောက်မှုများ နှင့် အစ္စလာမ်သည် ကျွန်ပြုမှုကို အမှန်တကယ် ခွင့်ပြုခဲ့လေသလားဆိုသော အမြင်ကွဲလွဲစေသည့်
မေးခွန်းများအပေါ် သဘောမတူညီကြပါ။

အများစုက အစ္စလမ္မစ်စာပေများတွင် ပါရှိသော ကျွန်ပြုမှုသည် သမ္မာကျမ်းစာတွင် ပါရှိသော ကျွန်ပြုမှု နှင့် အတူတူပင်ဖြစ်ပြီး ယင်းမှာ ဂရိ၊ ရောမခေတ် ဘာသာစတင်ပေါက်ဖွားလာသည့် အခြေအနေ၏ ရောင်ပြန်ဟပ်မှုဖြစ်သည် ဟု ဆိုကြသည်။

"ကုရ်အာန်ထွက်ပေါ်လာတဲ့အချိန်အခါတုန်းက လူတွေက မလွတ်လပ်တဲ့အမျိုးသမီးတွေနှင့် လိင်ပိုင်းဆိုင်ရာပတ်သက်မှုတွေ ကျယ်ကျယ်ပြန့်ပြန့်ရှိနေတယ်" ဟု ဘော်စတန်တက္ကသိုလ်မှ ဘာသာရေးဌာန လက်ထောက်ပါမောက္ခတစ်ဦးဖြစ်ပြီး "အစ္စလာမ်ခေတ်ဦးမှ ကျွန်ပြုမှုများ" စာအုပ်ကို ရေးသားခဲ့သူ ကေစီယာ အလီ က ပြောကြားသည်။ "ဒါက ဘာသာရေးအလေ့အထ မဟုတ်ပါဘူး။ လူတွေ ပြုမူကြပုံသက်သက်ပါ"

ဖမ်းဆီးမှုများပြီးနောက် ပထမအပတ်များထဲမှာပင် အငယ်ဆုံး၊ အလှဆုံး အမျိုးသမီးများ နှင့် မိန်းကလေးများကို ဝယ်ယူသွားကြသည်။ ကျန်သူများ အထူးသဖြင့် အသက်ကြီးသော၊ လက်ထပ်ဖူးပြီးသော အမျိုးသမီးများမှာမူ သူမတို့၏ ဝယ်ယူရန်ကမ်းလှမ်းသူပေါ်သည်အထိ တစ်နေရာမှ တစ်နေရာ ရွှေ့ပြောင်းနေကြရသည်။

ဖမ်းဆီးသူများသည် အမျိုးသမီးများ ၎င်းတို့ကိုယ်ပိုင်ပုံစံဖြင့် မှတ်တမ်းယူလေ့ရှိသလို အမည်ကိုလည်း ၎င်းတို့ဝေါဟာရဖြင့် ပေးကြလေ့ရှိသည်။ အမျိုးသမီး နှင့် မိန်းကလေးများ၏ နာမည်နောက်၌ 'ဆာဘာယာ' ကို တွဲခေါ်လေ့ရှိသည်။ အချို့ကို လက်ကားသမားများက ဝယ်ယူသွားကြပြီး သူမတို့ကို ဓာတ်ပုံရိုက်၊ နံပါတ်တပ်ကာ ဝယ်မည့်သူများကို ကြော်ငြာကြသည်။

ယာဇီဒီအမျိုးသမီးများစွာကို မှောင်ခိုဈေးကွက်မှ ရွေးထုတ်နိုင်ခဲ့သော ယာဇီဒီစီးပွားရေးသမား အိုစမန် ဟာဆန် အလီက ၎င်းမှ ဝယ်ယူသူတစ်ဦးဟန်ဆောင်ပြီး ဓာတ်ပုံများကို ပို့ခိုင်းခဲ့သည်ဟု ပြောကြားသည်။ ပုံပေါင်းများစွာကို လက်ခံရရှိခဲ့ပြီး တစ်ဦးစီမှာ အခန်းလွတ်တစ်ခု၏ ခုံတန်းရှည်ပေါ်၌ ခံစားချက်မဲ့သော၊ မရယ်မပြုံးမျက်နှာထားဖြင့် ကင်မရာဘက် မျက်နှာလှည့်ထားသော ပုံများဖြစ်သည်။ ပုံအောက်ခြေထောင့်စွန်း၌ အာရဗီဘာသာဖြင့် 'ဆာဘာယာ နံပါတ် ၁' ဆာဘာယာ နံပါတ် ၂' စသည် ရေးသားထားသည်။

အမျိုးသမီးများကို တစ်ပြုံတစ်မထိန်းသိမ်းထားသော အဆောက်အဦးများထဲတွင် သူမတို့အား ခေါ်ယူကြည့်ရှုနိုင်သော သီးသန့်အခန်းများလည်း ပါဝင်သည်။

"သမီးတို့ကို အဆောက်အဦးထဲ ထည့်လိုက်တော့ သူတို့က သမီးတို့ကို နင်တို့ 'ဆာဘာယဈေးကွက်' ထဲ ရောက်သွားပြီလို့ ပြောတယ်။" ဟု အမည် 'I' နှင့် စသော ဖမ်းဆီးခံခဲ့ရသူ အသက် ၁၉ နှစ် အရွယ် မိန်းကလေးတစ်ဦးက ပြောကြားသည်။ "ဒီလိုနဲ့ 'သြော် ငါ ကျွန်ဈေးကွက်မှာ အရောင်းခံရပြီ' လို့ နားလည်လိုက်ပါတယ်"

အထပ်များစွာပါသော ၎င်းအဆောက်အဦး၌  လက်မထပ်ရသေးသော အမျိုးသမီး နှင့် မိန်းကလေးများ အနည်းဆုံး ၅၀၀ ရှိသည်ဟု မိန်းကလေးက ခန့်မှန်းသည်။ အငယ်ဆုံးသောမိန်းကလေးမှာ အသက် ၁၁ နှစ် ဖြစ်သည်။ ဝယ်ယူသူရောက်လာသောအခါ မိန်းကလေးများကို တစ်ယောက်ပြီးတစ်ယောက် သီးသန့်ခန်းထဲသို့ ခေါ်သွင်းသည်။

"အမ်မီယာတွေက နံရံကို နောက်ကျောပေးထိုင်နေပြီး သမီးတို့တတွေကို နာမည်တပ်ပြီး ခေါ်တယ်။ သမီးတို့တွေက သူတို့နှင့် မျက်နှာချင်းဆိုင်မှာ ထိုင်ရတယ်။ အထဲမဝင်ခင်မှာ သမီးတို့ ခေါင်းစည်းပုဝါတွေကို သူတို့က ယူထားလိုက်တယ်။ သမီးတို့ ကိုယ်ဟာကိုယ် အကာအကွယ်ပြုနိုင်သမျှ ပစ္စည်းမှန်သမျှကို သိမ်းလိုက်တယ်" ဟု မိန်းကလေးက ပြောကြားသည်။

သမီးအလှည့်ရောက်တော့ လေးကြိမ် မတ်တပ်ရပ်ခိုင်းတယ်။ ခန္ဓာကိုယ်ကိုလည်း တစ်ပတ်လှည့်ခိုင်းတယ်"

ဖမ်းဆီးခံအမျိုးသမီးများကို မည်သည့်ရက်များတွင် ဓမ္မတာလာလေ့ရှိသနည်းအပါအဝင် လျှို့ဝှက်လေ့ရှိပြီးမိန်းမချင်းသာပြောလေ့ရှိသည့် အကြောင်းအရာများကိုလည်း မေးလေ့ရှိသည်။ ယင်းမှာ အမျိုးသားတစ်ဦးသည် ၎င်း၏ကျွန်၌ ကိုယ်ဝန်ရှိနေပါလျှင် သူမနှင့် လိင်ဆက်ဆံမှုမပြုရဟု ရှားရီယာဥပဒေ၌ဆိုထားရာ အမျိုးသမီးများ ကိုယ်ဝန်ရှိ/မရှိ သိရှိရန် မေးမြန်းခြင်းဖြစ်သည်။

အိုင်ဆစ်၏ ပိုင်ဆိုင်မှု

အစ္စလမ္မစ်စတိတ်အဖွဲ့မှ လိင်ကျွန်ပြုမှုကို ပြုလုပ်လိုက်သည်တွင် အဖွဲ့အား အင်တိုက်အားတိုက်ထောက်ခံနေသူတစ်ချို့ပင် အံ့သြသွားကြသည်။ အစ္စလမ္မစ်စတိတ်၏ စနစ်တကျ အကွက်ချ၍ မုဒိမ်းမှုပြုကျင့်သည့်အကြောင်း ပထမဆုံးသတင်းထွက်ပေါ်လာချိန်တွင် ထိုသူများက စာနယ်ဇင်းများနှင့် အွန်လိုင်းပေါ်၌ ငြင်းဆိုခဲ့ကြသေးသည်။

အစ္စလမ္မစ်စတိတ်ခေါင်းဆောင်ပိုင်းကမူ ယင်းနှင့်ပတ်သက်၍ ၎င်း၏ပရိသတ်များကို အစ္စလာမ်ကျမ်းစာများကို အမျိုးမျိုးကိုးကားပြ ဖြေရှင်းခဲ့ပေသည်။

အစ္စလမ္မစ်စတိတ်၏ ဝါဒဖြန့်မဂ္ဂဇင်း ဒါဘစ်၏ အယ်ဒီတာ့အာဘော်ကဏ္ဍ၌ အစ္စလမ္မစ်စတိတ်ထောက်ခံသူအချို့က ကျွန်ပြုခြင်းအလေ့ကို မေးခွန်းထုတ်သည့်အတွက် စိတ်ပျက်မိကြောင်း ရေးသားထားသည်။

"ကျွန်ုပ်ကို လန့်ဖျတ်သွားစေသည့်အချက်မှာ အချို့သော အစ္စလမ္မစ်စတိတ်ထောက်ခံသူများက ခါလီဖိတ်စစ်သားများ မှားယွင်းနေသည်၊ အကုသိုလ်ပြုနေသည်ဟု အဓိပ္ပါယ်ရစွာ ပြောဆိုလာကြခြင်းကိုဖြစ်သည်" ဟု အယ်ဒီတာမှ ရေးသားသည်။ "ကျွန်ုပ်ဤစာကို ဂုဏ်ယူဝင့်ကြွားစွာရေးသည်" ဟု ၎င်းက ဆိုသည်။ "ကျွန်ုပ်တို့ ကာဖိရ် အမျိုးသမီးများကို စီးနင်းဖမ်းဆီးကာ ဓားသွားဖြင့်ရွယ်၍ သိုးအုပ်များကို မောင်းထုတ်သကဲ့သို့ မောင်းထုတ်ခဲ့လေပြီ" ဟု ၎င်းက ရေးသားထားသည်။ ကာဖိရ်ဆိုသည်မှာ အစ္စလာမ်ကို မသက်ဝင်သူများကို ခေါ်ဆိုသော အမည်ဖြစ်သည်။

အစ္စလမ္မစ်စတိတ်၏ သုတေသန နှင့် ဖာ့တဝါဌာနမှ ဒီဇင်ဘာလအတွင်းက ထုတ်ဝေခဲ့သော လက်ကမ်းစာစောင်၌ လိင်ကျွန်ပြုမှုနှင့် ပတ်သက်၍ ရှင်းလင်းထားသည်။ ကျွန်များသည် ၎င်းတို့ကို ဝယ်ယူထားသော တိုက်ခိုက်ရေးသမား၏ အမွေပစ္စည်းပိုင်ဆိုင်မှုဖြစ်သည်။ သို့ဖြစ်ရာ အခြားသော အမွေပစ္စည်းများကဲ့သို့ပင် ထိုသူမှ ကျွန်များကို  အမွေပေးနိုင်သည်။ ထို့အတူ ပြန်လည်ရုတ်သိမ်း၍လည်း ရသည်ဟု ဖော်ပြထားသည်။

လတ်တလောလွတ်မြောက်လာသူများက သူမတို့ဖမ်းဆီးခံထားရစဉ်က ရှုပ်ထွေးလှသော ဗျူရိုကရေစီစနစ်အကြောင်းကို ရှင်းလင်းပြောပြခဲ့ကြသည်။ စာချုပ်ချုပ်ဆိုရာ၌ စာချုပ်ထဲ၌ သူမတို့ကို ကျွန်အဖြစ် ထည့်သွင်းထားသည်။ သူမတို့ကို ဝယ်ယူမည့်သူတစ်ဦးပေါ်လာလျှင် စာချုပ်သစ်တစ်ခုကို ထပ်မံချုပ်ဆိုရသည်။ သူမတို့ကို ဥစ္စာပစ္စည်းတစ်ခုအဖြစ် သတ်မှတ်သည့်သဘောဖြစ်သည်။ တစ်ပြိုင်တည်းမှာပင် ကျွန်များကို လွှတ်ပေးခွင့်လည်းရှိသည်။ ထိုသို့လွှတ်ပေးခြင်းအားဖြင့် လွှတ်ပေးသူသည် ဂျန္နသ်သို့ ရောက်ရှိနိုင်သည့် ဆုလဒ်ရမည်ဖြစ်သည်။

ရှားပင်ရှားပါးလှသော်လည်း ယင်းသို့သော အနေအထားဖြင့် ကျွန်ပြုခံရသူတစ်ဦး လွတ်မြောက်လာခဲ့ဖူးသည်။

ဇွန်လအတွင်းက ကျွန်အဖြစ်မှ လွတ်မြောက်လာခဲ့သူ အသက် ၂၅ နှစ် အရွယ် မိန်းကလေး 'A' (သူမ၏ပထမဆုံးအမည်) က သူမကို လစ်ဗျားတိုက်ခိုက်ရေးသမားတစ်ဦးက ပလတ်စတစ်လောင်းထားသော စာရွက်တစ်ခုပေးသည်။ ထိုသူက ၎င်းသည် အသေခံဗုံးခွဲသင်တန်းတစ်ခုကို တက်ရောက်ပြီးစီခဲ့ပြီး ၎င်းကိုယ်ကိုယ် ဗုံးဖောက်ခွဲတော့မည်ဖြစ်သဖြင့် သူမကို လွတ်မြောက်ခွင့်ပေးလိုက်သည်ဟု ရှင်းပြခဲ့သည်။

"လွတ်မြောက်ခြင်းလက်မှတ်" ဟု အမည်တပ်ထားသော စာရွက်ကို အစ္စလမ္မစ်စတိတ်၏ အနောက်ပိုင်းပြည်နယ် တရားသူကြီးက လက်မှတ်ထိုးထားသည်။ ယာဇီဒီအမျိုးသမီးက လုံခြုံရေးစစ်ဆေးရေးဂိတ်၌ ထိုစာရွက်ကို ပေးအပ်ခဲ့ပြီး ဆီးရီးယားမှ အီရတ်သို့ပြန်လာခွင့်ရကာ မိသားစုနှင့်ပြန်လည်ဆုံစည်းနိုင်ခဲ့သည်။

အစ္စလမ္မစ်စတိတ်၏ သုတေသန နှင့် ဖာ့တဝါဌာနက ယခုနှစ်နွေရာသီက ထုတ်ပြန်သော ၃၄ မျက်နှာပါ လက်စွဲစာစောင်၌ တိုက်ပွဲတွင်းဖမ်းဆီးရမိသော ခရစ်ယာန်များ၊ ဂျူးများကိုလည်း လိင်ဆက်ဆံခွင့်ပြုကြောင်း ရှင်းလင်းထားသည်။

လက်စွဲစာစောင်အရ လိင်ဆက်ဆံခြင်းမပြုရန် တားမြစ်သည့်အချက်မှာ နှစ်ခုသာရှိပြီး ကိုယ်ဝန်ရှိနေသော ကျွန် နှင့် အမျိုးသမီးများ ရာသီလာနေချိန် တို့ ဖြစ်သည်။ ရာသီလာနေစဉ် လိင်ဆက်ဆံခြင်းမပြုရသည်မှာ "အမျိုးသမီးဝမ်းထဲ၌ မည်သည်မှမရှိဘဲ ရှင်းရှင်းလင်းလင်းဖြစ်စေရန်" စောင့်ဆိုင်းခြင်းဖြစ်သည်ဟု ဆိုသည်။

ကလေးမုဒိမ်းမှုကိုလည်း ရှင်းရှင်းလင်းလင်း ခွင့်ပြုပေးထားသည်။ ပြီးခဲ့သည့် ဒီဇင်ဘာက ထုတ်ဝေခဲ့သော လက်ကမ်းစာစောင်၌ - "အမျိုးသမီးသုံ့ပန်းသည် အပျိုဖော်မဝင်သေးလျှင်သော်မှ ဆက်ဆံမှုပြုရန် သင့်တင့်သည်ဆိုလျှင် ဆက်ဆံမှုပြုနိုင်သည်" ဟု ဖော်ပြထားသည်။

ဆီရီးယားမြို့ 'ရှာဒါဒီ' ၌ ဆော်ဒီလူမျိုးတိုက်ခိုက်ရေးသမားတစ်ဦး၏ အကြိမ်ကြိမ်မုဒိမ်းကျင့်ခြင်းကို ခံခဲ့ရသော အသက် ၃၄ နှစ်အရွယ် ယာဇီဒီအမျိုးသမီးတစ်ဦးက သူမနှင့်အတူ လိင်ကျွန်ဖြစ်နေသည့်  အသက် ၁၂ နှစ် အရွယ် မိန်းကလေး၏ ဖြစ်အင်ကို ပြောပြခဲ့သည်။ မိန်းကလေးမှာ မိန်းမကိုယ်တွင်းမှ သွေးများစီးကျနေသော်လည်း ရက်များစွာ မရပ်မနား မုဒိမ်းကျင့်ခံခဲ့ရသည်။

"သူက မိန်းကလေးရဲ့ ခန္ဓာကိုယ်ကို ဖျက်ဆီးပစ်လိုက်တယ်။ မိန်းကလေးက ဆိုးဆိုးဝါးဝါး အနာရင်းသွားတယ်။ သူက ကျွန်မကို လာလာမေးတယ် 'ဘာလို့ ဒီကလေးမ အနံတွေ နံဟောင်နေတာလဲ?' ဒီတော့ ကျွန်မပြောတယ် 'ကလေးမလေးရဲ့ မိန်းမကိုယ်တွင်းမှာ အနာရင်းနေတယ်။ ရှင်ဂရုစိုက်ဖို့ လိုတယ်' လို့" ဟု အမျိုးသမီးက ပြောကြားသည်။

အမျိုးသမီးပြောသော်လည်း အမှုမထား၊ မိန်းကလေး၏ နာကျင်ခံစားရမှုကိုလည်း လစ်လျူရှုကာ ထိုသူမှ မိန်းကလေးကို မုဒိမ်းကျင့်မြဲကျင့်ပြီး မုဒိမ်းကျင့်အပြီး ဝတ်ပြုဆုတောင်းခြင်းသာ လုပ်နေခဲ့သည်။

"ကျွန်မ သူ့ကိုပြောတယ် 'မိန်းကလေးက ငယ်ငယ်လေးပဲ ရှိသေးတယ်' လို့" အမျိုးသမီးက ပြန်လည်ပြောပြသည်။ "နောက် သူက ပြန်ဖြေတယ် 'မဟုတ်ဖူး။ ငယ်ငယ်လေးမဟုတ်ဖူး။ ဒီကောင်မက ကျွန်။ ဘယ်လိုလိင်ဆက်ဆံရမယ်ဆိုတာ သူသိတယ်' "

"ပြီးတော့ လိင်ဆက်ဆံမှုပြုတာက အလ္လာဟ်အရှင်မြတ်ကို ကျေနပ်စေတယ်" ဟု ထိုသူမှ ပြောကြားခဲ့သည်။

RUKMINI CALLIMACHI ၏ ISIS Enshrines a Theology of Rape ကို ဘာသာပြန်ဆိုပါသည်။

http://mobile.nytimes.com/2015/08/14/world/middleeast/isis-enshrines-a-theology-of-rape.html?_r=0&referrer=