မျက်နှာလေး ဝက်ခြံကင်းစင်နေအောင်

မျက်နှာလေး ဝက်ခြံကင်းစင်နေအောင်

ချွေးပေါက်ကျယ်သူ၊ အဆီဂလင်းများသူတွေဟာ ဝက်ခြံပေါက်လေ့ရှိကြတယ်။ ဝက်ခြံကြောင့် အမဲစက်၊ အမာရွတ်တွေကို ဖြစ်စေပြီး မျက်နှာအလှအပကို ထိခိုက်စေတယ်။ တကယ်တော့ ဝက်ခြံဆိုတာ ဖြစ်ပြီးတာထက် မဖြစ်ခင်က ကြိုတင်ကာကွယ်တာ အကောင်းဆုံးပဲ။ ကာကွယ်ဖို့ဆိုရင် မျက်နှာအဆီမပြန်အောင် ချွေးပေါက်ကျဉ်းအောင် အရင်လုပ်သင့်တယ်။

ချွေးပေါက်ကျဉ်းအောင် ဘာတွေ လုပ်မလဲ

(၁) မျက်နှာကို သန့်စင်အောင် နေ့စဉ် ပြုလုပ်ပါ။ မျက်နှာသစ်ဆပ်ပြာသုံးပြီး မနက်တကြိမ်၊ ညတကြိမ် ဆေးကြောသန့်စင်ပါ။(တနေ့ နှစ်ကြိမ်ထက် မျက်နှာပိုမသစ်ပါနဲ့)
(၂) ချွေးပေါက်ကျဉ်းအောင် ဝက်ခြံဖြစ်တတ်တဲ့နေရာတွေကို ရေခဲတုံးလေးတွေနဲ့ ကပ်ပါ။ တခါကပ်ရင် စက္ကန့်သုံးဆယ်ကြာတင်ထားပါ။
(၃) ပြီးရင် ဆိုဒါမှုန့်နဲ့ ရေနွေးကို ဆတူရောပြီး ရလာတဲ့ paste ကို မျက်နှာပေါ် လိမ်းပေးပါ။ လိမ်းတဲ့အခါ စက်ဝိုင်းပုံ လိမ်းပြီး စက္ကန့်သုံးဆယ်ကြာ ထားပါ။ ပြီးရင် ရေအေးနဲ့ မျက်နှာပြန်သစ်ပါ။ ညစဉ် အိပ်ခါနီးတိုင်း တပတ်ကြာလုပ်သွားပါ။ နောက်ရက်တွေမှာ တရက်ခြားတခါသာ ဆက်လုပ်ပါ။ ယေဘုယျ ၂-၃လခန့် ဆက်လုပ်ပေးသင့်တယ်။
(၄) ရှောက်ရည်နဲ့ နာနာသီးရည်ကို ဆတူရောပြီး သန့်စင်တဲ့အဝတ်တခုကို စိမ်ပါ။ အဆိုပါအဝတ်ကို ချွေးပေါက်၊အဆီဂလင်း များတဲ့ ဝက်ခြံထွက်တဲ့နေရာမျိုးမှာ တမိနစ်ကြာကပ်ပါ။ ပြီးရင် ရေနွေးနဲ့ပြန်သစ်ပါ။ အထဲမှာပါတဲ့ အင်ဇိုင်းဓာတ်က မျက်နှာကို သန့်စင်စေရုံမက အဆီဂလင်းနဲ့ ချွေးပေါက်တွေကိုပါကျဉ်းစေတယ်။
(၅) အပျော့စား scrub ဆေးဆပ်ပြာတခုခုကို တရက်ခြားတခါ သုံးပြီး မျက်နှာသစ်ပါ။ scrub သုံးတဲ့အခါ အလွန်အကျွံပွတ်လိမ်းတာမျိုးရှောင်ပါ။ မျက်နှာပေါ် တမိနစ်ခန့်ထားပြီး ရေပြန်ဆေးပါ။ နောက်ပိုင်း တပတ်နှစ်ကြိမ်ခန့်သာ ဆက်သုံးပါ။
(၆) ဒိန်ချဉ်ကို မျက်နှာလိမ်းပြီး အပေါ်က သန့်စင်တဲ့အဝတ်တခုခု အုပ်ထားပါ။ ဆယ်မိနစ်ခန့်ထားပြီး မျက်နှာသစ်ပါ။ ဒိန်ချဉ်မှာပါတဲ့ lactic acid နဲ့ probiotic တွေက ဝက်ခြံဗက်တီးရီးယားကို ကာကွယ်ပြီး အဆီဂလင်းကို ကျဉ်းစေတယ်။ တပတ် တကြိမ်-နှစ်ကြိမ်ခန့်သာ လုပ်ပါ။
(၇) အစားအသောက်ပုံစံပြောင်းသင့်တယ်။ အဆီ၊ဆီကြော်စာ ၊နို့၊ကြက်ဥ၊ ပင်လယ်စာ မစားပါနဲ့။ အသီး၊အရွက်၊အစေ့အဆန်၊ အိုမီဂါသရီးပါတာ များများသားပေးပါ။ ရေများများသောက်ပါ။ အားဆေးတွေထဲမှာ vitamin A,C,B3,B5 ပါတာတွေ ကောင်းတယ်။
(၈) လိမ်းဆေးတွေထဲမှာ AHA(alpha hydroxy acids) နဲ့ BHA( beta hydroxy acids) ပါတာတွေ ပြောင်းလိမ်းပါ။ ဒီ chemical လိမ်းဆေးတွေက ဝယ်လို့ရတယ်။ အဆီဂလင်း ဖွဲ့စည်းမှုကို တားဆီးတဲ့ပြင် ဆဲလ်သေတွေကိုပါ ဖယ်ရှားပေးနိုင်တယ်။ ဒီထဲမှာ BHAက ပိုကောင်းတယ်။ သတိပြုရမှာက အဆိုပါလိမ်းဆေးတွေကို တပတ်တကြိမ်ခန့်သာ သုံးသင့်တယ်။

အဆိုပါနည်းတွေအတိုင်း အစဉ်လိုက်ပြုလုပ်ခြင်းဖြင့် ချွေးပေါက်ကျဉ်းပြီး အဆီဂလင်းတွေ လျှော့ပါးသက်သာစေမှာဖြစ်ပါတယ်။ လူတိုင်း ဝက်ခြံ၊ အမာရွတ် ကင်းစင်ပြီး လှပချောမွေ့တဲ့ မျက်နှာလေးများ ပိုင်ဆ်ိုင်နိုင်ကြပါစေ။

ဒေါက်တာ အေးမင်းထူး
၁၆.၃.၁၆