လူငယ်နှင့် ဝိပဿ နာဘာဝနာ

လူငယ်နှင့် ဝိပဿ    နာဘာဝနာ

(အရွယ်သုံးပါးလုံး အားထုတ်သင့်ပုံ)

**************************

by  ရဝေနွယ်အင်းမ

ဘယ်အရွယ်မှာ တရားအားထုတ်ရမလဲ ?
ဒီမေးခွန်းရဲ့အဖြေကို မဖြေခင် အာရုံနှိုးတဲ့အနေနဲ့ အားလုံးကြားဖူးပြီးဖြစ်တဲ့ ၀တ္ထုလေးတစ်ပုဒ်ကို  အရင်ပြောပြရအောင်ပါ။

မဟာဓနသူဌေးသားရဲ့ ၀တ္ထုလေးပါ။
မြတ်စွာဘုရားလက်ထက်တော်က ကုဋေရှစ်ဆယ်ချမ်းသာတဲ့  သူဌေးသားတစ်ယောက်ရှိပါတယ်။ သူဌေးသားရဲ့ မိဘတွေက သားဖြစ်သူကို ချစ်လွန်းလို့ ဒီတစ်သက် စားမကုန်ဘူးဆိုပြီး ပညာမသင်စေဘဲထားကာ၊ သီချင်းဆိုတာ၊ တီးမှုတ်တာလောက်ပဲ သင်စေပါတယ်။

အရွယ်ရောက်လာတော့ သူ့လိုပဲ ကုဋှေရှစ်ဆယ်ချမ်းသာတဲ့ ပညာမတတ်တဲ့ သူဌေးသမီးတစ်ယောက်နဲ့ အိမ်ထောင်ချပေးပါတယ်။
နှစ်ယောက်ပေါင်းလိုက်တော့ ကုဋေတစ်ရာ့ခြောက်ဆယ်ချမ်းသာတဲ့ သူဌေးလင်မယားပေါ့။ ဒီလိုနဲ့ နှစ်ဖက်မိဘတွေ ကွယ်လွန်သွားကြ ရောပဲဆိုပါတော့။

သူဌေးဆိုတော့ ဘုရင့်ဆီကို နေ့စဉ် အခစားဝင်ရပါတယ်။ ဒါကို နေ့စဉ်တွေ့နေရတဲ့ အရက်သမားတွေက စည်းရုံးဖို့ပြင်ဆင်ကြပါတယ်။ တစ်နေ့ သူဌေးသား ဘုရင့်ဆီက ပြန်အလာ လမ်းမှာ အရက်သမားတွေက အရက်ကို သောက်ပြ၊ အမြည်းကို စားပြနဲ့ ” အရှင့်သူဌေးသား အသက်တစ်ရာရှည်ပါစေ၊ အရှင်သူဌေးသားကို အမှီပြုပြီး စားနိုင်သောက်နိုင်ရပါလို၏” လို့  ဆုတောင်းကြပါတယ်။

ဒီလိုနဲ့ အရက်သမားတွေနဲ့ ပေါင်းမိပြီး အရက်တွေ သောက်ဖြစ်သွားပါတယ်။
စာထဲမှာ ပြထားတာကတော့  သူဌေးသားက ငွေတွေကို ဘေးမှာပုံပြီး သူရဲ့သောက်ဖောက်သောက်ဖက် အရက်သမားတွေနဲ့ ပန်းတွေဝယ်ခိုင်းလိုက်၊ နံ့သာတွေဝယ်ခိုင်းလိုက်၊ ပြီးတော့ တီးတတ်၊ မှုတ်တတ်တဲ့သူတွေခေါ်တီးခိုင်း၊ မှုတ်ခိုင်း၊ သီချင်းဆိုတတ်တဲ့သူတွေခါ် သီချင်းဆိုခိုင်း၊ ကတတ်တဲ့လူတွေကို ကခိုင်း၊

ဆုငွေတွေကို တစ်ထောင် နှစ်ထောင်မျိုး ဆုချလိုက်၊ အရက်တွေသောက်လိုက်နဲ့ အလုပ်မလုပ်ပဲ အရည်ချဉ်းထိုင်သောက်နေလိုက်တာ ပစ္စည်းတွေကုန်ခမ်းပြီး တောင်းစားရတဲ့ဘ၀ရောက်သွားရောပဲ ဆိုပါတော့.
တစ်နေ့ မြတ်စွာဘုရားက တောင်းစားနေတဲ့ သူဌေးလင်မယားကို ရဟန်းသာမဏေတွေက စားကြွင်းစားကျန်တွေ ပေးနေတာ တွေ့မြင်တော့ အရှင်အာနန္ဒာကို အောက်ပါအတိုင်း မိန့်တော်မူပါတယ်။

ချစ်သားအာနန္ဒာ အခုမြင်နေရတဲ့နှစ်ယောက်ကို ကြည့်စမ်းပါ။ သူဌေးသားဟာ ပထမအရွယ်မှာ တကယ်လို့ စီးပွားရှာလိုက်ရင် ဒီမြို့မှာ ပထမအချမ်းသာဆုံး သူဌေးကြီးဖြစ်လိမ့်မယ်။ အိမ်မှထွက်ပြီး ရဟန်းပြု တရားအားထုတ်လိုက်မယ်ဆိုရင် အရဟတ္တဖိုလ်ကို ရလိမ့်မယ်။ သူ့မယားဟာလည်း အနာဂမ်ဖိုလ်ိကိုရလိမ့်မယ်။

ဒါမှမဟုတ်  ဒုတိယအရွယ်မှာ စီးပွားရှာလိုက်ဦးမယ်ဆို၇င်လည်း ဒီမြိုမှာ ဒုတိယအချမ်းသာဆုံး သူဌေးကြီးဖြစ်လိမ့်မယ်။ ရဟန်းပြုတရားအားထုတ်မယ်ဆိုရင် အနာဂါမ်ဖြစ်လိမ့်မယ်။ မယားကလည်း သကဒါဂါမ်ဖြစ်လိမ့်မယ်။

ဒါမှမဟုတ် သတိဥာဏ်ဝင်ပြီး တတိယအရွယ်မှာ စီးပွားရှာလိုက်မယ်ဆိုရင်လည်း တတိယအချမ်းသာဆုံး သူဌေးကြီးဖြစ်လိမ့်မယ်။ ရဟန်းပြုတရားအားထုတ်မယ်ဆိုရင်တော့ သကဒါရါမ်ဖြစ်လိမ့်မယ်။ မယားက သောတာပန်ဖြစ်လိမ့်မယ်။

အခုအရွယ်မှာတော့ အချိန်တွေလွန်ခဲ့လှပြီ။ လူ့စည်းစိမ်တွေမှ ဆုတ်ယုတ်ခဲ့သလို ရဟန်းအဖြစ်ဆိုတဲ့ မဂ်ဖိုလ်တွေမှလည်း ဆုတ်ယုတ်ခဲ့ပြီ။ ရေခြောက်သွေ့နေတဲ့ ရေအိုင်ကို ရောက်ရှိနေတဲ့ ကြိုးကြာငှက်လို့ ဖြစ်ခဲ့ရရှာပြီ”
အားလုံးကြားဖူးထားတဲ့ ၀တ္ထုလေးပါ။

အထက်က၀တ္ထုလေးမှာ မြတ်စွာဘုရားက အရှင်အာနန္ဒာကို မှတ်ချက်ချပြတဲ့စကားလေးက အဓိကလိုရင်းပါ။ မြတ်စွာဘုရားရဲ့ အဓိကလိုရင်း မှတ်ချက်ကလေးကိုပဲ ကိုင်ပြီး ပြောရအောင်ပါ။
လောကလူသားတွေပြောနေကြတဲံစကားရှိပါတယ်။

ဘာလဲဆိုတော့ ” ပထမအရွယ်မှာ ပညာရှာ၊ ဒုတိယအရွယ်မှာ ဥစ္စာရှာ၊ တတိယအရွယ်မှာ တရားရှာတဲ့”
ဒီဆောင်းပါးမှာတော့ တရားထူးတရားမြတ်ရဖို့ နည်းလမ်းကိုပဲ ဦးစားပေးရေးသွားမှာဆိုတော့ ကျန်တဲ့အစိတ်အပိုင်းတွေကို မသုံးသပ်တော့ပါဘူး။

ဒီတော့ တရားထူးတရားမြတ်ရဖို့ ဘယ်အရွယ်ဟာ အခွင့်အရေးအသာဆုံးလဲဆိုရင် မြတ်စွာဘုရားရှင်ရဲ့စကားတော်ကို ထောက်ပြီး ပထမအရွယ်ဟာ တရားထူးတရားမြတ်ရဖို့ အခွင့်အရေးအသာဆုံးပါ။
မဟာဓနသူဌေးသားဝတ္ထုလေးကို ထပ်အာရုံပြုကြည့်ပါဦး။

မဟာဓနသူဌေးသားလင်မယားဟာ ပထမအရွယ်မှတြော့ တရားအားထုတ်ရင် ယောက်ျားက ရဟန္တာဖြစ်ပြီး မိန်းမိက အနာဂါမ်ဖြစ်ရမှာပါ။
ပထမရွယ်မှာ သတိမေ့ပြီး တရားအားမထုတ်ဖြစ်တာ ထားလိုက်ပါဦး။

ဒုတိယအရွယ်မှာ  သတိသံဝေဂဖြစ်ပြီး တရားအားထုတ်မယ်ဆိုရင်လည်း ယောက်ျားက အနာဂါမ်တည်ပြီး မိန်းမက သကဒါဂါမ်ဖြစ်ရမှာပါ။
ဒုတိယအရွယ်မှာ သတိမေ့ပြီး တရားအားမထုတ်ဖြစ်တာ ထားလိုက်ပါဦး.

တတိယအရွယ်မှာ သတိသံဝေဂဖြစ်ပြီး တရားအားထုတ်လိုက်မယ်ဆိုရင်လည်း ယောက်ျားလုပ်သူက သကဒါဂါမ်ဖြစ်ပြီး မိန်းမလုပ်သူက သောတပန်ဖြစ်ရမှာပါ။
အခုတော့ အရွယ်သုံးပါးလွန်ခဲ့ပြီဖြစ်သလို တရားထူးတရားမြတ်တွေနဲ့ ဝေးသွားခဲ့ရပါပြီ။

ဒီဝတ္ထုလေးကို ထောက်ပြီး တရားထူးတရားမြတ်ရဖို့ ပထမအရွယ်ဟာ ပထမအခွင့်အရေးအသာဆုံးပါ။ ဒုတိယအရွယ်ဟာ ဒုတိယအခွင့်အရေး အသာဆုံးပါ။ တတိယအရွယ်ဟာ တတိယအခွင့်အရေးအသာဆုံးပါ။

အဓိကပြောလိုရင်းကတော့ ငယ်ရွယ်နုပျိုနေတဲ့ ပထမအရွယ်ဟာ တရားထုးတရားမြတ်ရဖို့ အခွင့်အရေး အသာဆုံးဖြစ်သလို တရားအားထုတ်လို့ အကောင်းဆုံးအရွယ်လည်းဖြစ်ပါတယ်။

စာရေးသူကတော့ လူငယ်တွေနဲ့ တွေ့ရတဲ့အခါတိုင်း ” တရားအားထုတ်တာ ငယ်လေကောင်းလေပဲ” ဆိုပြီး အထူးပဲတိုက်တွန်းဖြစ်ပါတယ်။
လူငယ်တွေဟာ လောကီအာရုံတွေနဲ့ အများကြီးမတွေ့ရသေးတော့ တကယ့်အဖြူထည်လေးတွေပါ။ အရောင်မတင်ရသေးပါဘူး။

အရောင်မတင်ရသေးတဲ့ အဖြူဆွတ်ဆွတ်မှာ ဘာအရောင်တင်တင် စွဲပါတယ်။ ဒါကြောင့် အဖြူထည်အရွယ်လေးတွေမှာ ၀ိပဿနာအရောင် ဆိုးပေးရင် သိပ်စွဲလွယ်သလို  သိပ်လည်း ခိုင်ခန့်ပါတယ်။

ဣသာမစ္ဆရိယ ရာဂ လောဘ ဒေါသ သောကစတဲ့  ကိလေသာ အညစ်အကြေးတွေ နည်းနေသေးတာရယ်၊ ရုပ်ကလည်းနုပျို၊ နာမ်ကလည်း နုပျိုနေတာရယ်ကြောင့် တရားအားထုတ်ရတာ အကောင်းဆုံးအရွယ်ပါပဲ၊ ရုပ်ကလည်းနုပျို၊ နာမ်ကလည်း နုပျိုနေတာရယ်ကြောင့် တရားအားထုတ်ရတာ အကောင်းဆုံးအရွယ်ပါပဲ။

ရုပ်ကလည်းနုပျို နာမ်ကလည်း နုပျိုနေတဲ့အချိန်ဟာ ဘာလုပ်လုပ် တက်တက်ကြွကြွရှိသလို ရုပ်နောက်ကို နာမ်ကကောင်းကောင်းလိုက်နိုင်သလို နာမ်နောက်ကိုလည်း ရုပ်ကကောင်းကောင်းလိုက်နိုင်ပါတယ်။

ကမ္မဌာန်းဆရာက ထိုင်ဆိုလည်း ထိုင်လိုက်နိုင်တာပါပဲ။ ထဆိုလည်း ထလိုက်နိုင်တာပါပဲ။ စင်္ကြံလျှောက်ဆိုလည်း လျှောက်လိုက်နိုင်တာပါပဲ။ ဒီလိုပြင်မှတ်လိုက်ဆိုလည်း မှတ်လိုက်နိုင်တာပါပဲ။ ဒါဟာ နုပျိုခြင်းရဲ့ အခွင့်အရေးတွေပါပဲ။

နုပျိုခြင်း ဆိုတာ ဘ၀ မှာ တစ်ကြိမ်သာရတာပါ။ ဘ၀မှာ တစ်ကြိမ်သာ ရတဲ့ နုပျိုခြင်း ဆိုတဲ့ အခွင့်အရေးကို ရနေ တုန်းမှာ လုပ်သင့် လုပ်ထိုက်တဲ့ အလုပ် ကို လုပ်ပစ်လိုက်တာဟာ ဘ၀အတွက် အဓိပ္ပါယ်ရှိသွား တာ ပါပဲ။

နုပျိုတုန်း မှာ တရားအားထုတ်ပါ ဆိုတော့ ပညာသင်ကြားမှု အလုပ်လုပ် မှု အားလုံး ကို စွန့်လွှတ်ပြီး အားထုတ် ရမှာလားဆိုတော့ အဲဒီလိုလည်း မဟုတ်ပါဘူး။ ၀ိပဿ        နာ တရားအားထုတ်တယ် ဆိုတော့ ကိုယ့်ဟာ ကိုယ် အားထုတ်လို့ မရပါဘူး။ ဆရာ လိုပါတယ်။

နည်း လိုပါတယ်။ ဆရာနဲ့  နည်းရဖို့အတွက် ရိပ်သာ တစ်ခုခုမှာ ဆယ်ရက်ဖြစ်စေ၊ ဆယ့်ငါးရက်ဖြစ်စေ ၀င်ရ ပါ့မယ်။ တစ်လလောက် ၀င်လိုက်နိုင်တယ် ဆိုရင်တော့ အကောင်းဆုံး ပါပဲ။ လူဆန်ဆန်ပြောရင်တော့ သင်တန်း တက်လိုက်တာပါပဲ၊

ဒါဆို နည်းကောင်းကောင်း ရသွားပါပြီ၊ နည်းရပြီ ဆိုရင် ကိုယ့်အိမ် မှာ အချိန်ပိုင်းလေးနဲ့ အားထုတ်သွား လို့ရ ပါတယ်။

မနက် နာရီဝက် ၊ နေ့ခင်း နာရီဝက်၊ ည နာရီဝက်လောက် အားထုတ် သွားနိုင်တယ် ဆိုရင်ပဲ မဆိုးပါဘူး။ တရား အားထုတ်ပြီးစ မှာ စိတ်ထားလေးတွေ က ကောင်းနေတတ် ပါတယ်။

စိတ်ထားလေးကောင်းနေတော့ ဘယ်သူနဲ့ ပဲ စကားပြောပြော အဆင်ကိုပြေနေတာပါပဲ။ တစ်ဖက်သား က မချေမငံပြောလာရင်တောင် ကိုယ် ကလည်း သည်းခံပြီးသား ဖြစ်နေတတ်ပါတယ်။

ဒါပေမယ့် နေ့ခင်းပိုင်းလောက် အရောက်မှာတော့ စိတ်ထားလေး က နည်းနည်း ညံ့ချင်လာပါပြီ။ ဒီတော့ ဘက်ထရီ အားကုန်တဲ့အခါ ချာဂျင်ပြန်သွင်း ရသလိုပါပဲ။ ကိုယ့်နှလုံးသား ထဲကို ၀ိပဿ  နာချာဂျင် နာရီ ၀က်လောက် ဒါမှ မဟုတ် ဆယ့်ငါး မိနစ်လောက် ပြန်သွင်းရပါတယ်။

ဒီလို ပါပဲ ညပိုင်း ကျတော့ စိတ်ထားလေး က ညံ့ချင်  လာပြန်ပါပြီ။ ဒါကြောင့် တစ်ခါ ၀ိပဿ        နာချာဂျင် နာရီ ၀က်၊  ဆယ့်ငါး မိနစ်လောက် ထပ် သွင်းရပါတယ်။

တစ်နေ့ကို ၀ိပဿ     နာချာဂျင် မနက်တစ်ခါ၊ နေ့လည် တစ်ခါ၊ ည တစ်ခါ တစ်နေ့ သုံးခါလောက်တော့ နေ့စဉ်သွင်းပေးရပါတယ်။ ဒီ အပြုအမူလေးတွေ ဟာ ကိုယ့် ဘ၀နဲ့ ကိုယ့် လုပ်ငန်းခွင်ကို အထောက်အကူပြုပြီးသားဖြစ်နေတတ် ပါတယ်။

တစ်နေ့ တစ်နေ့ လူမျိုးစုံတွေ နဲ့ တွေ့နေရတာ ဆိုတော့ ဆုံးဖြတ်ချက် မှား မသွားအောင် ကိုယ့်နှလုံးသား  ကို ၀ိပဿ    နာချာဂျင်လေးတွေ အားကုန် ခါနီးတိုင်း ပြန်ပြန် သွင်းသွင်းပေးရပါတယ်။

တကယ်လို့ တစ်စုံ တစ်ယောက် နဲ့ အဆင်မပြေဖြစ်ပြီး စကား ကို ပက်ကနဲ့ ပြောပြော မိခဲ့ပြီဆိုရင် ကိုယ့်ကိုယ်ကို သတိထား ကြည့် လိုက်ပါ။ ၀ိပဿ    နာချာဂျင် အားကုန်နေလို့ဆိုတာ တွေ့ရပါလိမ့်မယ်။

တရား အားထုတ်လို့ ရတဲ့ အရသာဟာ ဘာနဲ့မှ လဲလို့ မရပါဘူး။ ဒါက အားထုတ်ဖူး သူတိုင်း သိပါတယ်။ မ၀င် ဖူးသေးရင်သာ ဖြစ်ပါ့ဖြစ်ပါ့ မလား ဆိုပြီး စိုးရိမ်နေတတ် တာပါ။ ရိပ်သာထဲရောက်သွား ရင်တော့ သူလိုကိုယ် လို လူတွေ အများကြီးနဲ့တွေ့ပြီး အဆင်ပြေသွားကြတာပါပဲ။ ကဲ ထားပါတော့။

တတိယ အရွယ် အို မှ တရားဝင်ပြီပဲ ဆိုပါတော့။
တတိယ အရွယ်ဆိုတာ ရုပ်ကလည်းအို၊ နာမ် ကလည်း အိုလာပါပြီ။ ရုပ်ကလဲ အိုလာပြီ ဆိုရင် ထိုင်ရ၊ ထရ တာ လည်း အဆင်မပြေတော့ သလို ထိုင်တဲ့ အခါမှာလည်း ကြာကြာ မထိုင်နိုင်တော့ပါဘူး။

ဆယ့်ငါး မိနစ် တစ်ခါလောက် ပြင်ပြင်နေရ ပါတယ်။ တချို့   ၀တဲ့သူတွေ ဆိုရင် ထိုင်ရတာ တော်တော်လေးခက်ခဲပါတယ်။ တစ်ချို့ ဆိုရင် လူတွဲ နဲ့မှ ထိုင်နိုင် ထနိုင်ပါတယ်။ ဒါဟာ ရုပ်အိုခြင်း ရဲ့ လက္ခဏာပါ။

နာမ် အိုတယ်ဆိုတာ က သတိတွေမေ့မေ့နေတာ ပါ။ ဥပမာ အခန်းထဲဆေးယူ သွားမယ်ဆိုပြီး ၀င်သွား၊ အခန်း ထဲ ကျတော့ ငါဘာယူ မလို့ပါလိမ့် ဆိုပြီး မေ့နေ၊ အခန်းထဲကနေ အပြင်ပြန်ထွက် လာပြီးမှ သြော် ငါ ဆေးယူ ဖို့ ၀င်သွားတာပဲဆိုပြီး သတိရပြီး အခန်းထဲပြန်ဝင်ရ၊ ဒါ နာမ်အို မှုရဲ့ လက္ခဏာ တချို့ပါ။

တရား ထိုင် တဲ့ အခါမှာ လည်း ရုပ်အို လာတဲ့ အတွက် ကြာကြာ မထိုင်နိုင်၊ ကြာကြာ မထိုင်နိုင်တော့ မကြာ ခဏပြင်၊ မကြာခဏပြင်တော့ သမာဓိပျက်၊ နောက် နာမ်က အိုလာတဲ့ အတွက် ကမ္မဌာန်း အာရုံပေါ်မှာ သတိ က ကောင်းကောင်း မကပ်နိုင်တော့ပါဘူး။ နာမ်နဲ့ လုပ်ရတဲ့ အလုပ်မှာ နာမ် က အိုသွားတဲ့ အတွက် ကောင်းကောင်း အလုပ် မလုပ်နိုင်တဲ့ သဘောပါ။

ဒီတော့ သမာဓိ က တော်တော်နဲ့ မဖြစ်၊ သမာဓိ မဖြစ်တော့ ဥာဏ်စဉ်တွေ က မထင်နဲ့၊ ကမ္မဌာန်း ဆရာက တရားစစ်တဲ့ အခါကျတော့ ရှေ့က ယောဂီ ငယ်ငယ် ကလေးမလေးတွေ က ” ဘယ်လို မှတ်လိုက်တယ် ဘုရား၊ ဘယ်လို မှတ်လိုက်တယ် ဘုရားနဲ့” လျှောက်စရာတွေ တစ်လှေကြီး နဲံ လျှောက်သွား၊ ကိုယ့်မှာတော့ ဘာမှလျှောက်စရာ မရှိ၊ ဒီတော့ စိတ်ဓါတ်တွေ ကျပြီး အိမ်ပြန် ချင်စိတ်ပေါက်လာ၊ အိမ်ပြန်ရောက်ပြီး နောက် တခါ တရားဝင်ဖို့ သားသမီးတွေက တိုက်တွန်းရင် တစ်ကြိမ်တည်းနဲ့ သေ မလောက်ကြောက်သွားတော့ တာပါပဲ၊

ဒါ တတိယ အရွယ်လို့ခေါ် တဲ့ ရုပ်နာမ် အိုခြင်း ရဲ့ ဆိုးပြစ်လက္ခဏာတွေ ပါပဲ။ နောက် တတိယ အရွယ် ရဲ့ ဆိုးကျိုးလဲ တစ်ခုရှိပါသေးတယ်။ ယောဆရာတော်ဘုရား ရဲ့ တရားတွေ ထဲမှာ အိုလာပြီ ဆိုရင် ” အိုပယ်ဖြစ် တတ်တယ်” ဆိုတဲ့ စကားလုံးလေး မကြာခဏ ပါလေ့ရှိပါတယ်။ အိုပယ် ဆိုတဲ့စကားလုံး ကလေးက သိပ်လှ တာပါ။
အိုလာပြီ ဆိုရင် ကိုယ့်ရဲ့သားသမီးမြေးမြစ်တွေ က ကိုယ့်ကို ပယ်ထားလိုက် တာပါ။ ထမင်းကျွေးရုံ ၊ အ၀တ် ဆင်ရုံက လွဲလို့ အကြံဥာဏ် ယူတာ တိုင်ပင်ဆွေးနွေးတာတွေ မရှိတော့ပါဘူး။ ကိုယ့်နဲ့ ခပ်လှမ်းလှမ်း မှာ မြေးတွေ က တိုးတိုး တိုးတိုးနဲ့ စကားပြောနေမယ်။ ကိုယ်က ဒါကို ဟဲ့ မြေးတို့ ဘာတွေပြောနေတာလဲ လို့ သွားမေးမယ်။ ဒီတော့ မြေးတွေ က အို ဒါလူကြီးတွေ ရဲ့ ကိစ္စမဟုတ်ပါဘူး၊ လူငယ် ကိစ္စပါလို့ ပြန်ပြောခံရ။

တချို့ဆို ငွေကြေးချမ်းသာ ပါရဲ့၊ ပညာလည်း တတ်ပါရဲ့၊ မိသားစု အသိုင်းအ၀ိုင်း ကလည်း ပေါပါရဲ့၊ သတင်း စာ စာ အုပ်ကြော်ငြာလေးကို ဖတ်ပြီး ” သားရေ အရှင်ဆန္ဒာဓိက ရဲ့ နောက်ဆုံးထွက် စာအုပ်ကလေး ၀ယ်ခဲ့ ပါဦး” လို့ မှာဖြစ်လိုက်ပါရဲ့။

တစ်ရက်လာ လည်း ပါမလာ၊ နှစ်ရက် လာလည်း ပါမလာ၊ ရက်တွေ သာကြာသွား တယ်၊ လိုချင်တဲ့ စာအုပ် က မရ၊ ကိုယ်တိုင် ထွက်ဝယ်ဖို့ကျတော့လည်း ကား ရှိပေမယ့် မောင်းပို့မယ့်သူ မရှိ၊ ဒါတွေ ဟာ အိုပယ်ရဲ့ ထင်ရှားတဲ့ လက္ခဏာဆိုး တချို့ပါ။

တခြား ဒီထက် ဆိုးတဲ့ ကိစ္စတွေ လည်း ရှိချင်ရှိဦးမှာပါ။
တကယ်လို့ ပထမ အရွယ်မှာ တရားကို ကြိုးကြိုး စားစား အားထုတ် ခဲ့ရင် သူတို့ ဘယ်လောက်ပဲ ” အိုပယ်” လုပ်ထား လုပ်ထား၊ ကိုယ်က ကိုယ့်ဝိပဿ         နာတရားလေး နဲ့ နေနေ လိုက်ရင် ” အိုပျော်” ဖြစ်သွားမှာပါ။

ဝိပဿ    နာတရား ဆိုတာ တစ်ယောက်တည်း တစ်စိတ်ထည်း အားထုတ် ရတာဆိုတော့ သူတို့ အိုပယ် လုပ်လေ ကိုယ့် အတွက် တရားမှတ် ရတာ အကောင်းဆုံးဖြစ်လေပါပဲ။

တရားထူး တရားမြတ် ရတာကို ခဏထားလိုက် ပါဦး။ လူ့ဘ၀ သက်တမ်း ကို ယေဘုယျ ခုနှစ်ဆယ့် ငါးနှစ် နဲ့တွက်လိုက် ရင် အသက်နှစ်ဆယ့်ငါးနှစ် အတွင်းဟာ တရားအားထုတ်ဖို့ ပထမ အကောင်းဆုံးအရွယ်ပါ။

အသက်ငါးဆယ် အတွင်းဟာ တရားအားထုတ် လို့ ဒုတိယ အကောင်းဆုံးပါပဲ၊ ကျန်တဲ့ တတိယ အရွယ်သက် တမ်း ကိုတော့ ဆက်မပြောပါရစေနဲ့တော့။ ကိုယ့် အရွယ် ကိုယ်ပြန်ကြည့်ပြီး ဆုံးဖြတ်ဖို့ပဲ လိုပါတယ်။

လူ့ဘ၀ ကို ရလာတယ်။ လူ့ဘ၀ကို ရလာပြီး လူ့ဘ၀ ရဲ့ အနှစ်သာရဖြစ်တဲ့ ၀ိပဿ       နာတရားလေး မှ အား ထုတ် မသွားရဘဲ သေသွားမယ် ဆိုရင် လူ့ဘ၀ ကို ရလာတာ ဘာမှ အဓိပ္ပါယ် မရှိတော့ဘူး ။

လူ ဆိုတာ သေမျိုးပါ။ မသေခင်လေး မှာ ဒီ ၀ိပဿ         နာတရားလေးတော့ ကုသိုလ်ဖြစ်လောက်ပဲဖြစ်ဖြစ်၊ ဗဟုသုတဖြစ်လောက်ပဲဖြစ်ဖြစ်၊ ပါရမီ ပါသွားအောင် အားထုတ် သွားသင့်ပါတယ်။လောကီ ထဲမှာ နေနေကြ တာဆိုတော့ လောကီ အာရုံတွေနဲ့တော့ ကင်းလို့ မရပါဘူး၊

ဒါပေမယ့် မော်ဒန်တွေ ၊ ပို့စ်မော်ဒန်တွေ၊ မန်ယူတွေ၊ အာစင်နယ်တွေ၊ နှစ်လုံး သုံးလုံးတွေ၊ ရားထူး ဌာနန္တရတွေ၊ အပြန်အလှန် တုံ့ပြန်မှုတွေ၊ အောင်မြင်ကျော်ကြားမှုတွေနောက် တစ်ကောက်ကောက် လိုက်နေရမှုတွေနဲ့တော့ အရွယ်သုံးပါးလုံးကို အချိန်ကုန်မသွားသင့်ပါဘူး။ ဒါတွေကို သင့်ရဲ့ ဘ၀အစိတ် အပိုင်းတစ်ခု အနေနဲ့ပဲ သဘောထားသင့်ပါတယ်။ ဘ၀ရဲ့ အဓိက အခန်း ကဏ္ဍထဲမှာ ရှိမနေသင့်ပါဘူး။

ကဲ စာဖတ်သူ ” ဘယ် အရွယ်မှာ တရားအားထုတ် လို့ အကောင်းဆုံး လဲလို့ ” မေးလာခဲ့ရင် ပထမ အရွယ် ပါပဲ၊ ဘ၀မှာ တကြိမ်သာ ရတဲ့ နုပျိုခြင်းကို ၀ိပဿ        နာအရာမှာ ကောင်းကောင်းကြီး အသုံးချပစ်လိုက် စမ်းပါ။

ဒီ စာစုကို သဒ္ဓမ္မရံသီ ဆရာတော်ဘုရားကြီး ရဲ့ လင်္ကာလေးနဲ့ ပဲ နိဂုံး ချုပ်လိုက်ကြရအောင်ပါ။

အိုရ မည့်ဘေး မရောက်သေး မျှော်တွေး ဆင်ခြင်ပါ။
မအိုသေးခင် တရားဝင် အဆင်ပြေလှသည်။
အိုသော အခါတွင် တရားဝင် အဆင် မပြေပြီ၊
အိုသော ခါမှ တရားမရ မှားကြပါလိမ့်မည်။

ရဝေနွယ်အင်းမ

ဝိပဿ နာ ဘာဝနာကို စဉ်မပြတ် ရှုမှတ်နေသူတွေမှာ

ဝိပသနာ ဘာဝနာကို စဉ်ဆက်မပြတ်ရှုမှတ်နေသူ၏ သေခါနီးတွင် ရရှိနိုင်သောအကျိုးများ

၁။ ရောဂါကြီးသော်လည်း ငြီးငြူ မှု မရှိခြင်း၊

၂။ သတိမမေ့ခြင်း။

၃။ သေမည့်နေ့ အချိန်ကို သိခြင်း၊

၎။ သေခါနီး မျက်ဖြူလန် (မျက်ဖြူဆိုက်) အကြောဆွဲမှု မရှိခြင်း၊

၅။ သေလည်း ခန္ဓာကိုယ်ဟာ မတောင့်တင်းပဲ ပျော့ပျော့ပျောင်းပျောင်းရှိခြင်း၊

၆။ ရုပ်အလောင်း မပုပ်ခြင်း၊

၇။ ကောင်းရာသုဂတိသို့ လားရောက်ရသည်ဖြစ်၍ ဂတိမြဲခြင်း-

ဤအကျိုးများပင် ဖြစ်တယ်။

ဝိပဿ နာ အကျိုး

ခန္ဓာကိုယ်မပုပ်မသိုး
ရောဂါကြီးမူ၊ ငြီးငြူမရှိ၊ သတိမမေ့၊ ချိန်နေ့သိပြန်၊ မျက်လှန်ကြောဆွဲ၊
မရှိဘဲလျှင်၊ သေလဲ (လည်း)မတောင့်တင်း၊ ပုပ်နံ့ကင်းလျက်၊
မြဲခြင်း ဂတိ၊ ကျိုးရင်းရှိသည်၊ မှတ်ဘိ ဝိပဿ နာ တန်ခိုးတည်း။

မေတ္တာဖြင့်ဝေမျှသူ
အနှိုင်းမဲ့စာတိုပေစများ

ကျမ်းကိုး
၁။ ဓမ္မပဒ ( ဒုတိယ၀တ္ထုတွဲ)
မဟာဓန သူဌေးသားဝတ္ထု။
၂။ သိကောင်းစရာ ဤခြောက်ဖြာ။
သဒ္ဓမ္မရံသီဆရာတော်ဘုရားကြီး။
ရုပ်ရှင်တေးကဗျာမဂ္ဂဇင်း
ဇန်န၀ါရီ၊ ၂၀၀၆။

ဓမ္မ စာပေများ
Ko Ko Kyaw

::::::::::::::::::::::::::::::::::::::::::::::::::::::

(လရိပ်ချို blogမှတဆင့်ဓမ္မဒါနကူးယူ
တင်ပြအပ်ပါသည်ခင်ဗျာ)

(ဤ " Buddha Dhamma Sangha ရတ်ပိပြကာ" Page မှ  ဓမ္မတရားတော် Post များကို အများသူငါ ဖတ်ရှုလေ့လာနိုင်စေရန်အတွက် မည်သူမဆို  ပြန်လည်၍ဝေမျှ Share ခြင်းဖြင့်ကုသိုလ်
ယူနိုင်ကြပါသည်ခင်ဗျာ)
        
(အသိပညာဗဟုသုတနှင့် ကုသိုလ်တရား များတိုးပွားနိုင်ကြပါစေခင်ဗျာ)