ဒီနေ့တော့ နိုင်ငံတော်သမ္မတအဖြစ်ငါးနှစ်တာ တာဝန်ထမ်းဆောင်ခဲ့တဲ့ ဦးသိန်းစိန်နဲ့ပတ်သက်တဲ့ အကြောင်းအရာလေးတချို့ရေးသားတင်ပြချင်ပါတယ်...

ဒီနေ့တော့ နိုင်ငံတော်သမ္မတအဖြစ်ငါးနှစ်တာ တာဝန်ထမ်းဆောင်ခဲ့တဲ့ ဦးသိန်းစိန်နဲ့ပတ်သက်တဲ့ အကြောင်းအရာလေးတချို့ရေးသားတင်ပြချင်ပါတယ်...

အန်ကယ်ဦးသိန်းစိန်နဲ့ စကားစပြောဘူးတာ ၂၀၀၉ ခုနှစ် ရန်ကုန်လေဆိပ်(ပြည်တွင်းထွက်ခွာ)မှာဖြစ်ပါတယ်။ သူဝန်ကြီးချုပ်ဘဝနဲ့နေပြည်တော်တက်ခါနီး ကျွန်တော်နဲ့ဆုံတော့ "မင်းရောက်ပြီလား" လို့မေးတာကို ကျွန်တော်က "ဟုတ်ကဲ့...ရောက်ပါပြီခင်ဗျ" လို့ပြန်ဖြေတာဖြစ်ပါတယ်။ မှတ်မှတ်ရရ ဦးသိန်းစိန်နဲ့တစ်သက်မှာ ၃ ခေါက်လောက်သာစကားပြောဘူးပြီး ယခင်နယကထိပ်ပိုင်းခေါင်းဆောင်များထဲမှာ ကျွန်တော်အတွေ့အနည်းဆုံးပုဂ္ဂိုလ်ဖြစ်ပါတယ်။

သူနဲ့သူ့မိသားစုရဲ့ရိုးသားဖြောင့်မတ်တဲ့အကြောင်းကို ငယ်စဉ်ကတည်းကကြားဘူးနေပြီး ကောလဟလမဟုတ်တဲ့ ပြောပြချက်တချို့ကိုတင်ပြလိုပါတယ်။

- ကစထမှူးကြီးတစ်ဦးက ဦးသိန်းစိန်သမီးတစ်ယောက်ကို ယာဉ်ထိန်းတစ်ယောက်က ၂၀၀၈ လောက်က မီးနီဖြတ်နောက်ကျတာကိုကားတားပြီး ပိုက်ဆံတောင်းဘူးကြောင်း၊ သမီးဖြစ်သူက လူကြီးသမီးလို့လည်းမပြော၊ လာဒ်ငွေလည်းမပေးဘဲ ရဲစခန်းအထိလိုက်သွားကြောင်း၊ စခန်းရောက်မှ ဝန်ကြီးချုပ်သမီးမှန်းသိပြီးပြန်လွှတ်ရကြောင်းဆိုပါတယ်။

- ဆောက်လုပ်ရေးဝန်ကြီးဌာနမှအရာရှိကြီးတစ်ဦးက ဝန်ကြီးချုပ်ကြီးသမီးတစ်ဦးဌာနမှာရှိကြောင်း၊ ရုံးပုံမှန်တက်ပြီး ကားကိုယ်တိုင်မောင်းကြောင်း၊ ကား Sticker အမည်းလည်းကပ်ထားခြင်းမရှိကြောင်းပြောပြဘူးပါတယ်။

- ဦးသိန်းစိန်ကိုယ်ရေးအရာရှိတစ်ဦးနဲ့ ကျွန်တော့်အသိဗိုလ်မှူးတစ်ဦးနဲ့အသိများဖြစ်ကြပြီး ဦးသိန်းစိန်ရန်ကုန်ပြန်ရောက်ရင် သူ့ PA က (ဦးသိန်းစိန်အိမ်ကနေသူ့အိမ်ကို) ပြန်စရာကားမရှိတဲ့အတွက် ဦးသိန်းစိန်စီးတဲ့ကားနဲ့ပြန်ရကြောင်းပြောဘူးပါတယ်။

- ၂၀၀၉ ခုနှစ် ကျွန်တော်နေပြည်တော်မှရန်ကုန်သို့ Air Bagan ဖြင့်ပြန်လာစဉ် လေယာဉ်ဆင်းခါနီးမှာ လေယာဉ်မယ်တစ်ဦးက "ဖိုးလပါလာမယ်ဆိုလို့ ဦးသိန်းစိန်တို့မိသားစု(သမီးနှင့်မြေးများ) အကုန်လုံးအနောက်မှာသွားထိုင်ကြောင်း၊ သကြားလုံးဝေတဲ့အခါမှာလည်း သမီးဖြစ်သူကမြေးဖြစ်သူကို 'သားသား..မမကိုကျေးဇူတင်ပါတယ်လို့ပြော' ဟုဆုံးမကြောင်း၊ အလွန်ယဉ်ကျေးသောမိသားစုဖြစ်ပြီး တခြားလူကြီးမိသားစုများနှင့်မတူကြောင်း" ပြောပြတော့ ပါးစပ်အဟောင်းသားနဲ့နားထောင်ခဲ့ရပါတယ်။

- စင်္ကာပူသံရုံးကမိတ်ဆွေတစ်ဦးက "ဦးသိန်းစိန်ဆေးလာစစ်လို့ သူ့သမီးများပါလာရင် ဟိုတယ်ထဲကအပြင်မထွက်ကြောင်း၊ အခြားဝေယာဝစ္စများလည်းလုပ်ပေးစရာလည်းမလိုကြောင်း၊ အနေအေးသည့်မိသားစုဖြစ်ကြောင်း" မှတ်ချက်ပြုခဲ့ပါတယ်။

- ကျွန်တော်ကိုယ်တိုင် သူတို့မိသားစုနဲ့သေချာတွေ့ဘူးတာက ၂၀၀၉ ခုနှစ်ဖြစ်ပြီး ကျွန်တော့်မွေးနေ့ဖိတ်စာပေးဖို့ သူ့ရဲ့ရန်ကုန်အိမ်ကိုညဘက်ကြီးသွားခဲ့ပါတယ်။ အိမ်ခြံစည်းရိုးက သံဆူးကြိုးတောင်မတပ်ထားတော့ ဝန်ကြီးချုပ်အိမ်မှဟုတ်ရဲ့လားလို့တွေးပြီး ဝင်လာခဲ့ပါတယ် (သူ့ရဲ့ရန်ကုန်အိမ်ခြံစည်းရိုးမှာ သံဆူးကြိုးကို ၂၀၁၃ လောက်မှာမှ တပ်ဆင်တယ်လို့သိရပါတယ်)။ ခြံဝန်းထဲရောက်တော့ Suzuki R+ တစ်စီးနဲ့ (အမှတ်မမှားဘူးဆိုရင်) Caldina အစုတ်လေးတစ်စီးတွေ့ပါတယ်။ "ဟာ... ဒီဗိုလ်ချုပ်ကြီးကမွဲလှချည်လား" လို့တောင်ပါလာတဲ့သူငယ်ချင်းတစ်ယောက်ကို ကျွန်တော်နောက်လိုက်ပါတယ်။

   အန်တီဒေါ်ခင်ခင်ဝင်းက အိမ်ပေါ်ကနေ သူ့သမီးတစ်ယောက်လက်ကိုတွဲပြီးဆင်းလာတော့ ကြည်နူးစရာမြင်ကွင်းလို့ ကျွန်တော်ထင်မိခဲ့ပါတယ်။ လူကြီးသားသမီးတော်တော်များများဟာ လူကြီးအရှိန်နဲ့ကောင်းစားလာတာကို ကိုယ့်ကိ်ုယ်ကိုဘဝင်မြင့်လာတတ်ကြပြီး (ဘေးနားကသွေးထိုးမြောက်ပင့်သူများစကားနားယောင်ကာ) မိဘ၊မောင်နှမ၊ဆွေမျိုးများနဲ့နွေးထွေးမှုလျော့ပါးလာတဲ့ အဖြစ်အပျက်များကို မျက်မြင်ကိုယ်တွေ့ကြုံခဲ့ဘူးလို့ဖြစ်ပါတယ်။

  ၁၅ မိနစ်လောက်စကားပြောပြီးတော့ အန်တီဝင်းက "သားရေ...ခဏလာဦး" လို့ပြောကာ သူ့ခြံထဲထွက်ခိုင်းပြီး ခပ်လှမ်းလှမ်းကအိမ်ကိုလက်ညှိုးထိုးကာ "ဟိုဘက်ကအိမ်ကိုသိလား" လို့ကျွန်တော့်ကိုမေးပါတယ်။ ကျွန်တော်က 'မသိပါ' လို့ပြောတော့ အန်တီဝင်းက "အဲ့ဒါဗိုလ်ချုပ်ကြီးစိုးဝင်း(ဝန်ကြီးချုပ်၊ကွယ်လွန်)ရဲ့အိမ်... သားက အန်တီနွဲ့(ဝန်ကြီးချုပ်ဟောင်း၏ဇနီး) ကိုသေချာသွားဖိတ်နော်... တော်ကြာသူစိတ်မကောင်းဖြစ်နေမယ်.." လို့သေချာမှာကြားလေတော့ "ရာထူးရှိမှဖိတ်၊မရှိရင်မဖိတ်နဲ့" လို့ကျွန်တော့်ကိုပြောဘူးတဲ့ နောက်ထပ်ထိပ်တန်းခေါင်းဆောင်တစ်ဦးရဲ့ ဇနီးသည်ရဲ့စိတ်ဓာတ်နဲ့ မိုးနဲ့မြေလိုကွာခြားလိုက်တာကို အပြန်လမ်းမှာအကြိမ်ကြိမ်စဉ်းစားမိပါတယ်။

- အန်ကယ်ဦးသိန်းစိန်နဲ့သေသေချာချာဆုံဘူးတာက ၂၀၁၂ ခုနှစ် မေလ ၁၂ ရက်နေ့ညမှာဖြစ်ပါတယ်။ သူတို့မိသားစုနဲ့လုံးဝနီးပါး အဆက်အသွယ်မရှိလေတော့ သူနဲ့တွေ့ခွင့်ရဖို့ ကျွန်တော်စာတစ်စောင်ရေးပို့ခဲ့ပါတယ်။ ပုဂ္ဂိုလ်ရေးတွေ့ခွင့်တောင်းတာဖြစ်လို့ စာတောင်ရောက်မှရောက်ပါ့မလားလို့တွေးပူမိပါတယ်။ ရက်အနည်းငယ်အကြာ သူ့ရဲ့အရာရှိတစ်ဦးဖုန်းပြန်ဆက်လာပြီး တွေ့ဆုံခွင့်ပေးမည်လို့အကြောင်းပြန်ပါတယ်။

   တွေ့ဆုံခွင့်ရခဲ့တဲ့ညက ဦးသိန်းစိန်က သမ္မတအိမ်တော်ကဧည့်ခန်းမတစ်ခုမှာ စောင့်နေပါတယ်။ ကျွန်တော်ဝင်သွားတော့ သူက TV ကြည့်ရင်းစာရေးနေပါတယ်။ သူ့အနားရောက်သွားတော့ ကျွန်တော်က "ဦး...သားရောက်ပါပြီခင်ဗျာ" လို့ပြောတော့ သမ္မတကြီးက "အေး...လာ...ဒီမှာထိုင်" လို့ပြောပါတယ်။ သမ္မတအိမ်တော်ကခမ်းခမ်းနားနားရှိလှတော့ ကျွန်တော်က "အိမ်ကြီးကခမ်းနားတယ်ဦးရာ...ဘယ်အဖွဲ့ဆောက်လည်းမသိဘူး" လို့လောကွတ်ပြုတော့ သူက "ဘယ်သူရှိရမှာတုန်းကွ... မင်းဖိုးဖိုးဆောက်တာပေါ့" လို့ပြန်ပြောတော့ ကျွန်တော်ဝမ်းသာသွားပါတယ်။

  ခဏနေတော့ အန်တီဝင်းလည်းရောက်လာပြီး ကျွန်တော်တို့တစ်နာရီကြာလောက်စကားပြောဖြစ်ပါတယ်။ ပြန်ခါနီးမှာကျွန်တော်က ငါးထောင်တန်လေးတစ်ရွက်ထုတ်ပြီး "ဒီငါးထောင်တန်လေးက ၂၀၀၉ ခုနှစ်မှာအသစ်ထုတ်ခါစက အဖိုးလက်ဆောင်ပေးထားတာဖြစ်ကြောင်း၊ သူနယကဥက္ကဌတာဝန်ထမ်းဆောင်စဉ်မှာ အမှတ်တရလက်မှတ်ရေးထိုးပေးထားကြောင်း၊ ဦးလည်းယခုလိုနိုင်ငံတော်အကြီးအကဲတာဝန်ထမ်းဆောင်စဉ်မှာ အမှတ်တရလက်မှတ်ထိုးပေးစေလိုပါကြောင်း" ပြောပြတော့သမ္မတကြီးက ကျွန်တော်အသင့်ယူလာတဲ့ Mount Blanc Pen နဲ့လက်မှတ်ရေးထိုးပေးခဲ့ပါတယ်။ (အဖိုးနဲ့ဦးသိန်းစိန်နဲ့လက်မှတ်ရေးထိုးခဲ့တဲ့ Pen ဟာတစ်ချောင်းထဲဖြစ်ပြီး ဒေါ်အောင်ဆန်းစုကြည်က အခြား Pen နဲ့ လက်မှတ်ရေးထိုးထားခြင်းဖြစ်ပါတယ်)

ကျွန်တော့်အနေနဲ့အစတည်းက အမှန်အတိုင်းပြောပြလိုသော်လည်း နိုင်ငံရေးအရတိုက်ကွက်သဖွယ်အသုံးချခံမဖြစ်ရအောင်ရယ်၊ လူကြီးများစိတ်အနှောင့်အယှက်မဖြစ်ရအောင်ရယ် ချိန်ဆနေတာကြောင့်အခုမှသာပြောပြရခြင်းဖြစ်ပါတယ်။ လူကြီးကတကယ်မေ့သွားလို့လား၊ ကိုယ်တွေမစဉ်းစားမိတဲ့ရှုထောင့်က တစ်ခုခုကိုတွေးမိလား၊ ကြားလူနှောက်တာကြောင့်တွေဝေသွားပြီး လက်မှတ်မထိုးဘူးလို့ပြောလိုက်တာလားမသိနိုင်တာမို့ မီဒီယာများအနေနဲ့ ဒီသတင်းကိုပြန်လည်ဖော်ပြမယ်ဆိုရင်လည်း တစ်ဘက်သားကိုထိခိုက်စေနိုင်တဲ့ အသုံးအနှုန်းများနဲ့သုံးနှုံးဖော်ပြခြင်းမပြုဖို့လည်း တစ်ခါတည်းမေတ္တာရပ်ခံလိုပါတယ်။ တိုက်ခိုက်ဝေဖန်လာရင်တောင် ကိုယ်တွေလူငယ်များကသာခံပေးရမှာဖြစ်တဲ့အပြင် လူကြီးကိုထိခိုက်စေလိုတဲ့စိတ်လုံးဝမရှိတာကြောင့် ဘာကိုအတည်ယူယူလည်း ကျွန်တော့်အနေနဲ့ဘာမှငြင်းစရာမရှိပါကြောင်း တစ်ဆက်တည်းပြောကြားလိုပါတယ်။

ကျွန်တော့်အမြင်ပြောရရင် နယကခေါင်းဆောင်များထဲမှာ ဦးသိန်းစိန်သည် အရပ်သားအစိုးရအကြီးအကဲရာထူးအတွက် အသင့်တော်ဆုံးပုဂ္ဂိုလ်ဖြစ်ပါတယ်။ သူ့ရဲ့သည်းခံနိုင်စွမ်း၊ လူထုရဲ့အမြင်ကိုအလေးထားမှု၊ ရဲရဲဝံ့ဝံ့ပြောင်းလဲမှုပြုနိုင်တဲ့သတ္တိနဲ့ သူ့ရဲ့ ရိုးသားမှုဂုဏ်ဟာ ရှာမှရှားအရည်အချင်းများဖြစ်ပါတယ်။ သူ့ကိုအရင်ကတည်းက တစ်စိုက်မတ်မတ်ထောက်ခံခဲ့တဲ့ကျွန်တော်ကတော့ ခရီးသွားခါနီးလေဆိပ်မှာ 'In Thein Sein, I Trust' ဆိုပြီးကြိုတင်မဲပေးပုံတင်တာကို အောင်ဇော်တို့ဖွလို့အဆဲခံရတာနဲ့ သူ့ရဲ့ကြောင်ကျားပြန်ဝန်က ဘာမှအရေးမကြီးတဲ့ကိစ္စတွေ ပေါက်ကရလျောက်ပြောနေလို့ အခုလိုစာတစ်တန်၊ပေတစ်တန်ပြန်ရှင်းပြရတာပဲ အဖတ်တင်ခဲ့ပါတယ်။

ကျွန်တော်တို့မြန်မာလူမျိုးများဟာ သမိုင်းအစဉ်အဆက် ယဉ်ကျေးသိမ်မွေ့တဲ့လူမျိုးများဖြစ်ကြပါတယ်။ တစ်နိုင်ငံလုံးနီးပါးကလည်း မွန်မြတ်တဲ့ဘာသာတရားအဆုံးအမကို လက်ခံသက်ဝင်ယုံကြည်ကြသူများဖြစ်ပါတယ်။ ကိုယ့်မြန်မာလူမျိုးအချင်းချင်း လူကြီးသူမအရွယ်များကိုတောင် မကြားဝံ့မနာသာတွေ ပုတ်ခတ်ရေးသားနေကြတာမြင်ရတော့ ကျွန်တော်လည်း အံ့သြဝမ်းနည်းမိပါတယ်။ ဘယ်ဘက်ကလူကြီးများကိုပဲဖြစ်ဖြစ် 'နင်ပဲငဆ'ဆဲရေးတိုင်းထွာမှုများကို အခြားသူများဖတ်ရရင်လည်း စိတ်ချမ်းသာမည်မဟုတ်လို့ယူဆပါတယ်။ ကျွန်တော်တို့မြန်မာလူမျိုးများရဲ့ အလောကြီးလှုပ်ရှားလွန်းတတ်တဲ့စိတ်ဓာတ်၊ တစ်ခုခုဆိုအပြစ်တင်စောလွန်းတဲ့အကျင့်နဲ့ သတင်းတစ်ခုခုတက်လာတိုင်း ယုံလွယ်တတ်တဲ့သံသယဆိုးများကို ဖျောက်ပစ်ဖို့အချိန်ရောက်ပြီလို့ထင်ပါတယ်။

အခုမြန်မာပြည်သူပြည်သားများအဓိကမျှော်လင့်နေကြတာ တိုင်းပြည်ကြီးပွားတိုးတက်ရေးဖြစ်ပါတယ်။ မိဘနဲ့သားသမီး (သို့) ညီအစ်ကိုမောင်နှမအချင်းချင်းမတည့်တဲ့မိသားစုဟာ တိုးတက်ကြီးပွားအောင်လုပ်ဖို့နေနေသာသာ ကိုယ့်မိသားစုမပြိုကွဲအောင်ထိန်းနေရတာနဲ့တင် အချိန်ကုန်နေမှာဖြစ်သလို ပြည်သူပြည်သားအချင်းချင်းစိတ်ဝမ်းကွဲနေတဲ့တိုင်းပြည်ဟာလည်း စီးပွားရေးကိုတစိုက်မတ်မတ်လုပ်ဖို့ခက်ခဲမယ်ဆိုတာ အမှန်တကယ်သတိပြုဆင်ခြင်နိုင်ဖို့လိုအပ်ပါတယ်။

ကျွန်တော်ရန်ကုန်မြို့မှာနေပါတယ်။ ကောင်းကောင်း၊မကောင်းကောင်း အများပြည်သူကိုဖြန့်ဝေတဲ့ ဂျိုးဖြူရေကိုပဲသုံးရပါတယ်။ မှန်မှန်၊မမှန်မှန် EPC ကလျှပ်စစ်နဲ့ပဲ ရှင်သန်ရပါတယ်။ သန့်သန့်၊မသန့်သန့်အင်းယားကန်ကလာတဲ့လေကိုပဲရှုရှိုက်ရသလို အိမ်ကထွက်ရင်လည်း ကားကျပ်ကျပ်၊မကျပ် ပြည်လမ်းနဲ့ကမ္ဘာအေးကပဲမောင်းရပါတယ်။ ဒါ့အပြင် နေ့စဉ်ဓူဝဆက်ဆံရတဲ့လူပုဂ္ဂိုလ်၊ဝန်ထမ်းများရဲ့ ကောင်းကျိုး၊ဆိုးဒဏ်ကိုအများနည်းတူပဲကြုံဘူးသလို အောက်ခြေဝန်ထမ်းများနဲ့စစ်သည်လေးများရဲ့ဘဝများအစ မြန်မာနိုင်ငံအသိုင်းအဝိုင်းစုံရဲ့ပြုမူလှုပ်ရှားပုံများအထိ တွေ့မြင်ကြုံတွေ့ဘူးပါတယ်။ ပြောချင်တဲ့လိုရင်းက မြန်မာပြည်ရဲ့ကောင်းမွေ၊ဆိုးမွေမှန်သမျှ မြန်မာပြည်ထဲမှာနေရတဲ့လူအားလုံးအပေါ် အနည်းနဲ့အများအကျိုးသက်ရောက်မှုရှိပါတယ်။ တတ်နိုင်လို့သီးသန့်ကြီးအိမ်ထဲမှာနေရင်တောင် ဘယ်သူမှတော့အိမ်ထဲမှာတစ်သက်လုံးကြီးမနေနိုင်ပါဘူး။ အချိန်တန်ရင် အပြင်ထွက်သွားလာဆက်ဆံရတဲ့အတွက် မြန်မာလူမျိုးများရဲ့စိတ်ဓာတ်ရင့်ကျက်တိုးတက်လာမှုနဲ့ တစ်တိုင်းပြည်လုံးအတိုင်းအတာနဲ့စီးပွားရေးဖွံ့ဖြိုးတိုးတက်လာမှုကို ကျွန်တော့်အနေနဲ့ အများနည်းတူအလွန်ပဲမျှော်လင့်တောင့်တမိပါတယ်။

အခုဆိုရင်ပြည်သူအများစုမဲပေးရွေးချယ်ပြီးဖြစ်တဲ့ အစိုးရတစ်ရပ်ဦးဆောင်အုပ်ချုပ်တော့မှာဖြစ်ပါတယ်။ သူတို့ရဲ့ဆောင်ရွက်ချက်များကို နှစ်သက်ရင်ချီးမွန်းထောက်ခံ၊ မကြိုက်ရင်ယဉ်ကျေးစွာဝေဖန်၊ နောက်သက်တမ်းအတွက်မဲမပေးရုံပဲဖြစ်ပါတယ်။ မရင့်ကျက်ခဲ့တဲ့အတွေးအခေါ်များကြောင့် တပ်သာမယ်ထင်ရင်တပ်ကိုကပ်၊ NLD သာမယ်ထင်ရင် NLD ကိုကူးကာ ကိုယ်မျက်နှာရဖို့အရေး တစ်မြေတည်းနေ၊တစ်ရေတည်းသောက်ကြတဲ့ မြန်မာတိုင်းရင်းသားအချင်းချင်း တစ်ဘက်နဲ့တစ်ဘက် ရုန့်ရင်းကြမ်းတမ်းစွာပုတ်ခတ်ပြောဆိုမှုများဟာ အလွန်ပဲရုပ်ဆိုးအကျည်းတန်လှပါတယ်။ အခုချိန်ထိကို အိမ်နီးချင်းနိုင်ငံများနဲ့ဘယ်လိုယှဉ်ဖို့ကြိုးစားမယ်၊ စိတ်ဓာတ်၊စည်းကမ်း၊ပညာရေး၊ကျန်းမာရေး စသည်တို့ကို ဘယ်လိုတိုးတက်အောင်လုပ်မလည်း၊ လူတစ်ဦးချင်းစီရဲ့စီးပွားရေး အမှန်တကယ်မြင့်မားလာအောင် ဘယ်လိုဝိုင်းလုပ်ကြမလည်း စတဲ့မဟာဗျူဟာများစဉ်းစားတွေးခေါ်ခြင်းမရှိဘဲ 'ငါမှအမှန်' အတ္တစိတ်ဓာတ်များနဲ့ တစ်ဘက်နဲ့တစ်ဘက်ပြစ်တင်ဝေဖန်ခြင်းသာပြုလုပ်နေတာကြောင့်  တိုင်းပြည်နဲ့ပြည်သူများလည်း ရုပ်ပိုင်းဆိုင်ရာရော၊စိတ်ပိုင်းဆိုင်ရာပါ နွမ်းလျပင်ပန်းနေကြပါပြီ။

ဒီလိုအခြေအနေဆိုးများကိုကျော်လွှားပြီး အာရှကျားပြန်ဖြစ်ဖို့ဆိုတာ ပုဂ္ဂိုလ်တစ်ယောက်၊ အဖွဲ့အစည်းတစ်ခုနဲ့လုပ်လို့မရဘဲ အဖွဲ့အစည်းအားလုံးနဲ့ ပြည်သူအားလုံးပူးပေါင်းပါဝင်နိုင်မှ ထိရောက်တဲ့အကျိုးသက်ရောက်မှုရှိမှာဖြစ်ပါတယ်။နိုင်ငံရေးပါတီဝင်များအချင်းချင်း၊ နိုင်ငံရေးပါတီဝင်များနှင့်တပ်မတော်သားများ၊ တပ်မတော်သားများနဲ့ပြည်သူများ ပူးပေါင်းဆောင်ရွက်မှုများကိုတွေ့မြင်ရလေ ပြည်သူများလည်းဝမ်းမြောက်အားတက်ရလေဖြစ်ပါတယ်။ (လွှတ်တော်သစ်စကာစက တပ်မတော်အရာရှိအမတ်တစ်ဦးနဲ့ နိုင်ငံရေးပါတီဝင်တစ်ဦးတို့ ရင်းနှီးစွာရှိနေပုံကိုမြင်ရတော့ ပြည်သူတွေပီတိဖြစ်ရတာကို သတိရစေလိုပါတယ်)။ မြန်မာပြည်သူများအားလုံး ဂိုဏ်းဂဏမကွဲပြားဘဲ တိုင်းပြည်အကျိုးအတွက်ညီညီညွတ်ညွတ်ပူးပေါင်းဆောင်ရွက်ပါမှ ပြည်သူများတောင့်တလိုလားသော တိုးတက်ဖွံ့ဖြိုးသည့်နိုင်ငံတော်သို့ ရောက်ရှိနိုင်ပါကြောင်းအကြုံပြုပြောကြားရင်း အစိုးရသစ်နှင့်တပ်မတော်သည်လည်းပဲ ပြည်သူများနှင့်လက်တွဲညီညီ တိုင်းပြည်အကျိုးဆထက်တိုးသယ်ပိုးထမ်းရွက်စေနိုင်ပါကြောင်း ဆန္ဒပြုဆုမွန်ကောင်းတောင်းအပ်ပါတယ်။