သာသနာပြုကြပါ
----------------
သာသနာပြုနည်း (၄) မျိုးရှိလေ၏။
၁။ ကမ္ဘာ့ သာသနာပြု-ပုံ၊
(ကမ္ဘာအနှံ့ကို) နိုင်ငံတကာကို လှည့်လည်၍ ကိုယ်ကျင့်သီလတွေ ကို ကောင်းစွာ ထိန်းသိမ်းဖို့၊ မြတ်ဗုဒ္ဓရဲ့အဆုံးအမ အတိုင်း ကျင့်ကြံနေထိုင်ဖို့ ဟောကြားဆုံးမတာကို ကမ္ဘာ့ သာသနာပြုတယ်လို့ခေါ်တယ်။
၂။ မြန်မာ့ သာသနာပြု-ပုံ၊
မြန်မာပြည်အနှံ့ မြန်မာ ပြည်သူ- ပြည်သား တွေကို ကိုယ့်ကျင့်သီလ ကောင်းအောင်နေထိုင်ကြဖို့၊ မြတ်ဗုဒ္ဓရဲ့ တရားတော်များအတိုင်း ကျင့်ကြံကြဖို့ လှည့်လည် ဟောကြားဆုံးမတာကို မြန်မာ့ သာသနာပြုတယ်လို့ ခေါ်ပါတယ်။
၃။ တစ်နိုင် သာသနာပြု- ပုံ၊
- မိမိနှင့် ပတ်သက်နေကြသော ဆွေမျိုး- မိတ်ဆွေ၊ အပေါင်းသင်း သူငယ်ချင်းများ အား ကိုယ့်ကျင့်တရားကောင်းအောင်၊ ကိုယ့်ကျင့်သီလ စောင့်ထိန်းအောင် ဟောပြောဆုံးမ တာကို တစ်နိုင်သာသနာပြုတယ်ဟု ခေါ်တယ်။
၎။ ကိုယ်ပိုင် သာသနာပြု -ပုံ
- မိမိကိုယ်တိုင် ကောင်းသောအကျင့်သီလနှင့် ပြည့်စုံအောင် စောင့်ထိန်း နေထိုင်တာကို ကိုယ်ပိုင်သာသနာပြု တယ်လို့ခေါ်တယ်။
နိုင်ငံတကာကို (ကမ္ဘာကို)သာသနာ ပြုနိုင်အောင် ကြိုးစားကြပါ။ ကမ္ဘာ့ သာသနာမပြုနိုင်လျှင် မြန်မာ့ သာသနာပြုကြပါ။ မြန်မာ့ သာသနာကိုလည်း မပြုနိုင်သေးရင် တစ်နိုင်သာသနာ ပြုကြပါ။ တစ်နိုင်သာသနာကိုတောင် မပြုနိုင်ဘူးဆိုရင် ကိုယ်ပိုင်သာသနာလေးကိုတော့ ပြုနိုင်အောင် ပြုကြပါ။
" မဖြစ်မနေ ပြုကြပါ "။
• ချမ်းမြေ့ မြိုင်ဆရာတော် •• !
No comments:
Post a Comment