ပြီးပြည့်စုံတဲ့ ယောက်ျားဖြစ်ဖို့ မလိုဘူး၊ ယောက်ျားကောင်းဖြစ်ဖို့ပဲ လိုတယ်
**********************************************************************
ကျွန်မတို့ မိန်းမတွေအတွက် ခန္ဓာကိုယ် အချိုးစားကျပြီး မော်ဒယ်တစ်ယောက်နဲ့ တူတဲ့ယောက်ျားမျိုး မလိုပါဘူး။ အရာရာ ပြည့်စုံပြီး ထူးချွန်ထက်မြက်လွန်းတဲ့ ယောက်ျားမျိုးလည်း မလိုပါဘူး။ ဆရာဝန်မှ၊ အင်ဂျင်နီယာမှ၊ ကုမ္ပဏီကြီးပိုင်တဲ့သူမှ မဟုတ်ပါဘူး။ ကျွန်မတို့ လိုချင်တဲ့ ယောက်ျားဆိုတာ ကိုယ်ချစ်ရသလို ကိုယ့်အပေါ်ပြန်ပြီးကြင်နာတတ်မယ့် ယောက်ျားတစ်ယောက်ကိုပဲ အလိုရှိတာပါ။
ကျွန်မချစ်တဲ့ယောက်ျားက ဝဖိုင့်ဖိုင့် ဖြစ်နေလည်း ကျွန်မချစ်တယ်။ မျက်မှန်အထူကြီးတပ်ထားရတဲ့သူ ဖြစ်နေရင်လည်း ကျွန်မချစ်တာပဲ။ ဆံပင်နည်းလို့ ထိပ်ပြောင်နေနေ၊ အရပ်ကြီး မိုးထိုးလို့ ဘယ်လောက်ပဲ မြင့်နေပါစေ ကျွန်မချစ်တယ်။ ဒါပေမဲ့ ကျွန်မအတွက် သစ္စာတရားလေးတော့ ပါလာဖို့လိုတာပေါ့။ မိန်းမတွေချစ်တဲ့ အချစ်မှာ ချစ်ရတဲ့သူအတွက်ဆို ဘာမှမကြောက်တတ်ဘူး။ အရာအားလုံး ဦးဆောင်နိုင်တဲ့ ယောက်ျားတစ်ယောက် မဟုတ်ခဲ့ရင်တောင် ဖေးမရင်း မသိမသာနဲ့ ကူညီလမ်းပြပေးသွားမှာ ကျွန်မတို့ မိန်းမတွေပါ။
ကိုယ့်အတွက် အမြဲတာဝန်ယူနေရမယ်လို့ တောင်းဆိုနေမယ့်သူတွေမဟုတ်ဘဲ ကိုယ့်တာဝန်ကိုယ်ယူရမယ်ဆိုရင်လည်း ချစ်ရဲတဲ့ မိန်းမတွေအများကြီးရှိပါတယ်။ ကျွန်မအတွက် ပေးဆပ်ရဲတဲ့ မေတ္တာတရားသာပါလာခဲ့မယ်ဆိုရင် ပြီးပြည့်စုံတဲ့ ယောက်ျားမလိုပါဘူး။ ယောက်ျားကောင်းတစ်ယောက် ဖြစ်ရှိနေပေးရင် ရပါပြီ။ ကျွန်မတို့ မိန်းကလေးတွေ တောင့်တနေတဲ့ ယောက်ျားမျိုးဆိုတာ ကျွန်မကို ပြုံးရွှင်အောင် လုပ်ပေးမယ့်သူဖြစ်ပြီး အဓိကကတော့ သူ့ကြောင့် ကျွန်မနာကျင်ခံစားရမှာကို ကြောက်တတ်တဲ့သူတစ်ယောက် ဖြစ်ပေးရင်ပဲ တကယ်ကို ကျေနပ်နိုင်တာ ကျွန်မတို့ မိန်းမတွေပါပဲ။
ကျွန်မချစ်တဲ့ယောက်ျားက တစ်ကမ္ဘာလုံးက လူတွေအချောဆုံးလို့ သတ်မှတ်ထားတဲ့သူတစ်ယောက် မဟုတ်ပေမဲ့ ကျွန်မနှလုံးသားထဲမှာတော့ အခန့်ညားဆုံးသူတစ်ယောက်ဖြစ်သလို ကျွန်မဘယ်ပုံစံဖြစ်နေနေ ကျွန်မတစ်ယောက်တည်းကိုပဲ ပုံပြီးချစ်နိုင်မယ့်သူတစ်ယောက်က ကျွန်မတို့ မိန်းမသားတွေအလိုချင်ဆုံး ယောက်ျားတစ်ယောက်ရဲ့ အခြေခံအချက်ပဲဖြစ်ပါတယ်။
No comments:
Post a Comment