ရင်ခွင်သစ်သို့
***********
မွေးသက္ကရာဇ်ကို လက်ချိုးရေတွက်ရင်
အမေ့ရင်ခွင်က ထွက်လာခဲ့တာ
အခုဆို ခရီးတစ်ထောက် ရောက်နေခဲ့ပါပြီ-------
အမေ့ရင်ခွင်ကဲ့သို့ ထာဝရ အေးမြမည့်
ရင်ခွင်မျိုးကိုတော့ ရှာဖွေဖို့ စိတ်ကူး မရှိခဲ့ဘူး---------
အလွန်ပူပြင်တဲ့ အပြင်လောကမှာ
ပတ်ဝန်းကျင်ကပေးတဲ့ အမှတ်တမဲ့ သင်္ခန်းတွေက
နေကာမျက်မှန်တလက်လို့ အနက်ရောင်ဖုံးလွှမ်းတဲ့
မြင်ကွင်းတွေပဲ မြင်ခဲ့မိတယ်--------
သူငယ်ချင်းတွေ မိတ်ဆွေအပေါင်းအဖော်တွေနဲ့
အချိန်ကုန်ခဲ့တာ အလွန်ကြာခဲ့ရပေါ့----------
အခုတော့
နေပူရှိန်ရော့လို့ နေကာမျက်မှန်ကို
ချွတ်လိုက်တဲ့အခိုက်မှာပဲ
အမေ့ရင်ခွင်ကဲ့သို့ ထာဝရ အေးမြမည့်ရင်ခွင်ကို အဝေကနေ ဝါးတားတား တွေ့မြင်လိုက်ရတယ်-----
ထူးခြားတာ တစ်ခုကတော့
အတွေးနှင့်အမြင် အာရုံတိုင်မှာ
သူ့ပုံရိပ် သူ့အသံတွေ ပေါ်လာတတ်တယ်-----
No comments:
Post a Comment