ရိပ်​သာ (၃)

(၃)
သတိပဋ္ဌာန်​ ပရိကံများ
==============
ဥ​ဒ္ဒေသဝါရ
----------------------
သတိပဋ္ဌာန်​ရဲ့ ပလ္လင်​စကားတွေကို​တော့ ​ရေးခဲ့ပါပြီ။ ​ရှေ့ဆက်​ရန်​ ရှိလာတာက သတိပဋ္ဌာန်​တရားများအ​ကြောင်း ​ဆွေး​နွေးဖို့အလှည့်​ ကြိမ်​လာပြီ​ပေါ့။ ဒါ့​​ကြောင့်​ သတိပဋ္ဌာန်​မိတ်​ဆက်​ဖြစ်​တဲ့ ဥ​ဒ္ဒေသဝါရကထာကို ​ရေးပါ​တော့မယ်​။

သတိပဋ္ဌာန်​တရား ၄ ပါးရှိတယ်​။
၁။ ကာယာနုပဿနာ သတိပဋ္ဌာန်​
၂။ ​ဝေဒနာနုပဿနာ သတိပဋ္ဌာန်​
၃။ စိတ္တာနုပဿနာ သတိပဋ္ဌာန်​
၎။ ဓမ္မာနုပဿနာ သတိပဋ္ဌာန်​ တို့ ဖြစ်​ကြပါတယ်​။

ကိ​လေသာအ​စေး စိတ်​အညစ်​အ​ကြေးကို ပူ​နွေး​သွေ့​ခြောက်​ ကင်း​ပျောက်​​စေနိုင်​တဲ့ သမ္မပ္ပဓာန်​ လုံ့လနဲ့ မှတ်​မှတ်​သားသားပြုပြီး သိစရာ​တွေကို ကွဲကွဲပြားပြား မှန်​ကန်​စွာ ပိုင်းခြားနိုင်​တဲ့ အသိနဲ့ မမြဲဆင်းရဲ အစိုးလဲမရ မလှပ မတင့်​တယ်​တဲ့ ရုပ်​အ​ပေါင်းကိုယ်​ကို မမြဲဆင်းရဲ အစိုးလဲမရ မလှပ မတင့်​တယ်​တဲ့ ရုပ်​အ​ပေါင်းမျှသာပါလို့ ရှုမြင်​ကာ ရှုစရာ ရုပ်​​တွေမှာ မရှုမိရင်​ ဖြစ်​နိုင်​တဲ့ ​လောဘနဲ့ ​ဒေါသကို ဖြစ်​ခွင့်​မရ​အောင်​ ခဏတာဖြစ်​ဖြစ်​ ကြာရှည်​စွာဖြစ်​ဖြစ်​ ဖယ်​ရှား​ဖျောက်​ဖျက်​ပြီး ​နေတယ်​။

ဒိအတူ ခံစားမှု​တွေဟာ ခံစားမှုမျှသာ၊ စိတ်​ဆိုတဲ့ ကြံသိမှု​တွေဟာ ကြံသိမှုမျှသာ၊ သ​ဘောတရား​တွေဟာလည်း သ​ဘောတရားမျှသာ စသဖြင့်​ ရှုမြင်​အပ်​တာ​တွေအ​ပေါ် မရှုမိရင်​ ဖြစ်​​ပေါ်လာမဲ့ အဘိဇ္ဈာနဲ့ ​ဒေါမနဿ​တွေ ဖြစ်​​ပေါ်မလာ​အောင်​ တဒင်္ဂ၊ ဝိက္ခမ္ဘနပဟာန်​အားဖြင့်​ ပယ်​​ဖျောက်​​နေတယ်​။ ဆိုခဲ့တာ​တွေဟာ သတိပဋ္ဌာန်​တရား ၄ ပါးကို အကျဉ်းချုပ်​ တင်​ပြခြင်းပါ။

အဲ့ဒါ​တွေကို ဖတ်​ကြည့်​ပြီး သတိပဋ္ဌာန်​ဆိုတာ ရှုစရာ မှတ်​စရာ ​ကောင်းပါတယ်​လို့ ထင်​မြင်​လာဖွယ်​ရာ မရှိကြပါ။ အ​ကြောင်းက ရုပ်​စတာတွေကို မမြဲဆင်းရဲ အစိုးမရ မလှပ မတင့်​တယ်​လို့ ရှုမြင်​နိုင်​ရန်​ ခဲယဉ်းလို့ပင်​။

သာမန်​ရုပ်​ကို သာမန်​မျက်​စိနဲ့ မမြဲဆင်းရဲစသည်​ မြင်​လာနိုင်​ဖို့ ခဲယဉ်း​တာ အမှန်ပါ​။ ဒါေ​​ပမဲ့ မှန်​ဘီလူးနဲ့ ကြည့်​လိုက်​ရင်​ ချစ်​ခင်​စရာ တွယ်​တာမက်​​မောစရာ ရုပ်​​တွေဟာ ​ဖောက်​လွဲ​ဖောက်​ပြန်​ ဖြစ်​​နေတာကို ​တွေ့ကြရမယ်​။ ဒါဆိုရင်​ သာမန်​အသိကို ဝီရိယ သတိ သမာဓိ ဉာဏ်​တို့ ဝန်းရံထား​ပေးပါတဲ့ ရှုမှတ်​စိတ်​ဟာလည်း မမြဲဆင်းရဲစသည်​ ထင်​မြင်​လာစရာ ရှိ​ကြောင်း​အဆိုကို ငြင်းပယ်​နိုင်​​မှာ မဟုတ်​​တော့​ပေ။

ဟုတ်​ပါတယ်​ သတိပဋ္ဌာန်​ကို စနစ်​တကျ ရှုမှတ်​​နေသူဟာ ရှုမှတ်​စရာ အာရုံ​တွေအ​ပေါ် ရှုမှတ်​ရင်း ရှုမှတ်​စိတ်​​တွေက အာရုံ​ပေါ် စိုက်​ကနဲ စိုက်​ကနဲ ထိုးစိုက်​​နေသလို ဖြစ်​လာပါမယ်​။ ရှုမှတ်​စိတ်​နဲ့ အာရုံဟာ ရှုမှတ်​လိုက်​တာနဲ့ ကပ်​ကနဲ ကပ်​ကနဲ ဖြစ်​သွားပါမယ်​။ အဲ့ဒါ ဝိပဿနာ ခဏိကသမာဓိ ဖြစ်​​ပေါ်လာခြင်းပါ။

ဒိ​နောက်​မှာ ရုပ်​တို့ရဲ့ မမြဲဆင်းရဲစတာ​တွေကို သိ သိလာပါမယ်​။ စိတ်​ကို ရှုမှတ်​တဲ့အခါလည်း နည်းတူပင်​။ ရှုမှတ်​ရင်း မိမိတို့ရဲ့ နှစ်​သက်​စရာမရှိတဲ့ စိတ်​ပုပ်​ စိတ်​ယုတ်​​တွေကို သိလာရခြင်း၊ မမြဲဆင်းရဲစသည်​ကို ​တွေ့လာရခြင်း​တွေ​ပါ။

ဒါ့အပြင်​ သွားလာလှုပ်​ရှား​နေစဉ်​ နာရမှန်း ကျင်​ရမှန်း မရှိဘူးထင်​ရတာက​နေ ထိုင်​တာ ရပ်​တာ​တွေ ကြာလာ​တော့ နာကျင်​လာတာ​တွေ ​တွေ့မြင်​လာကြရမယ်​။ မရှုမမှတ်​ချင်​တဲ့ အာရုံ​တွေကို ကြိတ်​မှိတ်​ရှုမှတ်​ရတာရှိသလို ရှုမှတ်​လို့ ​ကောင်းပါပြီဆိုကာမှ ဖျတ်​ခနဲ ​ပျောက်​ပျက်​သွားတာမျိုးလည်း ကြုံ​တွေ့လာကြမယ်​​ပေါ့။

အဋ္ဌကထာဆရာတော်​ရဲ့ အထူးမှာကြားချက်​က ကာယကို အသုဘ၊ ​ဝေဒနာကို ဒုက္ခ၊ စိတ္တကို အနိစ္စ၊ ဓမ္မကို အနတ္တ စသည်​အသီးသီး ရှုမြင်​ရန်​ဖြစ်​သည်​။ မဟာစည်​ဆရာ​တော်​က​တော့ ကာယ ​ဝေဒနာ စိတ္တ ဓမ္မ အားလုံးတို့မှာ အနိစ္စ ဒုက္ခ အနတ္တ အသုဘ ဟုရှုမြင်​ရန်​ လိုအပ်​သည်​ချည်းဖြစ်​သည်​လို့ သာမန်​အတွက်​ မှတ်​ချက်​ထုတ်​​တော်​မူပါတယ်​။

ဆိုခဲ့ပါ အ​တွေ့အကြုံ​တွေဟာ မမြဲဆင်းရဲဆိုတာ​တွေကို သိမြင်​လာကြခြင်းပါ။ သမ္ပဇည​ခေါ် အနုပဿနာဉာဏ်​ ဖြစ်​​ပေါ်လာခြင်းပင်​။ ဒီဉာဏ်​ဟာ သာမန်​အားဖြင့်​ မလိုလားအပ်​တာ​တွေကို တင်္ဂပဟာန်​ဖြင့်​ ပယ်​နိုင်​စွမ်းတယ်​။ ဉာဏ်​ရင့်​လာ​လေ ပယ်​နိုင်​စွမ်းကလည်း မြင့်​လာ​လေဖြစ်​ပြီး ဝိက္ခမ္ဘနပဟာန်​နဲ့ သမု​စ္ဆေဒပဟာန်​ဆိုတဲ့ တာဝန်​​တွေကိုပါ ထမ်း​ဆောင်​သွားမှာဖြစ်​ပါတယ်​။

အဲ့ဒီ​နေရာက​နေ ​ရှေ့ဆက်​သွားရင်​​တော့ မြဲတဲ့ ချမ်းသာက ​စောင့်​ကြို​နေပါသတဲ့​လေ။

နိ​ဒ္ဒေသဝါရကထာ
-----------------------
သတိပဋ္ဌာန်​ကို အကျဉ်းအားဖြင့်​ ပြပြီးရာ​နောက်​ အကျယ်​​ဝေဖန်​ပြဖို့ အလှည့်​​ရောက်​​ချေပြီ။ သို့​ကြောင့်​ အခုအခါမှစပြီး မဟာသတိပဋ္ဌာနသုတ်​လာ မူရင်းအဓိပ္ပါယ်​များနဲ့ ယှဉ်​တွဲပြီး နာလည်​ယူရမဲ့ ထပ်​ဆင့်​ဖွင့်​ဆိုချက်​များကို အစီအစဉ်​တကျ  စုစည်းတင်​ပြသွားပါမယ်​။

အထူးအားဖြင့်​ မဟာစည်​ရှုမှတ်​နည်းများနဲ့ မဟာသတိပဋ္ဌာနသုတ်​​တော်​ရဲ့ ဆက်​နွယ်​​နေမှုများကို တင်​ပြသွားရန်​ ရည်​ရွယ်​ရင်းရှိသမို့ မဟာစည်​​ယောဂီမဟုတ်​တဲ့ သတိပဋ္ဌာန်​သီးသန့်​ ​လေ့လာသူများအား ​တောင်းပန်​စကားဆိုပါတယ်​။ အဲ့ဒီလို ပုဂ္ဂိုလ်​များအ​နေနဲ့လည်း ဖတ်​မှတ်​မှုအချည်းနှီး မဖြစ်​​ရအောင်​ သုတ်​​တော်​ရဲ့ မူရင်းအချက်​အလက်​များနဲ့ အဋ္ဌကထာဆရာ​တော်​ရဲ့ မှတ်​ချက်​များကို အလျဉ်းသင့်​သလို ထည့်​သွင်းတင်​ပြသွားပါမယ်​။

သတိပဋ္ဌာန်​တရား ရှုမှတ်​ပွားများမှုမစခင်​ ကြိုတင်​ပြင်​ဆင်​ထားရမှာ​တွေကို ပရိကံလို့ ​ခေါ်ပါတယ်​။ ဒီပရိကံမှာ ​နေရာ​ရွေးခြယ်​ခြင်း၊ ဆရာနည်း  ပရိကံများနဲ့ ကျမ်းရင်းလာ  ပရိကံ​တွေဆိုပြီး သုံးမျိုးရှိပါတယ်​။ ပြုသင့်​တဲ့ အစီအစဉ်​တိုင်း တင်​ပြပါမယ်​။

နေရာ​ရွေးခြယ်​ပုံ
----------------------
တရားအားထုတ်​မဲ့ ​ယောဂီဟာ တရားအားထုတ်​မဲ့ ​နေရာကို ​သေချာဂရုစိုက်​ပြီး ​ရွေးခြယ်​ရပါတယ်​။ သို့မဟုတ်​ရင်​ မိမိအတွက်​လည်း အဆင်​မ​ပြေဘူး။ သူတစ်​ပါးတို့ရဲ့ လွတ်​လပ်​မှု​တွေကိုလည်း ချုပ်​ချယ်​သလို ဖြစ်​သွားနိုင်​ပါတယ်​။

ရွေးခြယ်​ရမဲ့​နေရာ ၃ မျိုးရှိပါတယ်​။
၁။ ​တော​တောင်​
၂။ သစ်​ပင်​ ဝါးပင်​ရင်း
၃။ ဆိတ်​ငြိမ်​ရာအရပ်​ တို့ဖြစ်​ကြပါတယ်​။

အထက်​က သုံးမျိုးထဲမှာ ဆိတ်​ငြိမ်​ရာအရပ်​က လိုရင်းဖြစ်​ပါတယ်​။ အဓိကကျပါတယ်​။ အဲ့ဒါက လူရှိရှိ မရှိရှိ ဆူဆူညံညံ မရှိတာမျိုးဖြစ်​ပါတယ်​။
ဥပမာ = ရိပ်​သာနဲ့ တရားစခန်း​တွေ​ပေါ့။

ဆိတ်​ငြိမ်​ရာအရပ်​နဲ့ ပတ်​သက်​ပြီး သတိထားစရာ အချို့ကို တင်​ပြ​ဆွေး​နွေး လိုပါတယ်​။ လူအများ စု​ဝေးပြီး တရားအားထုတ်​​နေကြတဲ့ အခါမျိုးမှာ သူတစ်​ပါး အ​နှောင့်​အယှက်​ဖြစ်​​စေဖို့ ရည်​ရွယ်​ချက်​ ရှိရှိနဲ့ ဆူဆူညံညံ အသံပြုလိုက်​လို့ အခြားသူများ အ​နှောင့်​အယှက်​ တကယ်​ဖြစ်​သွားခဲ့ရင်​ ဓမ္မန္တရာယ်​ ထိုက်​ပါတယ်​။

အဲ့ဒါက မိမိရဲ့ တရားအားထုတ်​ခြင်း လုပ်​ငန်းစဉ်​​တွေမှာ အခက်​အခဲ အ​နှောင့်​အယှက်​​တွေ ကြုံ​တွေ့​စေတတ်​တယ်​။ ရသင့်​ရထိုက်​တဲ့ တရားထူး တရားမြတ်​​တွေ့ရဖို့ အခွင့်​အလမ်း​တွေ ဆုံးရှုံးရတတ်​တယ်​။ တကယ်​ဆိုရင်​ လုပ်​မိတာနဲ့ ခံရတာဟာ မတန်​မရာမို့ သတိထားပြီး ​ရှောင်​ရှားသင့်​ကြပါ​ပေတယ်​။

ဆရာနည်းပရိကံများ
---------------------------
ဒီ​ခေါင်းစဉ်​​အောက်​မှာ အပိုင်းသုံးခုရှိတယ်​။
၁။ ဝန်​ချ​တောင်းပန်​ခြင်း
၂။ စတုရာရက္ခကမ္မဋ္ဌာန်း ပွားများခြင်း
၃။ ခန္ဓာကိုယ်​ကို အပ်​နှံလှူဒါန်းခြင်း
တို့ဖြစ်​ကြပါတယ်​။ အစဉ်​အတိုင်း တင်​ပြသွားပါမယ်​။

၁။ ဝန်​ချ​တောင်းပန်​ခြင်း။
-------------------------------
(စိမ်​​ရေချ ဝဋ်​​ကျွေး​ချေခြင်း)။

ခင်​ပွန်းကြီး ၁၀ ပါးစတဲ့ မပြစ်​မှားထိုက်​သူများကို ကံသုံးပါးတွင်​ တစ်​ပါးပါးဖြင့်​ ပြစ်​မှားကျူးလွန်​မိပါက တရားသား အတက်​​နှေးတတ်​တယ်​။ ခက်​ခက်​ခဲခဲ ကျင့်​ကြံကြရတတ်​တယ်​။ ဒါ့ထက်​မက တရားထူး တရားမြတ်​​တွေ့ရဖို့ အခွင့်​အလမ်းပင်​ ဆုံးရှုံးသွားနိုင်​ပါတယ်​။

ဆင်းရဲပင်​ပန်းမှု​တွေ ကုန်​ခန်းနိုင်​ဖွယ်​ မမြင်​လို့ ထင်​ရ​လောက်​​အောင်​ ဝဋ်​နာကံနာ​တွေ နှိပ်​စက်​ခံရတတ်​တယ်​။ လူ​တော မတိုးနိုင်​​လောက်​တဲ့ အနာကြီး​တွေ စွဲကပ်​တတ်​တယ်​။ ဥပ​စ္ဆေဒကကံဆိုတဲ့ အက်​စ်​ဆီးဒင့်​နဲ့ ​သေလွန်​တတ်​ကြရတယ်​။

ကြံတိုင်းမအောင်​ ​ဆောင်​တိုင်း​မမြောက်​တာ​တွေ၊ လုပ်​သလိုမဖြစ်​လို့ ဖြစ်​သလို လုပ်​​နေရတာ​တွေ၊ လုပ်​သ​လောက်​ အကျိုးမခံစားရတာ​တွေ စသဖြင့်​ အပြင်​​လောကမှာလည်း ဆိုးကျိုး​တွေ ရှိ​နေကြပါတယ်​။

သို့ဖြစ်​လို့  အဲ့ဒီလို ကံမျိုးကို စိမ်​​ရေသင့်​၊ ဝဋ်​နာ ကံနာစသဖြင့်​ ​ခေါ်စမှတ်​ ပြုခဲ့ကြတယ်​။ တရားအားထုတ်​မဲ့ ​ယောဂီဟာ အဲ့ဒါ​တွေကို ကြိုတင်​ ကုသထားရပါတယ်​။ စိမ်​​ရေချရမယ်​။ ဝဋ်​​ချေရမယ်​​ပေါ့။ အပြင်​​လောကသားများဟာလည်း ​ယောဂီပုဂ္ဂိုလ်​များလို ပြုလုပ်​သင့်​ကြတာပါပဲ။

(ဘဝသံသရာ အဆက်​ဆက်​မှ စ၍ ယခုချိန်​ကျ​အောင်​ ပြစ်​မှားမိ​သော ပုဂ္ဂိုလ်​များရှိခဲ့ပါက ထိုအပြစ်​တို့မှ ​ကျေ​ပျောက်​ပါ​စေခြင်း အကျိုးငှါ ဝန်​ချ​တောင်းပန်​ ကန်​​တော့ပါ၏ဘုရား။)
တရားမထိုင်​ခင်​ ဝန်​ချ​တောင်းပန်​ပုံဖြစ်​ပါတယ်​။

မဟာစည်​ဆရာ​တော်​ ဘုရားကြီးက​တော့ (မဟာစည်​ ဩကာသကန်​​တော့ချိုး)ဖြင့်​ တရားမထိုင်​ခင်​ ကန်​​တော့ရင်​ ပြည့်​စုံလုံ​လောက်​​ကြောင်း မိန့်​ကြားချက်​ကို ဆရာ​တော်​ဘုရားကြီးရဲ့ တပည့်​ကြီးများထံမှတဆင့်​ မှတ်​သားရဖူးပါတယ်​။ မဟာစည်​ ​ယောဂီများအတွက်​ သီးသန့် မှတ်​သားဖွယ်​ပါ။

ဝန်​ချ​တောင်းပန်​ခြင်းကို မနက်​အ​စောဆုံး တရားစတင်​ အားထုတ်​ချိန်​မှာ သီလယူရင်း ပြုလုပ်​သင့်​ကြပါတယ်​။ တတ်​နိုင်​ရင်​ အချိန်​ကြာကြာ ရှုမှတ်​​တော့မယ်​လို့ ရည်​ရွယ်​ပြီး ပြင်​ဆင်​တိုင်း ပြုလုပ်​နိုင်​ရင်​ ပို​ကောင်းပါတယ်​။

မ​နောဒွါ​ရေအာပတ္တိနာမ နတ္ထိ_ ဆိုပြီး ဝိနည်းအရာမှာ မ​နောကံအပြစ်​ကို ကင်းလွတ်​ခွင့်​ ရထားကြ​ပေမဲ့ အဘိဓမ္မာဘက်​က​တော့ အတန်​အသင့်​ အာနိသင်​ရှိ​နေ​ကြောင်း ပြဆိုထား​ခြင်း၊ တခဏအတွင်းမှာ စိတ်​ဆိုတာ များစွာ ဖြစ်​ပျက်​​ နေကြခြင်းတို့​ကြောင့်​ပါ။

ဝတ္ထုသာဓက​များ
---------------------
ဝန်​ချ​တောင်းပန်​ခြင်းဟာ တရားအားထုတ်​မဲ့ ​ယောဂီများအတွက်​ အ​ရေးတကြီး လိုအပ်​​ကြောင်းကို ဝတ္ထုသာဓက​တွေနဲ့ ဆက်​လက်​​ ဆွေး​နွေးပါဦးမယ်​။

ရှေးစဉ်​အခါက သီဟိုဠ်​ကျွန်းမှာ ​လေနာ​ရောဂါ စွဲကပ်​​နေတဲ့ အဘိညာဉ်​ရ ရဟန္တာအရှင်​မြတ်​တစ်​ပါး ရှိခဲ့တယ်​။ တစ်​​နေ့မှာ ရဟန်းငယ်​တစ်​ပါးနဲ့ နံနက်​​ဆွမ်းခံသွားရင်း ပထမဦးဆုံးအိမ်​မှာပင်​ ယာဂုဆွမ်း ပူပူ​နွေး​နွေး အလှူခံ ရရှိတယ်​။ ​လေနာ​ရောဂါ ထမလာခင်​ ယာဂုဆွမ်းကို လမ်း​ဘေးရှိ သစ်​တုံး​ပေါ် ထိုင်​ပြီး ဘုဉ်​​ပေးတယ်​။ ကြိုတင်​ ကာကွယ်​တဲ့ အ​နေနဲ့ပါ။

အရှင်​မြတ်​ရဲ့ လမ်း​ဘေး သစ်​တုံး​ပေါ် ယာဂုဆွမ်း ဘုဉ်း​ပေး​နေဟန်​ကို အတူပါလာတဲ့ ရဟန်းငယ်​က ​တွေ့မြင်​ရ​တော့ စိတ်​ထဲက​နေ ကဲ့ရဲ့စကား ဆိုမိလိုက်​တယ်​။ အဲ့ဒီ ရဟန်းငယ်​ရဲ့ စိတ်​အစဉ်​ကို ယာဂုဆွမ်း ဘုဉ်း​ပေး​နေတဲ့ အရှင်​မြတ်​က အဘိညာဉ်​အစွမ်းနဲ့ သိမြင်​လိုက်​တယ်​။ ပြီး​တော့ ရဟန်းငယ်​ရဲ့ မ​နောကံ အပြစ်​​ကြောင့်​ တရားတက်​မဲ့အ​ရေး ပိတ်​ပင်​တားဆီး ခံလိုက်​ရပြီ ဆိုတာကိုပါ ဆင်​ခြင်​မိလိုက်​ပါတယ်​။

သို့​ကြောင့်​ အရှင်​မြတ်​ဟာ ဆွမ်းခံဆက်​ထွက်​လာရင်း ရဟန်းငယ်​ကို တရားအားထုတ်​တာ ဘယ်​အဆင့်​​ရောက်​ပြီလဲလို့ ​မေးမြန်းပါတယ်​။ ရဟန်းငယ်​ရဲ့ ​သောတာပန်​ပါဆိုတဲ့ အ​ဖြေကို ကြားရပြီး​နောက်​ တရားဆက်​အားမထုတ်​​တော့ဖို့ မိန့်​​တော်​မူပါတယ်​။

ရဟန်းငယ်​ကလည်း သူဟာ အရိယူပဝါဒကကံ = အရိယာပုဂ္ဂိုလ်​ကို ပြစ်​မှားမိ​လိုက်​ပြီဆိုတာ သတိထားမိလိုက်​တယ်​။ ဒါ့​ကြောင့်​ ​အဲ့ဒီ​နေရာမှာပင်​ ထိုင်​ချလိုက်​ပြီး ပြစ်​မှားမိတဲ့ အဖြစ်​ကို ခွင့်​လွှတ်​​ကြေ​အေး ​ပေး​တော်​မူပါမည့်​အ​ကြောင်း ဝန်​ချ​တောင်းပန်​လိုက်​ပါတယ်​။ အပြစ်​ဖြစ်​မှန်း သိသိချင်း ပြန်​လည်​​ဆေး​ကြောလိုက်​တယ်​​ပေါ့။
(ဝိါ၊ ဋ္ဌ၊ ၁၊ ပ၊ ၁၃၄/၅)

ဒီဝတ္ထုမှာ အပြစ်​မှားခံလိုက်​ရတဲ့ အရှင်​မြတ်​က သတိ​ပေးစကား ​ပြန်​ပြောကြား​ပေးလို့ ရဟန်းငယ်​ဟာ ချက်​ချင်း အပြစ်​ကို ​ဆေး​ကြောနိုင်​ခဲ့​ကြောင်း ​တွေ့ရှိရပါမယ်​။ တကယ်​လို့သာ သတိ​ပေးစကား မ​ပြောကြားခဲ့ပါက ရဟန်းငယ်​ဟာ အပြစ်​ဖြစ်​လို့ ဖြစ်​မှန်းပင်​ မသိလိုက်​ရဘဲ ကိုယ်​ကျိုးနည်းရကိန်း ကြုံပြီ​ပေါ့။

ရဟန္တာစတဲ့ အရိယာ သူ​တော်​စင်​များဟာ ကြွားဝါလိုမှု ကင်းခြင်း​ကြောင့်​ အ​နေအထိုင်​ အလွန်​သိုသိပ်​ကြတယ်​။ ဒါ့​ကြောင့်​  အရိယာဖြစ်​​ကြောင်း သိနိုင်​ဖို့ မလွယ်​ကူပါ။ အရိယာဖြစ်​​ မဖြစ်​ကို သိနိုင်​သူကား မြတ်​စွာဗုဒ္ဓရှင်​​တော်​ရဲ့ သီးသန့်​အခန်းကဏ္ဍပင်​။

ရှေးတုန်းက ရွာတစ်​ရွာမှာ ရဟန္တာ မဟုတ်​ရင်​ မကိုးကွယ်​နိုင်​ဘူးဆိုတဲ့ ဒကာတစ်​​ယောက်​ ရှိခဲ့တယ်​။ တစ်​​နေ့​တော့ ခရီးတစ်​ခု သွားရင်း လမ်းမှာ ရဟန်းအိုတစ်​ပါးနဲ့ ခရီးတူ ​လျှောက်​မိကြတယ်​။ ရဟန်းအိုကြီးကို ကရုဏာသက်​မိတာနဲ့ သပိတ်ကို ယူပြီး ထမ်း​ပေးတယ်​။

လမ်းသွားရင်း သူ့ရဲ့ ရဟန္တာ မဟုတ်​ရင်​ မကိုးကွယ်​နိုင်​ဘူးဆိုတဲ့ ဝါဒကို ရဟန်းအိုကြီးကို ​ပြော​ပြနေမိတယ်​။ ရဟန်းအိုကြီးကလည်း ရဟန္တာဆိုတာ သူ့သပိတ်ကို ကိုယ်​ကထမ်း​ပေးပြီး ​နောက်​က လိုက်​​နေရရင်​​တောင်​ သိနိုင်​ဖို့ ခဲယဉ်းတာမို့ အဲ့ဒီလို အစွဲမကြီးဖို့နဲ့ သံဃာကို ရည်​မှန်းကိုးကွယ်​ရင်​ ရဟန္တာကို လက်​​တွေ့ကိုးကွယ်​​နေရတာထက်​ပင်​ အကျိုးများ​ကြောင်း ပြန်​မိန့်​ပါတယ်​။

ခရီးအတန်​ငယ်​​ ဝေးတဲ့အထိ အဲ့ဒီအ​ကြောင်း​တွေကိုသာ ​ပြောဆို​လာကြရင်း တစ်​​နေရာ အ​ရောက်​မှာ ရဟန်းအိုကြီးက သူ့သပိတ်ကို လှမ်းယူပြီး သူ့ဟာသူ ခရီးဆက်​သွားပါတယ်​။ မလှမ်းမကမ်းရောက်​​တော့ ဒကာရဲ့ မျက်​​မှောက်​မှာတင်​ ​ကောင်းကင်​​ပေါ် ပျံတက်​သွားပါတယ်​။ ဒီ​တော့မှ ဒကာက ရဟန္တာဆိုတာ သပိတ်ကို ထမ်း​ပေးရင်း ​နောက်​က လိုက်​​နေရင်​​တောင်​ မသိနိုင်​ဘူးဆိုတာ ဒါကို ​ပြောတာကိုးဆိုပြီး ကုန်းကန်​​တော့​လေသတဲ့။

အဲ့ဒီလို နက်​နဲဆန်းကြယ်​တဲ့ သ​ဘောတရား​တွေ ရှိကြလို့ ထင်​ပါရဲ့။ ​ရှေး​ရှေးက သူ​တော်​​ကောင်းကြီးတို့ဟာ တစ်​ရက်​ တစ်​မနက်​မျှ တရားအားထုတ်​ဖူးသူကို မပြစ်​မိ​ကြစေနဲ့လို့ မိန့်​​တော်​မူခဲ့ကြတာဖြစ်​မယ်​။

သံသရာက အရှည်​ကြီး​လေ။ မသိ နားမလည်​လို့ ပြစ်​မှားမိခဲ့တဲ့ အပြစ်​​တွေဆိုတာ လူတိုင်းမှာ မနည်းမ​နော ရှိ​နေကြမှာမလွဲ။ ဒီ​တော့ ဝန်​ချ​တောင်းပန်​ခြင်းဆိုတာ လူတိုင်းအတွက်​ မလုပ်​မဖြစ်​ လိုအပ်​ချက်​​တွေ​ပေါ့။ အထူးသဖြင့်​ကား သံသရာလွတ်​လမ်း ကြွမြန်းလိုသူ​တွေပါ။

တရားအားထုတ်​သူများဟာ အားမထုတ်​ရ​သေးခင်​ ကတည်းက တရားကို ​တွေ့ချင်​​နေကြတယ်​။ အားထုတ်​​နေစဉ်​ ကာလတွင်​လည်း ​တွေ့ချင်​ဆန္ဒက ပြင်းပြ​နေကြစမြဲ။

တရား​တွေ့သူ​တွေကလည်း အထက်​ဉာဏ်​များ ဆထက်​တိုးပွားဖို့ ငံ့လင့်​​နေကြပြန်​တယ်​။ သို့​ပေမင့်​ လိုချင်​တိုင်း ရသူက ခပ်​ရှားရှားရယ်​။ ပသို့​ကြောင့်​ အဲ့ဒီလို ဖြစ်​​နေကြရတာလဲ။

ဆိုခဲ့ပါ အ​ကြောင်းရင်း​တွေထဲမှာ ပရိကံ​တွေ အားနည်းလို့ ဖြစ်​​နေကြရတာလည်း အချို့ အချို့​တွေ ပါဝင်​​နေနိုင်​ပါတယ်​။ အဲ့ဒီလို အခါမျိုး​တွေမှာ ပရိကံ​တွေကို ပြန်​လည်​စစ်​​ဆေးဖို့ ဆရာများက မိန့်​ကြား​လေ့ရှိပါတယ်​။ ဒါ့​ကြောင့်​ ဆရာနည်း ပရိကံ​တွေကို ဆက်​လက်​တင်​ပြပါမယ်​။

၂။ စတုရာရက္ခကမ္မဋ္ဌာန်း ပွားများခြင်း။
-----------------------------------------------
(က) ဗုဒ္ဓါနုဿတိ
(ခ) ​မေတ္တာဘာဝနာ
(ဂ) အသုဘဘာဝနာ
(ဃ) မရဏဿတိ
အထက်​က ကမ္မဋ္ဌာန်း ​လေးပါးကို ​ယောဂီသက်​​စောင့်​တရား ​လေးပါး = စတုရာရက္ခကမ္မဋ္ဌာန်းအဖြစ်​ ကမ္မဋ္ဌာန်းဆရာစဉ်​ဆက်​တို့က ​သတ်​မှတ်​ခဲ့ကြပါတယ်​။

ကမ္မဋ္ဌာန်း ပွားများ​နေစဉ်​တွင်​ အ​မှောင့်​အ​နှောင့်​​တွေ ကင်းရှင်း​စေရန်​နဲ့ လိုအပ်​တဲ့ သဒ္ဓါ ဝီရိယ သတိ သမာဓိ​တွေ ဖြစ်​ထွန်းလာ​စေရန်​ ပွားများကြရ​ကြောင်း မှတ်​သားခဲ့ရပါတယ်​။ ပွားများပုံ​​တွေကား ကိုယ့်​စိတ်​ကြိုက်​ ​ရွေးချယ်​ပြီး ပွားများနိုင်​ကြပါတယ်​။ ဒီ​နေရာမှာ​တော့ အရှင့်​စိတ်​ကြိုက်​ ပွားများပုံ​​တွေကို တင်​ပြသွားပါမယ်​။

(က) ဗုဒ္ဓါနုဿတိ
အရဟံ = လူ နတ်​ ဗြဟ္မာ ​ကောင်းစွာဦးတိုက်​ ပူ​ဇော်​ထိုက်​​သော မြတ်​စွာဘုရား။
အရ- ဟံ = ကိ​လေသာရန်​ ​တော်​လှန်​​ချေမှုန်း​တော်​မူနိုင်​စွမ်း​သော မြတ်​စွာဘုရား။
အ- ရဟံ = မ​ကောင်းမှုပြုဖွယ်​ ဆိတ်​ကွယ်​ရာ ရှိ​တော်​မမူ​သော မြတ်​စွာဘုရား။

(ခ) ​မေတ္တာဘာဝနာ
အရပ်​ဆယ်​မျက်​နှာ​နေ အားလုံးသတ္တဝါ​တွေ ​ဘေးရန်​ ကင်းကြပါ​စေ။ စိတ်​ဆင်းရဲ ကင်းကြပါ​စေ။ ကိုယ်​ဆင်းရဲ ကင်းကြပါ​စေ။ ကိုယ်​စိတ်​နှစ်​ဖြာ ချမ်းသာစွာနှင့်​ မိမိတို့ခန္ဓာဝန်​ကို ရွက်​​ဆောင်​နိုင်​ကြပါ​စေ။

(ဂ) အသုဘဘာဝနာ
ငါ၏ကိုယ်​မှာ၊ ရှိ​နေတာ၊ ရွံရှာဖွယ်​ချည်းပါတကား။

(ဃ) မရဏဿတိ
ငါသည်​မုချ၊ တစ်​​နေ့ကျ၊ ​သေရမှာပါတကား။

၃။ ခန္ဓာကိုယ်​ကို အပ်​နှံလှူဒါန်းခြင်း
-------------------------------------------
ဆေးဆရာများ ​ဆေးကုသခါနီးမှာ လူနာရှင်​များထံမှ ​ဆေးကုသခြင်းကိစ္စအတွက်​ သ​ဘောတူညီချက်​ ​တောင်းခြင်း၊ ​ပေးခြင်းလိုဖြစ်​တယ်​။ ​တခါတရံမှာ ​ယောဂီက ဂုဏ်​များစွာ ပိုင်​ဆိုင်​ထားသူဖြစ်​​နေရင်​ တရားပြဆရာရဲ့ စကားကို မ​လေးစား မလိုက်​နာတာမျိုးနဲ့ ကြုံရတတ်​တယ်​။ ဒီအခါ ဆရာလည်း ပင်​ပန်း ​ယောဂီလည်း အကျိုးမရှိ။ ဒါ့​ကြောင့်​ ဒီပရိကံဟာလည်း အ​ရေးကြီးတယ်​​လေ။

အပ်​နှံလှူဒါန်းပုံ
------------------
ရုပ်​နာမ်​နှစ်​ဖြာ ငါဟုသမုတ်​ အကျွန်ုပ်​၏ခန္ဓာကိုယ်​ကို ဘုရား တရား သံဃာ တရားပြဆရာတို့အား တရားအားထုတ်​ချိန်​ ကာလအတွင်း၌ အပ်​နှံလှူဒါန်းပါ၏ဘုရား။

ကျမ်းရင်းလာ ပရိကံများ
------------------------------
ကျမ်းရင်းလာ ပရိကံများ ၃ ပါးရှိတယ်​။
၁။ ပလ္လင်္ကံအာဘုဇိတ = တင်​ပျဉ်​​ခွေထိုင်​ခြင်း
၂။ ဥဇုံ ကာယံ ပဏိဓ = အထက်​ပိုင်းကိုယ်​ကို ​ဖြောင့်​စွာ ​တောင့်​ထားခြင်း
၃။ ပရိမုခံ သတိံ ဥပဋ္ဌပိတ = အမှတ်​သတိကို ရှုမှတ်​မည့်​ အာရုံဆီသို့ ​ရှေးရှုဖြစ်​​စေခြင်း တို့ဖြစ်​ကြပါတယ်​။

တရားစတင်​ အားထုတ်​ပါပြီဆိုတဲ့အခါ အထိုင်​ဣရိယာပုထ်​အတွက်​ ပြင်​ဆင်​ပုံ​ဖြစ်​ပါတယ်​။ ကျန်​ဣရိယာပုထ်​​တွေအတွက်​လည်း ဆိုခဲ့ပါ ပရိကံများအတိုင်းပင်​ နည်းမှီယူရန်​ဖြစ်​ပါတယ်​။ ပုံသဏ္ဍာန်​​တွေ ကွဲပြား​နေကြ​ပေမဲ့ သ​ဘောတရားအားဖြင့်​ အတူတူပင်​ဖြစ်​တယ်​လို့ ဆိုလိုပါတယ်​။

၁။ တင်​ပျဉ်​​ခွေထိုင်​ခြင်း
------------------------------
တရားစတင်​ အားထုတ်​မဲ့သူအတွက်​ တင်​ပျဉ်​​ခွေထိုင်​ခြင်းဟာ အသင့်​​လျော်​ဆုံးဖြစ်​ပါတယ်​။ ကြာကြာထိုင်​နိုင်​မှ သမာဓိ အရမြန်​မှာဖြစ်​လို့ပါ။ တကယ်​လို့ သမာဓိကို လိုအပ်​တဲ့ အတိုင်းအတာ တစ်​ခုအထိ ​ရောက်​ရှိ​နေပါက အခြားထိုင်​ပုံ​တွေ ​ပြောင်းလဲထိုင်​နိုင်​ပါတယ်​။

တင်​ပျဉ်​​ခွေထိုင်​တဲ့အခါ ​ခြေ​ထောက်​ကို ထပ်​မထားဘဲ ​ရှေ့​နောက်​ ယှဉ်​ထားပါက ပိုပြီး ကြာကြာထိုင်​နိုင်​ပါတယ်​။ အဝတ်​အစားများကိုလည်း ကြပ်​ကြပ်​တည်းတည်း မဖြစ်​​စေဘဲ အသက်​​ကောင်း​ကောင်းရှူနိုင်​​အောင်​ ပြင်​ဆင်​ထားသင့်​ပါတယ်​။ သက်​သက်​သာသာ ထိုင်​​နေတဲ့ ပုံစံမျိုးဖြစ်​ဖို့ လိုရင်းဖြစ်​ပါတယ်​။

အားထုတ်​စ ​ယောဂီများအတွက်​ သမာဓိဟာ မြန်​မြန်​ဆန်​ဆန်​ရဖို့ အ​ရေးတကြီး လိုအပ်​ပါတယ်​။ သမာဓိမရရင်​ တရားခွင်​မှာ ကြာရှည်​ မ​ပျော်​နိုင်​ကြပါ။ တရားသား တက်​သူများအတွက်​လည်း သမထမှာ နိမိတ်​ထင်​ဖို့နဲ့ ဝိပဿနာမှာ ဉာဏ်​စဉ်​တက်​ဖို့ရာ​တွေမှာ ကြာကြာထိုင်​နိုင်​မှုဟာ အလွန်​အ​ရေးပါတယ်​။

ဉာဏ်​စဉ်​​တွေ မြင့်​တက်​လာပြီး ​ဗောဇ္ဈင်​တရားများ ဖြစ်​ပွားလာလို့ ဥ​ပေက္ခာသ​မ္ဗောဇ္ဈင်​ဖြစ်​ဖို့ရာမှာ ဝီရိယနဲ့ သမာဓိဟာ အချိုးညီရတယ်​။ လုံးဝတိမ်းယိမ်းလို့မရပါ။ ဒီ​ဗောဇ္ဈင်​ မဖြစ်​ခဲ့ပါက ဝဋ်​နွယ်​ကို အကျွတ်​တွယ်​နိုင်​မှာမဟုတ်​။ ကြိုတင်​ပြင်​ဆင်​မှု အားနည်းခဲ့ရင်​ အဲ့ဒီ​နေရာမှာလည်း အခက်​​တွေ့​လေ့ရှိပါတယ်​။ ဒါ့​ကြောင့်​ စထိုင်​ကတည်းက အစ​ကောင်းဖို့ ပြင်​ဆင်​ရခြင်းပါ။

၂။ အထက်​ပိုင်းကိုယ်​ကို ​ဖြောင့်​စွာ ​တောင့်​
---------------------------------------------------
ထားခြင်း
----------
ကမ္မဋ္ဌာန်းတစ်​ခုခုကို ပွားများအားထုတ်​​တော့မဲ့ ယောဂီဟာ တင်​ပျဉ်​​ခွေထိုင်​ပြီး​နောက်​ ခါးကို ဆန့်​တန်း​နေ​အောင်​ ​ဖြောင့်​ထားရတယ်​။ ​ဦး​ခေါင်းကို မတ်​​နေ​အောင်​ ​ထောင်​ထားရတယ်​။ ​

အမြဲတမ်း​ တောင့်​​တောင့်​ကြီး ဖြစ်​​နေ​အောင်​ သတိထားရပါမယ်​။ အားစိုက်​ပြီး တင်းတင်း​တောင့်​​တောင့်​ကြီး​ လုပ်ထားရမှာ​တော့ မဟုတ်​ရပါ။ ​ကွေး​ကောက်​ မသွားရ​အောင်​သာ ဂရုစိုက်​ထားရမှာ ဖြစ်​ပါတယ်​။

ဆိုခဲ့တာ​တွေအတွက်​ ဝီရိယအား လိုအပ်​တယ်​။ တရားအားထုတ်ရာမှာ စိတ်​ပျက်​လက်​ပျက်​ ဖြစ်​သွားခြင်း၊ ​ပျင်းရိလာခြင်း၊ ငိုက်​မြည်းလာခြင်း စတဲ့ကမ္မဋ္ဌာန်းရဲ့ ​အဆီးအတား​တွေကို ဇွဲလုံ့ လနဲ့ ကြိုတင်​ကာကွယ်​နိုင်​ဖို့ အတွက်​ပါ။

ဒီဇွဲလုံ့လဆိုတဲ့ ဝီရိယဟာ ​ယောဂီပုဂ္ဂိုလ်​များအတွက်​ တရားအားထုတ်​ခြင်းလုပ်​ငန်း အစမှ အဆုံးတိုင်​ မပါမဖြစ်​တဲ့ အရာပါ။ သို့​ပေမင့်​  သူလွန်​သွားရင်​ အန္တရာယ်​ဖြစ်​တတ်​သမို့ သမာဓိနဲ့ ညီမျှ​နေ​အောင်​ အမြဲတမ်း ထိန်းညှိ​ပေးကြရပါမယ်​။ ဆိုင်းထမ်းသမားရဲ့ ထမ်းပုံအတိုင်း​ပေါ့။

ကျန်​တဲ့ အပိုင်း​တွေ​တော့ ကျမ်းရင်းလာ ပရိကံ ၁ ထဲမှာ ပါပြီး ဖြစ်​ပါတယ်​။ အဲ့ဒီထဲက သမာဓိရဲ့ အ​ရေးပါမှုအတိုင်းပဲ ဝီရိယလည်း အ​ရေးပါတယ်​လို့ ဆိုရပါမယ်​။

၃။ အမှတ်​သတိကို အာရုံသို့ ​ရှေးရှုထားခြင်း
-----------------------------------------------------
ဘယ်​ကမ္မဋ္ဌာန်းကို ပွားများသည်​ဖြစ်​​စေ ဒီပရိကံကလည်း မပါမဖြစ်​ပါ။ ဒါ့အပြင်​  ကြိုတင်​ပြင်​ဆင်​မှု အားလုံးတို့ရဲ့ ​နောက်​ဆုံးဖြစ်​သလို အ​ရေးကြီးဆုံးလည်း ဖြစ်​ပါတယ်​။ ဘယ်​​လောက်​ အ​ရေးပါသလဲဆိုရင်​ သူမပါရင်​ ကမ္မဋ္ဌာန်း ပွားများပါတယ်​လို့ မဆိုနိုင်​ စ​ကောင်းတဲ့ အထိပါ။

ဟုတ်​ပါတယ်​။ သတိဟာ သမထ အရာမှာဆိုရင်​ ရှုမှတ်​မဲ့ အာရုံမှာ တည်​မြဲ​နေဖို့ မဖြစ်​မ​နေ လိုအပ်​ပါတယ်​။ အဋ္ဌကထာမှာဆို နွားငယ်​ဆုံးမပုံနဲ့ ဥပမာ​ပေးပြီး အ​ရေးကြီးပုံကို တင်​ပြထားပါတယ်​။

နွားငယ်​ကို ကြိုးမြဲ​အောင်​ စတင်​​လေ့ကျင့်​​ပေးတဲ့သူဟာ နွားငယ်​ကို နဖားကြိုး ထိုးပြီးတာနဲ့ ​မြေပြင်​မှာ ငုတ်​ရိုက်​ပြီး ကြိုးအရှည်​နဲ့ တွဲချည်​ထားရတယ်​။ နွားငယ်​ဟာ အကျင့်​မရှိ​သေး​တော့ အားရှိသ​လောက်​ အားကုန်​ရုန်းတယ်​။ ပတ်​​ပြေးတယ်​။ ရုန်းရင်း ​ပြေးရင်းနဲ့ ​နောက်​ဆုံး​တော့လည်း ငုတ်​တိုင်​အရင်းမှာ ​ခေါင်းထိုးပြီး ငြိမ်​သွားရတယ်။

ဒိအတူ သမထ အားထုတ်​စ ​ယောဂီဟာလည်း သတိကို အာရုံ​ပေါ်တင်​လိုက်​ စိတ်​​ဆောင်​ရာ ပါသွားလိုက်​နဲ့ ချာလပတ်​ ရမ်း​နေမယ်​။ လွတ်​သွားတာကို သိလိုက်​တာနဲ့ ပြန်​​တင်​​ပေးလိုက်​ ဆက်​လက်​ ရှုမှတ်​ရင်း စိတ်​​နောက်​ ပါသွားလိုက်​နဲ့ပါ။ သမာဓိ အား​ကောင်းလာတဲ့အခါ အား​ကောင်းသ​လောက်​ သတိက အာရုံ​ပေါ် မြဲလာတယ်​။ ​နောက်​​တော့ ငုတ်​တိုင်​အရင်းမှာ ငြိမ်​သက်​သွားတဲ့ နွားငယ်​လို သတိဟာ အာရုံ​ပေါ် ငြိမ်​သက်​သွားရပါတယ်​။

ဝိပဿနာ ​ယောဂီက​တော့ သမထသမားနဲ့ ဆန့်​ကျင်​ဘက်​ပါ။ သူက​တော့ ​ပေါ်လာတဲ့ အာရုံကို သတိက သွားကပ်​ရတယ်​။ ပြီး​တော့  ​ပေါ်လာတဲ့အတိုင်း ရှုမှတ်​ရတယ်​။

မဟာစည်​နည်းက​တော့ ချက်​အထက်​နားက ဝမ်းဗိုက်​ကို စိတ်​စိုက်​ထားပြီး ဝင်​သက်​​လေ ရှူသွင်းလိုက်​လို့ ဝမ်းဗိုက်​​ဖောင်းတက်​လာရင်​ ​ဖောင်းတယ်​။ ထွက်​သက်​​လေရှိုက်ထုတ်​လို့ ဝမ်းဗိုက်​က ပိန်​ကျသွားရင်​ ပိန်​တယ်​လို့ မှတ်​ရပါတယ်​။ အခြားအာရုံများက ​ဖောင်းပိန်​ထက်​ ပိုထင်​ရှားလာရင်​ အဲ့ဒါ​တွေကို ထင်​ရှား​ပေါ်လာတဲ့အတိုင်း ရှုမှတ်​ရတယ်​။ အခြားအာရုံများ ထင်​ရှားမရှိ​တော့ရင်​ ​ဖောင်းပိန်​ကို ပြန်​မှတ်​ရတယ်​။

စခါစမှာ ​ပေါ်လာတာ​တွေက ထင်​ထင်​ရှားရှား မရှိ​ပေမဲ့ ​နောင်​​တော့ ထင်​ထင်​ရှားရှား ​ပေါ်လာပါမယ်​။ ရှုမှတ်​မှုကလည်း နက်​သထက်​ နက်​လာမယ်​​။ တရားသ​ဘော​တွေ သိလာရင်းနဲ့ သစ္စာ​တွေပါ သိလာပါတယ်​။

သတိပဋ္ဌာန်ပရိကံများ ပြီးပါပြီ။
==================

ငြိမ်းနန္ဒ (၂၇ /၁၂ /၂၀၁၆)(၂ /၁ /၂၀၁၇)