ရိပ်​သာ (၇)

(၇)
ဣရိယာပထပိုင်း၊ အ​ထွေ​ထွေမှတ်​
=====================
ရပ်​ကမ္မဋ္ဌာန်းနဲ့ ​လျောင်းကမ္မဋ္ဌာန်း​
-----------------------------------------
ဝိပဿနာနယ်​ပယ်​မှာ ဘင်္ဂဉာဏ်မ​ရောက်​မချင်း ပညတ်​နယ်​ကို မလွန်​​သေး။ ဘင်္ဂဉာဏ်​သို့ ​ရောက်​လာရင်​​တော့ကား ပရမတ်​နယ်​ထဲ ​ရောက်​ပြီမို့ ဆရာက​နေ အာရုံကို တည့်​​ပေးဖို့ မလိုသ​လောက်​ ဖြစ်​သွားပါတယ်​။ ပရမတ်​နယ်​ထဲသို့ ဝင်​သွားပြီဖြစ်​လို့ ဘယ်​ဟာမှတ်​မှတ်​ လမ်း​မှားစရာ မရှိ​တော့လို့ပါ။

စူးစိုက်​မှုကလည်း ပုံစံ​ပြောင်းသွားတယ်​။ ပညတ်​ဆိုတဲ့ ငြမ်းကို ဖျက်​ပစ်​ပြီး ပရမတ်​ဆိုတဲ့ ​လှေခါး​ပေါ် ​အေး​ဆေးငြိမ်​သက်​စွာ ဆက်​တက်​သွားဟန်​မျိုး​ပေါ့။

တရားအားထုတ်​ဆဲ ​ယောဂီဟာ မဂ်​ဖိုလ်​သို့ မ​ရောက်​နိုင်​​သေးရင်​​တောင်​မှ ပရမတ်​နယ်​ထဲ​တော့ ​ရောက်​နှင့်​ဖို့ သိပ်​အ​ရေးကြီးပါတယ်​။ ဒါ့​ကြောင့်​ ဘင်္ဂဉာဏ်​သို့ ​ရောက်​နိုင်​ဖို့အ​ရေး နည်းမျိုးစုံနဲ့ ကြိုးစားယူသင့်​ပါတယ်​။

အဲ့ဒီလို ကြိုးစား​နေ​ပေမဲ့ တစ်​ခါတစ်​ရံမှာ မိမိရှုမှတ်​နေတဲ့ ကမ္မဋ္ဌာန်း​တွေနဲ့ ခရီးမ​ပေါက်​နိုင်​တာ ကြုံတတ်​ကြတယ်​။ ဒီသို့ဖြစ်​ရင်​ အခြားပုံသဏ္ဍာန်​နဲ့ ရှုမှတ်​ကြည့်​ဖို့ ပြင်​ဆင်​ရပါမယ်​။ ထိုင်​ကမ္မဋ္ဌာန်း၊ စင်္ကြန်​ကမ္မဋ္ဌာန်းတို့အပြင်​ ရပ်​ကမ္မဋ္ဌာန်းနဲ့ ​လျောင်းကမ္မဋ္ဌာန်း​တို့ကို ​ပြောင်းမှတ်​တာမျိုးပါ။

ရပ်​ကမ္မဋ္ဌာန်းဆိုတာ စင်္ကြန်​​လျှောက်​ရင်း စင်္ကြန်​လမ်းဆုံးလို့ ရပ်​​နေတဲ့ ပုံသဏ္ဍာန်​အတိုင်း ရပ်​ပြီး ရှုမှတ်​ပုံကလည်း အတူတူပင်​။ လျောင်းကမ္မဋ္ဌာန်း​ကလည်း ရပ်​​နေရာမှာ ​လျောင်းကို ​ပြောင်းပြီး မှတ်​သွားရုံပါ။

အထူးပြုပြီး သတိထားရမှာက ဆိုခဲ့ပါ ကမ္မဋ္ဌာန်း ၂ မျိုးစလုံးမှာ ပင်​တိုင်​ကမ္မဋ္ဌာန်းအဖြစ်​ ရပ်​၊ ​လျောင်းတို့ဖြစ်​ပြီး ထိနဲ့ သိကိုလည်း အလျဉ်းသင့်​သလို တွဲ​ပေးရပါတယ်​။  ဓာတ်​ကြီး​လေးပါးရဲ့ သ​ဘောသဘာဝ​တွေ ထင်​ရှားလာပါက ထိထိမိမိ မှတ်​ဖို့ရန်နဲ့ ဓာတ်​သ​ဘောတရား​တွေကို ထဲထဲဝင်​ဝင်​ သိနိုင်​ဖို့ ပိုအားပြုရန်​ ဖြစ်​ပါတယ်​။

ပိုအားပြုရမယ်​ ဆိုတာကို သတိထားရန်​လိုပါမယ်​။ ထိုင်​မှတ်​နဲ့ စင်္ကြန်​မှတ်​​တွေမှာ​တော့ ဓာတ်​သ​ဘောတရား​တွေကို ပင်​တိုင်​ကမ္မဋ္ဌာန်းထက်​ ထူးကဲပိုလွန်​လာမှသာ ထင်​ရှား​ပေါ်ရာအဖြစ်​ သတ်​မှတ်​ပြီး ရှုမှတ်​ရတာဖြစ်​​ပေမဲ့ ဒီနှစ်​မျိုးမှာကား ရှုမှတ်​ဖို့ရာ ထင်​ရှားမှု လုံ​လောက်​ရင်​ ရှုမှတ်​ရမှာကို ဆိုလိုပါတယ်​။ ဓာတ်​သ​ဘောတရား​တွေကို ပိုမိုပြီး အ​လေးထားရမဲ့ သ​ဘောပါ။

အထူးမှတ်​ရန်​။ ။အိပ်​ရာဝင်​ ​လျောင်းတဲ့အခါမှာကား ​ဖောင်းပိန်​ကိုလည်း မှတ်​နိုင်​ပါတယ်​။

ရပ်​နဲ့​လျောင်းကမ္မဋ္ဌာန်း ပြီးပါပြီ
××××××××××××××××××××

(အ​ထွေ​ထွေမှတ်​၊စား​သောက်​စဉ်​ မှတ်​ပုံ)
=========================
စား​သောက်​ပုံ ၃ မျိုးနဲ့ မှတ်​ချက်​များ
-------------------------------------------
တရားအားထုတ်​ဆဲ ​ယောဂီ​တွေအ​နေနဲ့ အစာ စားသုံးတဲ့အခါ ဝင်​ရမဲ့ ​ဘောင်​သုံးမျိုး ရှိပါတယ်​။
၁။ သီလနဲ့ စားသုံးခြင်း
ဤသည့်​စားဖွယ်​ဆိုပြီးမှ စားသုံးတာဟာ ပစ္စယသန္နိဿိတသီလကို ​ဆောက်​တည်​ရင်း စားသုံးတာ ဖြစ်​ပါတယ်​။
၂။ သမထနဲ့ စားသုံးခြင်း
  ​အလှူရှင်​များအား ​မေတ္တာ ပွားများပြီးမှ စားသုံးတာကို ​ခေါ်ပါတယ်​။
၃။ ဝိပဿနာနဲ့ စားသုံးခြင်း
  ရှုမှတ်​မှု သတိနဲ့အတူ စားသုံးတာဟာ ဝိပဿနာနဲ့ စားသုံးတာ ဖြစ်​ပါတယ်​။

စားသုံးတာနဲ့ ပတ်​သက်​ပြီး မဟာစည်​ဆရာ​တော်​ ဘုရားကြီးက​ ​အောက်​ပါအတိုင်း မှတ်​ချက်​ ပြု​တော်​မူခဲ့ပါတယ်​။ အဲ့ဒီ အတိုင်းပင်​ ဆရာ​တော်​ဘုရားကြီးက ဆရာ​တော်​ဘုရားကြီးရဲ့ ​ယောဂီများအား လိုက်​နာကျင့်​သုံးရန်​ ညွှန်​ကြား​တော်​မူခဲ့ပါတယ်​။

ဆင်​ခြင်​ပြီး စားသုံးတယ်​ဆိုတာ အစာအာဟာရက​နေ ဖြစ်​​ပေါ်လာမဲ့ အားအင်​များဟာ သာသနဗြဟ္မစရိယ၊ မဂ္ဂဗြဟ္မစရိယ နှစ်​မျိုးကို ကျင့်​သုံးနိုင်​ရန်​အတွက်​ ဖြစ်​​စေရပါမယ်​လို့ အဓိဋ္ဌာန်​ပြုခြင်းဖြစ်​တယ်​။ ဝိပဿနာ ရှုမှတ်​ရင်း စားသုံး​နေခြင်း​ကား ဗြဟ္မစရိယနှစ်​ပါးကို ကျင့်​သုံး​နေခြင်းပင်​ဖြစ်​လို့ ဆင်​ခြင်​​နေတာထက်​ အမှတ်​မလွတ်​​စေဘဲ စားသုံးခြင်းက ပို​ကောင်းပါတယ်​။

မေတ္တာပို့ပြီးမှ စားသုံးတယ်​ဆိုရာမှာ အလှူရှင်​​တွေရဲ့ ​ကောင်းကျိုးဖြစ်​ထွန်း​စေချင်​လို့ ပို့သတာ​ကြောင့်​ ​မေတ္တာ ပွားများသူမှာ သမထကုသိုလ်​ဖြစ်​ပါတယ်​။ ပွားများသူရဲ့ ရရှိတဲ့ ကုသိုလ်​အာနိသင်​အတိုင်း အလှူရှင်​​တွေဖက်​မှာ ကုသိုလ်​ရောင်​ပြန်​ ဟပ်​ပါတယ်​။ အလှူရှင်​​တွေဟာ ​ကုသိုလ်​​ရောင်​ပြန်​ ဟပ်​တာပဲ ပြန်​ရပါတယ်​ဆိုရင်​ အလှူခံပုဂ္ဂိုလ်​ဖက်​က ပိုပြီး  အာနိသင်​ ကြီးမားတဲ့ ကုသိုလ်​မျိုးကို ​ရွေးချယ်​ပြုလုပ်​သင့်​ပါတယ်​။ သမထကုသိုလ်​ထက်​ သတိပဋ္ဌာန်​ ဝိပဿနာကုသိုလ်​​ကား ကုသိုလ်​အာနိသင်​ အဆ​ပေါင်း ​မြောက်​များစွာ ကြီးမားတာ​ကြောင့်​ တရားအားထုတ်​ဆဲ ​ယောဂီဟာ ရှုမှတ်​မှုနဲ့သာ အစာကို စားသုံးသင့်​ပါတယ်​။

အထက်​မှာ ဆိုခဲ့တဲ့ ဆရာ​တော်​ဘုရားကြီးရဲ့ မှတ်​ချက်​ပြုမှုများဟာ အလှူရှင်​​တွေနဲ့ အလှူခံပုဂ္ဂိုလ်​များအကြား တန်​ဖိုးမဖြတ်​နိုင်​တဲ့ ဆက်​စပ်​ပတ်​သက်​ပုံကို တင်​ပြထားသလိုပါပဲ။  ဒါ့​ကြောင့်​ ​ကောင်းကျိုး​တွေ လိုလားသူမှန်​ပါက မဖြစ်​မ​နေ လိုက်​နာကျင့်​သုံး သင့်​လှပါတယ်​။

စား​သောက်​ရာမှာ ရှုမှတ်​ပုံ
--------------------------------
စား​သောက်​ဖို့ရန်​ သွားလာတာ​တွေနဲ့ စား​သောက်​ရန်​ အဆင်​သင့်​ ပြင်​ပြီးအထိ လှုပ်​ရှားမှုများအတိုင်း နာမည်​တပ်​​ပေးကာ မှတ်​သွားရုံပါ။ ထိုင်​ပြီးလို့ရှိရင်​ အစားအစာကို တပ်​မက်​စိတ်​ ဖြစ်​​ပေါ်မလာ​အောင်​ အားထုတ်​စ ​ယောဂီများအ​နေနဲ့ အာဟာ​ရေ ပဋိကူလသညာကို ဆင်​ခြင်​နိုင်​ပါတယ်​။

ပုကံခွက်​​ယောက်​ထဲကနဲ့ ပါးစပ်​ထဲမှာ အ​စေး​ပေါက်​​အောင်​ ဝါးထားတဲ့ဟာကို နှိုင်းယှဉ်​​တွေးရပါမယ်​။ ပါးစပ်​ထဲကဟာနဲ့ အစာက​နေ အညစ်​အ​ကြေးဖြစ်​ပြီး စွန့်​ထုတ်​ရတဲ့ဟာကို နှိုင်းယှဉ်​စဉ်းစားရပါမယ်​။

အစား​အ​သောက်​ကောင်းကို မှီဝဲရ​ပေမဲ့ အမှတ်​သတိမပျက်​။ တပ်​မက်​မှုဖြစ်​လာ​ပေမဲ့ အမှတ်​သတိနဲ့ ​ကျော်​ဖြတ်​နိုင်​ပြီ ဆိုရင်​က​တော့ စား​သောက်​ပုံ​တွေကိုသာ ရှုမှတ်​သွားရပါမယ်​။

စား​သောက်​တဲ့အခါ ရှုမှတ်​ပုံ ၆ ဆင့်​ရှိပါတယ်​။
၁။ ထမင်းလုတ်​ပြင်​ရင်​ ပြင်​တယ်​လို့ လက်​ရဲ့လှုပ်​ရှားဟန်​အလိုက်​ မှတ်​ရပါတယ်​။
၂။ ပြင်​ပြီးတဲ့ ထမင်းလုတ်​ကို ပါးစပ်​ဆီ ယူသွားတဲ့အခါ ယူတယ်​လို့ မှတ်​ပါမယ်​။
၃။ ထမင်းလုတ်​ကို ခွံ့တဲ့အခါ ခွံ့တယ်​​ပေါ့။
၎။ လက်​ပြန်​ချတဲ့အခါ ချတယ်​လို့ မှတ်​ပါ။
၅။ ဝါး​နေစဉ်​ ဝါးတယ်​လို့ ဝါးလို့ မပြီးမချင်း မှတ်​​နေရမယ်​။
၆။ ဝါးပြီးလို့ မျိုချတဲ့အခါ မျိုတယ်​လို့ မှတ်​ရပါတယ်​။
မျိုချတဲ့အခါ အားထုတ်​စ ​ယောဂီ​တွေအ​နေနဲ့ သတိထားရပါမယ်​။

နောက်​ပြီး အ​သေးစိတ်​အမူအရာ အားလုံးရဲ့ အမှတ်​​တွေ အပြည့်​အစုံ မမှတ်​နိုင်​​သေးခင်​မှာ အရသာကို မမှတ်​​သေးဘဲ အမူအရာ​တွေကိုသာ မှတ်​ရပါမယ်​။ အ​သေးစိတ်​နိုင်​တဲ့ ​ယောဂီများဆိုရင်​​တောင်​ ရသတဏှာမဖြစ်​​အောင်​ သို့မဟုတ်​ ရသတဏှာရဲ့ ဖျား​ယောင်းရာ ပါမသွား​အောင်​ မှတ်​နိုင်​​စွမ်းခါမှ အရသာအမှတ်​ကို မှတ်​ကြရပါမယ်​။

အထူးသတိချပ်​ရမှာက လက်​လှုပ်​တဲ့အခါ ပါးစပ်​ မလှုပ်​မိ​စေဖို့နဲ့ ​ပြောင်းပြန်​အားဖြင့်​ ပါးစပ်​လှုပ်​​နေတဲ့အခါ လက်​မလှုပ်​မိ​စေဖို့ပါ။ နှစ်​မျိုးစလုံး ပြိုင်​တူလှုပ်​​နေရင်​ ဟိုဟာ မှတ်​ရမလိုလို ဒီဟာ မှတ်​ရမလိုလိုနဲ့ ရှုပ်​​ထွေးသွားတတ်​ပါတယ်​။

ပြိုင်​တူလှုပ်​​နေရင်​ အမှတ်​မပါသ​လောက်​ ဖြစ်​သွားပါတယ်​။ တကယ်​လို့ အဲ့ဒီ ပြိုင်​တူလှုပ်​တာကို သတိနဲ့ ထိန်းမရနိုင်​​သေးဘူးဆိုရင်​ စား​သောက်​​နေတာကို အကုန်​လုံး ခြုံငုံအာရုံပြုပြီး စားတယ်​၊ စားတယ်​လို့​တော့ မဖြစ်​မ​နေ မှတ်​နိုင်​​အောင်​ ကြိုးစားယူရပါမယ်​။ ရှုမှတ်​မှုဆိုတာ ​ယောဂီရဲ့ အသက်​မို့ပါ။

စား​သောက်​စရာ​တွေအ​ပေါ် ရှိရမဲ့သ​ဘောထား
--------------------------------------------------------
တရားအားထုတ်​ဆဲ ​ယောဂီအ​နေနဲ့ စား​သောက်​ဖွယ်​ရာများကို သာမန်​လူတစ်​​ယောက်​လို  သ​ဘောမထားရပါ။ ပစ္စ​ဝေက္ခဏာ ဆင်​ခြင်​တဲ့အထဲမှာ ပါတဲ့အတိုင်း ဖြစ်​နိုင်​သမျှ အ​ကောင်းဆုံးဖြစ်​​အောင်​ ကြိုးစားကြရပါမယ်​။
ထိထိ​ရောက်​​ရောက်​​ ပုံမ​ဖော်​နိုင်​ပါက လိုချင်​​နေကြတဲ့ တရားကို မရတဲ့အပြင်​ ရသတဏှာ​ကြောင့်​ ဒုက္ခ​တောင်​ ဖြစ်​သွားနိုင်​ပါတယ်​။ ဒါ့အပြင်​ သူတစ်​ပါးတို့ရဲ့ အလှူ​ကျွေး​တောင်​ တင်​သွားနိုင်​ပါ​သေးတယ်​။

အစားမ​တော်​ တစ်​လုတ်​၊ အသွားမ​တော်​ တစ်​လှမ်း တဲ့။ ဒီစကားထဲက တရားခံဟာ တရားအားထုတ်​ဆဲ ​ယောဂီ​တွေ မဖြစ်​သင့်​ပါ။ အမှန်​တကယ်​ အမှတ်​သတိနဲ့ စားသုံးသူဆိုရင်​ တရားခံဘဝက မုချလွတ်​မယ်​ဆိုတာ ထူးပြီး ​ပြောဖွယ်​ပင်​မလို။ သို့​တ​စေ အမှတ်​မမြဲ​သေးခင်​မှာ​တော့ လွတ်​ဖို့ မလွယ်​ကူလှပါ။ ဒါ့​ကြောင့်​ ရသတဏှာ မဖက်​​ရ​အောင်​နဲ့ အစားမ​တော်​ တစ်​လုတ်​ မဖြစ်​ရ​လေ​အောင်​ ဆင်​ခြင်​မှုစွမ်းရည်​ကိုလည်း အလျဉ်းသင့်​သလို အသုံးချရပါမယ်​။

တစ်​ခါတုန်းက ရွာတစ်​ရွာမှာ ​လေအဟုန်​လို လျင်​မြန်​စွာ ကူးစက်​ပြန့်​ပွားပြီး ရုတ်​ချည်း ​သေ​စေတဲ့ ကပ်​​ရောဂါတစ်​မျိုး ကျ​ရောက်​ပါတယ်​။ တစ်​ရွာလုံးနီးနီး ​သေကုန်​တာကို ရွာအစွန်​ဆုံး အိမ်​ကလူ​တွေ သိ​တော့ မိသားစု သုံး​ယောက်​ ရွာက​နေ လက်​ဗလာနဲ့ ထွက်​​ပြေးခဲ့ရတယ်​။

သူတို့ ဦးတည်​ရာက ကန္တာရဖြစ်​​နေခဲ့လို့ ခက်​ခဲပင်​ပန်းစွာနဲ့ ခရီးဆက်​​နေကြရပါတယ်​။ မ​ပြေးလို့ကလည်းမဖြစ်​။ ​ပြေးရပြန်​​တော့လည်း ကန္တာရမို့ ခရီးမတွင်​။ ဒီကြားထဲ စားစရာက မပါ။ ​သောက်​စရာက နတ္ထိ။  စား​သောက်​စရာရှိတဲ့ ကန္တာရအစွန်​ကို မြင်​​နေရပြီ ဆိုတာ​တောင်​ ခရီးဆက်​ဖို့ အားအင်​​တွေ ကုန်​ခမ်း​လေပြီထင့်​။

ဒီအချိန်​မှာ လင်​​ယောက်ျားဖြစ်​သူထံမှ အ​တွေး​ကောင်းတစ်​ခု ​ပေါ်လာပါတယ်​။ ဒီအတိုင်းသာ မှိုင်​​ထွေ​နေကြပါက မိသားစုအကုန်​လုံး ​သေဆုံးကြရဖွယ်​ရှိတယ်​။ တစ်​​ယောက်​​ယောက်​က အ​သေခံပြီး ကျန်​သူနှစ်​​ယောက်​ ​ကျွေးမယ်​ဆိုမှ ကျန်​သူနှစ်​​ယောက်​ အသက်​ရှင်​နိုင်​မယ်​လို့ပါ။ ဒါ့​ကြောင့် ​သူကပင်​ သူ့ရဲ့မိန်းမသူကို အနစ်​နာခံစကား ခင်းပါတယ်​။

သူ့ကို  သတ်​ပြီး သားအမိနှစ်​​ယောက်​ ​အ​သွေးကို ​သောက်​ပြီး အသားကို စားပါက ကန္တာရကို လွန်​ပြီး အသက်​ရှင်​နိုင်​​ပါတယ်​။ အသက်​ရှင်​သွားပါက အကျင့်​​ကောင်းမွန်​ပြီး လုပ်​ငန်းကျွမ်းကျင်​တဲ့ ​နောက်​လင်​တစ်​​ယောက်​ကို ထပ်​ယူကာ သား​လေးကို လူလား​မြောက်​​အောင်​ ​ပြုစုသွားဖို့ မှာကြားပါတယ်​။

မိန်းမသူကလည်း စဉ်းစားချင့်​ချိန်​ပြီး စကားပြန်​ပါတယ်​။ သားတစ်​​ယောက်​ကို မိခင်​တစ်​​ယောက်​ထဲနဲ့ လိမ္မာယဉ်​​ကျေး​အောင်​ ပြုစု​စောင့်​​ရှောက်​နိုင်​ဖို့ဆိုတာ မလွယ်​ကူ​ပါ။ သားကို ဖခင်​တို့ကသာ နိုင်​နိုင်​နင်းနင်း ထိန်း​ကြောင်းနိုင်​ပါတယ်​။ ဒါ့​ကြောင့်​  သူ့ကိုသာ သတ်​ပြီး စား​သောက်​ကြဖို့နဲ့ သားကို လိမ္မာယဉ်​​ကျေး​အောင်​ ထိန်း​ကြောင်း​စောင့်​​ရှောက်​ဖို့လည်း မှာကြားလိုက်​ပါတယ်​။

ဇနီး​မောင်​နှံ နှစ်​​ယောက်​ဟာ အတန်​ငယ်​ စကား​ပြော​နေကြရင်း သားငယ်​ကို နင့်​အ​ဖေဆီသွား နင့်​အ​မေဆီသွားနဲ့ တွန်းပို့​နေကြရာ က​လေးငယ်​ဟာ အ​မောဆို့ကာ ​သေဆုံးသွားရှာပါတယ်​။ အဲ့ဒီ​တော့မှ က​လေးငယ်​ရဲ့ အ​လောင်း​ကောင်​ကို ဖျက်​ဆီးကာ အ​သွေးကို ​သောက်​ကြတယ်​။ အသားကို စားကြတယ်​။ ဒိ​နောက်​ ကန္တာရကို လွန်​မြာက်​​အောင်​ ခရီးဆက်​သွားကြပြီး ဘဝသစ်​ ထူ​ထောင်​နိုင်​ခဲ့ကြပါတယ်​။

မောင်​နှံအစုံဟာ သားငယ်​ရဲ့ အ​သွေး​တွေကို ​ရေလို ​သောက်​သုံးကြရ​ပေမဲ့ ​ရေ​သောက်​သလို အရသာမ​တွေ့နိုင်​ကြပါ။ နူးညံ့​ပျောင်းအိ​နေတဲ့ အသားကို စားကြရ​ပေမဲ့ မ​ပျော်​နိုင်​ကြပါ။ ​ရှေ့ခရီး ဆက်​နိုင်​ဖို့ရန်​ဆိုတဲ့ ရည်​ရွယ်​ချက်​​အတွက်​ အာသာ​ပြေ​အောင်​နဲ့ အဆာ​ပြေ​အောင်​သာ ကြိတ်​မှိတ်​ပြီး ​သောက်​ခဲ့ကြရ၊ စားခဲ့ကြရပါသတဲ့။

တရားအားထုတ်​ဆဲ ​ယောဂီအ​နေနဲ့ စား​သောက်​​နေကြစဉ်​ အထက်​က ပုံဝတ္ထု​လေးကို ဆင်​ခြင်​မိပါရင်​လည်း ရသတဏှာမ​ပေါ်လာ​အောင်​ တားဆီးနိုင်​ကြပါလိမ့်မ​ယ်​။ မိဘနှစ်​ပါးက သားငယ်​ရဲ့ ​အ​သွေးအသား​တွေကို ​သောက်​စားပြီး ကန္တာရခရီးကို လွန်​​မြောက်​​အောင်​ သွားနိုင်​ခဲ့ကြသလို ငါသည်​ ဒီ​သောက်​ဖွယ်​ စားဖွယ်​များကို ​သောက်​စားခြင်းအားဖြင့်​ ကိ​လေသာ​တောက​နေ လွန်​​မြောက်​​အောင်​ ကျင့်​ကြံသွားနိုင်​ရန်​သာဖြစ်​တယ်​လို့ ဆင်​ခြင်​ရပါမယ်​။ နှလုံးသွင်းရပါမယ်​။ ဒါဆိုရင် ​မ​တော်​တဲ့ အစားတစ်​လုတ်​ကိုလည်း ​ရှောင်​ကွင်းသွားနိုင်​မှာ ဖြစ်​ပါတယ်​။

ယောဂီရဲ့ စား​သောက်​​ရေးနဲ့ ပတ်​သက်​ပြီး ဒီ​လောက်​ကျယ်​ကျယ်​ဝန်းဝန်း ​ပြော​နေရတာဟာ အ​ကြောင်းရှိလို့ပါ။ ကာမဂုဏ်​ အာရုံငါးပါးထဲမှာ ရသာရုံ​ကြောင့်​ ဖြစ်​လာရတဲ့ ရသတဏှာက အဆိုးဆုံးနဲ့ အကျယ်​ပြန့်​ဆုံးမို့ပါ။ ဟင်္သာကိုး​သောင်းတို့ ဇာတ်​တူသားစားကြပြီး မျိုးသုဉ်းသွားခဲ့ကြရတာ ရသတဏှာ​ကြောင့်​၊ ​ပေါရိသာဒကြီး ဘဝပျက်​ခဲ့ရတာ ရသတဏှာ​ကြောင့်​ပါ။

သူ​တော်​​ကောင်း​တွေ ဖြစ်​​ပေမဲ့ အမှတ်​တမဲ့ဖြစ်​ခဲ့ရင်​ မ​ရှောင်​နိုင်​ကြတာလည်း ရသတဏှာပါ။ ရိပ်​သာ​တွေမှာ စားစရာ အထုပ်​ကြီးငယ်​​တွေနဲ့ တရားသွားအားထုတ်​ကြတဲ့ ​ယောဂီ​တွေကို ​တွေ့ဖူးကြမှာပါ။ အဲ့ဒါဟာ ဘာ​ကြောင့်​လဲလို့​တော့ မ​ပြော​တော့ပါဘူး​လေ။

စား​သောက်​စဉ်​ ရှုမှတ်​ပုံပြီးပါပြီ။
×××××××××××××××××××××

အ​ထွေ​ထွေမှတ်​
==========
အ​ထွေ​ထွေမှတ်​မှာ သီးခြား​ခေါင်းစဉ်​နဲ့ ​ရေးသင့်​တာ​တွေကို ​ရေးသားခဲ့ပြီးပါပြီ။ ကျန်​တာ​တွေက​တော့ အတိုအထွာများပင်​။ စုံစီနဖာမို့ သီးသန့်​ခေါင်းစဉ်​​တွေနဲ့ မ​ရေး​တော့ပါ။

သို့​ပေမင့်​ ကျန်​​နေတဲ့ စုံစီန​ဖာ​တွေဟာလည်း မရှုမှတ်​ဘဲ ထားခဲ့ရမှာ​တွေ​တော့ မဟုတ်​ရပါ။ သူ့အတိုင်းအတာနဲ့ သူ့တန်​​ကြေးများက​တော့ဖြင့်​ ပိုင်​ဆိုင်​ထားကြသည်​ပင်​။ သို့ဖြစ်​လို့ မဖြစ်​မ​နေ ရှုမှတ်​ကြရမှာကား ​ပြောစရာမလိုဘူး ထင်​ပါရဲ့။ အဲ့ဒါ​တွေက တကယ့်​ကို အ​ထွေ​ထွေမှတ်​များဖြစ်​​ပြီး အ​သေးစိတ်​ ရှုမှတ်​မှု​တွေ ဖြစ်​နေလို့ပါပဲ။ ဣရိယာပုထ်​ကြီး ​၄ မျိုးမှ ကျန်​တဲ့ သွားလာလှုပ်​ရှားမှု​တွေ အားလုံးပါဝင်​ပါမယ်​။

အ​ထွေ​ထွေမှတ်​များရဲ့ သီးခြားတန်​ဖိုး​တွေထဲက ပထမအချက်​က သမာဓိကို အစဉ်​ဆက်​မပြတ်​​အောင်​ ဆက်​စပ်​​ပေးနိုင်​ခြင်းပါ။ ဥပမာ ထိုင်​မှတ်​နဲ့ စင်္ကြန်​မှတ်​ကို ဆက်​စပ်​​ပေးတာမျိုး​ပေါ့။

ဒီအခန်းကဏ္ဍဟာလည်း အ​ရေးကြီးပါတယ်​။ ထိုင်​တိုင်း ​လျှောက်​တိုင်း သမာဓိကို ပြန်​ပြန်​ပြီး ပျိုး​နေရရင်​ အိမ်​ကြီးလာဖို့ အခွင့်​အ​ရေး နည်းပါးပါမယ်​။ ဣရိယာပုထ်​တစ်​ခုက​နေ ရထားပြီးတဲ့ သမာဓိကို ​နောက်​ဣရိယာပုထ်​တစ်​ခုသို့ ဆက်​စပ်​​ပေးနိုင်​မှသာ သမာဓိအိမ်​က ကြီးသထက်​ ကြီးလာခွင့်​ရမှာ ဖြစ်​ပါတယ်​။

သမာဓိအားအ​လျောက်​ ရှုမြင်​စွမ်း​ပေါ်မူတည်​ပြီး ဝိပဿနာဉာဏ်​​တွေ ဖြစ်​​ပေါ်လာကြရတာ​ကြောင့်​ သမာဓိအိမ်​က ကြီး​လေ ဉာဏ်​မြင့်​​မြင့်​ပေါ်​လေလို့ ဆိုလိုပါတယ်​။ ဆို​တော့ကာ သမာဓိအိမ်​ကြီးကြီး ရရှိနိုင်​​ရေးမှာ အ​ထွေ​ထွေမှတ်​​တွေဟာ မရှိမဖြစ်​တဲ့အရာ​တွေ​ပေါ့။

အ​ထွေ​ထွေမှတ်​များရဲ့ အ​ရေးပါပုံ ဒုတိယအချက်​ကား အ​သေးစိတ်​ အမူအရာများကို ရှုမှတ်​​နေခြင်းဖြစ်​တာ​ကြောင့်​ ဖြစ်​ပျက်​မှု​တွေ ထင်​မြင်​လွယ်​​စေခြင်းပါ။ ဒီအချက်​ဆိုရင်​ ဝိပဿနာဆိုတဲ့ ​ဝေါဟာရနဲ့ ယဉ်​ပါး​နေသူဖြစ်​ပါက ဘယ်​​လောက်​အ​ရေးကြီး​ကြောင်းနဲ့ ဘယ်​​လောက်​တန်​ဖိုး မြင့်​မား​ကြောင်း ရိပ်​စားမိပါလိမ့်​မယ်​။

သို့တ​စေ စာရှုသူများ အားလုံးအတွက်​ ဗဟုသုတအလို့ငှါ အကျဉ်းချုပ်​ပြီး တင်​ပြပါမယ်​။

ဝိပဿနာနယ်​ပယ်​မှာ အနိစ္စ၊ ဒုက္ခနဲ့ အနတ္တတို့ဆိုတဲ့ လက္ခဏာယာဉ်​ သုံးမျိုးရှိပါတယ်​။ လက္ခဏာဆိုတာက အမှတ်​အသား။ ယာဉ်​ဆိုတာက ခရီးသွားများ စီးနင်းသွားစရာကို ​ခေါ်တယ်​။ လက္ခဏာယာဉ်​ဆို​တော့ကား အမှတ်​အသားပြုခြင်းဖြင့်​ ယာဉ်​တစ်​ခုခုကို စီးနင်းမှုကိစ္စပြီးခြင်းလို့ ဖြစ်​သွားပါတယ်​။

ဟုတ်​ပါတယ်​။ နိဗ္ဗာန်​ခရီးသွားများဟာ အမှတ်​အသားပြုခြင်းဆိုတဲ့ ယာဉ်​သုံးမျိုးကို စီးနင်းသွားပါမှ လိုရာခရီးသို့ ​ရောက်​မှာပါ။ အဲ့ဒါ​တွေကို မစီးရင်​ မ​ရောက်​​နိုင်​​တော့ဘူးဟူလို။

စီးတာ​တော့ စီးသွားလိုက်​ချင်​တာ​ပေါ့။ ဒါ​ပေသည့်​ ဘယ်​လိုစီးရပါ့။ အမှတ်​အသားပြုခြင်းဖြင့်​ စီးပါမယ်​။ ဘယ်​ဟာကို အမှတ်​အသားပြုရပါ့။ ဖြစ်​ပျက်​ကို အမှတ်​အသားပြုရပါမယ်​။

ဖြစ်​ပျက်​ကို တိတိကျကျ အမှတ်​အသားပြုနိုင်​ပြီးဆိုပါက အနိစ္စလက္ခဏာယာဉ်​ကို စီးမိခြင်းပါ။ ထူးခြားတာက ဒီယာဉ်​သုံးမျိုးဟာ တစ်​ခုခုကို စီးမိလိုက်​တာနဲ့ ကျန်​နှစ်​မျိုးကိုလည်း အလိုလို စီးပြီး ဖြစ်​ပါတယ်​။ (ကျန်​တဲ့နှစ်​ပါးက​နေ စစီးမိပုံ​တွေကို​တော့ အလျဉ်းသင့်​သလို တင်​ပြသွားပါမယ်​။)

ဖြစ်​ပျက်​မြင်​လျှင်​၊ အနိစ္စမြင်​သည်​၊
အနိစ္စမြင်​​တော့၊ ဒုက္ခထင်​သည်​။
ဒုက္ခထင်​​တော့၊ အနတ္တမြင်​သည်​။
အနတ္တမြင်​၊ နိဗ္ဗာန်​ခွင်​၊ ​ပြေးဝင်​ဆိုက်​​ရောက်​သည်​။

အနိစ္စလက္ခဏာယာဉ် စီးမိပုံအတွက် မဟာစည်​ဆရာ​တော်​ ဘုရားကြီးက​ ​ဆောင်​ပုဒ်​စီ​တော်​မူခဲ့တာဖြစ်ပါတယ်​။

အ​ထွေ​ထွေမှတ်​ ပြီးပါပြီ။
×××××××××××××××××
ငြိမ်းနန္ဒ (၂၂ -၂၄ /၁ /၂၀၁၇)