ရိပ်​သာ (၁၅)

(၁၅)
အာယတနပိုင်း
==========
ယောဂီဟာ ၆ ပါး အ​ရေအတွက်​ရှိတဲ့ အတွင်းသန္တာန်​ အပသန္တာန်​မှာဖြစ်​ကုန်​တဲ့ အာယတနတရား​တွေကို သတ္တဝါ​ကောင်​ အသက်​​ကောင်​ မဟုတ်​တဲ့ သ​ဘောတရားမျှပဲလို့ ရှုမြင်​​နေတယ်​။ ဘယ်​လို​တွေ ရှုမြင်​​နေပါသလဲဆိုရင်​ ......။

သာသနာ​တော်​လာ နည်းနာများအတိုင်း အားထုတ်​​နေတဲ့ ​ယောဂီဟာ စက္ခုပသာဒဆိုတဲ့ မျက်​စိရုပ်​ကိုလည်း သိတယ်​။ အဆင်းရုပ်​ကိုလည်း သိတယ်​။ အဲ့ဒီ မျက်​စိနဲ့အဆင်း နှစ်​မျိုးကို စွဲမှီပြီး သံ​ယောဇဉ်​ ၁၀ ပါးဖြစ်​တယ်​။ ယင်း ဖြစ်​​ပေါ်တဲ့ သံ​ယောဇဉ်​ကိုလည်း သိတယ်​။

မဖြစ်​​ပေါ်​သေးတဲ့ သံ​ယောဇဉ်​ရဲ့ ဖြစ်​​ပေါ်ခြင်း​ဟာ အ​ယောနိ​သော မနသိကာရဆိုတဲ့ အ​ကြောင်း​ကြောင့်​ဖြစ်​တယ်​။ အဲ့ဒီ အ​ယောနိ​သော မနသိကာရဆိုတဲ့ အ​ကြောင်းကိုလည်း သိတယ်​။

ဖြစ်​​ပေါ်​နေတဲ့ သံ​ယောဇဉ်​ကို တဒင်္ဂ ၀ိက္ခမ္ဘနပဟာန်​နဲ့ ပယ်​ခြင်းဟာ ​ယောနိ​သော မနသိကာရဆိုတဲ့ အ​ကြောင်း​ကြောင့်​ဖြစ်​တယ်​။ ၎င်း​ယောနိ​သော မနသိကာရဆိုတဲ့ အ​ကြောင်းကိုလည်း သိတယ်​။

တဒင်္ဂ ၀ိက္ခမ္ဘနပဟာန်​နဲ့ ပယ်​အပ်​ပြီးတဲ့ သံ​ယေဇဉ်​ဟာ ​နောင်​အခါ တစ်​ဖန်​တကယ်​မဖြစ်​နိုင်​​တော့ဖို့ဆိုရင်​ အရိယာမဂ်​ဆိုတဲ့ အ​ကြောင်း​ကြောင့်​ ဖြစ်​တယ်​။ အဲ့ဒီ အရိယာမဂ်​ဆိုတဲ့ အ​ကြောင်းကိုလည်း သိတယ်​။ မဂ်​​လေးပါးတို့ အသီးသီး ပယ်​သတ်​နိုင်​ကြတဲ့ သံ​ယောဇဉ်​​တွေကို ​အောက်​မှာ ယှဉ်​တွဲပြ​ပေးပါမယ်​။

အထက်​က နည်းအတိုင်းပဲ နားရုပ်​နဲ့ အသံရုပ်​၊ နှာ​ခေါင်းရုပ်​နဲ့ အနံ့ရုပ်​၊ လျှာရုပ်​နဲ့ အရသာရုပ်​၊ ကိုယ်​ရုပ်​နဲ့ အ​တွေ့ရုပ်​၊ စိတ်​နဲ့ သ​ဘောအာရုံ ဆိုတာ​တွေရဲ့ အဆင့်​ဆင့်​ သိပုံ​တွေကိုလည်း သိကြရပါတယ်​။

ဆိုအပ်​ခဲ့ပြီးတဲ့ နည်း​တွေနဲ့ မိမိရဲ့ အာယတနတရား​တွေကိုမူလည်း သတ္တဝါ​ကောင်​ အသက်​​ကောင်​ မဟုတ်​တဲ့ သ​ဘောတရားမျှပဲလို့ ရှုမြင်​ပြီး​ နေတယ်​။ သူတစ်​ပါးရဲ့ အာယတနတရား၊ ရံခါ မိမိရဲ့ အာယတနတရား ရံခါ သူတစ်​ပါးရဲ့ အာယတနတရား​တွေကိုမူလည်း သ​ဘောတရားမျှပါပဲလို့ ရှုမြင်​ပြီး ​နေပါတယ်​။

ကျန်​တာ​တွေဟာ ဆိုခဲ့ပြီးဖြစ်​တဲ့ နီဝရဏနဲ့ ခန္ဓာပိုင်းအတိုင်းပင်​ ဖြစ်​ပါတယ်​။ နည်းမှီပြီး သိမှတ်​ကြရန်​သာ ဖြစ်​ပါတယ်​။

အာယတနပိုင်းဟာ သံ​ယောဇဉ်​​တွေကို တိုက်​ရိုက်​ရှုမှတ်​ပြီး ပယ်​ကြရပုံကို ပြပါတယ်​။ အဲ့ဒီ သံ​ယောဇဉ်​​တွေကို ထင်​လွယ်​မြင်​လွယ်​ဖြစ်​​အောင်​ မဟာစည်​ဆရာ​တော်​ ဘုရားကြီးက ​ဆောင်​ပုဒ်​လင်္ကာ စီ​ပေး​တော်​မူထားပါတယ်​။

၁။ အာရုံငါးဝ၊ တပ်​စွဲက၊ ကာမသံ​ယောဇဉ်​။
၂။ သုံးပါးဘ၀၊ တပ်​စွဲက၊ ဘ၀သံ​ယောဇဉ်​။
၃။ အမျက်​​ဒေါသ၊ စိတ်​ဆိုးက၊ ပဋိဃသံ​ယောဇဉ်​။
၎။ ကိုယ်​သာ​တော်​လှ၊ ထင်​မှတ်​က၊ မာနသံ​ယောဇဉ်​။
၅။ ရုပ်​နာမ်​ကိုပဲ၊ ငါ​ကောင်​စွဲ၊ ယူလွဲဒိဋ္ဌိပင်​။
၆။ တရားမှန်​တွင်​၊ မယုံချင်​၍၊ ဆင်​ခြင်​နှိုင်းညှိ၊ ​ဝေဖန်​ကြည့်​၊ ၀ိစိကိစ္ဆာပင်​။
၇။ သစ္စာမမြင်​၊ မဂ္ဂင်​မပါ၊ ​လေ့ကျင့်​ကာဖြင့်​၊ ချမ်းသာမြဲမည်​၊ ယုံကြည်​ဆုံးဖြတ်​၊ ယူဆမှတ်​၊ သီလဗ္ဗတပင်​။
၈။ ကိုယ့်​ထက်​သာကို၊ မနာလို၊ ​ခေါ်ဆိုဣဿာပင်​။
၉။ ကိုယ့်​လိုသူများ၊ ​ကောင်းစားမည်​မှ၊ ၀န်​တိုက၊ မစ္ဆရိယပင်​။
၁၀။ သစ္စာ​လေးတန်​၊ ​ပြောင်းပြန်​ထင်​ကာ၊ မသိတာ၊ အ၀ိဇ္ဇာသံ​ယောဇဉ်​။
၁၁။ ၀ဋ်​ဆင်းရဲမှ၊ မလွတ်​ရ​အောင်​၊ ချည်​​နှောင်​တတ်​စွာ၊ ဤဆယ်​ဖြာ၊ အဘိဓမ္မာသံ​ယောဇဉ်​။

သံ​ယောဇဉ်​ ၁၀ ပါးကို အရိယာမဂ်​​တွေနဲ့ ပယ်​သတ်​ကြရပါတယ်​။ ပယ်​သတ်​တဲ့ အရိယာမဂ်​နဲ့ အပယ်​သတ်​ခံ သံ​ယောဇဉ်​​တို့ရဲ့ တွဲဖက်​ပုံတွေကား ​အောက်​ပါအတိုင်း ဖြစ်​ပါတယ်​။

၁။ ​သောတာပတ္တိမဂ်ဖြင့်​ ဒိဋ္ဌိ ၀ိစိကိစ္ဆာ သီလဗ္ဗတပရာမာသ ဣဿာ မစ္ဆရိယတို့ကို အပြီးသတ်​ ချုပ်​ငြိမ်းပါတယ်​။
* ဒိ ၀ိ သီ ဣ၊ မစ္ဆရိ၊ ကင်း၏​သောတာပန်​။
၂။ သကဒါမိမဂ်​ဖြင့်​ ရုန့်​ရင်းတဲ့ ကာမရာဂနဲ့ ပဋိဃသံ​ယောဇဉ်​​တွေကို လုံးဝငြိမ်းသတ်​ပါတယ်​။
၃။ အနာဂါမိမဂ်​ဖြင့်​ သိမ်​​မွေ့တဲ့ ကာမရာဂနဲ့ ပဋိဃသံ​ယောဇဉ်​​တွေကို တဖန်​မဖြစ်​​အောင်​ ချုပ်​ငြိမ်းပါတယ်​။
* ကာမရာဂ၊ ပဋိဃ၊ ကင်းပအနာဂါမ်​။
၎။ အရဟတ္တမဂ်​ဖြင့်​ မာန ဘ၀ရာဂ အ၀ိဇ္ဇာတို့ကို လုံးဝငြိမ်းသတ်​ပါတယ်​။
* ဘ၀ မာနာ၊ အ၀ိဇ္ဇာ၊ ကင်းကွာအရဟံ။

မှတ်​ချက်​အ​နေနဲ့ အထူးမှတ်​ရမှာက မနာယတနနဲ့ ဓမ္မာယတနတို့ဟာ အရာကျယ်​ပြီး ​လောကီ ​လောကုတ်​ နယ်​ပယ်​စုံမှာ ဖြစ်​နိုင်​ကြတယ်​။ ဒီ​နေရာက​တော့ ၀ိပဿနာအရာဆိုပြီး သာမန်​အဖြစ်​ကိုသာ သီးသန့်​ဆိုထားလို့ ​လောကီ​တွေကိုသာ ယူရပါမယ်​လို့ မဟာစည်​ဆရာ​တော်​ ဘုရားကြီးက ဆို​တော်​မူထားပါတယ်​။

အာယတနပိုင်း ရှုကွက်​များ
=================
မြင်​ဆဲမှာ မျက်​စိကြည်​လင်မှုက စက္ခာယတန။ မြင်​ရတဲ့ အဆင်းက ရူပါယတန။ မြင်​မှု စိတ်​အ​ပေါင်းက မနာယတန။ အဆင်းကို ​တွေ့မှု ဖဿ၊ ခံစားမှု ​ဝေဒနာ၊ မှတ်​သားမှု သညာ၊ ​စေ့​ဆော်​တိုက်​တွန်းမှု ​စေတနာ၊ နှစ်​သက်​မှု ​လောဘ၊ မုန်းမှု ​ဒေါသ၊ ကြည်​လင်​မှု သဒ္ဓါစတဲ့ ​စေတသိက်​အ​ပေါင်းက ဓမ္မာယတနမည်​ပါတယ်​။

ဓာတ်​အလိုအားဖြင့်​ မနာယတနမှ လွဲပြီး ကျန်​တာ​တွေမှာ အာယတန​နေရာ ဓာတ်​အစားသွင်းရုံသာ။ မနာယတနတွင်​ကား ဓာတ်​အမျိုးအစား ထပ်​မံ ကွဲပြားသွားတယ်​။

မြင်​ရုံမျှ စိတ်​က စက္ခုဝိညာဏဓာတ်​ဖြစ်​တယ်​။

၎င်းစိတ်​ရဲ့ ​ရှေ့နားက ဘာလဲလို့ စဉ်းစားသလိုဖြစ်​တဲ့ အာဝဇ္ဇန်းစိတ်​၊ ​နောက်​နားက မြင်​ရတာကို လက်​ခံလိုက်​သလိုဖြစ်​တဲ့ သမ္ပဋိစ္ဆိုန်းစိတ်တို့ဟာ မ​နောဓာတ်​မည်​ပါတယ်​။

မြင်​ရတဲ့ အဆင်းကို စုံစမ်းတဲ့ သန္တီရဏစိတ်​၊ ​ကောင်းတယ်​စသဖြင့်​ ဆုံးဖြတ်​တဲ့ ၀ု​ဋ္ဌောစိတ်​၊ အဆင်းဆီသို့ တဟုန်​တိုး ​ပြေးသွားသလိုဖြစ်​တဲ့ ​ဇောစိတ်​၊ ဆက်​လက်​ပြီး သိမ်​သိမ်​​မွေ့​မွေ့ အာရုံပြုပြီးဖြစ်​တဲ့ တဒါရုံစိတ်​၊ ဒီစိတ်​အ​ပေါင်းဟာ မ​နောဝိညာဏဓာတ်​ မည်​ပါတယ်​။

အထက်​က ဆိုခဲ့တာ​တွေထဲမှာ စိတ်​ ​စေတသိက်​ အ​ပေါင်းဟာ အဆင်းအာရုံဆီသို့ သွားတတ်​ ညွတ်​တတ်​လို့ နာမ်​​ခေါ်ပါတယ်​။ မျက်​စိကြည်​လင်မှုနဲ့ မြင်​ရတဲ့အဆင်းဟာ အာရုံဆီသို့ကား မသွားတတ်​ပါဘဲ ဆန့်​ကျင်​ဘက်​နဲ့ ​တွေ့ဆုံရင်​ ​ဖောက်​ပြန်​ရုံသာ ​ပြောင်းလဲ​ဖောက်​ပြန်​တတ်​တာ​ကြောင့်​ ရုပ်​မည်​ပါတယ်​။

မြင်​တယ်​၊ မြင်​တယ်​လို့ မြင်​ခိုက်​မှာ ရှုမှတ်​​နေတဲ့ ​ယောဂီဟာ ထင်​ရှားရှိတဲ့ ဒီအာယတန ၄ ပါး၊ ဓာတ်​ ၆ ပါး၊ နာမ်​ရုပ်​ ၂ ပါးတို့ကို ထိုက်​သင့်​သလို သိပါတယ်​။

မြင်​မှုနည်းတူ ကြားမှု၊ နံမှု၊ မျက်​မှု၊ ထိမှုတို့​တွေဟာလည်း ရှုမှတ်​ချက်​တိုင်းမှာ သိစရာ​တွေကို ထိုက်​သင့်​သလို သိပါတယ်​။ မ​နောမှာကား အနည်းငယ်​ ထူးခြားပါတယ်​။

ကြံသိဆဲမှာ ကြံသိရုံမျှ အာရုံကို ယူရုံ ရရုံမျှ သ​ဘောဖြစ်​တဲ့ စိတ်​အ​ပေါင်းဟာ မနာယတန။ မ​နောဝိညာဏဓာတ်​ မည်​တယ်​။ နာမ်​တရားဖြစ်​ပါတယ်​။

စိတ်​ထဲက ထိုထိုအာရုံကို ​တွေ့မှု ဖဿ၊ ခံစားမှု ​ဝေဒနာ၊ မှတ်​သားမှု သညာ၊ ​စေ့​ဆော်​ တိုက်​တွန်းမှု ​စေတနာ၊ တည်​ကြည်​မှု သမာဓိ၊ ကြံမှု ၀ိတက်​၊ စဉ်းစားမှု ၀ိစာရ၊ ဆုံးဖြတ်​မှု အဓိ​မောက္ခ၊ အားထုတ်​မှု ၀ီရိယ၊ နှစ်​သိမ့်​အားရမှု ပီတိ၊ လိုလားကာမျှ ဆန္ဒ၊ လိုချင်​နှစ်​သက်​မှု ​လောဘ၊ မုန်းမှု ပျက်​စီး​စေလိုမှု ​ဒေါသ၊ သိမှားမှု ​မောဟ၊ အယူမှားမှု ဒိဋ္ဌိ၊ ​ထောင်​လွှားမှု အထင်​ကြီးမှု မာန၊ မနာလိုမှု ဣဿာ၊ ၀န်​တိုမှု မစ္ဆရိယ၊ ​နောင်​တပူပန်မှု ကုက္ကုစ္စ၊ ထိုင်းမှိုင်း ပျင်းရိမှု ထိနမိဒ္ဓ၊ ပျံ့ လွင့်​မှု ဥဒ္ဓစ္စ၊ ယုံမှားမှု ၀ိစိကိစ္ဆာ၊ မလိုချင်​မှု အ​လောဘ၊ ချမ်းသာ​စေလိုမှု အ​ဒေါသ၊ သနားမှု ကရုဏာ၊ ကြည်​သာဝမ်း​မြောက်​မှု မုဒိတာ၊ ယုံမှု ကြည်​လင်​မှု ကြည်​ညိုမှု သဒ္ဓါ၊ အမှတ်​ရမှု သတိ၊ မ​ကောင်းမှုမှ ရှက်​​ကြောက်​မှု ဟိရီသြတ္တပ္ပ၊ အမှန်​အတိုင်းသိမှု ပညာ၊ ငြိမ်း​အေးမှု ပဿဒ္ဓိ၊ ​ပေါ့ပါးလျင်​မြန်​မှု လဟုတာ၊ ဒီ​စေတသိက်​အ​ပေါင်းဟာ ဓမ္မာယတန။ ဓမ္မဓာတ်​မည်​တယ်​။ နာမ်​တရားလည်း ဖြစ်​ပါတယ်​။

ကြံသိမှုရဲ့ တည်​မှီရာဖြစ်​တဲ့ နှလုံးရုပ်​ ဟဒယ၀တ္ထု၊ မိန်းမဖြစ်​​ပေါ်​ကြောင်း မျိုး​စေ့ရုပ်​ ဣတ္ထိ​နြေ္ဒ၊ ယောက်ျားဖြစ်ပေါ်ကြောင်း မျိုးစေ့ရုပ် ပုရိသိ​နြေ္ဒတို့​ဆိုတဲ့ သ​ဘောတရားတွေဟာ ရုပ်​တရား​တွေဖြစ်​ပါတယ်​။ ဓမ္မာယတန၊ ဓမ္မဓာတ်​တို့ ဖြစ်​ကြပါတယ်​။

ကြံသိခိုက်​မှာ ​ကွေးချင်​တယ်​၊ ဆန့်​ချင်​တယ်​ စသဖြင့်​ ရှုမှတ်​​နေသူဟာ  ထင်​ရှားရှိတဲ့ အာယတန ၂ ပါး၊ ဓာတ်​ ၂ ပါး၊ နာမ်​ရုပ်​ ၂ ပါးတို့ကို ထိုက်​သင့်​သလို သိတယ်​။

အထူးမှတ်​ရန်​ကား ကြံသိခိုက်​မှာ သိရတဲ့ အာရုံဟာ ပညတ်​လည်း ဖြစ်​နိုင်​သလို ပရမတ်​လည်း ဖြစ်​နိုင်​ပါတယ်​။ ပရမတ်​ဖြစ်​ပါမှသာ အဲ့ဒီအာရုံရဲ့ အာယတန၊ ဓာတ်​၊ နာမ်​၊ ရုပ်​တို့ကို ဆက်​ကာ ဆက်​ကာ သိသွားနိုင်​မှာ ဖြစ်​ပါတယ်​။

အာယတနပိုင်း ရှုမှတ်​ပုံများ
==================
ယောဂီဟာ မြင်​ခိုက်​မှာ မြင်​တယ်​၊ မြင်​တယ်​လို့ ရှုမှတ်​ရပါတယ်​။ ရှုမှတ်​ခိုက်​မှာ စိတ်​ကို ဘယ်​​နေရာမှာ ထားပြီး ဘယ်​လို အာရုံစိုက်​ရမှာလဲဆိုတဲ့ ပြဿနာရှိလာပါတယ်​။ ​ဘယ်​နေရာဆိုရာမှာ ​​​နေရာသုံးခု ရှိပါတယ်​။ ယင်းသုံးခုထဲက တစ်​ခုခုကို စိတ်​စိုက်​ထားရပါမယ်​။ ဘယ်​လိုဆိုတာ အတွက်​ကား မ​ဖောက်​မပြန်​ ဟုတ်​မှန်​​သော၊ ထင်​ရှားရှိ​သော၊ မတုန်​လှုပ်​​သော ထပ်​တူထပ်​မျှဖြစ်​​သော သ​ဘောကို ​သေချာဂရုစိုက်​ရပါမယ်​။

နေရာသုံးခုတို့မှာ ​အောက်​ပါအတိုင်း ဖြစ်​ပါတယ်​။
၁။ "စက္ခုပသာဒံ ယာထာဝသရသလက္ခဏ၀​သေန ပဇာနာတိ" ဆိုတဲ့ အဋ္ဌကထာ စကားရပ်​အရ မိမိအဇ္ဈတ္တမှာရှိတဲ့ အတွင်းအာယတန မျက်​စိအကြည်​က တစ်​ခုပါ။
၂။ "ဗဟိဒ္ဓါ စတုသမုဋ္ဌာနိက ရူပဉ္စ ယာထာဝသရသလက္ခဏ၀​သေန ပဇာနာတိ"လို့ ဆိုတာ​ကြောင့်​ ကံ စိတ်​ ဥတု အာဟာရတို့ဆိုတဲ့ အ​ကြောင်း​လေးပါး​ကြောင့်​ ဖြစ်​တဲ့ အပြင်​ပက အပြင်​အာယတန ရုပ်​၀တ္ထုက တစ်​ခုဖြစ်​ပါတယ်​။
၃။ "တံ စက္ခုံ​စေ၀ ရူ​ပေစာတိ ဥဘ​ယေ ပဋိစ္စ ကာမရာဂသံ​ယောဇနံ (ပ) ဒသ၀ိဓံ သံ​ယောဇနံ ဥပ္ပဇ္ဇတိ၊ တဉ္စ ယာထာဝသရသလက္ခဏ၀​သေန ပဇာနာတိ"လို့ ဆိုထားခြင်း​ကြောင့်​ မျက်​စိအကြည်​နဲ့ အဆင်းရုပ်​တို့ ​တွေ့ဆုံခြင်း​ကြောင့်​ ဖြစ်​​ပေါ်လာရတဲ့ ကာမရာဂသံ​ယောဇဉ်​စတဲ့ ၁၀ ပါးတို့ထဲက တစ်​ခုခု ဖြစ်​ပါတယ်​။

မဟာစည်​ဆရာ​တော်​ ဘုရားကြီးရဲ့ အလိုအရဆိုရင်​ ဒီနံပါတ်​ ၃ ဟာ ဓမ္မာယတန၊ ဓမ္မဓာတ်​ဖြစ်​တယ်​။ ဒီဟာ မဖြစ်​ခင်​ မြင်​မှုစိတ်​အ​ပေါင်းဆိုတဲ့ မနာယတနဖြစ်​တယ်​။ ဓာတ်​အားဖြင့်​ မြင်​ရုံမျှစိတ်​ဆိုတဲ့ စက္ခုဝိ ညာဏဓာတ်​။ အာဝဇ္ဇန်း၊ သမ္ပဋိစ္ဆိုန်းတို့ဆိုတဲ့ မ​နောဓာတ်​။ သန္တီရဏ၊ ၀ု​ဋ္ဌော၊ ​ဇော၊ တဒါရုံတို့ဆိုတဲ့ စိတ်​အ​ပေါင်း မ​နောဝိညာဏဓာတ်​တို့ဖြစ်​ကြပါတယ်​။

တရားအားထုတ်​စ ​ယောဂီဟာ သမာဓိအား မ​ကောင်း​နိုင်​သေးလို့ ၁ ကိုသာ စိတ်​စိုက်​ထားသင့်​ပါတယ်​။ အ​ကြောင်းကား စိတ်​စိုက်​ရ လွယ်​ကူခြင်း​ကြောင့်​ပါ။

လွယ်​ကူတယ်​ဆို​ပေမဲ့ တရားအားထုတ်​​နေဆဲ မဟုတ်​တဲ့ သာမန်​လူ​တွေက မြင်​ခိုက်​မှာ အပြင်​၀တ္ထုကိုသာ စိတ်​​ရောက်​​နေကြ​လေ့ရှိပါတယ်​။ အဲ့ဒီသာမန်​ မြင်​​နေကျအတိုင်း စိတ်​စိုက်​မိရင်​ သာမန်​ဖြစ်​​နေကျ သံ​ယောဇဉ်​​တွေကလည်း ပုံမှန်​အတိုင်းပင်​ ဖြစ်​လာမှာပါ။ ဒါဆိုရင်​ ​ယောဂီရဲ့ ရှုမှတ်​စိတ်​ကို သံ​ယောဇဉ်​က လွှမ်းမိုးအနိုင်​ယူ သွားပါလိမ့်​မယ်​။ ​ယောဂီသစ်​​တွေ အ​နေနဲ့ သံ​ယောဇဉ်​ တစ်​ခုခု ဖြစ်​လာရင်​ အဲ့ဒါကို အနိုင်​ယူနိုင်​ဖို့ အ​တော်​ခဲယဉ်းပါတယ်​။ သံ​ယောဇဉ်​​နောက်​ ပါသွားပြီး ဖြစ်​​နေတဲ့ သံ​ယောဇဉ်​အား ပြန်​ကျသွားမှသာ ရှုမှတ်​စိတ်​ကို ပြန်​သတိရတတ်​ကြပါတယ်​။

အတွင်းအာယတနဖြစ်​တဲ့ မျက်​စိအကြည်​ကို စိတ်​စိုက်​မိပါက မြင်​ရတဲ့ အပြင်​အာယတနကို အာရုံမပြုဘဲ​ နေလိုက်​ခြင်း​ကြောင့်​ အလိုလိုပင်​ မြင်​ခြင်းကိစ္စ ပြီးဆုံးသွားပါ​တော့တယ်​။ မြင်​တယ်​၊ မြင်​တယ်​လို့ တစ်​ချက်​ နှစ်​ချက်​​လောက်​ မှတ်​လိုက်​ရင်​ပဲ မြင်​ခြင်းကိစ္စ ​ပြီးသွားတယ်​​ပေါ့။ သို့ဖြစ်​လို့ အတွင်းအာယတန​တွေကို စိတ်​စိုက်​ရ လွယ်​ကူတယ်​လို့ ​ပြောရခြင်းပါ။

ဒါ့အပြင်​ မရှုမှတ်​မိခြင်း​ကြောင့်​ အမှန်​အတိုင်း မသိရတဲ့သူမှာ သံ​ယောဇဉ်​​တွေ ဖြစ်​တယ်​။ ဒါဟာ သံ​ယောဇဉ်​ဖြစ်​​အောင်​ အလိုလို​နေရင်း လှုံ့​ဆော်​​နေသလိုဖြစ်​တဲ့ အ​ယောနိ​သော​ကြောင့်​ပါလားလို့လည်း သိလာပါတယ်​။ ဒါကိုလည်း သိတဲ့အတိုင်း ရှုမှတ်​ရပါမယ်​။ "ယထာစ အနုပ္ပန္နဿ သံ​ယောဇနဿ ဥပ္ပါ​ဒေါ ​ဟောတိ၊ တဉ္စ ပဇာနာတိ" လို့ပါဠိ​တော်​က ဆိုပါတယ်​။

အထက်​ကအတိုင်း အတွင်းအာယတနကို စိတ်စိုက်​ပြီး ရှုမှတ်​ခြင်း​ကြောင့်​ သံ​ယောဇဉ်​​တွေ ဖြစ်​ခွင့်​ ရကြ​တော့မှာမဟုတ်​။ ဒါ့အပြင်​ သမာဓိကို အ​နှောင့်​အ​မှောင့်​ပြုတတ်​တဲ့ နီဝရဏ​တွေလည်း မဖြစ်​နိုင်​​တော့ပါ။ လိုချင်​တပ်​မက်​ခြင်း ကာမစ္ဆန္ဒနဲ့ စိတ်​ဆိုး စိတ်​ပျက်​ အလိုမကျမှုတို့ဆိုတဲ့ နီဝရဏနှစ်​ပါးကို ကြိုတင်​ကာကွယ်​ခြင်းလည်း ဖြစ်​ပါ​တော့တယ်​။

သမာဓိ အ​တော်​အတန်​ အား​ကောင်းလာလို့ အကျိုးရှိ မရှိကို အလိုလို ခွဲခြားနိုင်​တဲ့ သာတ္ထကသမ္ပဇဉ်​နဲ့ သင့်​​တော်​ မ​တော်​ကို သုံးသပ်​နိုင်​စွမ်းတဲ့ သပ္ပာယသမ္ပဇဉ်​တို့ ဖြစ်​​ပေါ်လာကြပြီဆိုရင်​​တော့ အပြင်​အာယတနများကိုလည်း ရှုမှတ်​နိုင်​ပါတယ်​။ အမြင်​အာရုံက​နေ သံ​ယောဇဉ်​​တွေ မဖြစ်​​ပေါ်လာ​အောင်​ ထိန်းနိုင်​သွားလို့ပါ။

မဟာစည်​ဆရာ​တော်​ဘုရားရဲ့ အလိုအရဆိုရင်​ မြင်​သိစိတ်​ကိုပါ ရှုမှတ်​နိုင်​ပါတယ်​။ အဲ့ဒီလို ရှုမှတ်​​နေခိုက်​မှာ မနာယတနကို ရှုမှတ်​​နေတာဖြစ်​ပါတယ်​။ ဓာတ်​အားဖြင့်​ စက္ခုဝိညာဏဓာတ်​၊ မ​နောဓာတ်​၊ မ​နောဝိညာဏဓာတ်​တို့ထဲက တစ်​ခုခုကို ရှုမှတ်​​နေတာ ဖြစ်​ပါမယ်​။

ထို့ထက်​ အာရုံတစ်​ခုတည်းအ​ပေါ် တည်​ကြည်​​နေခြင်း ​ဂေါစရသမ္ပဇဉ်​နဲ့ ရုပ်​နာမ်​ ဖြစ်​ပျက်​များကို သိမြင်​နိုင်​စွမ်းခြင်း အသ​မ္မေဟသမ္ပဇဉ်​တို့ဆီကိုပါ ခရီး​ပေါက်​ထားနိုင်​ပြီဆိုရင်​ အတွင်းအပြင်​ တစ်​လှည့်​စီ ရှုမှတ်​နိုင်​ပါတယ်​။ သို့တည်းမဟုတ်​ အတွင်း အပြင်​ အာယတနတို့နဲ့ မြင်​သိစိတ်​တို့ကို တစ်​လှည့်​စီ ရှုမှတ်​နိုင်​ပါတယ်​။ နီဝရဏများ ဖြစ်​​ပေါ်မလာ​အောင်​ပါ ကာကွယ်​ထားနိုင်​ပြီ ဖြစ်​လို့ပါ။

တကယ်​လို့ အဆင့်​ဆင့်​ ရှုမှတ်​ရန်​များကို ​ကျော်​လွန်​မိပြီး သံ​ယောဇဉ်​ဖြစ်​တဲ့အထိ ​ရောက်​လာခဲ့ရင်​ ဖြစ်​​နေတဲ့ သံ​ယောဇဉ်​ကို မိမိနားလည်​သလို အမည်​တပ်​ပြီး ရင်​၀ကို အာရုံစိုက်​ကာ ရှုမှတ်​ရပါတယ်​။ လိုချင်​တယ်​၊ မုန်းတယ်​ စသဖြင့်​ပါ။ ဒါဟာ ဓမ္မာယတန၊ ဓမ္မဓာတ်​ကို ရှုမှတ်​တာပါ။ ဒါကို အဋ္ဌကထာဆရာ​တော်​ဘုရားက ​အောက်​ပါအတိုင်း ညွှန်း​တော်​မူခဲ့ပါတယ်​။

စက္ခုဒွါ​ရေ တာဝ အာပါထဂတံ ဣဋ္ဌာရမ္မဏံ ကာမဿာဒ၀​သေန အဿာဒယ​တော အဘိနန္ဒ​တော ကာမရာဂသံ​ယောဇနံ ဥပ္ပဇ္ဇတိ။ အနိဋ္ဌာရမ္မ​ဏေ ကုဇ္ဈ​တော ပဋိဃသံ​ယောဇနံ ဥပ္ပဇ္ဇတိ။ (ပ) ယာထာဝသရသလက္ခဏ၀​သေန ပဇာနာတိ။ (ဒီ။ ဋ္ဌ။ ၂။ ၇၈၄)

ရှုမှတ်​ခြင်း​ကြောင့်​ မှတ်​သိစိတ်​ဆိုတဲ့ ​ယောနိ​သော မနသိကာရဟာ ဖြစ်​​နေတဲ့ သံ​ယောဇဉ်​ကို ဆက်​ဖြစ်​ခွင့်​ မ​ပေး​တော့ပါ။ သမာဓိအား ဉာဏ်​အား​တွေ အ​တော်​အတန်​ ​ကောင်းထားတဲ့သူဆိုရင်​ ရှုမှတ်​စိတ်​ဆိုတဲ့ ​ယောနိ​သော မနသိကာရဟာ သံ​ယောဇဉ်​ ကင်းငြိမ်း​ကြောင်းပင်​ ဖြစ်​​နေပါ​ပေါ့လားလို့ သိလာတယ်​။ အဲ့ဒီလို သိလာရပုံကို ပါဠိ​တော်​က "ယထာစ ဥပ္ပန္နဿ သံ​ယောဇနဿ ပဟာနံ ​ဟောတိ၊ တဉ္စ ပဇာနာတိ" လို့ မိန့်​ဆိုပါတယ်​။

ပါဠိ​တော်​မှာ ဆက်​ပြီး မိန့်​ဆိုထားတဲ့ "ယထာစ ပဟီနဿ သံ​ယောဇနဿ အာယတိံ အနုပ္ပါ​ဒေါ ​ဟောတိ၊ တဉ္စ ပဇာနာတိ" ဆိုတဲ့ အသိစဉ်​ပြထားပုံဟာ သံ​ယောဇဉ်​​တွေကို အကြွင်းမဲ့ ငြိမ်း​စေတတ်​တဲ့ မဂ်​ကို ကိုယ်​ပိုင်​ဉာဏ်​ဖြင့်​ သိရပုံကို ပြဆိုထားတာဖြစ်​ပါတယ်​။ အဲ့ဒါကို မဟာစည်​ဆရာ​တော်​ ဘုရားကြီးက​တော့ ပစ္စ​ဝေက္ခဏာဉာဏ်​​ရောက်​မှသာ သိနိုင်​တယ်​လို့ ဆိုထားတယ်​။ ဒါ့ကြောင့်​ သာမန်​​ယောဂီများအ​နေနဲ့ ​ရှေ့ မှာ ​ရေးသားခဲ့တဲ့ မဂ်​ဖြင့်​ သံ​ယောဇဉ်​ပယ်​ပုံ​တွေကို သုတမယဉာဏ်​အလို့ငှာသာ မှတ်​သား ထားကြရန်​ ရှိပါ​တော့တယ်​။

ကြံသိမှုကို ရှုမှတ်​ခြင်းမှတစ်​ပါး ကျန်​အာယတနများကိုလည်း သက်​ဆိုင်​ရာ​တွေအလိုက်​ တွဲစပ်​ပြီး ရှုမှတ်​ရပါတယ်​။ အမည်​နာမများကိုကား ဖြစ်​​နေခိုက်​အ​ပေါ် မိမိနားလည်​သလို သုံးစွဲနိုင်​ပါတယ်​။ အစီအစဉ်​​တွေကိုကား အကျအနဖြစ်​​အောင်​ သတိထားကြရပါမယ်​။

ကြံသိဆဲမှာ ကြံသိရုံမျှ အာရုံကို ယူရုံ ရရုံမျှ သ​ဘောဖြစ်​တဲ့ စိတ်​အ​ပေါင်းဟာ မနာယတန၊ မ​နောဝိညာဏဓာတ်​ဖြစ်​ပါတယ်​။ ၎င်း​နောက်​ ဆက်​ပြီးဖြစ်​​ပေါ်လာကြတဲ့ ဖဿအစ လဟုတာအဆုံးဖြစ်​တဲ့ ​စေတသိက်​  ၃၂ ပါး အ​ပေါင်းတို့ဟာ ဓမ္မာယတန၊ ဓမ္မဓာတ်​မည်​တယ်​။ နာမ်​တရား​တွေ ဖြစ်​ကြတယ်​။ ကြံသိမှုရဲ့ မှီတည်​ရာ ဟဒယ၀တ္ထု၊ ဣတ္ထိ​နြေ္ဒ၊ ပုရိသိ​နြေ္ဒတို့ကား ဓမ္မာယတန၊ ဓမ္မဓာတ်​​တွေဖြစ်​ပြီး ရုပ်​တရား​တွေ ဖြစ်​ကြပါတယ်​။

ကြံသိခိုက်​မှာ ကြံသိတယ်​လို့ ရှုမှတ်​စဉ်​ ဟဒယ၀တ္ထုဆိုတဲ့ နှလုံးအိမ်​ကို စိတ်​စိုက်​ထားရပါမယ်​။ မ​ဖောက်​မပြန်​ ဟုတ်​မှန်​​သော၊ ထင်​ရှားရှိ​သော၊ မတုန်​လှုပ်​​သော၊ ထပ်​တူထပ်​မျှဖြစ်​​သော ပရမတ်​သ​ဘော​တွေကို အာရုံစိုက်​ထားရပါမယ်​။ ကြံသိခြင်းမှာ ပညတ်​ ပရမတ်​ နှစ်​မျိုးရှိ​နေတာ​ကြောင့်​ ပရမတ်​ကို ရှုမှတ်​မိမှသာ အာယတန ဓာတ်​ နာမ်​ ရုပ်​တို့ကို သိနိုင်​မှာ ဖြစ်​လို့ပါ။

အာယတနပိုင်း ပြီးပါပြီ။
××××××××××××××××

ငြိမ်းနန္ဒ (၁၁-၁၄ /၈ /၂၀၁၇)