ရိပ်​သာ(၁၆)

(၁၆)
ဗောဇ္ဈင်​ပိုင်း
========

ပါဠိ​တော်​အတိုင်း
===========
တရားအားထုတ်​​နေဆဲ ​ယောဂီဟာ ​ဗောဇ္ဈင်​ ၇ ပါးဆိုတဲ့ တရား​တွေကိုလည်း သတ္တဝါ​ကောင်​ အသက်​​ကောင်​ မဟုတ်​တဲ့ သ​ဘောတရားမျှပဲလို့ ရှုမြင်​နေတယ်​။ ဘယ်​လို ရှုမြင်​​နေပါသလဲဆိုရင်​......။

အားထုတ်​​နေဆဲ ​ယောဂီဟာ မိမိရဲ့ အတွင်းသန္တာန်​မှာ သတိသေ​မ္ဗာဇ္ဈင်​ရှိရင်​ ဖြစ်​ရင်​လည်း မိမိအတွင်းသန္တာန်​မှာ သတိသ​မ္ဗောဇ္ဈင်​ ရှိတယ်​ ဖြစ်​တယ်​လို့ သိတယ်​။ မရှိရင်​ မဖြစ်​ရင်​လည်း မရှိဘူး မဖြစ်​ဘူးဆိုပြီး သိတယ်​။

မဖြစ်​​သေးတဲ့ သတိသ​မ္ဗောဇ္ဈင်​ရဲ့ ဖြစ်​လာရခြင်းဟာ ​ယောနိ​သော မနသိကာရဆိုတဲ့ အ​ကြောင်း​ကြောင့်​ ဖြစ်​တယ်​။ အဲ့ဒီ ​ယောနိ​သော မနသိကာရဆိုတဲ့ အ​ကြောင်းကိုလည်း သိတယ်​။

ဖြစ်​​ပေါ်​နေတဲ့ သတိသ​မ္ဗောဇ္ဈင်​ရဲ့   လုံးဝပြည့်​စုံ​အောင်​ ပွားများခြင်းကား အရဟတ္တမဂ်​ဆိုတဲ့ အ​ကြောင်း​ကြောင့်​ ဖြစ်​တယ်​။ ၎င်းအရဟတ္တမဂ်​ဆိုတဲ့ အ​ကြောင်းကိုလည်း သိတယ်​။

ကျန်​တဲ့ သ​မ္ဗောဇ္ဈင်​တရားများကား ဓမ္မ၀ိစယသ​မ္ဗောဇ္ဈင်​၊ ၀ီရိယသ​မ္ဗောဇ္ဈင်​၊ ပီတိသ​မ္ဗောဇ္ဈင်​၊ ပဿဒ္ဓိသ​မ္ဗောဇ္ဈင်​၊ သမာဓိသ​မ္ဗောဇ္ဈင်​၊ ဥ​ပေက္ခာသ​မ္ဗောဇ္ဈင်​တို့ ဖြစ်​ကြပါတယ်​။ သတိသ​မ္ဗောဇ္ဈင်​နည်းတူပင်​ ဖြစ်​ကြပါတယ်​။ သတိသ​မ္ဗောဇ္ဈင်​​နေရာ ကျန်​တာ​တွေ အစားသွင်းလိုက်​ရုံသာလို့ ဆိုလိုပါတယ်​။

ဆိုခဲ့ပြီး နည်း​တွေနဲ့ မိမိရဲ့ ​ဗောဇ္ဈင်​တရား​တွေကို သတ္တဝါ​ကောင်​ အသက်​​ကောင်​ မဟုတ်​တဲ့ သ​ဘောတရားမျှပဲလို့ ရှုမြင်​​နေတယ်​။ သူတစ်​ပါးရဲ့ ​​ဗောဇ္ဈင်​စသဖြင့်​ ရှုမြင်​ပုံ​တွေကား နီဝရဏပိုင်းလာအတိုင်းပင်​။ နီဝရဏ​နေရာ ​ဗောဇ္ဈင်​လို့ ပြင်​ပြီး ဆိုရုံမျှသာ ထူး​ပါတော့တယ်​။

အထက်​မှာ ဆိုခဲ့တာ​တွေဟာ ပါဠိ​တော်​ကို သိလွယ်​​အောင်​ ဘာသာပြန်​ထားတာပါ။ ဆိုခဲ့တာ​တွေကို ကြည့်​ခြင်းအားဖြင့်​ သူလိုကိုယ်​လို သာမန်​လူ​တွေအဖို့ ထိထိမိမိ နားလည်​နိုင်​​ဖို့ မလွယ်​ကူပါ။ ဒီ​တော့ ယူပြီး ကျင့်​ဖို့ရာကား အလွန်​​ဝေးသွားပါပြီ။ သို့ဖြစ်​လို့ အဋ္ဌကထာနဲ့ မဟာစည်​ဆရာ​တော်​ ဘုရားကြီးရဲ့ စာ​တွေကို နှီး​နှောပြီး ဖွင့်​ဆိုချက်​​တွေ၊ ​ကောက်​နှုတ်​ချက်​​တွေနဲ့ လိုက်​နာကျင့်​သုံးဖွယ်​ရာများကို ဆက်​လက်​တင်​ပြသွားပါမယ်​။

သ​မ္ဗောဇ္ဈင်္ဂအဖွင့်​စသည်​

သံ - ​ကောင်းစွာ၊ ကိုယ်​တိုင်​။ ​
ဗောဓိ - သိသူ သိ​ကြောင်း တရားအ​ပေါင်း။
သံ ± ​ဗောဓိ = သ​မ္ဗောဓိ - ​ကောင်းစွာ သိသူ၊ ကိုယ်​တိုင်​သိသူ။

အဲ့ဒီသိသူဟာ ဥဒယဗ္ဗယဉာဏ်​စတာ​တွေနဲ့ ပြည့်​စုံ​နေတဲ့ ၀ိပဿနာ​ယောဂီ ဖြစ်​ပါတယ်​။ ဒီအရ​ကောက်​ကို ကြည့်​ခြင်းအားဖြင့်​ ​ဗောဇ္ဈင်​တရား​တွေကို ရှုမှတ်​နိုင်​သူဟာ ဥဒယဗ္ဗယဉာဏ်​ရရှိပိုင်​ဆိုင်​ထားဆဲဖြစ်​ပြီး တရားကိုလည်း ဆက်​တိုက်​အားထုတ်​​နေသူဖြစ်​ရမယ်​လို့ ​ကောက်​ချက်​ဆွဲရမှာပင်​။

ဒီ​တော့ ကိုယ်​တိုင်​ကိုယ်​ကျ ၀ိပဿနာတရား ရှုမှတ်​ပွားများ​နေပြီး ဥဒယဗ္ဗယဉာဏ်​ကို ရရှိထားသူမှာ ​ဗောဇ္ဈင်​တရား​တွေ ဖြစ်​ပွားလာပြီး အထက်​ဉာဏ်​​တွေကို ရရှိ​လာအောင်​ အားထုတ်​နိုင်​ဖို့နဲ့ ထိုးထွင်းသိမြင်​နိုင်​ဖို့ ​ဗောဇ္ဈင်​တရား​တွေကပင်​ အင်​အား​တွေကို တိုးပွား​လာ​စေတယ်​လို့လည်း ထပ်​မံချဲ့ ထွင်​ပြီး သိမှတ်​ထားစရာ တိုးလာပါတယ်​။

အင်​အားဆိုရာမှာ ရုပ်​အင်​အား၊ နာမ်​အင်​အား နှစ်​မျိုးစလုံးပါဝင်​တယ်​။ ဒါ့​ကြောင့်​ပင်​ အချို့ပုဂ္ဂိုလ်​​တွေမှာ တရားအားထုတ်​ရင်း နှလုံး ကင်​ဆာစတဲ့ ​ရောဂါ​တွေ ​ပျောက်​ကင်းကြရခြင်းဖြစ်​ပါတယ်​။

သို့​ပေမင့်​ တရားစတင်​အားထုတ်​မဲ့ သူများမှာ ရှိထားရမဲ့ ပဓာနိယင်္ဂ တရား​တွေထဲမှာ ကျန်းမာခြင်းဆိုတာ ပါ​နေလို့ ​ဗောဇ္ဈင်​တရားဟာ ကျန်းမာ​ရေး ​ကောင်း​အောင်​ ကျင့်​ရတဲ့ ကျင့်​စဉ်​မဟုတ်​​ကြောင်းကိုကား ကြိုတင်​ သိထားသင့်​ပါတယ်​။ သို့ပါ​သော​ကြောင့်​ ၀ိပဿနာတရားကို အခုမှစတင်​ အားထုတ်​သူ​တွေအ​နေနဲ့ ​ဗောဇ္ဈင်​တရားလို အမြင့်​ပိုင်းရှုကွက်​​တွေကို ဆန္ဒမ​စောမိကြဖို့နဲ့ ​ရောဂါ​ပျောက်​​ရေး ​မျှော်​လင့်​ချက်​​တွေ အပြည့်​အ၀ မထားမိကြဖို့ သတိထားသင့်​ကြပါတယ်​။

အဖွင့်​တစ်​နည်းကား

သ​မ္ဗောဓိ - ​ကောင်းစွာသိ​ကြောင်း၊ ကိုယ်​တိုင်​သိ​ကြောင်းဖြစ်​​သော ​ဗောဓိပက္ခိယတရား အ​ပေါင်း။
အင်္ဂ - အ​ကြောင်း၊ အစိတ်​အပိုင်း။
သ​မ္ဗောဓိ ± အင်္ဂ = ​သ​မ္ဗောဇ္ဈင်္ဂ - ​ကောင်းစွာ သိသူ၏အ​ကြောင်းတရား၊ ကိုယ်​တိုင်​ သိသူ၏ အ​ကြောင်းတရား။

သ​မ္ဗောဇ္ဈင်္ဂအရ​ကောက်​ ၂ မျိုး

၁။ ဥဒယဗ္ဗယဉာဏ်​မှစ၍ ၀ိပဿနာခဏ၊ မဂ်​ခဏတို့၌ သစ္စာ​လေးပါးကို ​ကောင်းစွာ သိ​ကြောင်းတရား၊ ကိုယ်​တိုင်​ သိ​ကြောင်းတရားကို ​ကောက်​ယူရပါတယ်​။
အဓိပ္ပာယ်​ကား ဥဒယဗ္ဗယဉာဏ်​ရပြီးချိန်​မှစကာ ၀ိပဿနာဉာဏ်​ဖြစ်​ဆဲ အခိုက်​အတန့်​မှာဖြစ်​​စေ၊ မဂ်​ဖြစ်​ဆဲ အခိုက်​အတန့်​မှာဖြစ်​​စေ ​ဗောဇ္ဈင်​တရားက သစ္စာ​လေးပါးကို ထိုက်​သင့်​သလို သိ​စေနိုင်​တယ်​လို့ ဆိုလိုပါတယ်​။

၂။ ​ကောင်းစွာသိ​ကြောင်း၊ ကိုယ်​တိုင်​သိ​ကြောင်းဖြစ်​​သော တရားအ​ပေါင်း၏ အစိတ်​အပိုင်းဖြစ်​​သော ဥဒယဗ္ဗယဉာဏ်​မှစ၍ ၀ိပဿနာခဏ၊ မဂ်​ခဏတို့၌ သစ္စာ​လေးပါးကို ​ကောင်းစွာသိ​ကြောင်း၊ ကိုယ်​တိုင်​သိ​ကြောင်း တရား​များထဲမှ အစိတ်​အပိုင်းတစ်​ခုဟု ​ကောက်​ယူရပါတယ်​။
ဆိုလိုတာက သစ္စာ​လေးပါးကို သိ​ကြောင်း ​ဗောဓိပက္ခိယတရား​တွေထဲက ​ဗောဇ္ဈင်္ဂအမည်​ရတဲ့ အစိတ်​အပိုင်းလို့ ဖြစ်​ပါတယ်​။

ဗောဇ္ဈင်​များကို သိမြင်​ပုံ
===============
ဗောဇ္ဈင်​ပိုင်းမှာ ပြီးခဲ့တဲ့အပိုင်း​တွေလို ရှုကွက်​နဲ့ ရှုနည်းသီးသန့်​မရှိပါ။ ​ဗောဇ္ဈင်​တရား​တွေဟာ ကာယ၊ ​ဝေဒနာ၊ စိတ္တ၊ ဓမ္မ​ရှေ့ ပိုင်းများကို ရှုမှတ်​ကြရင်း သိလာကြရ၊ ဖြစ်​​ပေါ်လာကြရတဲ့ တရား​တွေ ဖြစ်​ပါတယ်​။ မှတ်​သားရလွယ်​ကူ​စေရန်​ မဟာစည်​ဆရာ​တော်​ဘုရားကြီးရဲ့ ​ဆောင်​ပုဒ်​လင်္ကာများကိုလည်း သက်​ဆိုင်​ရာ​တွေအလိုက်​ တွဲပြီး တင်​​ပြပေးလိုက်​ပါတယ်​။

သတိသ​မ္ဗောဇ္ဈင်​

ဥဒယဗ္ဗယဉာဏ်​မှစပြီး ရှုမှတ်​မှု အား​ကောင်း၊ စင်​ကြယ်​လာတဲ့အခါ ရှုမှတ်​ချက်​​တွေဟာ ရှုမှတ်​အပ်​တဲ့ အာရုံ​ပေါ်မှာ မှီပြီးကပ်​​နေသလို ထက်​သန်​ထင်​ရှားတယ်​။ ရုပ်​နာမ်​​တွေဟာ မှတ်​စိတ်​ထဲမှာ အလိုလိုပင်​ ကျ​ရောက်​လာသလို ရှိတယ်​။ အာရုံ​တစ်​ခုကို မှတ်​သိပြီးတာနဲ့ တပြိုင်​နက်​ အခြားမှတ်​စရာ အာရုံတစ်​ခုက အဆင်​သင့်​ ထင်​​ပေါ်လာတယ်​။ မှတ်​တဲ့စိတ်​ကိုလည်း အာရုံထဲသို့ စုံးစုံးမြုပ်​၀င်​​စေဘိသလို ရှိတယ်​။ ဒါကို အဋ္ဌကထာဆရာ​တော်​ ဘုရားက အပိလာပနလက္ခဏာ - သမ္ပယုတ်​တရားတို့ကို အာရုံမှ မ​ပေါ်မထွက်​​စေခြင်း၊ မှတ်​သိစရာ အာရုံကိုလည်း မှတ်​သိမှုမှ မ​ပေါ်မထွက်​​စေခြင်း သ​ဘောရှိတယ်​လို့ ဆို​တော်​မူပါတယ်​။  အဲ့ဒီလို ထက်​သန်​ထင်​ရှားစွာဖြစ်​တဲ့ သတိဟာ မဂ်​ဉာဏ်​ကို ဖြစ်​​ပေါ်​စေတတ်​​သော​ကြောင့်​ သတိသ​မ္ဗောဇ္ဈင်​မည်​ပါတယ်​။ သတိအစစ်​ကို စတင်​​တွေ့ရှိခြင်းလို့ ဆိုနိုင်​ပါတယ်​။

မလွတ်​စတမ်း၊ ​စောင့်​ဖမ်း​နေသည်​
ဖြစ်​ပျက်​သ​ရွေ့၊ မ​မေ့​စေသည်​
အာရုံ​ရှေးရှု၊ ​စောင့်​မှုထင်​သည်​
မြတ်​သတိ၊ မှတ်​သိ​ဗောဇ္ဈင်​မည်​။

ဓမ္မ၀ိစယသ​မ္ဗောဇ္ဈင်​

မှတ်​တိုင်း မှတ်​တိုင်း ရှုမှတ်​အပ်​တဲ့ အာရုံမှာ ပါဝင်​တဲ့ အထူးထင်​ရှားတဲ့ ရုပ်​နာမ်​တစ်​ပါးပါးရဲ့ သ​ဘောမှန်​ကို သိတယ်​။ မှတ်​​နေတဲ့ စိတ်​ထဲမှာ ​ခေါင်းပြူပြီး ၀င်​လာသလိုဖြစ်​တဲ့ အဲ့ဒီရုပ်​နာမ်​ရဲ့ အစဖြစ်​​ပေါ်မှုကိုလည်း ပိုင်းခြားပြီး သိတယ်​။ တိကနဲ ပြတ်​ကျသွားသလိုဖြစ်​တဲ့ ကုန်​ဆုံး​ပျောက်​ပျက်​မှုကိုလည်း ပိုင်းခြားပြီး သိတယ်​။ မမြဲတဲ့အမူအရာ၊ ဆင်းရဲပြီး မ​ကောင်းတဲ့ မနှစ်​သက်​ဖွယ်​အမူအရာ၊ အလိုအတိုင်း ပြီး​စေနိုင်​တဲ့ ငါ​ကောင်​မဟုတ်​ ငါ​ကောင်​မရှိတဲ့အမူအရာတို့ဆိုတဲ့ အနိစ္စ ဒုက္ခ အနတ္တလက္ခဏာ​တွေကိုလည်း ရှင်းလင်းစွာ သိတယ်​။ ဒီအသိဉာဏ်​ဟာ ဓမ္မ၀ိစယသ​မ္ဗောဇ္ဈင်​မည်​ပါတယ်​။ ပုထုဇဉ်​ဘ၀ဖြင့်​ လက္ခဏာ​ရေး စထင်​တယ်​လို့ ဆိုနိုင်​ပါတယ်​။

ရုပ်​နာမ်​ခွဲခြမ်း၊ စူးစမ်းသိသည်​
သ​ဘောမှန်​များ၊ ထင်​ရှား​စေသည်​
တွေ​ဝေမှုကင်း၊ ရှင်းရှင်းသိသည်​
ဓမ္မ၀ိ၊ မှတ်​သိ​ဗောဇ္ဈင်​မည်​။

ဝီရိယသ​မ္ဗောဇ္ဈင်​

တခါတရံ အားထုတ်​မှုကို အရှိန်​မြှင့်​တင်​ထားမိလို့ ဆက်​တိုက်​ ဆက်​တိုက်​ ​ကြောင့်​ကြစိုက်​​နေရတတ်​တယ်​။ ဒီအခါ စိတ်​က ပျံ့ လွင့်​ပြီး မှတ်​ရတာ ​ကောင်းသင့်​သ​လောက်​ မ​ကောင်းတတ်​။ တခါခါကျ​တော့ အားထုတ်​မှုဟာ လျော့ရဲရဲဖြစ်​​နေတယ်​။ ဒီအခါ ထိုင်းမှိုင်းမှုဝင်​လာပြီး မှတ်​သိမှု မှိန်​​မှေး​မှေး ဖြစ်​​နေတတ်​တယ်​။

ယောဂီဟာ ပျံ့ လွင့်​မှုနဲ့ ထိုင်းမှိုင်းမှု​တွေ ကင်းစင်​သွား​အောင်​ မ​လျော့မတင်း ခပ်​မှန်​မှန်​ အားထုတ်​ခဲ့လို့ဖြစ်​​စေ၊ တင်းလွန်းတာကို အနည်းငယ်​ ​လျော့ပြီးဖြစ်​​စေ၊ ​လျော့လွန်းတာကို အနည်းငယ်​ တင်းပြီးဖြစ်​​စေ မယုတ်​မလွန်​ ညီမျှစွာ အားထုတ်​တဲ့ အခါမှာကား ဖြစ်​တိုင်း ဖြစ်​တိုင်း မလစ်​လပ်​​အောင်​ မှတ်​မိလျက်​ မှတ်​မိလျက်​ချည်းသာ ရှိ​လေတယ်​။ ဒီလိုအားထုတ်​မှုဟာ ၀ီရိယသ​မ္ဗောဇ္ဈင်​မည်​ပါတယ်​။ မ​လျော့မတင်း ​စောင်းကြိုးညှင်း ဆိုသလိုပါ။

ကြောင့်​ကြပြုလုပ်​၊ အားထုတ်​တတ်​သည်​
စိတ်​အားတက်​​ရေး၊ အား​ပေးတတ်​သည်​
မဆုတ်​နစ်​ဘဲ၊ စိတ်​ဇွဲသန်​သည်​
ဝီရိယ၊ မှတ်​ကြ​ဗောဇ္ဈင်​မည်​။

ပီတိနဲ့ ပဿဒ္ဓိသ​မ္ဗောဇ္ဈင်​

မှတ်​တိုင်း မှတ်​တိုင်း စိတ်​မှာဖြစ်​တဲ့ နှစ်​သိမ့်​ ​ရောင့်​ရဲမှု၊ အားရ​ကျေနပ်​မှုကား ပီတိသ​မ္ဗောဇ္ဈင်​မည်​ပါတယ်​။ ရှုမှတ်​မိ​စေရန်​ ​ကြောင့်​ကြဗျာပါရ မစိုက်​ထုတ်​ရ​တော့ဘဲ အလိုလို ဖြစ်​​နေတဲ့ စိတ်​ရဲ့ ငြိမ်း​အေးမှုကား ပဿဒ္ဓိသ​မ္ဗောဇ္ဈင်​မည်​ပါတယ်​။

ဆိုခဲ့တဲ့ နှစ်​မျိုးဟာ ဥဒယဗ္ဗယဉာဏ်​ ဖြစ်​ခါစမှာ အလွန်​ထင်​ရှားစွာ ဖြစ်​​ပေါ်ကြပါတယ်​။ ဒီအခါ တရားအားထုတ်​ရာမှာ မကြုံးဘူးတဲ့ ​ပျော်​​မွေ့စရာ​တွေကို ​တွေ့ကြုံရလို့ ၀မ်းသာမဆုံး ဖြစ်​တတ်​ပါတယ်​။ ပီတိရဲ့အစွမ်း​ကြောင့်​ ​လေပုခက်​ စီး​နေရသလို တငြိမ့်​ငြိမ့်​ တသိမ့်​သိမ့်​ ဖြစ်​​နေတတ်​တယ်​။ပဿဒ္ဓိရဲ့ အစွမ်း​ကြောင့်​ ဘာကိုမျှ မမှတ်​ရ​တော့ဘဲ ငြိမ်း​အေး​နေသလိုလို၊ ​ငေးကြည့်​​နေရသလိုလို ဖြစ်​တတ်​ပါတယ်​။ ဘင်္ဂဉာဏ်​မှာ တခါတရံထင်​ရှား ဖြစ်​​ပေါ်တတ်​ပြီး သခါင်္ရု​ပေက္ခာဉာဏ်​မှာကား တခါခါ  ကြာမြင့်​စွာ ထင်​ရှားဖြစ်​​ပေါ်တတ်​တယ်​လို့ မဟာစည်​ဆရာ​တော်​ဘုရားကြီးက မှတ်​ချက်​ပြု​တော်​မူပါတယ်​။

နှစ်​သိမ့်​​ရောင့်​ရဲ၊ ၀မ်းလည်း​မြောက်​သည်​
ရုပ်​​ကောင်းရုပ်​သန့်​၊ ပျံ့ နှံ့​စေသည်​
ကိုယ်​စိတ်​​ပေါ့လျက်​၊ ကြွတက်​ထင်​သည်​
မြတ်​ပီတိ၊ မှတ်​သိ​ဗောဇ္ဈင်​မည်​။

ဘောဇဉ်​ ဥတု၊ ​နေထိုင်​မှု၊ မှီပြုသင့်​မြတ်​စွာ။
မလွန်​မယုတ်​၊ လုံ့လထုတ်​၊ ကြမ်းကြုတ်​သူ​ရှောင်​ပါ။
ငြိမ်း​အေးသူတွင်​၊ မှီဝဲယှဉ်​၊ ထိုတွင်​စိတ်​ညွတ်​ရာ။
ပဿဒ္ဓိပွား၊ ခုနှစ်​ပါး၊ ညွန်​ကြားဋ္ဌကထာ။

သမာဓိနဲ့ ဥ​ပေက္ခာသ​မ္ဗောဇ္ဈင်​

မှတ်​တိုင်း မှတ်​တိုင်း ရှုမှတ်​တဲ့ အာရုံအ​ပေါ်မှာသာ စိုက်​စိုက်​ကျသွားသလိုလို၊ ကပ်​ကပ်​ပြီး တည်​​နေသလိုလိုနဲ့ မပျံ့ မလွင့်​ စူးစိုက်​ တည်​ကြည်​မှုဟာ ထင်​ရှားဖြစ်​​ပေါ်လာတယ်​။ အဲ့ဒီလို တည်​ကြည်​မှု ထက်​သန်​စွာ ဖြစ်​​ပေါ်လာလို့ မှတ်​အပ်​တဲ့ ရုပ်​နာမ်​ရဲ့ သ​ဘောလက္ခဏာ​တွေနဲ့ ဖြစ်​မှု ပျက်​မှု အနိစ္စလက္ခဏာစတာ​တွေကို မှန်​ကန်​စွာ သိနိုင်​ပါတယ်​။ မှတ်​ချက်​တိုင်းမှာ ပါဝင်​ပြီး ထက်​သန်​စွာဖြစ်​တဲ့ ဒီခဏိကသမာဓိဟာ သမာဓိသ​မ္ဗောဇ္ဈင်​မည်​ပါတယ်​။

ရှုမှတ်​မှုမှာ မယုတ်​မလွန်​ ညီမျှ​စေခြင်းသ​ဘောဟာလည်း မှတ်​တိုင်း မှတ်​တိုင်း ထင်​ရှားစွာ ဖြစ်​​ပေါ်တယ်​။ တတြမဇ္ဈတ္တတာလို့​ခေါ်တဲ့ ဒီညီမျှ​စေခြင်း​သ​ဘောဟာ ဥ​ပေက္ခာသ​မ္ဗောဇ္ဈင်​မည်​ပါတယ်​။ ဒီဥ​ပေက္ခာဟာ ကိုယ်​တိုင်​​တွေ့အားဖြင့်​ သိနားလည်​ရန်​ ခက်​ခဲသလို သူတပါးအား နားလည်​​အောင်​ ​ပြောပြဖို့ရန်​လည်း ခက်​ခဲပါတယ်​။ ဒါ​ပေမဲ့ ဥဒယဗ္ဗယဉာဏ်​စတဲ့ ဉာဏ်​များသို့ ​ရောက်​သွားရင်​​တော့ မိမိသန္တာန်​မှာ ထင်​ရှားစွာ ဖြစ်​​ပေါ်လာတာ​ကြောင့်​ လွယ်​ကူစွာ သိနိုင်​ပါတယ်​လို့ မဟာစည်​ဆရာ​တော်​ဘုရားကြီးက မိန့်​​တော်​မူပါတယ်​။

ပျံ့ လွင့်​မထွက်​၊ ကပ်​လျက်​တည်​သည်​
တစ်​အာရုံတည်း၊ ​ပေါင်းစည်း​စေသည်​
ငြိမ်​သက်​တည်​မှု၊ ​ရှေးရှုထင်​သည်​
သမာဓိ၊ မှတ်​သိ​ဗောဇ္ဈင်​မည်​။

ပုဂ္ဂိုလ်​၀တ္ထု၊ လျစ်​လျူရှု၊ ညွတ်​မှုထိုတွင်​သာ။
ယုယသူအား၊ ပယ်​​ရှောင်​ရှား၊ စိတ်​ထားမျှသူမှီဝဲပါ။
ဥ​ပေက္ခာပွား၊ အ​ကြောင်းငါး၊ ညွန်​ကြားဋ္ဌကထာ။

ဥ​ပေက္ခာသ​မ္ဗောဇ္ဈင်​ရဲ့အာနိသင်​များ
=======================
ဗောဇ္ဈင်​တရား ၇ ပါးလုံးဟာ သူ့​နေရာနဲ့သူ တန်​ဖိုးရှိလှပါတယ်​။ အထူးသဖြင့်​ ဥ​ပေက္ခာသ​မ္ဗောဇ္ဈင်​ကား ၀ိပဿနာ​ယောဂီများအတွက်​ မရှိမဖြစ်​ မကြုံမဖြစ်​နဲ့ ​သေ​သေချာချာ ​ကျော်​ဖြတ်​ကြရတဲ့ ဂိတ်​​ပေါက်​တစ်​ခုပါ။

ဣ​နြေ္ဒ​တွေကို ထိန်းညှိ​နိုင်​ရေးမှာ သတိဟာ အ​ရေးအပါဆုံးဖြစ်​တယ်​လို့ အများစုသိထားကြပါတယ်​။ တကယ်​တမ်းမှာ​တော့  သတိနဲ့ ထိန်းရတဲ့ သဒ္ဓါစတာ​တွေဟာ ဣ​နြေ္ဒမထိုက်​ကြ​သေးတဲ့အဆင့်​မှာ ထိန်းကြရတာပါ။ ရှင်းလင်း​အောင်​ ​ပြောရရင်​ သာမန်​သူလိုကိုယ်​လို လူ​တွေမှာ ဖြစ်​​လေ့ဖြစ်​ထရှိတဲ့ သဒ္ဓါစတာ​တွေ ဖြစ်​ပါတယ်​။

တရားအားထုတ်​​နေရင်း တရားသားတက်​လာလို့ ဖြစ်​လာကြတဲ့ သဒ္ဓါစတာ​တွေကား ဣ​နြေ္ဒထိုက်​လာကြပြီဖြစ်​တယ်​။ အင်​အား​ကောင်းလာပြီး ပိုင်​ပိုင်​နိုင်​နိုင်​ရှိလှတဲ့ ယုံကြည်​ ကြည်​လင်​ ကြည်​ညိုမှု စတာ​တွေပါ။ ဥဒယဗ္ဗယဉာဏ်​ ဖြစ်​ပြီး​နောက်​မှ ယင်းဣ​နြေ္ဒ​တွေကို ဥ​ပေက္ခာနဲ့သာ ထိန်းညှိနိုင်ပါတယ်​။ အတိအကျ ​ပြောရရင်​ ​ဗောဇ္ဈင်​ထိုက်​တဲ့ ဥ​ပေက္ခာ။ ဥ​ပေက္ခာသ​မ္ဗောဇ္ဈင်​ပါ။

ရှုမှတ်​မှုသတိဟာ ဥ​ပေက္ခာသ​မ္ဗောဇ္ဈင်​​ကြောင့်​ တည်​ငြိမ်​လာရတယ်​။ ဒီ​တော့မှ ကျန်​တဲ့ဣ​နြေ္ဒ​တွေပါ ညီမျှလာပြီး ဉာဏ်​​တွေက ထက်​မြတ်​လာပါတယ်​။ ရုပ်​နာမ်​​တို့ရဲ့ ဖြစ်​ပျက်​ဆိုတဲ့ သဘာဝလက္ခဏာများနဲ့ အနိစ္စစတဲ့ သာမညလက္ခဏာများကို ထိုးထွင်း သိလာရပါတယ်​။ သို့​ကြောင့်​ ဥ​ပေက္ခာသ​မ္ဗောဇ္ဈင်​ရဲ့ အာနိသင်​များဟာ ၀ိပဿနာ​ယောဂီတို့အတွက်​ မရှိမဖြစ်​ လိုအပ်​ချက်​လို့ ဆိုရခြင်းပါ။

သဒ္ဓါနဲ့ ပညာ ၂ ပါးကို ထိန်းညှိပုံ

ယောဂီဟာ ရှုမှတ်​ချက်​တိုင်းမှာ ရုပ်​နာမ်​မျှ၊ ဖြစ်​ပျက်​မျှသာလို့ ထင်​တဲ့အခါ​တွေ ရှိတတ်​ပါတယ်​။ အဲ့ဒီလိုအခါမှာ သဒ္ဓါလွန်​ကဲသူက ယုံကြည်​ချက်​​တွေ ပြင်းထန်​လာပြီး မိမိယုံကြည်​ချက်​အတိုင်း အဖန်​ဖန်​ စဉ်းစားဆင်​ခြင်​​နေတတ်​တယ်​။

စဉ်းစားပုံ​တွေကား ​အောက်​ပါအတိုင်းပင်​။
၁။ ရုပ်​နာမ်​မျှသာ ရှိတယ်​။ ပုဂ္ဂိုလ်​ သတ္တဝါ အ​ကောင်​အထည်​မရှိလို့ဆိုတာ ဟုတ်​ပါ​ပေတယ်​။
၂။ မျက်​စိတစ်​မှိတ်​ခန့်​မျှ တည်​တံ့ခိုင်​မြဲတဲ့ တရားမရှိ။ ဖြစ်​​ပေါ်ပြီးရင်​ ချက်​ခြင်း ပျက်​စီးတတ်​တဲ့ တရားမျှသာ ရှိတယ်​လို့ဆိုတာ မှန်​ပါ​ပေတယ်​။
၃။ မမြဲတာ၊ ဆင်းရဲတာ၊ ငါ​ကောင်​ မရှိတာ၊ ငါ​ကောင်​ မဟုတ်​တာ မှန်​ပါ​ပေတယ်​။
၎။ တရားအလုံးစုံကို သိတဲ့ဘုရားဆိုတာ မှန်​ပါ​ပေတယ်​။ ဘုရား​ဟောတဲ့အတိုင်း မှန်​ပါ​ပေတယ်​။ ဆရာ​ပြောတဲ့အတိုင်းပင်​ မှန်​ပါ​ပေတယ်​။

အထက်​က ဆိုခဲ့တာ​တွေအတိုင်း အဖန်​ဖန်​ အထပ်​ထပ်​ စဉ်းစားဆင်​ခြင်​​နေသူဟာ စဉ်းစားဆင်​ခြင်​မှုရဲ့ အဖြစ်​အပျက်​ကိုကား ​ကောင်းစွာ မသိနိုင်​ပြီ။ တခြား ရှုမှတ်​စရာ​တွေကိုလည်း ​စေ့စပ်​​အောင်​ မရှုမှတ်​နိုင်​ပြီ။ သဒ္ဓါလွန်​​နေလို့ ရှုမှတ်​မိသမျှကိုလည်း ထင်​ရှားပီသစွာ မသိနိုင်​ပြီ။ ဒါ​တွေက သဒ္ဓါလွန်​လို့ မှတ်​သိမှု​တွေ ပျက်​ရပုံ​များပါ။

ပညာလွန်​ကဲတဲ့ သူဟာလည်း ခဏ ခဏ စဉ်းစားဆင်​ခြင်​ ​နေတတ်​တယ်​။ ရှုမှတ်​မှု​ကြောင့်​ ရှင်းလင်းစွာ သိလာရတိုင်း မှတ်​သားဖူးတဲ့သုတ၊ ကြံဆဖူးတဲ့သ​ဘော၊ နှစ်​သက်​တဲ့ ဥပမာတို့နဲ့လည်း မကြာ မကြာ တိုက်​ဆိုင်​ပြီး ဆင်​ခြင်​မိတတ်​တယ်​။

ရှုမှတ်​မှုတို့ရဲ့ အကြား​တွေမှာ ရုပ်​​လေလား၊ နာမ်​​လေလား၊ ဖဿ​လေလား၊ ​ဝေဒနာ​လေလား စသဖြင့်​ဖြစ်​​စေ။

ကောင်းစွာ ထင်​သလား၊ မထင်​ဘူးလား၊ လက္ခဏာထင်​​လေသလား၊ ရသထင်​​လေသလား စသဖြင့်​ဖြစ်​​စေ။

ဖြစ်​မှုထင်​​လေသလား၊ ပျက်​မှုထင်​​လေသလား၊ အနိစ္စလက္ခဏာထင်​​လေသလား စသဖြင့်​ဖြစ်​​စေ စဉ်းစားဆင်​ခြင်​မိတတ်​ပါတယ်​။

အဲ့ဒီလို စဉ်းစားဆင်​ခြင်​မှု​တွေ များလာခဲ့ရင်​ ဆင်​ခြင်​တဲ့ စိတ်​များရဲ့ အဖြစ်​အပျက်​ကိုလည်း ​ကောင်းစွာ မသိနိုင်​ပြီ။ တခြားရှုမှတ်​စရာ​တွေကိုလည်း ​စေ့စပ်​​အောင်​ မရှုမှတ်​နိုင်​ပြီ။ စူးစမ်းလိုတဲ့ ပညာလွန်​​နေလို့ ရှုမှတ်​မိသမျှကိုလည်း ထင်​ရှားစွာ မသိနိုင်​ပြီ။ ဒါက ပညာလွန်​လို့ မှတ်​သိမှု ပျက်​ရပုံပါ။

ဥ​ပေက္ခာဟာ ညီမျှ​စေခြင်းသ​ဘော ရှိတယ်​။ ဒါ့​ကြောင့်​ ဥ​ပေက္ခာဖြစ်​​ပေါ်လာသူမှာ အဲ့ဒီဥ​ပေက္ခာရဲ့ အစွမ်း​ကြောင့်​ သဒ္ဓါနဲ့ ပညာတို့ ညီမျှလာတယ်​။ ဒီအခါ ယုံကြည်​မှုလည်းမလွန်​၊ စဉ်းစားမှုလည်း မလွန်​၊ ဖြစ်​တိုင်း ဖြစ်​တိုင်းကို မှတ်​သိရုံသာ မှတ်​သိ​နေပါ​တော့တယ်​။

ယုံကြည်​ သ​ဘောကျပြီး အဖန်​ဖန်​ စဉ်းစားမ​နေ​တော့ပြီ။ မှတ်​သိပြီးတာကို ပြန်​လည်​ပြီး အဖန်​ဖန်​ မစဉ်းစား​တော့ပြီ​ပေါ့။ ဒါ့​ကြောင့်​ ဖြစ်​ပျက်​တိုင်း​သော ရုပ်​နာမ်​​တွေကို အစဉ်​အတိုင်း ​ကောင်းစွာ မှတ်​သိနိုင်​​လေပြီ။

ဝီရိယနဲ့ သမာဓိ ၂ ပါးကို ထိန်းညှိပုံ

ဝီရိယလွန်​ကဲတဲ့ အခါမှာ ​ကြောင့်​ကြစိုက်​မှု များ​နေပါတယ်​။ ရှုမှတ်​စရာ အာရုံကို ရှာကြံ​မျှော်​လင့်​​နေတတ်​တယ်​။

ရှုမှတ်​မိလိုက်​​လေသလား​၊ လွတ်​သွား​လေသလားလို့ ခဏ ခဏ ပြန်​ပြီး ဆင်​ခြင်​တတ်​တယ်​။ ဘယ်​​နေရာက လစ်​လပ်​​နေ​သေးသလဲ ဆိုပြီး​တော့လဲ ခဏ ခဏ ဆင်​ခြင်​မိတတ်​တယ်​။ ဒီတစ်​ခါ ပိုပြီး​ကောင်း​အောင်​ ရှုမှတ်​လိုက်​မယ်​ ဆိုပြီး​တော့လဲ ခဏ ခဏ ကြံမိတတ်​တယ်​။

အဲ့ဒီလို ​ကြောင့်​ကြစိုက်​မှု များခြင်း​ကြောင့်​ စိတ်​ဟာ ​ကောင်းစွာ မတည်​ကြည်​နိုိင်​၊ ပျံ့ လွင့်​ပြီး​တော့သာ ​နေတယ်​။ ပျံ့ လွင့်​​နေလို့ ဖြစ်​တိုင်း​သော ရုပ်​နာမ်​​တွေကို ​စေ့စပ်​​အောင်​ မရှုမှတ်​နိုင်​ပြီ။ ရှုမှတ်​ချက်​တိုင်းမှာ ​ကြောင့်​ကြစိုက်​မှု လွန်​ပြီး တည်​ကြည်​မှု အားနည်းခြင်း​ကြောင့်​ ရှုမှတ်​မိသမျှကိုလည်း ထင်​ရှားပီသစွာ မသိနိုင်​​တော့ပြီ။ ဒါက ၀ီရိယလွန်​လို့ မှတ်​သိမှု ပျက်​ရပုံပါ။

သမာဓိလွန်​တဲ့ အခါမှာလည်း တစ်​မျိုးတည်း​သော အာရုံကိုသာ ကြာမြင့်​စွာ ရှုမှတ်​​နေရတတ်​တယ်​။ အခြား​သော အာရုံ​တွေ ထင်​မလာကြလို့ အဲ့ဒီအာရုံ အသစ်​ အထူး​တွေကို ရှုမှတ်​ဖို့ရန်​ ​ကြောင့်​ကြစိုက်​ရမှု ကင်း​နေတယ်​။ ရှုမှတ်​​နေကျကိုသာ သက်​သက်​သာသာနဲ့ ရှုမှတ်​​နေရလုိ့ အားထုတ်​မှု ​လျော့ရဲ​နေတယ်​။ နှုတ်​တက်​​ကျေ​နေတဲ့ စာကို ရွတ်​ဆိုတဲ့အခါ ​ အားထုတ်​မှု လျော့ရဲ​နေသလိုမျိုးပါ။

အဲ့ဒါ​ကြောင့်​ အာရုံနဲ့ ရှုမှတ်​မှု​တွေဟာ တစတစနဲ့ ​မှေးမှိန်​သွားတတ်​ပါတယ်​။ ဒါ့အပြင်​ ရှုမှတ်​မှု​တွေ အား​လျော့လာခြင်း​ကြောင့်​ ထိုင်းမှိုင်းမှု ထိနမိဒ္ဓအဖြစ်​သို့ပင်​ ​ပြောင်းလဲသွားတတ်​ပါတယ်​။ ဒီ​နောက်​မှာ ဖြစ်​တိုင်း​သော ရုပ်​နာမ်​​တွေကို ​စေ့စပ်​​အောင်​ မရှုမှတ်​နိုင်​ပြီ။ ​စေ့စပ်​​အောင်​ မရှုမှတ်​နိုင်​ရင်​ အမှတ်​​တွေကြားမှာ ထိုင်းမှိုင်းမှု​တွေ ကြားညှပ်​ပါဝင်​လာကြလို့ ရှုမှတ်​မိသမျှကိုလည်း ထင်​ထင်​ရှားရှား ပီပီသသ မသိနိုင်​​တော့ပြီ။ ဒါ​တွေက​တော့ သမာဓိလွန်​လို့ မှတ်​သိမှု ပျက်​ရပုံဖြစ်​ပါတယ်​။

ညီမျှ​စေခြင်း သ​ဘောရှိတဲ့ ဥ​ပေက္ခာရဲ့ အစွမ်း​ကြောင့်​ ၀ီရိယနဲ့ သမာဓိတို့ ညီမျှလာတဲ့အခါကား ​ကြောင့်​ကြစိုက်​မှုလည်းမလွန်​၊ စူးစိုက်​တည်​ကြည်​မှုလည်းမများ၊ အထူး​ကြောင့်​ကြ မစိုက်​ရ​တော့ဘဲ ဖြစ်​တိုင်း​သော ရုပ်​နာမ်​​တွေ ထင်​​ပေါ်​နေတယ်​။ ထင်​လာတဲ့ အာရုံ​တွေ များခြင်း​ကြောင့်​လည်း စိတ်​မပျံ့ လွင့်​။

ထင်​တိုင်း​သော ရုပ်​နာမ်​တွေကို မလွတ်​တမ်း မှတ်​သိလာနိုင်​တယ်​။ သိတိုင်း​သော အာရုံ​မှာ စူးစိုက်​တည်​ကြည်​မှုလည်း ထင်​ရှားတယ်​။ မရှုမှတ်​မိဘဲ လွတ်​သွားတာမျိုး မရှိ​တော့လို့ အလုံးစုံကိုပင်​ သိတယ်​လို့ မှတ်​ထင်​လာရပါတယ်​။

အချုပ်​အားဖြင့်​ ဆိုရ​သော်​ သဒ္ဓါနဲ့ပညာ၊ ၀ီရိယနဲ့ သမာဓိ စတဲ့တရား​တွေရဲ့ ညီမျှစွာ ဖြစ်​ခြင်းသ​ဘော၊ ၎င်းတို့ကို ညီမျှ​စေခြင်းသ​ဘောဟာ ဥ​ပေက္ခာသ​မ္ဗောဇ္ဈင်​မည်​တယ်​။ ဒီဟာ ထက်​သန်​စွာ ဖြစ်​လာရင်​ သတိစတဲ့ တရား​တွေလည်း အညီအမျှ ထက်​သန်​ထင်​ရှားစွာ ဖြစ်​​ပေါ်လာကြတယ်​။

သို့ဖြစ်​လို့ သိသိ​နေတဲ့ ၀ိပဿနာစိတ်​ကို​တောင်​ တဖန်​ရှုမှတ်​လာနိုင်​တဲ့ ပဋိဝိပဿနာဖြင့်​ ဖြစ်​​ပေါ်ဆဲဖြစ်​တဲ့ ​ဗောဇ္ဈင်​ ၇ ပါးကို မှန်​ကန်​စွာ သိလာပါတယ်​။ ဒါမျိုးမှာ မိမိရဲ့ ရှုမှတ်​စိတ်​ကို ပြန်​သိတာက ပိုထင်​ရှား​နေလို့ သိတယ်​၊ သိတယ်​လို့ ကမ္မဋ္ဌာန်းဆရာတို့က အမှတ်​ခိုင်းတတ်​ပါတယ်​။

ဗောဇ္ဈင်​ပိုင်း ပြီးပါပြီ။
×××××××××××××××

ငြိမ်းနန္ဒ (၁၉ -၂၂ /၈ /၂၀၁၇)