ရိပ်​သာ (၉)

(၉)
ပဋိကူလမနသိကာရပိုင်း
===============

ရွံရှာဖွယ်​လို့ နှလုံးသွင်းပုံ
------------------------------
သတိပဋ္ဌာန်​တရားကို ပွားများအားထုတ်​​နေသူဟာ မိမိကိုယ်​ကို ချစ်​ခင်​စွဲလန်းမှု ​လျော့နည်းသွား​အောင်​ မိမိကိုယ်​ထဲမှာ ပါဝင်​ဖွဲ့စည်းထားတဲ့ အစိတ်​အပိုင်း​တွေကို ရွံမုန်းလာ​စေဖို့ ရွံရှာဖွယ်​အဖြစ်​ နှလုံးသွင်းရပါမယ်​။ အစိတ်​အပိုင်း​တွေက ၃၂ မျိုးရှိပါတယ်​။

ယောဂီဟာ ​ခြေဖဝါးပြင်​မှအထက်​၊ ဆံပင်​ဖျားမှ​အောက်​၊ ​ဘေးပတ်​ပတ်​လည်​မှာ အ​ရေပါး​တွေနဲ့ အဆုံးသတ်​ထားတဲ့ အမျိုးမျိုး​သော ရွံရှာဖွယ်​​တွေနဲ့ ပြည့်​နှက်​​နေတဲ့ ဒီခန္ဓာကိုယ်​ကို စူးစိုက်ပြီး ဆင်​ခြင်​ရပါမယ်​။ ဒီခန္ဓာကိုယ်​ထဲ ရှိကြတဲ့အရာဝတ္ထု​တွေဟာ ဆံပင်​ ​မွေးညှင်း လက်​သည်း​ခြေသည်း သွား အ​ရေ အသား အ​ကြော အရိုး ရိုးတွင်းခြင်​ဆီ အညှို့ နှလုံး အသည်း အ​မြှေး အဖျဉ်း အဆုတ်​ အူမ အူသိမ်​ အစာသစ်​ အစာ​ဟောင်း ဦး​ဏှောက်​ သည်း​ခြေ သလိပ်​ ပြည်​ ​သွေး ​ချွေး အဆီခဲ မျက်​ရည်​ ဆီကြည်​ တံ​တွေး နှပ်​ အ​စေး ကျင်​ငယ်​ ရွံဖွယ်​များသာရှိတယ်​လို့ စူးစိုက်​ပြီး ဆင်​ခြင်​ရပါတယ်​။

ဥပမာနဲ့ ထင်​ရှား​စေပါဦးမယ်​။ အထက်​​အောက်​ အ​ပေါက်​ပါတဲ့ အိတ်​တစ်​လုံးထဲ စပါးမျိုးစုံ ထည့်​ထားတယ်​။ သ​လေး ​ကောက်​ကြမ်း ပဲ​နောက်​ ပဲကြီး ဆန်​ တို့​တွေ​ပေါ့။ မျက်​စိရှင်​တဲ့ ​ယောက်ျားတစ်​​ယောက်​က အဲ့ဒီအိတ်​ကို ​ဖြေကြည့်​တဲ့အခါ သ​လေးကိုလည်း ​တွေ့မယ်​။ ​ကောက်​ကြမ်း ပဲ​နောက်​ ပဲကြီး ဆန်​​တို့​တွေကိုလည်း ​တွေ့ပါတယ်​။ အဲ့ဒီအခါ ဒီအိတ်​ထဲမှာ ၅ မျိုး ပါဝင်​​နေတာကို စူးစိုက်​ကြည့်​ခြင်းအားဖြင့်​ သိရှိရပါတယ်​။

အထက်​က စပါးစတာ​တွေကို စူးစိုက်​ကြည့်​တဲ့ ဥပမာနည်းတူ ​ယောဂီဟာ မိမိကိုယ်​တွင်​ ဖွဲ့စည်းပါဝင်​​နေတဲ့ ၃၂ မျိုး​သော အစိတ်​အပိုင်း​တွေကို စူးစိုက်​ပြီး ဆင်​ခြင်​ရပါမယ်​။ ရွံရှာဖွယ်​ ရုပ်​အ​ပေါင်းမျှသာ ရှိတယ်​လို့လည်း နှလုံးသွင်းရပါမယ်​။

အထက်​ကအတိုင်း ရှုပွားဆင်​ခြင်​​နေတာဟာ ဝိပဿနာအတွက်​သာ ဖြစ်​တယ်​ဆိုတာ ထင်​ရှားပါတယ်​။ အ​ကြောင်းက ဒီအပိုင်းကို ဆက်​လက်​​ဟောကြား​တော်​မူရာတွင်​ အဖြစ်​အပျက်​​တွေကို သိမြင်​ပြီး တဏှာ ဒိ​ဋ္ဌိ အမှီအစွဲကိုလည်း ကင်း​စေနိုင်​တယ်​လို့ ပါဝင်​​နေခြင်း​ကြောင့်​ပါ။

ဝိပဿနာဖြစ်​ပုံကို ထပ်​မံရှင်းပြပါဦးမယ်​။
ယောဂီဟာ ဆံပင်​ ​မွေးညှင်း စသဖြင့်​ ရှုတဲ့ (ဥပစာ၊ အပ္ပနာဈာန်​)စိတ်များကို တစ်​ဖန်​မှတ်​ပြီး ဆံပင်​ ​မွေးညှင်းစတဲ့ ရုပ်​အာရုံနဲ့တကွ အဲ့ဒီရှုတဲ့ ဈာန်​စိတ်​ရဲ့ အဖြစ်​အပျက်​ကို ထင်​ရှားသိမြင်​နိုင်​ပါတယ်​။ အဲ့ဒီလို သိမြင်​တိုင်း သိမြင်​တိုင်း ရှုမိတဲ့ ရုပ်​အာရုံ​ပေါ်ဖြစ်​​စေ၊ ရှုတဲ့ဈာန်​စိတ်​မှာဖြစ်​​စေ တဏှာ ဒိ​ဋ္ဌိ အမှီအစွဲ ကင်း​နေပါတယ်​။ ဒီကဲ့သို့ ရှုမှတ်​ချက်​တိုင်း တဏှာ ဒိ​ဋ္ဌိ အမှီအစွဲ ကင်း​စေနိုင်​တာမို့လို့ ဒီအပိုင်းဟာ ဝိပဿနာရှုပုံဖြစ်​​ကြောင်း မဟာစည်​ဆရာ​တော်​ ဘုရားကြီးက​ မှတ်​ချက်​ပြု​တော်​မူထားပါတယ်​။

ဒီအပိုင်းဟာ လာမဲ့ဓာတုမနသိကာရပိုင်းရဲ့ အ​ခြေဘူတလည်း ဖြစ်​ပါတယ်​။ ဓာတုမနသိကာရကို ရှုမဲ့သူဟာ ဆိုခဲ့ပါ ၃၂ ​ကောဋ္ဌာသကို နိုင်​နင်းထားဖို့ လိုမယ်​လို့ ဆိုလိုပါတယ်​။

ပဋိကူလမနသိကာရပိုင်း ပြီးပါပြီ။
××××××××××××××××××××××

ဓာတုမနသိကာရပိုင်း
=============
ဓာတ်​များကို နှလုံးသွင်းပုံ
------------------------------
တရားအားထုတ်​ဆဲ ​ယောဂီဟာ ဓာတ်​များကိုလည်း ​ဝေဖန်​ပိုင်းခြားပြီး နှလုံးသွင်းတတ်​ရပါမယ်​။ ဒါ့​ကြောင့်​ ဓာတ်​​တွေကို နှလုံးသွင်းပုံ နည်းနာ​များ ဆည်းပူး​လေ့လာ ထားကြရပါမယ်​။

ယောဂီဟာ မိမိရဲ့ ရုပ်​အ​ပေါင်းကိုယ်​ကို တည်​မြဲ ထားမြဲအတိုင်းပင်​ သတ္တ၀ါ​ကောင်​ အသက်​​ကောင်​ မဟုတ်​တဲ့ ဓာတ်​သ​ဘောအ​နေဖြင့်​ စူးစိုက်​ပြီး ဆင်​ခြင်​ရပါမယ်​။ ငါ့ကိုယ်​ထဲမှာ ခက်​မာကြမ်းတမ်းတဲ့ အမာခံ ပထဝီဓာတ်​ကတစ်​မျိုး၊ ယိုစီး ဖွဲ့တွယ်​တဲ့ အ​ပျော့နွယ်​ အာ​ပေါဓာတ်​ကတစ်​မျိုး၊ ပူ​နွေး ​အေးပြီး ရင့်​ကျက်​ နူးညံ့ ​စေတတ်​တဲ့ အခိုးအ​ငွေ့ဟန်​ ​တေ​ဇောဓာတ်​ကတစ်​မျိုးနဲ့ ​တောင့်​တင်း ​ရွေ့ရှားတတ်​တဲ့ ​လေဆိုတဲ့ ဝါ​ယောဓာတ်​ကတစ်​မျိုး တို့ဆိုပြီး ဓာတ်​သ​ဘောများသာ ရှိ​နေကြပါကလားလို့ စူးစိုက်​ပြီး ဆင်​ခြင်​ရပါမယ်​။

ဥပမာ​လေးနဲ့ ယှဉ်​တွဲပြီး ရှင်းပြပါဦးမယ်​။ ကျွမ်းကျင်​လိမ္မာတဲ့ နွားသတ်​သမားဖြစ်​ဖြစ်​၊ သူ့တပည့်​ဖြစ်​ဖြစ်​ နွားကို သတ်​ပြီး လမ်းဆုံ​လေးခွမှာ အသား အရိုး အ​ကြော အ​ရေတို့ကို တစ်​ပုံစီ ခွဲပုံပြီး ထိုင်​ကြည့်​​နေမယ်​။ အဲ့ဒီအခါ နွား​ကောင်​ကို မမြင်​ရ​တော့ဘဲ အသားပုံစတာ​တွေကိုသာ ​တွေ့ရ​ပါမယ်​။

အထက်​က ဥပမာနည်းတူ ​ယောဂီဟာ မိမိကိုယ်​ကို သတ္တ၀ါ​ကောင်​ အသက်​​ကောင်​ မဟုတ်​ဘူး၊ ဓာတ်​​လေးပါးသာရှိတယ်​ဆိုပြီး ထင်​မြင်​ယူဆလာနိုင်​တဲ့အထိ ဓာတ်​​လေးပါးကို စူးစိုက်​ပြီး ဆင်​ခြင်​ရပါမယ်​။ အဲ့ဒီလို ရှုမှတ်​ဆင်​ခြင်​ရင်း ဓာတ်​​တွေရဲ့ ဖြစ်​ပျက်​ပုံများကို သိရှိလာကာ ဓာတ်​​တွေ​ပေါ် တဏှာ ဒိ​ဋ္ဌိတို့ အမှီအစွဲ ကင်းလာပါတယ်​။

ဓာတ်​​တွေရဲ့ သ​ဘောသဘာဝများကို သိရှိလာပုံနဲ့ ဉာဏ်​အဆင့်​ဆင့်​ ဖြစ်​​ပေါ်လာပုံမှာ ​အောက်​ပါအတိုင်း ဖြစ်​ပါတယ်​။

ဆံပင်​အစ ကျင်​ငယ်​အဆုံးရှိတဲ့ ၃၂ ပုံတို့တွင်​ ဆံပင်​မှ ဦး​ဏှောက်​တိုင်​​အောင်​​သော အပုံ ၂၀ ဟာ ခက်​မာကြမ်းတမ်းမှု လွန်​ကဲလို့ အမာခံ ပထ၀ီဓာတ်​မည်​တယ်​။ အဲ့ဒါ​တွေနဲ့ ​တွေ့ထိတဲ့အခါ " ခက်​မာခြင်း၊ ကြမ်းတမ်းခြင်း၊ နူးညံ့ခြင်း၊ ​ချောညက်​ခြင်း၊ ​​(လေးခြင်း၊ ​ပေါ့ခြင်း၊) ထိပါးခြင်း၊ တည်​တံ့ခြင်း၊ ခံလင့်​ခြင်း" တို့ဆိုတဲ့ သ​ဘောသဘာဝ​တွေကို သိလာရပါတယ်​။ အဲ့ဒီလို သိရတဲ့ သ​ဘော​တွေဟာ ပရမတ်​ပထဝီဓာတ်​အစစ်​ဖြစ်​ပါတယ်​။

သည်း​ခြေမှ ကျင်​ငယ်​တိုင်​​အောင်​ ၁၂ ပုံဟာ ယိုစီးဖွဲ့တွယ်​မှု လွန်​ကဲလို့ အရည်​ဆိုတဲ့ အာ​ပေါဓာတ်​မည်​တယ်​။ အဲ့ဒါ​တွေနဲ့ ​တွေ့တဲ့အခါ "အရည်​​ပျော်​တယ်​၊ ယိုစီးတယ်​၊ စီးကျတယ်​၊ ​လေးကျတယ်​၊ စိုထိုင်းတယ်​၊ ပွ​စေတယ်​၊ ​စေးကပ်​တယ်​၊ ပူးတွဲတယ်​၊ ဖွဲ့တွယ်​တယ်​၊ လုံးခဲတယ်​"ဆိုပြီး သိလာရတယ်​။ အဲ့ဒီလို သိရတဲ့ အရာဟာ ပရမတ်​ အာ​ပေါအစစ်​ဖြစ်​ပါတယ်​။

၁။ သန္တပ္ပန = အဖျားရှိန်​ အပူ​ငွေ့၊
၂။ ဇိရဏ = အသားအ​ရေကို အိုမင်းရင့်​​ရော်​​စေတဲ့ ပကတိကိုယ်​​ငွေ့၊
၃။ ဒါဟ = တစ်​ကိုယ်​လုံး အပြင်းပူ​လောင်​တဲ့ အပူ​ငွေ့၊
၎။ ပါစက = အစာကို ​ကြေကျက်​​စေတဲ့ အပူ​ငွေ့ တို့​တွေဟာ ပူ​နွေးမှု လွန်​ကဲလို့ အခိုးအ​ငွေ့ဆိုတဲ့ ​တေ​ဇောဓာတ်​မည်​တယ်​။ အဲ့ဒါ​တွေနဲ့ ​တွေ့ထိတဲ့အခါ "ပူမှု၊ ​နွေးမှု၊ ​အေးမှု၊ ရင့်​ကျက်​​စေမှု၊ နူးညံ့ သိမ်​​မွေ့ ​စေမှု၊ ​ပေါ့တက်​​စေမှု၊ ​ပေါ့တက်​မှု" တို့ကို သိရပါမယ်​။ အဲ့ဒီလို သိရတဲ့ သ​ဘောဟာ ပရမတ်​ ​တေ​ဇောအစစ်​ဖြစ်​ပါတယ်​။

၁။ ဥဒ္ဓင်္ဂမ = ​လေချဉ်​တက်​ခြင်းလို အထက်​သို့ ဆန်​တက်​တဲ့​လေ၊
၂။ အ​ဓောဂမ = ​အောက်​သို့ စုန်​တဲ့​လေ၊
၃။ ကုစ္ဆိသယ = ဝမ်းဗိုက်​ထဲတွင်​ (အူအပြင်​၌) တည်​တဲ့​လေ၊
၎။ ​ကောဋ္ဌာသယ = အူထဲမှာ တည်​တဲ့​လေ၊
၅။ အင်္ဂမင်္ဂါနုသာရီ = အင်္ဂါကြီးငယ်​တို့တွင်​ ​လျှောက်​ပြီး ​ကွေး ဆန့်​ လှုပ်​ရှားမှု စတာ​တွေကို ပြီး​စေ​တဲ့​လေ၊
၆။ အဿာသပဿာသ = ဝင်​သက်​ ထွက်​သက်​​လေ တို့​တွေဟာ ​တောင့်​တင်း လှုပ်​ရှားမှု လွန်​ကဲလို့ ဝါ​ယောဆိုတဲ့ ​လေဓာတ်​မည်​တယ်​။ အဲ့ဒါ​တွေနဲ့ ​တွေ့ထိတဲ့အခါ " ​ထောက်​ကန်​တယ်​၊ ​တောင့်​တင်းတယ်​၊ ​လျော့တယ်​၊ တည်​ငြိမ်​တယ်​၊ လှုပ်​ရှားတယ်​၊ ​ရွေ့ရှားတယ်​၊ ဆွဲတယ်​၊ တွန်းကန်​တယ်" လို့ သိတယ်​။ အဲ့ဒီ သိရတဲ့ သ​ဘောဟာ ပရမတ်​ဝါ​ယောအစစ်​ဖြစ်​ပါတယ်​။

ဓာတုမနသိကာရမှာ သမထယာနိက ဝိပဿနာဖြစ်​ပုံကို တင်​ပြပါဦးမယ်​။ ဆံပင်​အစ ဝင်​သက်​ ထွက်​သက်​အဆုံးရှိတဲ့ ၄၂ ပုံတို့ကို ရှုပြီး ဥပစာရသမာဓိနဲ့ ပြည့်​စုံလာတဲ့အခါ အဲ့ဒီသမာဓိစိတ်​ကို တစ်​ဖန်​မှတ်​ရပါမယ်​။ အဲ့ဒီလို ရှုမှတ်​ရင်း ဆံပင်​စတဲ့ ရုပ်​အာရုံနဲ့တကွ အဲ့ဒီသမာ​ဓိစိတ်​တို့ ​ပေါ်မှု ​ပျောက်​မှု ဖြစ်​မှု ပျက်​မှု​ စတာ​တွေကို ထင်​ရှားသိမြင်​လာပြီး ဥဒယဗ္ဗယဉာဏ်​စတဲ့ ဉာဏ်​​တွေ ဖြစ်​​ပေါ်လာပါတယ်​။

ဝိပဿနာယာနိက ဖြစ်​ပုံကိုလည်း တင်​ပြပါဦးမယ်​။ ကိုယ်​ထဲမှာ အထင်​အရှား ​တွေ့ထိရာ ​နေရာ​တွေမှာ စူးစိုက်​ပြီး မှတ်​လိုက်​ရင်​ ဓာတ်​​လေးပါတို့ရဲ့ လက္ခဏ ရသ စတာ​တွေကို ပိုင်းခြားသိမြင်​လာတယ်​။

ဆရာ​တော်​ကြီးတစ်​ပါးက​တော့ ဒါကိုပဲ ဓာတ်​သား​ပေါ်​အောင်​ အားထုတ်​တယ်​လို့ တင်​စား​တော်​မူခဲ့ပါတယ်​။ ဓာတ်​သား​တွေဆိုတာ ပရမတ်​တရားအစစ်​​တွေဖြစ်​လို့ ပညတ်​နဲ့ ပရမတ်​ကွဲတယ်​လို့လည်း ​ခေါ်ကြပါ​သေးတယ်​။

ဒါ့အပြင်​ ထိသိမှု မှတ်​သိမှုနဲ့တကွ ဓာတ်​​လေးပါးတို့ရဲ့ ဖြစ်​မှု ပျက်​မှု​တွေကိုလည်း ထင်​ရှားစွာ သိမြင်​လာပြီး ဥဒယဗ္ဗယဉာဏ်​စတဲ့ ဉာဏ်​စဉ်​​တွေ ဖြစ်​​ပေါ်လာပါတယ်​။

ဝိပဿနာယာနိက သမားများအတွက်​ အ​ထောက်​အကူရ​စေရန်​ မဟာစည်​ဆရာ​တော်​ ဘုရားကြီးရဲ့ ဓာတ်​ ၄ ပါးလင်္ကာ​တွေကို ​ဖော်​ပြ​ပေးလိုက်​ပါတယ်​။

၁။ ပထ၀ီဓာတ်​
ကြမ်းတမ်း မာခက်​၊ ​ချောညက်​တစ်​လီ၊
တည်​ရာကိစ္စ၊ သူကပြုသည်​။
ခံလင့်​​စောင့်​​ရေး၊ ​ပေါ့​လေးထင်​သည်​၊
ပထ၀ီဓာတ်​၊ သိမှတ်​မြတ်​​ယောဂီ။

၂။အာ​ပေါဓာတ်​
အရည်​တစ်​နည်း၊ ယိုစီးတစ်​မည်​၊
စိုထိုင်း ဖွံ့ထွား၊ တိုးပွား​စေသည်​။
စေးကပ်​ ပူးတွဲ၊ လုံးခဲထင်​သည်​၊
(လေးလျက်​ကျသွား၊ ဉာဏ်​အားထင်​သည်​၊)
အာ​ပေါဓာတ်​၊ သိမှတ်​မြတ်​​ယောဂီ။

၃။တေ​ဇောဓာတ်​
အပူ အ​အေး၊ ပူ​နွေးတစ်​မည်​၊
ပူ​ငွေ့​ပေးလျက်​၊ ရင့်​ကျက်​​စေသည်​။
နူးညံ့​ ​ပျော့​ပျောင်း၊ ဆင့်​​လောင်း​ပေသည်​၊
(ပေါ့လျက်​ ​ပေါ့လျက်​၊ ကြွတက်​ထင်​သည်​၊)
တေ​ဇောဓာတ်​၊ သိမှတ်​မြတ်​​ယောဂီ။

၎။ ဝါ​ယောဓာတ်​
ထောက်​ကန်​ ​တောင့်​တင်း၊ ​လျော့ခြင်းတစ်​မည်​၊
ယိမ်းယိုင်​ လှုပ်​ရှား၊ ​ရွေ့သွားတတ်​သည်​။
သူလိုရာဘက်​၊ တွန်းလျက်​​ဆောင်​သည်​၊
ဝါ​ယောဓာတ်​၊ သိမှတ်​မြတ်​​ယောဂီ။

ဓာတုမနသိကာရပိုင်း ပြီးပါပြီ။
××××××××××××××××××××

နဝသိဝထိကပိုင်းများ
=============
သိဝထိကနဲ့စပ်​ သိမှတ်​စရာ
----------------------------------
ကာယာနုပဿနာမှာ နဝသိဝထိက အပိုင်းများ ၉ ပိုင်းပါရှိတယ်​။ ရှုရမဲ့ အာရုံ​တွေ ကွဲပြား​နေကြဟန်​များအတွက်​ ဒီသို့ ၉ ပိုင်း ခွဲခြားထားရပါတယ်​။ ရှုပုံ ဆင်​ခြင်​ပုံများက အတူတူ ဖြစ်​​နေကြလို့ ​ခေါင်းစဉ်​တစ်​ခုထဲမှာပဲ အာရုံကွဲ​တွေ ပါဝင်​​အောင်​ ထည့်​သွင်းပြီး တင်​ပြသွားပါမယ်​။

သိဝထိကပိုင်း​တွေဟာ မိမိကိုယ်​ကို သူ​သေ​ကောင်​ သူ​သေပုပ်​​ကောင်​ အရိုးစု အရိုးမှုန့်​ စသဖြင့်​ နှိုင်းဆဆင်​ခြင်​ရန်​ နည်းနာများဖြစ်​ပါတယ်​။ အဋ္ဌကထာထဲက မဟာသိဝမ​ထေရ်​ရဲ့ အဆိုအရ အာဒီနဝါနုပဿနာ = မိမိကိုယ်​မှာ ရှိတဲ့အပြစ်​​တွေကို ထင်​မြင်​လာ​အောင်​ နှိုင်းဆသမှု ဆင်​ခြင်​ရှုရန်​ဖြစ်​ပါတယ်​။

မဟာစည်​ဆရာ​တော်​ ဘုရားကြီးက​​​တော့ တမင်​တကာ နှိုင်းဆဆင်​ခြင်​ပြီး ထင်​မြင်​လာတဲ့ အသုဘနိမိတ်​​တွေဖြစ်​​စေ၊ ဝိပဿနာ ရှုမှတ်​ပွားများရင်း မိမိကိုယ်​ကို သူ​သေ​ကောင်​စတဲ့ အသုဘနိမိတ်​​တွေအဖြစ်​ ထင်​မြင်​လာရင်​ဖြစ်​​စေ "မြင်​တယ်​ မြင်​တယ်​"လို့သာ ရှုမှတ်​ရန်​ ညွန်​ကြားထားပါတယ်​။

ဘယ်​လိုနည်း​ကြောင့်​ဖြစ်​ဖြစ်​ ထင်​မြင်​လာတဲ့ ပုံသဏ္ဍာန်​အာရုံ​တွေဟာ ရုပ်​အစစ်​မဟုတ်​ဘဲ အမည်​ပညတ်​မျှသာဖြစ်​​နေ​ပေမဲ့ အာကာသပညတ်​လို မှီရာအထည်​ဒြဗ်​ လုံးဝကင်းတာမဟုတ်​။ ဆင်​ခြင်​ ရှုမှတ်​​နေသူမှာ တကယ်​ပင်​ ဖြစ်​ပျက်​သွားသလို ထင်​ထင်​ရှားရှား ဖြစ်​​နေတယ်​။ ဒါ့အပြင်​ အဲ့ဒါကို မြင်​သိ​နေတဲ့ မ​နောဝိဉာဏ်​စိတ်​ဟာ ပရမတ်​တရားအစစ်​ ဖြစ်​​နေပါတယ်​။ ဒါ့​ကြောင့်​ ​ပေါ်လာတဲ့ ပုံသဏ္ဍာန်​နဲ့တကွ မြင်​သိစိတ်​တို့ ​ပေါ်မှု ​ပျောက်​မှု၊ ဖြစ်​မှု ပျက်​မှု​တွေကို ​တွေ့မြင်​ခြင်းဟာ ဝိပဿနာဉာဏ်​ဖြစ်​ပါတယ်​။ ဒီသိဝထိကပိုင်း​တွေအရ သမုဒယဓမ္မာ နုပဿီစသည်​ ဖြစ်​ပါတယ်​။

အပိုင်း​တွေအရ ခွဲပြထားတဲ့ ပုံသဏ္ဍာန်​များက ​အောက်​ပါအတိုင်း ဖြစ်​ကြပါတယ်​။

၁။ သု​သာန်​မှာ စွန့်​ပစ်​ထားပြီး ၁ ရက်​လွန်​၊ ၂ ရက်​လွန်​၊ ၃ ရက်​လွန်​ပြီး ဖူးဖူး​ရောင်​ မူလပုံစံပျက်​ပြီး ညိုညိုမည်းမည်း ပြည်​တရွှဲရွှဲ ယိုစီး​နေတဲ့ သူ​သေ​ကောင်​ကို ​တွေ့မြင်​ရသလို မိမိကိုယ်​ကို နှိုင်းဆသမှု ဆင်​ခြင်​ရှုရပါမယ်​။

ငါဟာ ဒီလူ​သေ​ကောင်​လို ဖူးဖူး​ရောင်​ခြင်းစတဲ့ သ​ဘောရှိတယ်​။ ဖူးဖူး​ရောင်​တဲ့ ​အ​ကောင်​ပုပ်​ ဧကန်​ဖြစ်​ရပါမယ်​။ ဒီသ​ဘောကို မလွန်​ဆန်​နိုင်​ပါတကားလို့ နှိုင်းဆသမှု ဆင်​ခြင်​ရှုရပါမယ်​။ မိမိကိုယ်​ကိုအပြင်​ သူတစ်​ပါးတို့ရဲ့ ရုပ်​​တွေကိုလည်း နည်းတူပင်​။

၂။ သုသာန်​မှာ စွန့်​ပစ်​ထားပြီး ကျီး စွန်​ လင်းတ ဘုံမတီးငှက်​ ​ခွေး ကျား ကျားသစ်​ ​မြေ​ခွေး ပိုးအမျိုးမျိုးတို့​တွေ ကိုက်​ခဲစား​သောက်​ထားတဲ့ သူ​သေ​ကောင်​ကို ​တွေ့မြင်​ရသလို မိမိကိုယ်​ကို နှိုင်းဆသမှု ဆင်​ခြင်​ရှုရပါမယ်​။

ငါ့ကိုယ်​ဟာ ဒီလူ​သေ​ကောင်​လို ကျီးစတဲ့ သတ္တ၀ါအမျိုးမျိုးတို့ရဲ့ ခဲစားခံရမဲ့ သ​ဘောရှိတယ်​။ ဧကန်​လည်းပဲ ခဲစားခံရပါမယ်​။ ဒီလို ခဲစားခံရမှာကို မလွန်​ဆန်​နိုင်​ပါတကားလို့ နှိုင်းဆသမှု ဆင်​ခြင်​ရှုရပါမယ်​။ သူတစ်​ပါးတို့ရဲ့ ကိုယ်​ကိုလည်း နည်းတူပင်​ ရှုရပါမယ်​။

၃။ သုသာန်​မှာ စွန့်​ပစ်​ထားပြီး အသား အ​သွေး၊ အကြွင်းအကျန်​​တွေနဲ့တကွ အ​ကြောများနဲ့ တွဲစပ်​ထားတဲ့ သူ​သေ​ကောင်​ကို ​တွေ့မြင်​ရသလို မိမိကိုယ်​ကို နှိုင်းဆသမှု ဆင်​ခြင်​ရှုရပါမယ်​။

ငါ့ကိုယ်​ဟာ အရိုးစုဖြစ်​ခြင်း သ​ဘောရှိတယ်​။ ဧကန်​လည်းပဲ အရိုးစုဖြစ်​ရဦးမယ်​။ အဲ့ဒီလို အရိုးစုဖြစ်​ရမှာကို မလွန်​ဆန်​နိုင်​ပါတကားလို့ မိမိကိုယ်​ကို နှိုင်းဆသမှု ဆင်​ခြင်​ရှုရပါမယ်​။ သူတစ်​ပါးတို့ရဲ့ ကိုယ်​ကိုလည်း နည်းတူပင်​ ရှုရပါမယ်​။

*** နောက်​ထပ်​​ ရေးသားတင်​ပြမဲ့ အချက်တွေမှာလည်း ဆင်​ခြင်​ပုံများက တူ​လေပြီဖြစ်​လို့ အချက်​အလက်​​တွေကိုသာ နံပါတ်​စဉ်​အတိုင်း တင်​ပြသွားပါမယ်​။

၎။ အသားကင်းပြီး ​သွေးကြွင်းမျှ လူးကပ်​ကာ အ​ကြော​တွေနဲ့ ဖွဲ့တွယ်​ထားတဲ့ အရိုးစုသူ​သေ​ကောင်​။

၅။ အသားအ​သွေး လုံးဝကင်းပြီး အ​ကြော​တွေနဲ့ ဖွဲ့တွယ်​ထားတဲ့ အရိုးစုသူ​သေ​ကောင်​။

၆။ အဆက်​​တွေ ပြုတ်​ထွက်​ကုန်​ပြီး ဟိုဟိုဒီဒီ​ ကစင့်​ကရဲ ပြန့်​ကျဲ​နေတဲ့အရိုး​တွေ တစ်​​နေရာစီမှာ ပြန့်​ကျဲ​နေကြပါတယ်​။ တစ်​ခုချင်းစီ နာမည်​​တွေ တပ်​ပြထားပါတယ်​။

လက်​ရိုး၊ ခြေရိုး၊ ခြေမျက်​စိရိုး၊ ခြေသလုံးရိုး၊ ပေါင်​ရိုး၊ တင်​ပါးရိုး၊ နံရိုး၊ ကျောရိုး၊ ပခုံးရိုး၊ လည်​ပင်းရိုး၊ မေးရိုး၊ သွားရိုး၊ ဦး​ခေါင်းရိုး။

၇။ ခရုသင်းလို ​ဖွေး​ဖွေးဖြူ​နေတဲ့ အရိုး​တွေ။

၈။ တစ်​နှစ်​​ကျော်​သွားလို့ ​ဟောင်းမြင်းကုန်​တဲ့ အရိုး​တွေ။

၉။ ​ဆွေးမြည့်​ကုန်​လို့ အမှုန့်​မှုန့်​ဖြစ်​​နေတဲ့ အရိုး​တွေ။

နဝသိဝထိကပိုင်းများ ပြီးပါပြီ။
××××××××××××××××××××

ကာယာနုပဿနာနဲ့စပ်​ အထူးမှတ်​ဖွယ်​
-----------------------------------------------
၁။ ကာယာနုပဿနာ ၁၄ ပိုင်းတို့တွင်​ အာနာပါနပိုင်းနဲ့ ပဋိကူလမနသိကာရပိုင်းတို့သာ အပ္ပနာဈာန်​ကို ရရှိ​စေနိုင်​ပါတယ်​။

၂။ သိဝထိက ၉ ပိုင်းတို့ကား အာဒီနဝါနုပဿနာများ ဖြစ်​ကြပါတယ်​။

၃။ အာနာပါနပိုင်းနဲ့ ပဋိကူလမနသိကာရပိုင်းတို့မှ ကြွင်းကျန်​တဲ့ ၁၂ ပိုင်းတို့ကား ဥပစာရဈာန်​ကိုသာ ရရှိ​စေနိုင်​ပါတယ်​။

မဟာစည်​ဆရာ​တော်​ ဘုရားကြီးက​ ဒီ ၁၂ ပိုင်းကို ​ဒေသနာနဲ့အညီ အားထုတ်​​နေတဲ့ ​ယောဂီမှာ ဥပစာဈာန်​​ခေါ် ဥပစာရသမာဓိဖြစ်​​ပေါ်လာပြီး စိတ္တဝိသုဒ္ဓိစခန်းအတွက်​ ပြီးပြည့်​စုံသွား​ကြောင်း ဆုံးဖြတ်​ချက်​ချ​တော်​မူခဲ့ပါတယ်​။ ဒါ့အပြင်​ ဒီဥပစာရသမာဓိဟာ ဝိပဿနာအရာမှာ ဝိပဿနာခဏိကသမာဓိ​ခေါ်ဆိုပြီး ဝိပဿနာဉာဏ်​အဆင့်​ဆင့်​ ဖြစ်​​ပေါ်​စေပါတယ်​။

ကာယာနုပဿနာ သတိပဋ္ဌာန်​ ပြီးပါပြီ။
××××××××××××××××××××××××××

ငြိမ်းနန္ဒ (၂-၃ /၂ /၂၀၁၇)