ရိပ်​သာ (၂၁)

(၂၁)
အရိယာစစ်​တမ်း
===========

မဂ်​ကျပုံ
=====
မဟာစည်​ဆရာ​တော်​ဘုရားကြီးရဲ့ ၀ိပဿနာရှုနည်းကျမ်းမှာ သတိပဋ္ဌာန်​ရှုမှတ်​ရင်း အရိယာဖြစ်​ပုံကို အတိအကျ ​ဖော်​ပြထားတယ်​။ သတိပဋ္ဌာန်​တရား ရှုမှတ်​ပွားများ​နေသူများအဖို့ မဖြစ်​မ​နေ ​ရောက်​ရမည့်​မှတ်​တိုင်​ဖြစ်​ပြီး မ​ရောက်​ ​ရောက်​​အောင်​လည်း ကြိုးစား အားထုတ်​သွားကြရမည့်​ မှတ်​တိုင်​လည်း ဖြစ်​​နေပါတယ်​။

လိုချင်​​တောင့်​တမှု၊ သာယာနှစ်​သက်​မှုဟာ သမုဒယသစ္စာဖြစ်​တယ်​။ ကျန်​တဲ့ ရုပ်​နာမ်​​တွေက ဒုက္ခသစ္စာဖြစ်​တယ်​။ မှတ်​အပ်​တဲ့ အာရုံနဲ့ မှတ်​သိမှုတို့ ချုပ်​​ငြိမ်းကင်းပြတ်​ခြင်း သ​ဘောက နိ​ရောဓသစ္စာဖြစ်​တယ်​။ ချုပ်​ငြိမ်းကင်းပြတ်​ခြင်း သ​ဘောသို့ ​ရောက်​လျက်​ မျက်​​မှောက်​ ကိုယ်​​တွေ့ သိတဲ့ တရားက မဂ္ဂသစ္စာဖြစ်​ပါတယ်​။

အထက်​က စာပိုဒ်​ဟာ သစ္စာ​လေးပါးကို တစ်​ပြိုင်​နက်​သိပြီး အရိယာဖြစ်​သွားပုံပါ။ အားထုတ်​ဆဲ ​ယောဂီများအ​နေနဲ့ ပိုပြီး ရှင်းလင်းစွာ သိနိုင်​ဖို့ အနည်းငယ်​ ထပ်​မံရှင်းပြပါဦးမယ်​။ ရှင်းလင်းချက်​ထဲမှာ အများသူငါတို့ ​မျှော်​လင့်​ထားကြသလို ဒုက္ခအတုံးအခဲကြီးကို ဆုတ်​ကိုင်​ ပြမထားပါဘူးဆိုတာကို​တော့ ကြိုတင်​အသိ​ပေးလိုပါတယ်​။

ဖောင်းပိန်​ကို ရှုမှတ်​​နေတဲ့​ ​ယောဂီဟာ ရှုမှတ်​အပ်​တဲ့ အာရုံဆိုတဲ့ အဲ့ဒီ​ဖောင်းပိန်​ကို ရှုမှတ်​​ရင်းနဲ့ သမာဓိရင့်​သန်​လာပြီး ရှုမှတ်​မှု​တွေ အ​သေးစိတ်​လာနိုင်​တဲ့အခါ သိမှု​များလည်း စူးရှလာပါတယ်​။ ထိုးထွင်းသိမြင်​မှု စွမ်းရည်​မြင့်​မားလာတယ်​လို့ ဆိုလိုပါတယ်​။

ဒီအခါ ​ဖောင်းပိန်​​တွေကိုလည်း ဖြစ်​မှု၊ ပျက်​မှုများ အပိုင်းပိုင်း အပြတ်​ပြတ်​တွေနဲ့ ဆက်​ထားတဲ့ ဖြစ်​စဉ်​​ကြီးတစ်​ခုအ​နေနဲ့ မြင်​လာတယ်​။ ​ဖောင်းမှု၊ ပိန်​မှု တစ်​ခုချင်းစီ ဖြစ်​ပျက်​​နေမှုကို ​ကျော်​လွန်​ပြီး ဖြစ်​ပျက်​အစဉ်​ကြီး တစ်​ခုတည်းသာ ဖြစ်​သွားတယ်​လို့ ထင်​သွားတယ်​။

ဒါ့​ကြောင့်​ ရှုမှတ်​​နေဆဲ ​ဖောင်းပိန်​ဟာ မထင်​ရှား​တော့ဘဲ ဖြစ်​​နေတတ်​တယ်​။ ဒါ့အပြင်​ ​ဖောင်းတယ်​၊ ပိန်​တယ်​လို့ ရှုမှတ်​လို့ မရနိုင်​​တော့​လောက်​​အောင်​ ​ပျောက်​​နေတတ်​ပါတယ်​။ စာအ​နေနဲ့ ​ရေးပြရရင်​ ​ဖောင်းပိန်​​တွေ ချုပ်​​နေတယ်​​ပေါ့။

ယောဂီဟာ ရှုမှတ်​စရာ ​ဖောင်းပိန်​ဆိုတဲ့ အာရုံမရှိ​တော့လို့ ထိုင်ထိကို  ပြောင်းပြီး မှတ်တယ်။  သမာဓိက ခိုင်မာပြီးဖြစ်နေရင် သူလည်း ဖေါင်းပိန်လိုပဲ ပျောက်ကွယ်သွားမယ်။ ဒီအခါ ယောဂီမှာ မိမိကိုယ်​ကို သိ​နေတဲ့ အသိ​လေးသာ ကျန်​ပါ​တော့တယ်​။ သို့ဖြစ်​ရင် အဲ့ဒီအသိကို သိတယ်​၊ သိတယ်​လို့သာ ရှုမှတ်​​နေရပါတယ်​။

အဲ့ဒီသိမှုကို ရှုမှတ်​​နေရင်း ​ သမာဓိဉာဏ်​​တွေ ပိုမိုရင့်​သန်​လာတဲ့အခါ ယောဂီရဲ့ ရှုမှတ်​သိမှုဟာ သိမှုဆိုတဲ့ နာမ်​တို့ရဲ့ ဖြစ်​ပျက်​အစဉ်​ကိုသာ သိလာတယ်​။ ဖြစ်​ပျက်​အစဉ်​ကို သိခြင်းဖြင့်​ လက္ခဏာ​ရေး သုံးပါးကိုလည်း သိမှုကိစ္စပြီးတယ်​လို့ မှတ်​ရပါမယ်​။ သိမှုဟာ အလွန်​လျင်​မြန်​ပြီး ရှုမှတ်​နိုင်​ဖို့ရာ အလွန်​ခက်​ခဲတာ​ကြောင့်​ပါ။

လက္ခဏာ သုံးပါးကို သိပုံ
================
ရှုမှတ်​ချက်​များ အထူး​ကောင်းမွန်​လာတဲ့အခါ ရှုမှတ်​ချက်​တိုင်းမှာ ဖျတ်​ကနဲ​ ​ပေါ်လာပြီး ရိပ်​ကနဲ ကုန်​​ပျောက်​သွားတာကို ရှင်းလင်းစွာ သိလာကြရတယ်​။ ဒါဟာ လက္ခဏာသုံးပါး သိပုံအတွက်​ အဓိကအချက်​ ဖြစ်​ပါတယ်​။

သို့​ကြောင့်​ အနိစ္စံ ခယ​ဋ္ဌေန = ကုန်​သွားတဲ့ အနက်​သ​ဘော​ကြောင့်​ မမြဲ။ ဟုတွာ အဘာဝ​တော အနိစ္စာ = ဖြစ်​​ပေါ်ပြီးရင်​ မရှိခြင်း၊ ကွယ်​​ပျောက်​သွားခြင်း​ကြောင့်​ မမြဲကုန်​လို့လည်း သုံးသပ်​ဆင်​ခြင်​မိကြတယ်​။ ဒါက အနိစ္စလက္ခဏာကို သိခြင်းပါ။ မိမိတို့ရဲ့ တရားစွမ်းရည်​​တွေအရ သိမှုက​တော့ ကွာခြားကြ​ပေလိမ့်​မယ်​။

ယဒနိစ္စံ တံ ဒုက္ခံ = မမြဲတဲ့ တရားဟာ ဆင်းရဲပင်​။ ဒုက္ခံ ဘယ​ဋ္ဌေန = ​ကြောက်​စရာ​ကောင်းတဲ့ အနက်​သ​ဘော​ကြောင့်​ ဆင်းရဲပင်​။ ဥဒယဗ္ဗယပ္ပဋိပီဠန​တော ဒုက္ခာ = ဖြစ်​ခြင်း ပျက်​ခြင်းက မပြတ်​နှိပ်​စက်​အပ်​တာ​ကြောင့်​ ဆင်းရဲပင်​။

ယောဂီဟာ မိမိရှုမှတ်​ချက်​​တွေအ​ပေါ် ရှုမှတ်​​နေရင်း ဆိုခဲ့ပါ ဒုက္ခလက္ခဏာများနဲ့ စပ်​ဆိုင်​တာ​တွေကို သိလာတယ်​။ ဘယ်​အချိန်​မဆို ​သေနိုင်​​အောင်​ ခဏမစဲ ​ပျောက်​ပျက်​ပြီး မမြဲတဲ့အတွက်​ ဆင်းရဲချည်းပဲ၊ မ​ကောင်းတာချည်းဘဲလို့ ဆင်​ခြင်​သုံးသပ်​မိခြင်းမျိုးပါ။

ဒုက္ခမဒက္ခိ သလ္လ​တော၊ ဒုက္ခ၀တ္ထုတာယ စ ဒုက္ခ​တော၊ ​ရောဂ​တော ဂဏ္ဌ​တော သလ္လ​တော စတဲ့ ပါဠိ အဋ္ဌကထာတို့နဲ့အညီ မခံသာမှု အမျိုးမျိုးကို ခံစားပြီး ဆင်​ခြင်​ပုံ​တွေနဲ့လည်း ထပ်​တူကျပါတယ်​။

ယံဒုက္ခံ တဒနတ္ထာ = ဆင်းရဲတဲ့ တရားဟာ အစိုးရတဲ့ အတ္တ​ကောင်​မဟုတ်​။ အနတ္တာ အသာရက​ဋ္ဌေန = အနှစ်​မဲ့တဲ့ အနက်​သ​ဘော​ကြောင့်​ အတ္တ​ကောင်​ ငါ​ကောင်​မဟုတ်​။ အ၀သ၀တ္တန​တော အနတ္တာ = အလိုအတိုင်း မဖြစ်​ခြင်း​ကြောင့်​ ငါ​ကောင်​မဟုတ်​ကုန်​။

ယောဂီဟာ ဆိုခဲ့တဲ့ အနတ္တလက္ခဏာကို သိပုံအချင်းအရာအားဖြင့်​လည်း သိလာပါတယ်​။ အရပ်​စကားနဲ့​ပြောရင်​ မဖြစ်​​အောင်​လည်း မတတ်​နိုင်​၊ မပျက်​​အောင်​လည်း မတတ်​နိုင်​လို့ အစိုးပိုင်​တဲ့ငါ​ကောင်​ မဟုတ်​တာချည်းပဲ၊ ဘာမျှခိုင်​မာတဲ့ အနှစ်​သာရ မရှိဘူး၊ သူ့သ​ဘောအတိုင်း ဖြစ်​ပျက်​​နေတဲ့ သ​ဘောတရား​တွေချည်းပဲလို့ သုံးသပ်​ဆင်​ခြင်​မိခြင်း​တွေပါ။

ဒိ​နောက်​မှာ နာမ်​တို့ရဲ့ သာမန်​အာရုံကို သိတတ်​မှု သ​ဘောက​နေ ဖြစ်​ပျက်​အစဉ်​နဲ့ လက္ခဏာသုံးပါးကို သိတဲ့ သ​ဘောသို့ ​ပြောင်းလဲသွားပါတယ်​။ ဒီအခါ သိ​နေမှု​တွေပါ ​ပျောက်​​နေသလို ဖြစ်​သွားပါတယ်​။ ဒါကို နာမ်​​တွေ ချုပ်​သွားတယ်​လို့လည်း ထင်​မြင်​တတ်​ကြပါတယ်​။

စင်​စစ်​မှာ ရှုမှတ်​လို့ရတဲ့ သိတတ်​မှုအဆင့်​က​နေ ရှုမှတ်​လို့ မရ​တော့တဲ့ သိ​နေမှုသ​ဘော​လေးသာ ကျန်​တဲ့ အ​နေအထားဖြစ်​သွားခြင်းပါ။ ဒါဟာ နိ​ရောဓဆိုက်​ပုံကို မဂ်​ဉာဏ်​ဖြင့်​ သိသွားပုံဖြစ်​ပါတယ်​။ ​ယောဂီများရဲ့ ရည်​မှန်းပန်းတိုင်​ဖြစ်​တဲ့ အရိယာဖြစ်​သွားခြင်းဖြစ်​ပါတယ်​။

မဂ်​တုနှင့်​စပ်​ သိမှတ်​စရာများ
==================
ဝိပဿနာနယ်​ပယ်​မှာ ဘင်္ဂဉာဏ်​မ​ရောက်​မချင်း ပညတ်​နယ်​ မလွန်​​သေးပါ။ ပညတ်​ကို ရှုမှတ်​ရင်း တခဏစီမျှ ဖျတ်​ကနဲ ​ပေါ်​ပေါ်လာတဲ့ ပရမတ်​ကို ရှုမှတ်​ခွင့်​ရခဲ့ကြလို့သာ နာမရူပပရိ​စ္ဆေဒနဲ့ ဥဒယဗ္ဗယဉာဏ်​နှစ်​မျိုး ဖြစ်​​ပေါ်လာရခြင်း ဖြစ်​ပါတယ်​။

ဘင်္ဂဉာဏ်​​ရောက်​လာရင်​ ဆရာက​နေ အာရုံကို တည့်​မတ်​​ပေးဖို့ မလိုသ​လောက်​ ဖြစ်​သွားပါတယ်​။ ပရမတ်​နယ်​ထဲ ပီပီပြင်​ပြင်​ ​ရောက်​သွားတဲ့ အ​နေအထား။ ဘယ်​ဟာကို မှတ်​မှတ်​ ပရမတ်​ဆိုက်​​အောင်​ ရှုမှတ်​နိုင်​ပြီဖြစ်​လို့ ၀ိပဿနာဉာဏ်​​တွေ အဆင့်​ဆင့်​ ဖြစ်​​ပေါ်လာကြဖို့ ​သေချာသွားတဲ့သ​ဘောပါ။

ပညတ်​ဆိုတဲ့ ငြမ်းကို ဖျက်​ပြီးလို့ ပရမတ်​လမ်းစဉ်​အတိုင်း ​လျှောက်​သွားတတ်​ပြီလို့ ဆိုလိုပါတယ်​။ ဒါ့​ကြောင့်​ ရှုမှတ်​ရာမှာ စူးစိုက်​မှုပုံစံလည်း ​ပြောင်းသွားတယ်​။ တက်​သူက အတင်းထိုးတက်​ရတဲ့ အ​ခြေအ​နေမှ လမ်းစဉ်​​ခေါ်​ဆောင်​ရာ​နောက်​ မှီ​အောင်​ ​လျှောက်​ရတဲ့ အ​နေအထား​ ဖြစ်​သွားပါတယ်​​။

ပညတ်​နဲ့ ပရမတ်​​တွေထင်​ပုံကို ပိုပြီး​တော့ ရှင်းလင်း​အောင်​ ​ပြောကြည့်​ပါဦးမယ်​။ အားထုတ်​စ ​ယောဂီများလည်း အသုံးဝင်​​အောင်​ အစကို ပြန်​ငင်​​ပြောပါမယ်​။

အားထုတ်​စ ​ယောဂီဟာ ​ဖောင်းပိန်​နဲ့ ဘယ်​ညာလှမ်းတာ​တွေကို​တောင်​ ထိထိမိမိနဲ့ ကွက်​တိကွက်​တိ မှတ်​နိုင်​ဖို့ အ​တော်​ကြီးကို ကြိုးစားယူရပါတယ်​။ မှတ်​ချက်​​တွေ အ​သားကျလာတဲ့အခါ မာမှု၊ ​ပျော့မှု၊ ပူမှု၊ ​အေးမှု၊ စတာ​တွေကို သတိထားလာနိုင်​ပါတယ်​။ မှတ်​ချက်​​တွေအတွက်​ အထူးအားမစိုက်​ရ​တော့ဘဲ သ​ဘောတရား​တွေကိုသာ သတိထား​စောင့်​ကြည့်​တဲ့ အဆင့်​​ရောက်​လာတဲ့အခါ ပူမှုစတာ​တွေဟာလည်း ရိပ်​ကနဲ ရိပ်​ကနဲ ​ပေါ်​ပေါ်လာပြီး ပျက်​ပျက်​သွားတာ​တွေကို ​တွေ့မြင်​လာကြရပါတယ်​။

ဆိုခဲ့တာ​တွေထဲမှာ ​ဖောင်းပိန်​နဲ့ ဘယ်​ညာလှမ်းဆိုတာ​တွေဟာ ပုံပန်းသွင်​ပြင်​များဖြစ်​လို့ ပညတ်​နယ်​ဖြစ်​ပါတယ်​။ ပူမှုစတာ​တွေကျ​တော့ ဓာတ်​သ​ဘော​တွေဖြစ်​လို့ ပရမတ်​နယ်​ပါ။ ​ပေါ်ပြီး ပျက်​သွားတာ​တွေကား ၀ိပဿနာနယ်​ ​ရောက်​ခြင်းပါ။ ဒါ​လောက်​ဆိုရင်​ မိမိဟာ ဘယ်​နယ်​သားလဲလို့ ခွဲခြားသိမြင်​နိုင်​ပါပြီ။

နောက်​ပြီး ထူးခြားချက်​အ​နေနဲ့လည်း ဥဒယဗ္ဗယဉာဏ်​က​နေ ဘင်္ဂဉာဏ်​အကူးမှာ မဂ်​ဉာဏ်​ဖြစ်​ပုံနည်းတူ ​ယောဂီမှာ ဖြစ်​​လေ့ရှိတယ်​။ အရပ်​စကားနဲ့ ​ပြောရရင်​ ​တွေ့မြင်​ရမှုအ​ပေါ် သ​ဘောအကျလွန်​ပြီး လစ်​တယ်​၊ သတိလစ်​တယ်​​ပေါ့။

ဘင်္ဂဉာဏ်​ဖြစ်​​နေစဉ်​အတွင်းမှာလည်း စိတ်​ဆိုး၊ စိတ်​ပျက်​တာ​တွေ​ကြောင့်​ လစ်​တတ်​ပြန်​ပါတယ်​။ ဒါ့အပြင်​ ပဋိသခါင်္နှင့်​ သခါင်္ရု​ပေက္ခာဉာဏ်​အကူး ​ဘေး​တွေကို သိမြင်​ပြီး လစ်​ကြပါတယ်​။

လစ်​မှု​တွေ ဖြစ်​​ပေါ်လာရခြင်း​အ​ကြောင်းတွေကို ပြန်​စု​ဆောင်း​ပေးပါမယ်​။ အားလုံး ၆ ပါးရှိပါတယ်​။ မဂ်​ကျစဉ်​လို လစ်​​တတ်​ပေမဲ့ အကျိုးမများတာ​ကြောင့်​ သတိထား​ကျော်​လွှား သွားကြရမဲ့ အလစ်​​တွေပါ။

အလစ်​ ၆ ပါး
========
၁။ ဥ​ပေက္ခာ ​= ကြောင့်​ကြမစိုက်​ရဘဲ သူ့အရှိန်​နဲ့သူ မှတ်​​ကောင်း​နေရာမှာ သတိအားနည်းပြီး တစ်​မှတ်​စာ၊ နှစ်​မှတ်​စာ လစ်​ခြင်း။
၂။ ပီတိ = ရှုမှတ်​​ကောင်း​နေရာမှ ၀မ်း​မြောက်​လွန်​ပြီး ​အေးခနဲဖြစ်​ကာ လစ်​ခြင်း။
၃။ ပဿဒ္ဓိ ​= ကြောင့်​ကြမှုမရှိဘဲ သိမ်​​မွေ့စွာနဲ့ ကိုယ်​​ရောစိတ်​ပါ ​အေးငြိမ်း ​ပေါ့ပါးပြီး ဘာကိုရှုမှတ်​ရမှန်း မသိ​တော့ဘဲ ​ငေးငိုင်​ပြီး လစ်​ခြင်း။
၎။ ၀ီရိယ = အလွန်​​ကြောင့်​ကြစိုက်​ကာ ​ပေါ်လာသမျှ အာရုံ​တွေကို ​ပျောက်​တဲ့အထိ မရှုမှတ်​​တော့ဘဲ ခဏ ခဏကူး​ပြောင်း ရှုမှတ်​​နေလို့ ထိထိမိမိ မရှုမှတ်​နိုင်​​တော့ဘဲ လစ်​ခြင်း။
၅။ ထိန ၆။ မိဒ္ဓ = ရှုမှတ်​ရင်း ရှုမှတ်​ရင်းနဲ့ အာရုံ​ရော မှတ်​စိတ်​ပါ ​မှေးမှိန်​လာကာ သမာဓိလွန်​လို့ လစ်​ခြင်း။

ဥ​ပေက်​ ပီတိ၊ ပဿဒ္ဓိ၊ ၀ီရိ ထိ မိဒ္ဓါ။
သမာဓိကဲ၊ ဉာဏ်​အားနဲ၊ ဖြစ်​မြဲအလစ်​သာ။
အလစ်​​ခြောက်​ပါး၊ သတိထား၊ ဖြစ်​ငြား​ယောဂီမှာ။

အထက်​မှာ ဆိုခဲ့တဲ့ အလစ်​​တွေဟာ မဂ်​ကျစဉ်​ခဏနဲ့ အလွန်​တူပါတယ်​။ မဂ်​ကျပုံကို တစ်​စွန်းတစ်​စ ကြားဖူးနားဝ ရှိထားသူဟာ မဂ်​ကျတာပဲလို့ ထင်​မှတ်​မှားနိုင်​ပါတယ်​။ သို့ဖြစ်​လို့ သိထားသင့်​တယ်​ထင်​လို့ မဂ်​တု​တွေအ​ကြောင်း တင်​ပြရခြင်းပါ။

တကယ်​လို့ ဒီ​လောက်​နဲ့မှ မဂ်​အတုအစစ်​ကို မ​ဝေခွဲနိုင်​​သေးဘူးဆိုရင်​ ဖိုလ်​၀င်​စားကြည့်​ခြင်းဖြင့်​ မိမိဘာသာ ဆုံးဖြတ်​နိုင်​ပါလိမ့်​မယ်​။ ဖိုလ်​၀င်​စားပုံနဲ့ ​အထက်​မဂ်​ဖိုလ်​တို့သို့ တက်​လှမ်းပုံ​တွေကိုလည်း ဆက်​လက်​တင်​ပြ​ပေးပါဦးမယ်​။

ဖိုလ်​၀င်​စားပုံနှင့်​ အထက်​မဂ်​များသို့ တက်​ပုံ
==========================
ဒီ​နေရာမှာ သိထားရမဲ့ ၀ိပဿနာအပြား သုံးပါးရှိပါတယ်​။

၁။ မဂ်​ရဖို့ရန်​ သခါင်္​ရတွေကို သိမ်းဆည်းတဲ့ ၀ိပဿနာ၊ ဒီအတွက်​ ပုထုဇဉ်​ပုဂ္ဂိုလ်​များနဲ့ ​အောက်​အရိယာ သုံးပါးတို့ ပါဝင်​ပါမယ်​။

၂။ ဖိုလ်​၀င်​စားဖို့ရန်​ ရှုတဲ့ဝိပဿနာ၊ ဒီအတွက်​ အရိယာပုဂ္ဂိုလ်​အားလုံးပါဝင်​တယ်​။ မိမိရဆဲ ဖိုလ်​ကိုသာ ၀င်​စားနိုင်​ပါ​ကြောင်းကိုကား အထူးမှတ်​ထား ရပါမယ်​။ တကယ်​တမ်း အရိယာဖြစ်​ပြီး​ပေမဲ့ မ၀င်​စားနိုင်​​သေးရင်​ သမာဓိနဲ့ အခြားဣ​နြေ္ဒများ ထက်​သန်​မှု မပြည့်​စုံ​သေးလို့သာ ဖြစ်​ပါလိမ့်​မယ်​။ ဒီအတွက်​ ၀ိပဿနာကို အဖန်​ဖန်​ အထပ်​ထပ်​ ​ပွားများအားထုတ်​ပြီး ဖြည့်​တင်းယူရပါတယ်​။

၃။ နိ​ရောဓသမာပတ်​ ၀င်​စားဖို့ရန်​ ရှုတဲ့ဝိပဿနာ၊ ဒီအတွက်​ကား အနာဂါမ်​နဲ့ ရဟန္တာပုဂ္ဂိုလ်​တို့ ပါဝင်​တယ်​။

လောကမှာ မင်းစသူတို့ဟာ မိမိတို့ရဲ့ စည်းစိမ်​ချမ်းသာ​တွေ ခံစားကြသလို အရိယာပုဂ္ဂိုလ်​တို့ဟာလည်း မိမိတို့ ပိုင်​ဆိုင်​ထားကြတဲ့ ဖိုလ်​ချမ်းသာ၊ နိဗ္ဗာန်​ချမ်းသာ၊ ​လောကုတ္တရာချမ်းသာ​တွေကို မျက်​​မှောက်​ကျကျ ခံစားနိုင်​ကြပါတယ်​။ ခံစားပါ​တော့မယ်​ဆိုရင်​ ဒီအချိန်​ကာလ အ​တောအတွင်းမှာ ဖိုလ်​စိတ်​ကိုသာ ဖြစ်​​စေမယ်​ဆိုပြီး အရင်​ဦးစွာ အဓိဋ္ဌာန်​ထားရတယ်​။ ပြီး​နောက်​မှာ ဆက်​လက်​ပြီး ၀ိပဿနာကို ရှုရပါတယ်​။

အရိယာပုဂ္ဂိုလ်​ ၀ိပဿနာရှုရင်​ အဖြစ်​အပျက်​မှ စတင်​​ပေါ်တယ်​။ အဖြစ်​အပျက်​ကို သိမြင်​တဲ့ ဥဒယဗ္ဗယဉာဏ်​မှစပြီး ၀ိပဿနာဉာဏ်​​တွေ အစဉ်​အတိုင်း ဖြစ်​​ပေါ်လာကြပြီး​တော့ မကြာမီမှာဘဲ သခါင်္ရု​ပေက္ခာဉာဏ်​ ဖြစ်​​ပေါ်လာပါတယ်​။

သခါင်္ရု​ပေက္ခာဉာဏ်​ အားပြည့်​သွားတဲ့အခါ အနု​လောမဉာဏ်​ ဖြစ်​​ပေါ်လာပြီး​တော့ မှတ်​သိအပ်​ဆဲ သခါင်္ရအာရုံကို စွန့်​လွှတ်​ပြီး သခါင်္ရချုပ်​ငြိမ်းကင်းဆိတ်​တဲ့ နိဗ္ဗာန်​အာရုံထဲသို့ စိတ်​ဟာ ​ပြေးဝင်​သွားသလို ဖြစ်​တယ်​။ ဖိုလ်​၀င်​စားခိုက်​မှာ နိဗ္ဗာန်​မှတစ်​ပါး ဘာကိုမျှ မသိ​တော့ပါ။ အဲ့ဒီစိတ်​ဟာ ​အရင်​က မဂ်​ဖြစ်​စဉ်​နဲ့ အလားတူတယ်​။ ဒါကို ဖလသမာပတ်​၀င်​စားတယ်​လို့လည်း ဆိုပါတယ်​။

အထက်​မဂ်​အတွက်​ အားထုတ်​လိုတဲ့ ပုဂ္ဂိုလ်​ကျ​တော့ အားထုတ်​မဲ့ ရက်​အပိုင်းအခြားအတွင်းမှာ ရထားပြီးတဲ့ ဖိုလ်​ကို အာလယဖြတ်​ထားရတယ်​။ အားထုတ်​​နေစဉ်​မှာလည်း ဖိုလ်​ကို စိတ်​မညွတ်​မိ​စေဖို့ အထူးသတိထားရပါတယ်​။

အထက်​မဂ်​ကို ရည်​သန်​ပြီး ရှုတာဖြစ်​လို့ ၀ိပဿနာဉာဏ်​ဟာ သမ္မပ္ပဓာန်​ကိစ္စ ​လေးချက်​ကို ပြီး​စေပါတယ်​။ သို့​ကြောင့်​ ဖိုလ်​အတွက်​ ရှုတဲ့ ၀ိပဿနာနဲ့ အများကြီး ထူးခြားတယ်​။ အထက်​ အထက်​ ၀ိပဿနာဉာဏ်​​တွေကို​တောင်​ အရင်​ကလို လွယ်​လွယ်​ကူကူနဲ့ ​မရောက်​တတ်​တာမျိုးပါ။

ဝုဋ္ဌာနဂါမိနီ = အင်​အား​ကောင်းတဲ့ ၀ိပဿနာရဲ့ လက္ခဏာနဲ့ ပြည့်​စုံလာတဲ့အခါမှာကား ၀ိပဿနာဟာ မဂ်​ရဲ့ အ​ကြောင်းစစ်​စစ်​ ဖြစ်​လာပါတယ်​။ ဒိ​နောက်​မှာ ​ရှေးက မဂ်​ကျစဉ်​လိုပဲ အထက်​မဂ်​က ကျလာပါ​တော့တယ်​။

အရိယာစစ်​တမ်းဆိုတဲ့ ဒီစာစုဟာ မိမိကိုယ်​ကို အရိယာဖြစ်​ မဖြစ်​ သံသယ၀င်​​နေသူများအား မိမိဘာသာ စစ်​​ဆေးနိုင်​ဖို့ရန်​ အကူအညီ ​ပေးလိုခြင်းနဲ့ အရိယာဖြစ်​ပြီးထား​ပေမဲ့ အထက်​ဆက်​တက်​ဖို့ရန်​ အခက်​ကြုံ​နေရခြင်း​တွေကို ကူညီ​ပေးလိုခြင်းအတွက်​သာ ရည်​ရွယ်​ပါတယ်​။ ဒီ​ခေါင်းစဉ်​​အောက်​မှာ ဖိုလ်​ဉာဏ်​နဲ့ ပစ္စ​ဝေက္ခဏာဉာဏ်​​တို့ အ​ကြောင်း​တွေပါ ထည့်​သွင်းသင့်​ခဲ့ပါတယ်​။ သို့​ပေမင့်​ အဲ့ဒီဉာဏ်​​တွေက သီးသန့်​ အားထုတ်​ယူရန်​မလိုဘဲ မဂ်​ကျပြီး​နောက်​ ဆက်​တိုက်​ဖြစ်​​ပေါ်လာရတာ​ကြောင့်​ ချန်​လှပ်​ထားခဲ့ရခြင်းပါ။ အ​သေးစိပ်​ သိရှိလိုပါက မဟာစည်​ဆရာ​တော်​ရဲ့ ၀ိပဿနာရှုနည်း ဒုတိယတွဲတွင်​ ဆက်​လက်​ရှုစား​တော်​မူကြပါကုန်​။

အရိယာစစ်​တမ်း ပြီးပါပြီ။
×××××××××××××××××

သတိပဋ္ဌာန်​ အကျိုးပြစကား
==================
ပါဠိ​တော်​လာအတိုင်း

အမှတ်​မရှိ တစ်​စုံတစ်​​ယောက်​​သော ​ယောဂီပုဂ္ဂုလ်​ဟာ သတိပဋ္ဌာန်​​လေးပါးကို အာနာပါနစတဲ့ ၂၁ ပိုင်းတို့မှာ ​ဟောပြအပ်​ခဲ့ပြီးတဲ့ နည်း​နဲ့ ခုနှစ်​ နှစ်​ပတ်​လုံးဖြစ်​​စေ၊ ပွား​စေအံ့။ အဲ့ဒီလို ဖြစ်​​စေ ပွား​စေတဲ့ ​ယောဂီပုဂ္ဂိုလ်​ဟာ မျက်​​မှောက်​ဘ၀ ဒီကိုယ်​မှာပင်​ အရဟတ္တဖိုလ်​ဖြစ်​​စေ၊ ဥပါဒါန်​အကြွင်းအကျန်​ရှိ​သေးရင်​ အနာဂါမိဖိုလ်​ဖြစ်​​စေ ဖိုလ်​နှစ်​ပါးတို့တွင်​ ဖိုလ်​တစ်​ပါးပါးကို မချွတ်​ဧကန်​ အမှန်​ပင်​ဖြစ်​မယ်​လို့ ယုံကြည်​အားထားရမယ်​။ ကိန်း​သေအားဖြင့်​ ယုံကြည်​မှုရှိဖို့ လိုလားအပ်​ပါတယ်​။

ယောဂီတို့ ခုနှစ်​ နှစ်​ဆိုတာကို ထားလိုက်​ပါဦး​တော့။ ​ယောဂီဟာ သတိပဋ္ဌာန်​ ​လေးပါးတို့ကို ​ဟောခဲ့တဲ့အတိုင်း ၆ နှစ်​တို့ပတ်​လုံး၊ ၅ နှစ်​တို့ပတ်​လုံး၊ ၄ နှစ်​တို့ပတ်​လုံး၊ ၃ နှစ်​တို့ပတ်​လုံး၊ ၂ နှစ်​တို့ပတ်​လုံး၊ တစ်​နှစ်​ပတ်​လုံး ဖြစ်​ပွား​စေငြားအံ့။ အဲ့ဒီလို ပွား​စေတဲ့သူဟာ ပ။

ယောဂီတို့ တစ်​နှစ်​ဆိုတာကို ထားလိုက်​ပါဦး​တော့။ ​ယောဂီဟာ သတိပဋ္ဌာန်​​လေးပါး တရားတို့ကို ​ဟောပြခဲ့တဲ့နည်းနဲ့ ခုနှစ်​လတို့ပတ်​လုံး ဖြစ်​​စေ ပွား​စေငြားအံ့။ ဒီသို့ဒီပုံ ပွား​စေတဲ့ သူဟာ ပ။

ယောဂီတို့ ခုနှစ်​လဆိုတာကို ထားလိုက်​ပါဦး​တော့။ ​ယောဂီဟာ သတိပဋ္ဌာန်​​လေးပါး တရား​တွေကို ​ဟောပြခဲ့တဲ့ နည်းအတိုင်း ၆ လတို့ပတ်​လုံး၊ ၅ လတို့ပတ်​လုံး၊ ၄ လတို့ပတ်​လုံး၊ ၃ လတို့ပတ်​လုံး၊ ၂ လတို့ပတ်​လုံး၊ တစ်​လပတ်​လုံး၊ လခွဲ ၁၅ ရက်​ပတ်​လုံး ဖြစ်​​စေ ပွား​စေမယ်​ဆိုရင်​ အဲ့ဒီဖြစ်​​စေ ပွား​စေတဲ့ သူဟာ ပ။

ယောဂီတို့ လခွဲ ပွား​စေရမယ်​ဆိုတာကို ထားလိုက်​ပါဦး​တော့။ ​ယောဂီဟာ သတိပဋ္ဌာန်​​လေးပါး တရားတို့ကို ​ဟောပြခဲ့တဲ့နည်းအတိုင်း ခုနှစ်​ရက်​ပတ်​လုံး ဖြစ်​​စေ ပွား​စေခဲ့ပါမယ်​ဆိုရင်​ အဲ့ဒီပွား​စေတဲ့ ​ယောဂီဟာ မျက်​​မှောက်​ဒီဘ၀ ဒီခန္ဓာကိုယ်​မှာပင်​ အရဟတ္တဖို​လ်​ဖြစ်​​စေ၊ စွဲလန်းမှု ဥပါဒါန်​အကြွင်း အကျန်​ရှိ​သေးရင်​ အနာဂါမိဖိုလ်​ဖြစ်​​စေ ဒီဖိုလ်​ နှစ်​ပါးတို့တွင်​ တစ်​ပါးပါး​သောဖိုလ်​ကို မချွတ်​ဧကန်​ အမှန်​ပင်​ဖြစ်​မယ်​လို့ ယုံကြည်​အားထားရမယ်​။ ကိန်း​သေအားဖြင့်​ ယုံကြည်​မှုရှိဖို့ လိုလားအပ်​ပါတယ်​။

သတိပဋ္ဌာန်​ နိဂုံးစကား
==============
ပါဠိ​တော်​လာအတိုင်း

ယောဂီတို့ သတိပဋ္ဌာန်​​လေးပါးဆိုတဲ့ တရား​တော်​​တွေ ရှိကြတယ်​။ သတိစွဲမြဲမှု သတိပဋ္ဌာန်​ဆိုတဲ့ ဒီကျင့်​စဉ်​ဟာ ဘုရား၊ ပ​စ္စေကဗုဒ္ဓါ၊ အရိယာသာဝက​အလောင်း အလုံးစုံ​သော သတ္တဝါအ​ပေါင်းတို့ရဲ့
(က) စိတ်​အညစ်​အ​ကြေးမှ ကင်း​ဝေးစင်​ကြယ်​​စေခြင်းငှာ။
( ခ) စိုးရိမ်​ပူ​ဆွေးရခြင်း၊ ငို​ကြွေးရခြင်းတို့ကို လွန်​​မြောက်​ခြင်းငှာ။
(ဂ) ကိုယ်​ဆင်းရဲ၊ စိတ်​ဆင်းရဲတို့ ချုပ်​ငြိမ်းကွယ်​​ပျောက်​ခြင်းငှာ။
(ဃ) အရိယာမဂ်​ကို ရခြင်းငှာ။
(င) နိဗ္ဗာန်​ကို မျက်​​မှောက်​ပြုခြင်းငှာ။
တစ်​ခုတည်း​သောလမ်း၊ တစ်​​ကြောင်းတည်း​သောလမ်းဆိုပြီး တရား​ကြေငြာချက်​ ပလ္လင်​စကားကို ငါဘုရား မိန့်​ဆိုအပ်​ခဲ့ပါပြီ။ အဲ့ဒီပလ္လင်​စကားဟာ ယခု​ဟောခဲ့တဲ့ သတိပဋ္ဌာန်​​ ​လေးပါးကိုပင်​ ရည်​ရွယ်​ပြီး မိန့်​ဆိုအပ်​ခဲ့တာ ဖြစ်​ပါတယ်​။

ထိုစဉ်​အခါက တရားနာ​နေကြတဲ့ ရဟန်း​တော်​တို့ဟာ ရှင်​​တော်​ဗုဒ္ဓရဲ့ တရား​ဒေသနာ​တော်​ကို နာကြား​တော်​မူကြရလို့ ၀မ်း​မြောက်​ရွှင်​ပြကြပြီး နှစ်​သက်​အားရစွာဖြင့်​ သာဓု​ခေါ်​တော်​မူကြပါတယ်​။

ဒီမဟာသတိပဋ္ဌာနသုတ်​​တော်​ကြီးကို ​နေယျပုဂ္ဂိုလ်​အတွက်​သာ ​ဟောကြားပါသလား။ ဒီသုတ်​တရား​တော်​ကြီးကို နာကြားရုံမျှနဲ့ တရားထူးနဲ့ ပြည့်​စုံနိုင်​သူ ဥဂ္ဃဋိတညူ၊ ၀ိပဉ္စိတညူ ပုဂ္ဂိုလ်​များရှိပါ​သေးသလားဆိုတဲ့ ​စောဒကတက်​လာနိုင်​ဖွယ်​​တွေအတွက်​ ဆက်​လက်​​ပြောကြားရရင်​

ဂါထာမဖက်​ စုဏ္ဏိယ သက်​သက်​ဖြင့်​ ​ဟောကြားအပ်​လို့ ​ဝေယျာကရဏမည်​တဲ့ ဒီမဟာသတိပဋ္ဌာနသုတ်​ တရား​တော်​ကြီးကို ​ဟောကြား​တော်​မူစဉ်​အခါက သုံး​သောင်းမျှ​လောက်​ကုန်​​သော ရဟန်း​တော်​တို့ရဲ့ စိတ်​​တွေဟာ တစ်​စုံတစ်​ခုကိုမျှ ငါ​ကောင်​ ငါ့ဥစ္စာ အ​နေအားဖြင့်​ မစွဲလန်းကြ​တော့ဘဲ ကိ​လေသာအာသ​ဝေါတို့မှ လွတ်​​မြောက်​​တော်​မူကြပါတယ်​။

သတိပဋ္ဌာန်​အကျိုးပြ ရှင်းလင်းချက်​များ
========================

ဒီအကျိုးပြစကားရပ်​မှာ ရှင်​​တော်​ဗုဒ္ဓရဲ့ ရှင်​​တော့်​သာဝကများအား ထားရှိ​စေချင်​တဲ့ သ​ဘောဆန္ဒ​နဲ့ ယင်းသို့ထားရှိကြပါက ဘယ်​သို့ဘယ်​ပုံ အကျိုးရရှိ​နိုင်​ကြောင်းကို အာမခံ​ပေးထား​ကြောင်း ​တွေ့ရှိရပါတယ်​။ ရှင်​​တော်​ဗုဒ္ဓရဲ့ အာမခံချက်​​တော်​များဟာ ​တော်​ရုံသာဝက​တွေ အ​နေနဲ့ ယုံကြည်​ဖို့ရန်​ ခက်​ခဲနိုင်​တဲ့ အ​နေအထားအထိ အထက်​ဆုံးတိုင်​ တွန်းတင်​တော်​မူထားတယ်​။

ဒါနဲ့ပတ်​သက်​လို့ မဟာစည်​ဆရာ​တော်​က ၀ိပဿနာအလုပ်​မှာ သဒ္ဓါဆန္ဒပြင်းပြ ထက်​သန်​​စေလိုတာ​ကြောင့်​ ​ဟောကြား​တော်​မူထား​ကြောင်း သုံးသပ်​​တော်​မူထားပါတယ်​။ ဒါ့အပြင်​ ဒီသုတ်​​တော်​ကြီးရဲ့ ထူးခြား​လေးနက်​မှုကိုလည်း ​ဖော်​ညွှန်းလိုတာဖြစ်​​ကြောင်း မှတ်​ချက်​ပြု​တော်​မူပါတယ်​။

အဋ္ဌကထာဆရာ​တော်​က ၇ နှစ်​မှ ၇ ရက်​အတွင်း ပိုင်းခြားပြ ထားရခြင်းအ​ကြောင်းကို အလတ်​စား ​နေယျပုဂ္ဂိုလ်​ကို ရည်​ရွယ်​ပြီး ​ဟော​တော်​မူထားတာဖြစ်​​ကြောင်း သတ်​မှတ်ြ​ပတော်​မူတယ်​။ ဉာဏ်​ပညာနုံ့​နှေးတဲ့ ​နေယျပုဂ္ဂိုလ်​များဆိုရင်​ ၇ နှစ်​အထက်​နဲ့ ဉာဏ်​ပညာထက်​မြက်​တဲ့ ​နေယျပုဂ္ဂိုလ်​များဆိုရင်​ ၇ ရက်​​အောက်​ တရားထူးရနိုင်​ခွင့်​ ရှိ​သေး​ကြောင်းလည်း ပြဆို​တော်​မူပါတယ်​။

ဉာဏ်​ပညာထက်​မြက်​သူ ​နေယျပုဂ္ဂိုလ်​များတွင်​ ထူးခြားတဲ့ ပုဂ္ဂိုလ်​များရဲ့ ဖြစ်​စဉ်​ထူးအချို့ကိုလည်း ​အောက်​ပါအတိုင်း ထုတ်​ပြ​တော်​မူပါတယ်​။

နံနက်​ခင်းမှာ အဆုံးအမခံယူပြီး အားထုတ်​တဲ့ပုဂ္ဂိုလ်​ဟာ ည​နေခင်းမှာ မဂ်​ဖိုလ်​တရားထူးကို ရနိုင်​ပါတယ်​။ ည​နေခင်းမှာ အဆုံးအမခံယူပြီး အားထုတ်​တဲ့ပုဂ္ဂိုလ်​ဟာ နံနက်​ခင်းမှာ မဂ်​ဖိုလ်​တရားထူး ရနိုင်​ပါတယ်​ ဟူသတတ်​။

သဗ္ဗမ္ပိ ​စေတံ မဇ္ဈိမဿ ​ဝေ​နေယျပုဂ္ဂလဿ ၀​သေန၀ုတ္တံ, တိက္ခပညံ ပန သန္ဓာယ "ပါ​တောဝ အနုသိ​ဋ္ဌော သာယံ ၀ိ​သေသံ အဓိဂမိဿတိ, သာယံ အနုသိ​ဋ္ဌော ပါ​တော ၀ိ​သေသံ အဓိဂမိဿတီ" တိ ၀ုတ္တံ။ (ဒီ။ ဋ္ဌ။ ၂။ ၃၉၅)

သတိပဋ္ဌာန်​ ၀န်​ခံချက်​
==============
သတိပဋ္ဌာန်​ ဓမ္မစက်​ကို
ဝန်​ခံချက်​နဲ့ ဒို့မြတ်​စွာ၊
ဟောမိန့်​ပုံမှာ ထိုတရားကို
ဖြစ်​ပွား​စေတဲ့ ရှင်​လူမှာ၊
အလွန်​ကြာလျှင်​ ခုနှစ်​နှစ်​နဲ့
ရဟန္တာစစ်​ ဖြစ်​နိုင်​တာ၊
စွဲမှုကျန်​​တောင်​ အနာဂါမ်​​လောက်​​တော့
ဆိုက်​​ရောက်​မယ်​တဲ့ ဧကန်​ပါ၊
မြန်​သူဆိုလျှင်​ ခုနှစ်​ရက်​နဲ့
ထိုမဂ်​ဖိုလ်​ကို ရနိုင်​တာ၊
ရဲရင့်​ခိုင်​မာ ၀န်​ခံချက်​နဲ့
ဓမ္မစက်​ကို ​ဟောခဲ့တာ၊
နိဗ္ဗာန်​လိုသူ မယုံမှားနဲ့
မြတ်​ဘုရားကို ယုံကြည်​ပါ၊
သတိပဋ္ဌာန်​ ကိုယ့်​သန္တာန်​
အမြန်​ပွား​စေရာ၊
သို့ပွား​စေမှ နိဗ္ဗာန်​ရ
မုချငြိမ်း​အေးမှာ။

အရှင့်​ရဲ့ ၀န်​ခံချက်​
============
အထက်​က လင်္ကာဟာ သတိပဋ္ဌာန အာနိသံကထာကို မဟာစည်​ဆရာ​တော်​က လင်္ကာသီကုံး​တော်​မူ ထားခဲ့တာပါ။ ဒီလင်္ကာ​တော်​ကြီးကို ဖတ်​မိ ရွတ်​ဆိုမိတိုင်း "ဧကာယ​နော အယံ ဘိက္ခ​ဝေ မ​ဂ္ဂေါ သတ္တာနံ ၀ိသုဒ္ဓိယာ" စတဲ့ မဟာသတိပဋ္ဌာန သုတ်​​တော်​ကြီးရဲ့ ပလ္လင်​စကားကို တွဲလျက်​ အမှတ်​ရလာပါတယ်​။

သတိပဋ္ဌာန်​ကျင့်​စဉ်​ဟာ နိဗ္ဗာန်​သို့ သွားရာ တစ်​ခုတည်း၊ တစ်​​ကြောင်းတည်းသာ ရှိတဲ့လမ်းဖြစ်​တယ်​။ ​နောက်​ပြီး ဒီကျင့်​စဉ်​ဟာ ရှင်​​တော်​ဗုဒ္ဓရဲ့ ရဲရဲရင့်​ရင့်​ ပြတ်​ပြတ်​သားသား ၀န်​ခံချက်​ပေး​တော်​မူထားတဲ့ တရား​တော်​လည်း ဖြစ်​​နေပါတယ်​လို့ ဆက်​လက်​ပြီး​တော့ အ​တွေးဖြန့်​ ​နေမိတတ်​ခဲ့ပါတယ်​။

ရှင်​​တော်​ဗုဒ္ဓရဲ့ အဆုံးအမ နည်း​ပေးလမ်းပြမှု အလုံးစုံကို လိုလား​တောင့်​တသူတိုင်းဟာ ဒီတရား​တော်​လာ ကျင့်​စဉ်​များကို အပြည့်​အ၀ နားလည်​ထားရမယ်​။ မတတ်​နိုင်​ တတ်​နိုင်​​အောင်​ ကျင့်​ကြံကြရမယ်​လို့လည်း နားလည်​မိပါတယ်​။

သို့ဖြစ်​လို့ ဒီအရှင်​ဟာ မဟာသတိပဋ္ဌာနသုတ်​လာ ကျင့်​စဉ်​​တွေကို ​လေ့လာမိခဲ့ပါတယ်​။ လက်​လှမ်းမီတာ​တွေ စု​ဆောင်းခဲ့ပါတယ်​။ မမှီရာများကို ဖြစ်​နိုင်​သ​လောက်​ ကြိုးစားရှာ​ဖွေပြီး ​ပေါင်းစုယူခဲ့ပါတယ်​။ ဒါ​တွေက သတိပဋ္ဌာန်​အ​ပေါ်ထားရှိခဲ့တဲ့ အရှင့်​ရဲ့ ခံယူချက်​​တွေပါ။

ဒီသတိပဋ္ဌာန်​စာစု​တွေဟာ အရှင့်​ရဲ့ ကိုယ်​တိုင်​အသုံးချဖို့ စု​ဆောင်းထားတာ​တွေပါ။ မှတ်​စု​တွေဖြစ်​လို့ တိုစိတိုငှနဲ့ မရှင်းမလင်းတာ​တွေ များစွာပါဝင်​နိုင်​ပါတယ်​။ တိုတိုကျဉ်းကျဉ်းနဲ့ လိုရင်း​တွေကိုသာ စု​ဆောင်းထားခဲ့တာ​ကြောင့်​ အချက်​အလက်​ စု​ဆောင်းတာ ဝါသနာပါသူ​တွေ အဖို့​မှာ​တော့ အဆင်​သင့်​၊ အဆင်​​ပြေ၊ အဆင်​​ဝေ​နေလိမ့်​မယ်​လို့လည်း ယုံကြည်​​နေမိပါတယ်​။

ဒီအရှင်​ဟာ သတိပဋ္ဌာန်​ ၀ိပဿနာကျင့်​စဉ်​ကို အထိုက်​အ​လျောက်​ အားထုတ်​ခဲ့ပါတယ်​။ အားရ​ကျေနပ်​တဲ့ အဆင့်​အထိကား မ​ရောက်​နိုင်​​သေး​ချေ။ မိမိအတွက်​ ဆက်​လက်​အားထုတ်​ရန်​ နည်းနာများကို စု​ဆောင်းရင်း အ​ခြေအ​နေအရ သူတစ်​ပါးတို့အားလည်း ရံခါ နည်းပြရပါ​သေးတယ်​။ ဒီအခါ အရှင့်​ရဲ့ မှတ်​စုများဟာ အရှင့်​လို နလပိန်းတုံးများအတွက်​ အ​တော်​​လေးထိ​ရောက်​တာကို ​တွေ့ရပါတယ်​။ သို့​ကြောင့်​ မှတ်​စု​တွေကို တစ်​စုတစ်​​ဝေးထဲ ပြုစုထားရရင်​ ​ကောင်းမှာပဲလို့ ​တွေးမိပြီး ကြိုးစား​ရေးသားရခြင်းပါ။

ကိုးကားကျမ်းများ
===========
ဒီသတိပဋ္ဌာန်​စာစုများကို ​အောက်​စာရင်းပါ ကျမ်းဂန်​များနဲ့ ကမ္မဋ္ဌာန်းဆရာတို့ အထံမှ မှတ်​စု​တွေကို ပင်​တိုင်​စံထားပြီး ​ရေးသားပြုစုပါတယ်​။

၁။ မဟာသတိပဋ္ဌာနသုတ်​ပါဠိ​တော်​၊
၂။ မဟာစည်​ဆ​ရာ​တော်​​ရေး ၎င်းနိဿယ၊
၃။ ၎င်းအဋ္ဌကထာနဲ့ ဋီကာ၊
၎။ မဟာစည်​၀ိပဿနာရှုနည်းကျမ်း ပ၊ ဒု၊
၅။ ၁၃၇၈ ခုနှစ်​၊ မဟာစည်​ရိပ်​သာ၊ ကမ္မဋ္ဌာနာစရိယသင်​တန်း ပို့ချချက်​များနဲ့ ဝါတွင်း​ဟောတရား မှတ်​စုများ၊
၆။ အခြား​သော ပါဠိ၊ အဋ္ဌကထာနဲ့ ဋီကာများ၊
၇။ အခြား​သော မဟာစည်​ကမ္မဋ္ဌာနာစရိယ ဆရာ​တော်​များရဲ့ မှတ်​စုများ၊
၈။ ဒီအရှင်​ရဲ့ မစို့မဖို့ ကိုယ်​​တွေ့​လေးများ။

ဒီစာစု​များအတွက်​ အထူးပြုပြီး အားထားကိုးကားခဲ့တာ​တွေက​တော့ မဟာသတိပဋ္ဌာနသုတ်​ ပါဌ်​နိဿယကျမ်းနဲ့ ၀ိပဿနာရှုနည်းကျမ်းတို့ပါ။ သို့​ကြောင့်​ ဒီစာစုများရဲ့ အကျယ်​ဖွင့်​ဆို​ချက်​တွေကို ​လေ့လာလိုပါက အဲ့ဒီနှစ်​ကျမ်းတွင်​ ဆက်​လက်​​လေ့လာကြပါရန်​ တိုက်​တွန်းအပ်​ပါတယ်​။

သတိပဋ္ဌာန်​စာစုများ ပြီးပါပြီ။
×××××××××××××××××××

ငြိမ်းနန္ဒ (၁၅ /၉ /၂၀၁၇)(၃ /၁၀ /၂၀၁၇)