သတိထားဖွယ်ရာ အမျိုးသမီးများနှင့် ကာမေသုမိစ္ဆာစာရကံ”

Copy
“သတိထားဖွယ်ရာ အမျိုးသမီးများနှင့် ကာမေသုမိစ္ဆာစာရကံ”

++++++++++++++++++++++++++++++++

ဥူးဇင်းဘုရား။ တပည့်တော်မ တစ်ခုလောက် လျောက်ထားချင်ပါတယ်ဘုရား။
တပည့်တော်မနဲ့ တပည့်တော်မရဲ့ သူငယ်ချင်းတို့
ကာမေသုမိစ္ဆာ အကြောင်းကို ဆွေးနွေးကြည့်ပါတယ်။

ဒီဘက်ခေတ်မှာက စိုးရိမ်စရာတွေ မြင်နေမိလို့ပါ ဘုရား။
သူငယ်ချင်းကပြောပါတယ် ကျူးလွန်သူအိမ်ထောင်သည်သာလျှင် ကံထိုက်ပြီးတော့တစ်ဖက်လူသည် ကိုယ်ပိုင်ဆုံးဖြတ်ခွင့်ရှိသူဆိုပါက ကံမထိုက်ဟု ဆိုပါသည်။

သူတို့ချင်း အတည်ယူလိုက်ပြန်လျှင်တော့ နှစ်ဦးစလုံးကံမထိုက်တော့ဟုဆိုပါသည် ဘုရား။
တပည့်တော်မကို ကာမေသုမိစ္ဆာအကြောင်းလေး
အသေးစိတ်ဟောပြပေးပါ ရန် လေးစားစွာ
လျောက်ထားအပ်ပါသည် ဘုရား။
ရိုသေစွာဖြင့်။

အိမ်ထောင်သည် မိန်းမ ၁ ယောက် က သူ့မှာ
ကာမပိုင်ယောက်ျား ရှိရက် နဲ့
တခြား လူပျို ၁ယောက် နဲ့ ဖောက်ပြန်ရင်ရော
ထိုမိန်းမက အဲဒီလို ငရဲ ရောက်မှာပဲလား ဘုရား။

အမျိုးသမီးများနှင့် ကာမေသုမိစ္ဆာစာရကံ
++++++++++++++++++++++
ဤကာမေသု မိစ္ဆာစာရကံ၌ ကမ္မပထမြောက်သည့်
( ကာမေသုမိစ္ဆာစာရကံထိုက်သည့်) အင်္ဂါလေးပါးရှိ၏။
ဤအင်္ဂါလေးပါးတို့မှာ
၁။ မသွားမလာထိုက်သော မိန်းမဆိုသည့် အဂမနီယဝတ္ထုဖြစ်ခြင်း။
၂။ ထိုဝတ္ထု၌ မှီဝဲပေါင်းသင်းဆက်ဆံလိုသည့် စိတ်ရှိခြင်း။
၃။ မှီဝဲမှုလုံ့လ ပယောဂပြုခြင်း။
၎။ မှီဝဲပေါင်းသင်း ဆက်ဆံရာ၌ သာယာခြင်း။တို့ဖြစ်၏။
ဤအင်္ဂါလေးမညီလျှင်၊ တစ်ပါးပါး ချို့ယွင်းခဲ့လျှင်
ကာမေသုမိစ္ဆာစာရကံမထိုက်ဘဲ လေးပါးညီမှသာလျှင်
ကမ္မပထမြောက်၏။

အဂမနီယဝတ္ထု(၂၀)

အမှတ်(၁)အင်္ဂါအရ မသွားမလာထိုက်သော (အဂမနီယဝတ္ထု)
အမျိုးသမီးပေါင်း(၂၀)ရှိ၏။ ထိုအဂမနီယဝတ္ထု(၂၀)တို့မှာ
၁။ မာတုရက္ခိတာ= ဖခင်သေ၍ဖြစ်စေ၊ ကွဲ၍ဖြစ်စေ မိခင်ကစောင့်ရှောက်ထားသောအမျိုးသမီး။

၂။ ပိတုရက္ခိတာ= ဖခင်က စောင့်ရှောက်ထားသော အမျိုးသမီး။

၃။ မာတာ ပိတုရက္ခိတာ = မိဘနှစ်ပါးလုံးက စောင့်ရှောက်ထားသော အမျိုးသမီး။

၎။ ဘာတုရက္ခိတာ =မောင်၊ အစ်ကိုအရင်းတို့မှစောင့်ရှောက်ထားသော အမျိုးသမီး။

၅။ ဘဂိနိရက္ခိတာ = အစ်မ ညီမတို့ စောင့်ရှောက်ထားသော အမျိုးသမီး။

၆။ ဉာတိရက္ခိတာ = ဝမ်းကွဲဆွေမျိုးတို့က စောင့်ရှောက်ထားသော အမျိုးသမီး။

၇။ ဂေါတ္တရက္ခိတာ= လူမျိုးတူအနွယ်တူ လူတို့က စောင့်ရှောက် ထားသော အမျိုးသမီး။ အိန္ဒိယ၌သာ အနွယ်ရှိ၏။ မြန်မာနိုင်ငံ၌ အနွယ်မရှိ၊ လူမျိုးသာရှိ၏။ ထို့ကြောင့် စောင့်ရှောက်မည့်သူမရှိ၍ ကရင်လူမျိုးက စောင့်ရှောက်ထားသော ကရင်မိန်းကလေး၊ ရှမ်းလူမျိုးက စောင့်ရှောက်ထားသော ရှမ်းမိန်းကလေး စသည်တို့မှာ အနွယ်တူ လူတို့က စောင့်ရှောက်ထားသောမိန်းမပင်ဖြစ်သည်။

၈။ ဓမ္မရက္ခိတာ =အတူတရားကျင့်ဖော်ဖြစ်သူတို့က စောင့်ရှောက် ထားသော အမျိုးသမီး၊ယခုကာလ မိဘစသည်တို့နှင့် ခွဲ၍ သီလရှင်၊ ရသေ့မစသည်ပြုလုပ်နေသူများသည်လည်း ဓမ္မရက္ခိတာပင်ဖြစ်၏။
(ဤရှစ်ယောက်သော မိန်းမတို့သည် ကာမပိုင်ယောက်ျား မရှိသေးသော အပျိုမိန်းကလေးများ ဖြစ်၏။

၉။သာရက္ခာ = အစောင့်အရှောက်ရှိသောအမျိုးသမီး။(အရွယ်မရောက်မီကပင် မယားပြုရန် တရားဝင်တောင်းရမ်း သတ်မှတ်ထားသော မိန်းမမျိုးဖြစ်သည်။ ဤအစဉ်အလာသည် အိန္ဒိယနိုင်ငံ၌ ရှိ၏။ မြန်မာနိုင်ငံ၌ လက်ထက်ထိမ်းမြားခြင်း မပြုရသေးသော်လည်း စေ့စပ်ကြောင်းလမ်း ထားပြီးသော အမျိုးသမီးမျိုးသည် အစောင့်အရှောက်ရှိသော အမျိုးသမီးမျိုးဖြစ်၏။

၁၀။ သပရိဒဏ္ဍာ= မင်းပြစ်မင်းဒဏ်မကင်းသောအမျိုးသမီး မင်းစသော အာဏာပိုင်တို့မှ အချိန်ကျလျှင် မိမိကိုယ်တိုင်သူမကိုသိမ်းပိုက်မည်ဖြစ်၍ သွားလာပေါင်းသင်းသူတို့အား ပြစ်ဒဏ်ပေးမည်ဟု အမိန့်ထုတ် ထားတတ်ကြ၏။သည့်အတွက်ထိုအမျိုးသမီးကို မင်းပြစ်မင်းဒဏ် မကင်းစေသော အမျိုးသမီးဟုဆိုလို၏။

၁၁။ ဓနက္ကီတာ= ရွှေ၊ငွေ အစရှိသော ပစ္စည်းဥစ္စာဖြင့် ၀ယ်ယူ ထားသော အမျိုးသမီး။ ကြွေးပြန်မဆပ်နိုင်သဖြင့် အသိမ်းခံရသော အမျိုးသမီးလည်း ပါဝင်၏။

၁၂။ ဆန္ဒ၀ါသိနီ= သူ၏ မယားဖြစ်ဖို့ရန် သဘောတူသဖြင့် မိန်းကလေးကိုယ်တိုင် ဆန္ဒတူချစ်ကြိုက်သဖြင့် ယောက်ျားအိမ်သို့သွားရောက်နေထိုင်သောအမျိုးသမီး။ မိဘစသည်တို့က သဘောမတူ၍ နှစ်ဦးသဘောတူ ထွက်ပြေးပေါင်းသင်းနေထိုင်သော အမျိုးသမီး(ခိုးရာလိုက်လာသော အမျိုးသမီး) အမျိုးသမီးမျိုးဖြစ်၏။

၁၃။ ဘောဂ၀ါသိနီ =ဆင်းရဲလှသဖြင့် မောင်း၊ကျည်ပွေ့၊ ပုဂံ ခွက်ယောက် အစရှိသော အိမ်အသုံး အဆောင်ဖြင့် ပေးသူ(သို့မဟုတ်) တင်တောင်းသူယောက်ျားထံ မယားအဖြစ်ခံယူသော အမျိုးသမီး။

၁၄။ ပဋ၀ါသီနီ = ရွှေ၊ငွေ၊အ၀တ်၊ထဘီ စသောအဝတ်တန်ဆာပေးသောယောက်ျားထံ မယားအဖြစ် ခံယူ နေထိုင်ပေါင်းသင်းနေသော အမျိုးသမီး။

၁၅။ သြဒပတ္တကိနီ= ရေခွက်တွင် လက်ဆုံချ ထိမ်းမြားထားသောအမျိုးသမီး။ရေခွက်၌ နှစ်ယောက်လုံး ၏ လက်ကိုချစေ၍ “ဤရေခွက်၌ ရေသည်မကွဲမပြား တစ်သားတည်းတည်နေသကဲ့သို့ သင်တို့ ဇနီးမောင်နှံလည်း မကွဲမပြားတည်နေကြပါစေ” ဟု လူကြီးများက ပြောဆိုထိမ်းမြားပေးသော အမျိုးသမီး။

၁၆။ သြဘတ စုမ္ဗိတာ = ခေါင်းပေါ်က ခေါင်းခုကျသွားသော အမျိုးသမီး။ ဦးခေါင်းပေါ် ခေါင်းခုတင်ပြီး ထင်း စသည်ရောင်း၍ အသက်မွေးရသည့် သူဆင်းရဲမကလေးကို အချို့က မယားအဖြစ် အတည်ယူလိုက်သောအခါ ထမ်းရွက်ပြီး မရောင်းရတော့ပြီဖြစ်၍ ခေါင်းပေါ်က ခေါင်းခုကျသွားသော အမျိုးသမီးဖြစ်၏။

၁၇။ ဒါသီဘရိယာ= ကျွန်မလေးကိုပင် မယားအဖြစ် တရားဝင် ယူထားသောအမျိုးသမီး။

၁၈။ ကမ္မကာရီ ဘရိယာ = အိမ်တွင်ခိုင်းထားသည့် ကလေးမကို မယားအဖြစ် တရားဝင်ယူထားသော အမျိုးသမီးဖြစ်သည်။

၁၉။ ဓဇာဟတာ= စစ်နိုင်သဖြင့်သုံးပန့်အဖြစ် သိမ်းပိုက်ထားသော အမျိုးသမီးအား မယားအဖြစ် တရားဝင်ယူထားထားသော အမျိုးသမီး။

၂၀။ မုဟုတ္တိကာ = အခကြေးငွေပေး၍ ခဏခေတ္တမျှပေါင်းဖော်ရန် ငှားရန်း ထားသော ပြည့်တန်ဆာ ကဲ့သို့သောအမျိုးသမီး တို့ဖြစ်ကြသည်။

“မိန်းမများနှင့် ကာမေသုမိစ္ဆာစာရကံ”
++++++++++++++++++++++

ယောက်ျားများ မသွားမလာထိုက်သော မိန်းမ(အဂမနီယဝတ္ထု) နှစ်ဆယ်တွင်မိခင်စောင့်ရှောက်ထား သူ မိန်းအထိ (၈)ယောက်တို့ကား ကာမပိုင်လင်ယောက်ျားများ မရှိသေးသော အပျိုမိန်းကလေးများ ဖြစ်ကြ၏။ ထိုအပျိုမိန်းကလေးများကို စောင့်ရှောက်နေကြသည့် အမိ၊ အဖ၊ ညီ၊ အစ်မ၊ မောင်ကြီး၊ မောင်ငယ်တို့ စသည်တို့မှာ ယောက်ျားတစ်ပါးတို့နှင့် မှောက်မှားမှား မဖြစ်ပွားရန် ကာကွယ် စောင့်ရှောက် ရသည့်တာဝန် သာရှိကြ၏။ ထိုအပျို(၈)မျိုးတို့၏ ဖောဋ္ဌဗ္ဗာရုံကာမအတွေ့အထိကို ပိုင်ဆိုင်သူများလည်းမဟုတ်၊ ထိုကာမအတွေ့အထိကို ခံစားဖို့ စောင့်ရှောက်ကြသည်လည်းမဟုတ်၍ ထိုအပျို(၈)မျိုးတို့သည် မိမိတို့ကာမအတွေ့ကို မိမိတို့သာ ပိုင်ဆိုင်ကြရကား ကာမပိုင်ဆိုင်သူမရှိကြ သောကြောင့် “အသာမိက” များဖြစ်ကြသည်။

ထို့ကြောင့် ထိုအပျို(၈)မျိုးတို့သည် မိမိတို့ပိုင်ဆိုင်သော
ကာမအတွေ့အထိကို မိမိတို့သဘော ဆန္ဒအတိုင်း ပေးခွင့်ရှိ၍ ယောက်ျားတစ်ဦးဦးနှင့်ပေါင်းသင်းဆက်ဆံရာ၌ ထိုအပျို(၈)မျိုးတို့အား ကာမေသုမိစ္ဆာစာရကံ မထိုက်ချေ။ သို့ရာတွင် အပျိုများနှင့် ပေါင်းသင်းဆက်ဆံသူ ယောက်ျားတို့မှကား အမိ အဖစသည်တို့က စောင့်ရှောက်ထားသူကလေးများ ဖြစ်သောကြောင့် ကာမေသုမိစ္ဆာစာရကံ ထိုက်ကြသည်ဟု ဝိပတိနောဒနီဋီကာ စသည်တို့၌ ဖော်ပြထား၏။ ဤသည်မှာ အပျိုမိန်းကလေးများ ကာမေသုမိစ္ဆာစာရကံ မထိုက်ပုံဖြစ်၏။ မိန်းကလေးများ ကာမေသုမိစ္ဆာစာရကံမထုိုက်သော်လည်း အပြစ်ကတော့ ရှိနေမည်ဖြစ်ပါ၏။

အမှတ်(၉) မင်းပြစ်မင်းဒဏ် မကင်းသော မိန်းမမှစ၍ အမှတ်(၂၀) ခဏခေတ္တပေါင်းသင်း ရသော ပြည့်တန်ဆာကဲ့သို့သော မယား(၁၂)ယောက်တို့ကား မိမိတို့ ကာမအတွေ့အထိကို ပိုင်ဆိုင်ထားသည့် လင်ယောက်ျားများ အသီးသီးရှိကြပြီး ဖြစ်ပါသည်။ မင်းပြစ်မင်းဒဏ် မကင်းသော မိန်းမနှင့် အစောင့်အရှောက်ရှိသော မိန်းမနှစ်မျိုးတို့မှာ ကာမပိုင်လင်ယောက်ျား အထင်အရှား မရှိသေးသော် လည်း မယားအဖြစ် သိမ်းပိုက်ရန် ရည်ရွယ်ထားပြီးဖြစ်၍ မယားမျိုးတွင် ပါဝင်ခြင်းဖြစ်၏။
ထို့ကြောင့် ထိုမယား(၁၂)မျိုးတို့တွင် မိမိပိုင် ယောက်ျားတို့နှင့်သာ ဆက်ဆံပေါင်းသင်းပျော်ပါးခြင်း အခွင့်ရှိကြသည်။ အခြားယောက်ျားများနှင့်လွန်ကျူးပျော်ပါးလျှင် မိမိယောက်ျားပိုင်သော ကာမအတွေ့အထိကို ခိုးပေးရာရောက်သောကြောင့် ပျော်ပါးကြသူ မိန်းမယောက်ျားနှစ်ဦးသားလုံး ကာမေသုမိစ္ဆာစာရကံ ထိုက်ပါသည်။

အကြောင်းအရာနှင့်ပတ်သတ်၍ မန်လည်ဆရာတော်ဘုရားကြီးက ပဟေဠိဆန်ဆန် မေးမြန်းလျှောက်ထားသည်ကို မင်းကွန်းအလယ်တောရဆရာကြီးများ၏ အမေး အဖြေကို ဖော်ပြလိုက်ပါသည်။
မန်လည်ဆရာတော်ဘုရားကြီးအမေး

(၁)။ ကိုယ့်ဟာကို ကိုယ်ပေးလျက်၊ လေးပါယ်ဝကျသူ၊ ဘယ်လူတို့လေသိ။
(၂)။ ကိုယ်ဟာကို ကိုယ်ခိုးလို့ အကျိုးမဲ့ အပါယ်ဝင်၊ အကယ်ပင်မလွဲ။ သည်အရာ၊ ဘယ်ပုဂ္ဂိုလ် ဘယ်စေတနာနှင့် ဘယ်ဟာကို ဘယ့်နှယ် ခိုးသာမို့၊ ဆိုးရသလဲ။
မင်းကွန်းဆရာတော်ဘုရားကြီးအဖြေ။

(၁)။ ကိုယ့်ဟာကို ကိုယ်ပေးလျက်၊ လေးပါယ်ဝကျသူ၊ ဤသူတို့ပင်ပဲ။ ဆန်းတစ်ဖြာ၊ တစ်ခန်းငယ် တစ်ပုံသာပ၊ ကျမ်းဂန်လာ
အိမ်ရှင်မတို့မှာ ထူးနိုင်မျှနဲ့။
(၂)။ ကိုယ့်ဟာကို ကိုယ်ခိုးလို့ အကျိုးမဲ့ အပါယ်ဝင်၊ အကယ်ပင်မလွဲ၊ သည်နည်းတွင် သည်အိမ်ရှင်၊ ဟိုစေတနာနှင့်၊ ဟိုဟာကို
တိတ်တိတ်ခိုးသာမို့ ဆိုးရသပဲ။

လင်ရှိသော အိမ်ရှင်မတို့သည် ကိုယ့်ကာမ ကိုယ့်ဖဿကို မိမိလင်ယောက်ျားမှတစ်ပါး အခြားသောသူအားပေးလျှင် အပါယ်သို့ကျသည်ဖြစ်ကြောင်း နိစ္ဆဝိတ္တိဝတ္ထုကိုစသည်ကိုထောက်၍ သိအပ်၏။ ပါရာဇိကဏ်အဋ္ဌကထာ၊ နိဒါနဝဂ္ဂ၊ လက္ခဏသံယုတ် အဋ္ဌကထာတို့၌ “နိစဝ္ဆိတ္တိဝတ္ထု၌ အိမ်ရှင်မတို့မည်သည်
မိမိ၏ကာမအတွေ့ကို အစိုးမရ မပိုင်ဆိုင်ကြသောကြောင့်
ထိုအိမ်ရှင်မသည် ခင်းပွန်းသည်ပိုင်ဆိုင်သော ကာမအတွေ့ကို
ခိုး၍ အခြားယောက်ျားတို့နှင့် ပျော်ပါးခဲ့လျှင် ကျူးလွန်ခဲ့သော ကံနှင့် သဘောတူစွာ ဒုက္ခအတွေ့အထိကိုခံစားရန်အတွက် အရေမရှိသော မိန်းမဖြစ်ရသည်” ဟု မိန့်ဆိုထားကြသည် စသည်ဖြင့် ပြန်လည်ဖြေကြားလိုက်ပါသည်။

ယောက်ျားသားများ အနေဖြင့် ဤဖော်ပြခဲ့သော
မသွားမလာထိုက်သည့် အမျိုးသမီး (အဂမနီယဝတ္ထု)
နှစ်ဆယ်လုံးသည် ယောက်ျားများနှင့် သက်ဆိုင်သည်။
ယောက်ျားများသည် အမျိုးသမီး နှစ်ဆယ်အနက်
မည့်သည့်အမျိုးသမီးကိုမျှ အမျိုးသမီးက သဘောတူသည်ဖြစ်စေ၊ မတူသည်ဖြစ်စေ ပေါင်းဖက်စက်ယှက်မှု မပြုရချေ။ ထိုအမျိုးသမီးတစ်ဦးဦးကိုပေါင်းဖက်စက်ယှက်မှုပြုလျှင်
ကာမေသုမိစ္ဆာစာရကံ ထိုက်တော့သည်။
အကြောင်းမှာ “သူတစ်ပါးတို့ လုံခြုံစွာ စောင့်ရှောက်
တားမြစ်ထား၍ မိမိပိုင်ဥစ္စာမဟုတ်သောကြောင့်ဖြစ်သည်” ဟု ဝိမတိဝိနောဒနီဋီကာ၌ ဖွင့်ဆိုထား၏ ။
ထို့ကြောင့် “မိန်းမနှစ်ကျိပ်၊ ပျော်ကြောင်းသိပ်လည်း
မအိပ်လေရာ” ဟု ရှေးဆရာတို့ ဆုံးမခဲ့ခြင်းဖြစ်သည်။

ဖော်ပြခဲ့သည့် မိန်းမနှစ်ကျိပ်အနက် နောက်ဆုံးနှစ်ဆယ်မြောက်ဖြစ်သည့်
“မုဟုတ္တိကာ မယား”ဆိုသည်မှာ အတည်အမြဲမဟုတ်ဘဲ ရက်အနည်းငယ်မျှ
တစ်ညမျှ တစ်ခဏမျှ ဥစ္စာ အခကြေးငွေပေးပြီး ပေါင်းသင်းဆက်ဆံသည့်
ပြည့်တန်ဆာကဲ့သို့သော ခေတ္တမယားမျိုးဖြစ်၏။ ထိုခေတ္တမယားမျိုးကို ရက်ပိုင်း ညပိုင်းနှင့်အခကြေးငွေပေးကာ မယားပြုနေသူ ရှိနေစဉ်အတွင်း ကြားပေါက် ဝင်ရောက် ကျူးလွန်းခဲ့လျှင် ဤကံထိုက်သည်။

မယားပြုသူမရှိဘဲ အားနေသည့် ပြည့်တန်ဆာမမျိုးကို
မိန်းမထိန်းထံ အခကြေးငွေပေးပြီး ပျော်ပါးသူများမှာ
ကံမထိုက်ဟု ဆရာတော်ကြီးများ ဆုံးဖြတ်ထား၏။

ရူးနေသည့် အမျိုးသမီးများနှင့် ပတ်သတ်၍ မိဘစသည်တို့ အုပ်ထိန်းမှုရှိနေသေးသည့် အရူးအမျိုးသမီးကို
ပေါင်းသင်းဆက်ဆံလျှင် အမျိုးသားမှာ ကံထိုက်သည်။
အုပ်ထိန်းသူမရှိလျှင် ကံမထိုက်ဟု အဆုံးအဖြတ်ရှိပေသည်။

အလိုတူဆန္ဒတူမျှ၍

ပေါင်းသင်းနေထိုင်သောမယား(ဆန္ဒဝါသိနီ)နှင့်
ပတ်သတ်၍ နှစ်ဦးသဘောတူ ချစ်ကြိုက်နေသော
အမျိုးသမီးကို ရည်စားဘဝ၌ ပေါင်းသင်းဆက်ဆံလျှင်
မိန်းကလေးက သဘောတူသော်လည်း
မိဘစသည်စောင့်ထိန်းသူများ ရှိနေသောကြောင့်
ယောက်ျားလေးမှာ ကံထိုက်၏။ မိန်းကလေးက
ဆန္ဒတူသဖြင့် ထွက်ပြေးပြီးပေါင်းသင်းနေထိုင်ကြရာ၌ မိဘတို့ သဘောမတူစေကာမူ ဆန္ဒဝါသိနီ မယားအရာမြောက်သောကြောင့် ကံမထိုက်ဟု ဖြေကြားလိုက်ပါသည်။

၁။ မိမိ ကာမပိုင် မယားမှ တပါး ၊
တစ်ပါး တခြားသော မိန်းမများကို ခိုး ပေါင်းပင်းသော ယောက်ျား။

၂။ မိမိကာမပိုင် လင်မှ တစ်ပါး ၊
တစ်ပါး တခြားသော ယောက်ျားများနှင့် ခိုးပေါင်းပင်းသော မိန်းမ။

ထိုနှစ်ဦး နှစ်ဝတို့  ခံကြရမည့် ဆိုးကျိုးများ မှာ -

၁ ။ အုပ်ထိန်းသူတို့  စိတ်အထင့် တနင့်နင့် အလိုက် မြှားလှံတို့ ဖြင့် ထိုးကျင့်ခံရတော့အံ့။

၂ ။ အုပ်ထိန်းသူတို့  ဘေးကျပ်နံကျပ်အလိုက် နံပါးနှစ်ဖက် သွေး အလိမ်းလိမ်း ယိုထွက်အံ့။

၃ ။ အုပ်ထိန်းသူတို့  ခေါင်းပူသည့်အလိုက် ဦးခေါင်းထက်သို့  မီးကျီးမိုး စသည် ကျရောက်အံ့၊
တဖန် သူအချင်းချင်း ရမ္မက် ပူတိုက် မိတ်လိုက်မူကား

၁။ တက်လျှင်ကား ဆူး ၊ အောက်လှည့်ဆင်းပြန်သော် ဆူးအထက်ထောင်ထားသော လက်ပံပင် ငရဲ ...၊

၂။ သံရေ ပမာ အပူ သံရွက်ပမာ ကြာရွက်၊သန်လျက်ပမာ ကြာဆူးတို့ ဖြင့် ပြည့်နှက်နေသော ကြိမ်ပိုက်ချောင်းငရဲ ၊ ထို ငရဲ နှစ်မျိုး တို့ တွင် ခံရအံ့။

ဒီဘာသာရေးဆောင်းပါးဟာ ကျွန်တော်ရေးတာမဟုတ်ပါဘူး ဘုန်းဘုန်းတွေရေးတာကိုတင်ပြလိုက်ခြင်းဖြစ်ပါတယ် ဘုန်းဘုန်းတွေလည်းသက်တော်ရာကျော်ရှည်ကြပါစေအမျိုးသမိးတွေလည်းအမျိုးသားတွေလည်း မောင်နှမစိတ်ဓါတ်တွေနဲ့ကာကွယ်စောင့်ရှောက်နိုင်ပါစေလို့။
                            
KML

ကာမေသုမိစ္ဆာစာရကံ နှင့်ပတ်သက်၍ အမေး/အဖြေများအား ပို့စ်တစ်ခုတည်း တင်မရသည့်အတွက် အပိုင်းများဖြင့် မျှဝေလိုက်ရပါသည်။

http://maungmaungmyint.blogspot.com/2014/02/blog-post_7610.html  မှ ကူးယူဖော်ပြပါသည်။