ပြုလုပ်ထားသော ကုသိုလ်ကံ အကုသိုလ်ကံတို့၏ တည်ရှိရာနေရာဒေသကို ပြနိုင်ပါသလား
============================
ဒကာ= အရှင်ဘုရား လူတစ်ယောက်ပြုလုပ်ထားသော ကုသိုလ်ကံ အကုသိုလ်ကံတို့၏တည်ရှိရာနေရာကို ပြနိုင်ပါသလား။
ဆရာ= ကုသိုလ်ကံ အကုသိုလ်ကံတို့သည် အရိပ်ပမာနောက်ကသာ အစဉ်လိုက်လေကုန်၏။
ဒကာ= အရှင်ဘုရား အဲဒီကံတရားများသည် (ခန္ဓာကိုယ်၏ ဘယ်အစိတ်အပိုင်း၌တည်ရှိ၏ဟု) တည်ရှိရာနေရာဒေသကို ပြနိုင်ပါသလားဘုရား။
ဆရာ= မပြနိုင်ပါ။
ဒကာ= ဒါဆို ကုသိုလ်ကံ အကုသိုလ်ကံဆိုတာ မရှိ။
ဆရာ= ရှိပါ၏။
ဒကာ= ဥပမာဖြင့် တပည့်တော် နားလည်အောင် ရှင်းပြပေးတော်မူပါဘုရား။
ဆရာ= ဒကာ..သစ်ပင်တစ်ပင်၌ အသီးမသီးရသေးသောသစ်သီးတို့သည် မသီးခင် ပင်စည်၏ဘယ်နေရာဌာန၌တည်ရှိ၏ဟု ပြခြင်းငှါတတ်နိုင်ပါသလား။
ဒကာ= မှန်ပါ ပြခြင်းငှါ မတတ်နိုင်ပါဘုရား။
ဆရာ= အေး... ထို့အတူပဲ အကျိုးမပေးသေးသော ကုသိုလ်ကံ အကုသိုလ်ကံတို့သည် ခန္ဓာကိုယ်၏ ဘယ်အစိတ်အပိုင်းမှာ တည်ရှိနေ၏ဟု ပြခြင်းငှါ မတတ်နိုင်ပေ။
ဒကာ= မှန်ပါ အရှင်ဘုရား၏အဖြေ လျော်ကန် လျောက်ပတ် သင့်မြတ်ပါပေ၏။ ကျေးဇူးကြီးမားလှပါတယ်အရှင်ဘုရား။
မိလိန္ဒပဉှာ (၇၆)
ဦးနန္ဒာစာရ (မုံရွာ)
MS
No comments:
Post a Comment