တန်ဆောင်မုန်း လပြည့်နေ့ အကြောင်း (သိပ္ပံ)
၂၀၁၇ ခုနှစ်အတွက် နိုဝင်ဘာလ (၄) ရက်နေ့ဟာ အမှန်တကယ် လပြည့်မယ့် တန်ဆောင်မုန်းလပြည့်ည ဖြစ်ပါတယ်။ (ပြက္ခဒိန်ရက်နဲ့ တစ်ရက်ကွာပါတယ်။)
တန်ဆောင်မုန်းလကို ပုဂံခေတ်က "တန်ဆောင်မှုန်" လို့ ရေးသားကြပါတယ်။ အင်းဝခေတ်ရောက်မှ တန်ဆောင်မုန်း လို့ ရေးသားခဲ့ကြတာပါ။
အဓိပ္ပါယ်ကတော့ မီးရှူး၊ မီးတိုင်များ ထွန်းလင်းသောလ လို့ ဆိုပါတယ်။
မြန်မာနိုင်ငံ သို့
မြတ်စွာဘုရား သာသနာမရောက်မီ (တနည်း) အရှင်အရဟံ ပုဂံ သို့ မရောက်မီကာလက "မီးနတ်" ဖြစ်သော ဖျောက်ဆိပ်ကြယ် (ကြတ္တိကာ နက္ခတ်) ကို မီးရှူးတိုင်များဖြင့် ပူဇော်ကြတာဖြစ်ပြီး..
မြတ်စွာဘုရား သာသနာတော် ပျံ့ပွားခဲ့ချိန်မှာတော့ ဆံတော်ကိန်းဝပ်ရာ တာဝတိံသာမှ စူဠာမဏိစေတီစေတီကို ရည်မှန်းပြီး ပူဇော်ကြပါတယ်။ ယခုခေတ်မှာတော့ မီးရှူးတိုင်များအပြင် မီးပုံးပျံများကိုပါ ရည်စူးလွှတ်တင်ကြပါတယ်။
တန်ဆောင်မုန်းလရဲ့ ရာသီပန်းကတော့ ခဝဲပန်း ဖြစ်ပါတယ်။ တန်ဆောင်မုန်းလပြည့်ညမှာ အဇာတသတ်မင်းဟာ ရဟန်းဝတ်ရခြင်း ရလာဘ်ကိုသိလို၍ မြတ်စွာဘုရားထံမှ သာမညဖလ သုတ်တော် (ရဟန်းဝတ်ခြင်း အကျိုး) ကို နာယူခဲ့ရတဲ့အတွက် ဒီနေ့ကို "သံဃာတော်များနေ့" (သို့မဟုတ်) "သာမညဖလ အခါတော်နေ့" လို့လည်း ခေါ်ဆိုကြပါတယ်။
သံဃာတော်များကို ရည်စူးပြီး ကထိန (ကထိန်) သင်္ကန်း၊ မသိုးသင်္ကန်းများကိုလည်း ရက်လုပ် လှူဒါန်း ပူဇော်ကြပါတယ်။ (တန်ဆောင်မုန်းလပြည့်နေ့  မှ နောက်တစ်ရက်မကူးမီအချိန်ထိ ယက်လုပ်ချုပ်ငင်ရသော သင်္ကန်းကို “မသိုးသင်္ကန်း” ဟုခေါ်ဆိုခြင်း ဖြစ်သည်။)
"သာရကော မုဒိ" ဆေးကျမ်းလာအရ တန်ဆောင်မုန်းလပြည့်ညမှာ ဆေးပင်များကို စောင့်ရှောက်ကြသော နတ်မင်း အားလုံးဟာ မယ်ဇလီပင်စောင့်သော နတ်မင်းအား လာရောက် ဂါရဝပြုကြတယ်လို့ ဆိုပါတယ်။ အဲ့ဒါကြောင့်လဲ ထိုနေ့ညမှာ မယ်ဇလီဖူးသုပ်စားလျှင် ဆေးပေါင်းခပြီး ရောဂါဝေဒနာများ ပျောက်ကင်းကြတယ်လို့လည်း ယုံကြည်ကြပါတယ်။
တန်ဆောင်မုန်းလပြည့်ညမှာ လမင်းရောက်ရှိနေမယ့် နေရာဟာ Aries လို့ခေါ်တဲ့ မိဿရာသီ ကြယ်တာရာ (နက္ခတ်) ဖြစ်ပြီး လတ္တိကျူ့ အမြင့်ပိုင်းမှာ ရောက်ရှိနေတဲ့အတွက် ညနေပိုင်းလောက်ကတည်းက လဟာ တော်တော်မြင့်မြင့်လောက်ကို ရောက်ရှိနေမှာပါ။ လပြည့်တဲ့ တန်ဆောင်မုန်လ္ဆန်း (၁၅)ရက် နိုဝင်ဘာ(၄)ရက် နောက်ပိုင်းမှာတော့ တစ်ရက်ကို တစ်နာရီခန့် နောက်ဆုတ် ထွက်ပေါ် သွားမှာဖြစ်ပြီး လဆုတ်ရက်များမှာတော့ သန်းခေါင်ကျော် နံနက်ခင်းပိုင်းမှ ပေါ်ထွက်လာမှာဖြစ်ပါတယ်။
လက်ရှိ လမင်း ရောက်ရှိနေတဲ့ အကွာအဝေးကတော့ ကမ္ဘာမှ မိုင်ပေါင်း ၂၂၆၀၀၀ (၃၄၆၀၀၀ ကီလိုမီတာ) အကွာမှာပဲ ဖြစ်ပါတော့တယ်..။
Credit -
အနာဂတ်ပညာရေးအတွက်..
သန့်ဦး (အာကာသနှင့် စကြဝဠာ)
မြန်မာ့သတင်း
No comments:
Post a Comment