``မြန်မာ့သူရဲကောင်း သံဃာတော်များနှင့် မိစ္ဆာဒိဋ္ဌိတို့ရဲ့သွားရာလမ်း´´
===မောင်သွေးချွန်==
****************************************
နိုင်ငံတော်တည်ငြိမ်အေးချမ်းနေချိန်မှာသံဃာတော်တွေဟာ ပရိယတ္တိ၊ ပဋိပတ္တိလုပ်ငန်းတာဝန်တွေကို ချမ်းချမ်းသာသဆာင်ရွက်နိုင်ကြတယ်။
နိုင်ငံတော်ကြီး ဘေးအန္တရာယ်တွေ ကျရောက်လာချိန်မှာတော့ သံဃာတော်တွေ မနေသာတော့ဘဲ နိုင်ငံအရေးကိုရှေ့တန်းက စွမ်းစွမ်းတမံ ဆောင်ရွက်ခဲ့တာ
ပုဂံခေတ်ကစပြီး ဒီနေ့အချိန်ထိဖြစ်တယ်။
ပုဂံခေတ်မှာ မွန်ဂိုတရုတ်စစ်ဘေးကြီးကျရောက်လာတော့ ဘုရင်နဲ့ မှူးမတ်တွေ ထွက်ပြေးခဲ့ပေမယ့် ရှင်ဒိသာပါမောက်က ရှေ့ထွက်ပြီး စစ်ပြေငြိမ်းရေးဆောင်ရွက်ကာ နိုင်ငံတော်ကြီးကို ကယ်တင်နိုင်ခဲ့ပါတယ်။ အင်းဝခေတ်မှာလည်း ရာဇဓိရာဇ်ရဲ့ ဟံသာဝတီစစ်တပ်ကြီးက အင်းဝကို ဝင်းရံပိတ်ဆို့သိမ်းပိုက်လုဆဲဆဲစကြိုသူမြတ်ဆိုတဲ့ ရဟန်းတော် ရှေ့ထွက်ပြီးငြိမ်းချမ်းရေးတရားဟောနိုင်ခဲ့တဲ့အတွက်ရာဇာဓိရာဇ်ရဲ့ စစ်တပ်ကြီး နောက်ကြောင်းပြန်လှည့်သွားခဲ့တယ်။
အနော်ရထာ၊ ကျန်စစ်သား၊ အလောင်းစည်သူတို့ အောင်မြင်ခဲ့တာ အရှင်အရဟံဦးဆောင်တဲ့ သံဃာတော်များရဲ့ စောင့်ရှောက်မှု၊လမ်းညွှန်မှု၊ ကျေးဇူးပြုမှုတွေကြောင့်ပါပဲ။ ပုဂံခေတ်မှသည် ကုန်းဘောင်ခေတ်အထိ နိုင်ငံတော်ကြီး မတိမ်းစောင်းအောင် ထိန်းကျောင်းတည့်မတ်ပေးခဲ့တာ သံဃာတော်အရှင်သူမြတ်များပဲဖြစ်ပါတယ်။
နယ်ချဲ့ကုလားဖြူမိစ္ဆာဒိဋ္ဌိ အင်္ဂလိပ်တွေမြန်မာပြည်ကို စတင်သိမ်းပိုက်ချိန်ကစပြီး လွတ်လပ်ရေးရတဲ့အထိ အမျိုးသားလွတ်မြောက်ရေးတိုက်ပွဲအဆင့်ဆင့်မှာ သံဃာတော်တွေ ရှေ့တန်းကပါဝင်ခဲ့တာချည်းပါပဲ။
ဒါကြောင့်ကုလားဖြူမိစ္ဆာဒိဋ္ဌိအစိုးရက သံဃာတော်တွေကို ရန်သူလို့သတ်မှတ်ပြီး နှိပ်ကွပ်နှိမ်နင်းခဲ့တယ်။ သံဃာကျဆုံးရင် ဗုဒ္ဓသာသနာတော်ကြီး ဗုံးဗုံးလဲပြီး မြန်မာတစ်မျိုးသားလုံးကိုနဖားကြိုးထိုးနိုင်လိမ့်မယ်လို့ ယူဆပြီး အင်္ဂလိပ်က သံဃာတော်တွေကို နှိမ်နင်းခဲ့တာဖြစ်ပါတယ်။
ကုလားဖြူမိစ္ဆာဒိဋ္ဌိတွေ မန္တလေးရွှေမြို့တော်ကြီးကို သိမ်းပြီးစ ပထမဆုံးလုပ်တဲ့အလုပ်ဟာ ပိဋကတ်သုံးပုံနဲ့ ယဉ်ကျေးမှုအမွေအနှစ်ပေစာ၊ ပုရပိုက်စာတွေကို မီးရှို့ဖျက်ဆီးပစ်ခြင်းပဲဖြစ်ပါတယ်။ နန်းမြို့ရိုးကြီးထဲက ပေါ်ထွက်လာတဲ့ မီးတောက်မီးလျှံတွေဟာ ပိဋကတ်စာပေတွေကို မီးရှို့နေတာဖြစ်ကြောင်း သိရတဲ့အခါသံဃာတော်တွေဟာ စိတ်မထိန်းနိုင်တော့ဘဲသင်္ကန်းခါးတောင်းကျိုက် နန်းမြို့ရိုးကိုကျော်တက်ပြီး မိစ္ဆာဒိဋ္ဌိကုလားဖြူတွေကို ကိုယ်ထိလက်ရောက် တိုက်ခိုက်ဆုံးမခဲ့ကြတော့တယ်။
(ညွှန်း - ၁၉၉၅ မေလထုတ် ဆရာမြသန်းတင့်ရဲ့တောင်သမန်ရွှေအင်းက လေညင်းဆော်တော့)ကုလားဖြူမိစ္ဆာဒိဋ္ဌိတွေဟာ မြန်မာပြည်ကို သိမ်းပိုက်နိုင်ခဲ့ပေမယ့် တည်ငြိမ်အောင် အုပ်ချုပ်လို့မရခဲ့တာ သံဃာတော်များရဲ့ ထကြွတော်လှန်မှုကြောင့်ပါပဲ။
မျက်နှာဖြူအရာရှိတစ်ဦးဖြစ်တဲ့ ဆရာကြီးဖာနီဗယ်ကိုယ်တိုင်က မြန်မာ့နိုင်ငံရေးမှာ သံဃာတော်များရဲ့ အခန်းကဏ္ဍဟာ အလွန်အံ့သြလေးစားဖွယ်ရာကောင်းတယ်လို့ မှတ်တမ်းတင်ခဲ့ရတဲ့အထိပါပဲ။ မိစ္ဆာဒိဋ္ဌိကုလားဖြူအစိုးရဟာ သံဃာတော်တွေကို'ရန်သူတော်'လို့ သတ်မှတ်တဲ့အထိ မျက်မုန်းကျိုးခဲ့ပါတယ်။
ဒါ့ကြောင့် မျက်နှာဖြူအစိုးရဟာBURMA LISTလို့ခေါ်တဲ့ 'ရန်သူတော်စာရင်း'ကို လျှို့ဝှက်ပြုစုခဲ့ရာမှာ သံဃာတော်တွေအများအပြား ပါဝင်နေတာ တွေ့ခဲ့ရပါတယ်။အင်္ဂလိပ်အစိုးရရဲ့ ရန်သူတော်စာရင်းကို 'မြန်မာသူရဲကောင်း ဗြိတိသျှရန်သူတော်'အမည်နဲ့သခင်ကျော်စိန်က ရေးသားပြုစုခဲ့ပြီး ၂ဝ၁၄ဇွန်လမှာ နေရီရီစာအုပ်တိုက်က ပုံနှိပ်ထုတ်ဝေခဲ့ပါတယ်။
'၁၉၄၂ ခု၊ ဇန်နဝါရီ ၁ ရက်နေ့အထိလျှို့ဝှက် ဗမာနိုင်ငံစာရင်း(BURMA LIST)ခေါ် 'နယ်ချဲ့စနစ်၏ ရန်သူတော်များစာရင်း'ဆိုင်ရာ စာရွက်စာတမ်းများမှာ နယ်တစ်နယ်ရှိစီရင်စုရုံးစိုက်ရာ မြို့တစ်မြို့တွင် ဗြိတိသျှအရာရှိများက လျှို့ဝှက်စာတမ်းများကို ဧပြီလတွင်မီးရှို့ဖျက်ဆီးခဲ့ရမည်ဟူသော ညွှန်ကြားချက်အရ ၁၉၄၂ ခု အိန္ဒိယသို့ ဆုတ်ခွာမည့်ဆဲဆဲတွင်မီးပုံရှို့ထားသည့် မီးပုံထဲမှာ ဆွဲထုတ်ဆယ်ယူထားခဲ့သော စာရွက်စာတမ်းများဖြစ်ပါသည်။ထို့ကြောင့် အချို့စာတမ်းများကို အပြည့်အစုံရရှိပြီး အချို့ကို မရရှိခဲ့ပါ'လို့ သခင်ကျော်စိန်ရဲ့မှတ်ချက်အကျဉ်းမှာ တွေ့ရပါတယ်။ဗြိတိသျှအစိုးရက ရန်သူတော်လို့ သတ်မှတ်ခံရသူတွေကို ၂၄ နာရီစောင့်ကြည့်ခဲ့ကြောင့်လည်း မိတ်ဆက်ဖော်ပြထားပါတယ်။
'ဤရန်သူတော်စာရင်းတွင် ဖော်ပြထားခြင်းခံရသူတို့မှာ ဗမာနိုင်ငံတွင် ဗြိတိသျှနယ်ချဲ့စနစ်အတွက် ထိထိရောက်ရောက် ကြောက်စရာကောင်းလှသော ဗမာနိုင်ငံမှ နိုင်ငံရေးသမားများဖြစ်ကြသည့်အတိုင်း စီအိုင်ဒီ (CID)ခေါ် မှုခင်းစုံစမ်းထောက်လှမ်းရေးဋ္ဌာန၏ကိုလိုနီထောက်လှမ်းရေးဋ္ဌာနခွဲမှ တစ်နေ့လျှင်၂၄ နာရီအပြည့်စောင့်ကြည့်နေကြရမည့်သူများ ဖြစ်ကြပါသည်'လို့လည်း အလေးအနက်မှတ် ချက်ပေးထားပါတယ်။
မိစ္ဆာဒိဋ္ဌိအစိုးရရဲ့ အဓိကရန်သူတော်အယောက် ၄ဝ မှာ သံဃာတော် ၁၁ ပါးပါဝင်နေတာကြည့်ရင် လွတ်လပ်ရေးတိုက်ပွဲရဲ့အဓိကခေါင်းဆောင်တွေထဲမှာ သံဃာတော်တွေက လေးပုံတစ်ပုံကျော် ပါဝင်နေတာတွေ့ရပါလိမ့်မယ်။ ရန်သူတော်စာရင်းမှာ နံပါတ်တစ်နေရာက စာရင်းသွင်းခံရသူကတော့အမျိုးသားစာဆိုတော်ကြီး ဆရာကြီးသခင်ကိုယ်တော်မှိုင်းဖြစ်ပါတယ်။
ဆရာကြီးသခင်ကိုယ်တော်မှိုင်းဟာအမျိုး ဘာသာ သာသနာအတွက် ကလောင်စွမ်းထက်ထက်နဲ့ ရေးသားလှုံ့ဆော်ခဲ့တဲ့အတွက်မိစ္ဆာဒိဋ္ဌိတွေရဲ့ ရန်သူနံပါတ်တစ်ဖြစ်ခဲ့ပါတယ်။
'၁၉၂၉ ခုနှစ်တွင် ရန်ကုန်ဗဟိုထောင်အတွင်း၌ ပျံလွန်တော်မူခဲ့သော ဦးဝိစာရကိစ္စနှင့်ပတ်သက်၍ ရန်ကုန်မြို့ပေါ်၌ ကျင်းပခဲ့သည့် လူထုအစည်းအဝေးများဝယ် သူ့အားထင်ရှားစွာ တွေ့ခဲ့ရသည်'လို့ အင်္ဂလိပ်တွေရဲ့မှတ်တမ်းမှာ ဖော်ပြထားပါတယ်။ သံဃာကိုထိရင် ခေါင်းငုံ့မခံတာ ဆရာကြီးသခင်ကိုယ်တော်မှိုင်းပါပဲ။ လွတ်လပ်ရေးကို လက်ဖြန့်ခံတောင်းနေလို့မရနိုင်၊ ပုန်ကန်ထြ<ွကမှ ရနိုင်မယ်လို့ လှုံ့ဆော်ဟောပြောခဲ့တာ ဆရာကြီးသခင်ကိုယ်တော်မှိုင်းပါပဲ။ ဆရာစံအရေးတော်ပုံကြီးကိုတရားတယ်လို့ ထောက်ခံခဲ့တဲ့အတွက် နယ်ချဲ့အစိုးရက ရန်သူတော်အဖြစ် သတ်မှတ်ခဲ့ပါတယ်။
ဆရာကြီးသခင်ကိုယ်တော်မှိုင်းလောက်နာမည်မကြီးပေမယ့် မိစ္ဆာဒိဋ္ဌိအစိုးရကို အားကောင်းမောင်းသန် တိုက်ပွဲဝင်ခဲ့သူကတော့ဆရာတော်ကြီးဦးကေတုဖြစ်ပါတယ်။ ဆရာတော်ကို နယ်ချဲ့အစိုးရက ရန်သူတော်နံပါတ်-၂ အဖြစ် သတ်မှတ်ပါတယ်။ ရန်သူတော်စာရင်းမှာ 'ဦးကေတု (ခေါ်) မောင်စံဖေ' ဖိုင်တွဲအမှတ်(4A - 31 of 1926) လို့ မှတ်တမ်းတင်ထားပါတယ်။ ဦးကေတုဟာ ကရင်အမျိုးသားတစ်ဦးဖြစ်ပြီး ၁၈၈၃ ခုနှစ်မှာ တွံတေးမြို့နယ်တွံတေးဝကျေးရွာမှာ ဖွားမြင်ခဲ့ပြီး အသက် ၁၂နှစ်မှာ ကိုရင်ဝတ်၊ အသက် ၂ဝ မှာ ရဟန်းဖြစ်ခဲ့ကြောင်း ဗြိတိသျှအစိုးရက မှတ်တမ်းတင်ထားခဲ့ပါတယ်။
'၁၉၂၂ တွင် ဦးဥတ္တမနှင့် ဆက်သွယ်မှုရပြီး ၁၉၂၂ ခုနှစ်၊ ၁၉၂၃ ခုနှစ်၊ ၁၉၂၄ခုနှစ်များတွင် နိုင်ငံနှင့်အဝှမ်း ဦးဥတ္တမခရီးလှည့်လည်ရာနောက်သို့ သူလိုက်ပါခဲ့ပါသည်။သူသည် နိုင်ငံရေးကို စိတ်ဝင်စားနေပြီဖြစ်သော်လည်း ၁၉၂၆ ခုနှစ်၊ ဇန်နဝါရီလ ၂၁ ရက်သထုံစီရင်စု၊ မုက္ခုရွာ ဝံသာနုအစည်းအဝေး၌သဘာပတိအဖြစ် ဆောင်ရွက်သောအခါကျမှသာ ထူးထူးခြားခြား သွက်လက်စွာ လှုပ်ရှားလာခဲ့ပါသည်။
ပြန်လာသောအခါ ဗုဒ္ဓဘာသာပျက်စီးယိုယွင်းလာခြင်းမှ ပြည်သူတို့က ကာကွယ်စောင့်ရှောက်ကြပါရန် သူမေတ္တာရပ်ခံလက်မှတ်ရေးထိုးပြီး တစ်နိုင်ငံလုံး ဖြန့်ချိခဲ့သောစာရွက်စာတမ်းကို ထုတ်ဝေခဲ့ပါသည်။ ၁၉၂၆ခုနှစ်၊ ဧပြီလ ဘေးမဲ့ သံဃ သမဂ္ဂီတွင် ပါဝင်ကြသော ဘုန်းကြီးငယ်တစ်စုတို့ကို ထောင်အချခံ၊ အသက်အသေခံသည်အထိ ဥပဒေတွင်းနည်းဥပဒေနည်းမျိုးစုံတို့ဖြင့် အမျိုး ဘာသာသာသနာအကျိုး ဆောင်ကြဉ်းကြရန် ရည်ရွယ်ချက်ဖြင့် ဗမာနိုင်ငံဒီစတြိတ်ပေါင်းစုံ အမှုဆောင်ကောင်စီအမည်ဖြင့် အဖွဲ့သစ်တစ်ရပ်ထူထောင်လုပ်ကိုင်လာခဲ့ကြသည်'
(ဗြိတိသျှရန်သူတော် - စာ - ၂၄)ဦးကေတုဟာ မိစ္ဆာဒိဋ္ဌိအစိုးရကို အစာငတ်ခံဆန္ဒပြ အသက်အသေခံသွားတဲ့ ဆရာတော်ဦးဝိစာရရဲ့ တပည့်တစ်ဦးလည်းဖြစ်တယ်။ '၁၉၂၆ ခုနှစ်၊ နိုဝင်ဘာလ ၁ဝ ရက်ထိုအခါက သာယာဝတီအချုပ်တွင် အိန္ဒိယရာဇသတ်ကြီး ပုဒ်မ ၁၈၈ အရ ဖမ်းဆီးအရေးယူခံနေရစဉ် အစာငတ်ခံတိုက်ပွဲဝင်နေသည့်ပျံလွန်တော်မူပြီဖြစ်သော ဦးဝိစာရကို သွားရောက်တွေ့ဆုံခဲ့ပါသည်'လို့ နယ်ချဲ့အစိုးရရဲ့မှတ်တမ်းမှာ ဖော်ပြထားပါတယ်။ မိတ္ထီလာမှာပုဒ်မ ၁ဝ၇ နဲ့ ဖမ်းဆီးအရေးယူခံနေရတဲ့ ဦးဝိမလဗုဒ္ဓိကိုလည်း သွားရောက်တွေ့ဆုံခဲ့ပါတယ်။ဦးကေတုဟာ မည်သည့်ရာဇဝတ်ပြစ်မှုကိုမှ မကျူးလွန်ပါဘဲ မိစ္ဆာဒိဋ္ဌိအစိုးရက ရန်သူတော်နံပါတ်(၂)အဖြစ် စာရင်းသွင်းခဲ့ခြင်းဟာ- ဗုဒ္ဓဘာသာကို ပျက်စီးယိုယွင်းလာခြင်းမှ ပြည်သူတို့က ကာကွယ်စောင့်ရှောက်ကြပါရန်၊
- ထောင်အချခံ အသက်အသေခံပြီးအမျိုး ဘာသာ သာသနာအကျိုးဆောင်ရွက်ကြရန်၊တပ်လှန့်နှိုးဆော်လှုပ်ရှားခဲ့တဲ့အတွက်ရန်သူတော်အဖြစ် သတ်မှတ်ခဲ့ခြင်းဖြစ်ပါတယ်။
၁၉၂၇ ခုနှစ်မှာတော့ ဦးကေတုဟာတစ်ဆင့်တက်ပြီး
(၁) နိုင်ငံခြားတိုင်းပြည်လုပ်ပစ္စည်းများသပိတ်မှောက်ရေး၊
(၂) အခွန်မပေးရေးနှင့် အာဏာဖီဆန်မှု လှုပ်ရှားဆောင်ရွက်ရေး၊
(၃) ဝံသာနုအသင်းများ ထူထောင်ရေး၊
(၄) ဗုဒ္ဓဘာသာ သာသနာ ပျက်စီးယိုယွင်းလာသည့်အရေး၊
(၅) မန္တလေးတွင် ဖြစ်ခဲ့သော အဓိကရုဏ်းအရေး၊
(၆) သူ၏ စာချဆရာတော်ဖြစ်ခဲ့သော(ပျံလွန်တော်မူပြီဖြစ်သော ဦးဝိစာရ) ဆရာတော်အား တရားသူကြီးက 'မောင်မင်း'ဟုစော်ကားခဲ့သည်ဟူသော စွပ်စွဲချက်အရေး၊
(၇) တက္ကသိုလ် ရန်ပုံငွေအရေး(Theuniversity Endonment Fund)
(၈) မြူနီစပါယ်အုပ်ချုပ်မှုကို ဝေဖန်ရေး....တို့ကို -ဦးဥတ္တမရဲ့ ခရီးစဉ်တွေမှာ လိုက်ပါပြီးဟောပြောခဲ့တဲ့အတွက် ပုဒ်မ(၁၄၄)ဖြင့် တားဆီးပိတ်ပင်ခဲ့ပေမယ့် မလိုက်နာဘဲ ဆက်လက်ဟောပြောခဲ့တဲ့အတွက် ၁၉၂၇ ခုနှစ်၊ ဧပြီ၊ ၂၂ရက်မှာ အလုပ်ကြမ်းနှင့်ထောင်ဒဏ်(၆)လအပြစ်ပေးခြင်းခံခဲ့ရပါတယ်။ ထောင်ကထွက်လာပြန်တော့လည်း မိစ္ဆာဒိဋ္ဌိအစိုးရရဲ့ မတရားတဲ့ ဥပဒေတွေကို ဆန့်ကျင်ပြီး 'သာသနာပြန်လည်ထွန်းကားအောင် ပြည်သူတို့က ဝိုင်းဝန်းလုပ်ကြမည်ဖြစ်ကြောင်း' ဆက်လက်ဟောပြောခဲ့ပြန်ပါတယ်။ (ညွှန်း၊ ရန်သူတော်-စာ၂၅)ဆရာတော်ဦးကေတုရဲ့ လှုံ့ဆော်ဟောပြော စည်းရုံးမှုတွေ အောင်မြင်ခဲ့ပါတယ်။အခွန်မပေးရေး လှုပ်ရှားမှုတွေ 'ကြောက်မက်ဖွယ် ကြီးမားပြင်းထန်လာပြီဖြစ်ကြောင်း' သာယာဝတီ ဒိစတြိတ်မှာ စစ်ပုလိပ်တပ်ဖွဲ့တွေ ချထားရန်လိုအပ်လာခဲ့ကြောင်း နယ်ချဲ့မှတ်တမ်းမှာ တွေ့ခဲ့ရပါတယ်။
၁၉၂၈၊ နိုဝင်ဘာ၂၇ ပရိတ်သတ် ၅ဝဝတက်ရောက်တဲ့ ရေနံချောင်းမြို့ အစည်းအဝေးကြီးမှာလည်း ' မိထ္ထီလာမြို့ ရွှေမြင်တင်ဘုရားကို ပြည်သူများအားပြန်အပ်ရန်၊ ရွှေတိဂုံဘုရားကုန်းတော်မှ စစ်လက်နက်တိုက်ကို ရွှေ့ပြောင်းပေးရန်၊ ဘုရားများပေါ်သို့လည်းကောင်း၊ ဝတ္တကမြေပေါ်သို့လည်းကောင်း ဖိနပ်များ စီးနင်းတက်ရောက်ခွင့်မပြုရန်တို့ကို ဆူပူမှုများလုပ်ကြဖို့ ' ဟောပြောတိုက်တွန်းခဲ့ပါတယ်။ (၎င်းး စာ-၂၆)
ဆရာတော်ဦးကေတုရဲ့ ဟောပြောချက်တွေဟာ အမျိုး ဘာသာ သာသနာအတွက်ဖြစ်ကြောင်း အထူးပင် ထင်ရှားပေါ်လွင်နေခဲ့ပေပြီ။ ဆရာတော်ဦးကေတုဟာ အမျိုးသားရေးလှုပ်ရှားမှုတိုင်းမှာ ထိပ်ဆုံးကပါဝင်ခဲ့ပြီး အဖမ်းခံရဟန်းသံဃာတော်များ လွတ်မြောက်ရေးအတွက် တက်တက်ကြါကြွ လုပ်ဆောင်ခဲ့သူဖြစ်ပါတယ်။
ဒါကြောင့် မိစ္ဆာဒိဋ္ဌိအင်္ဂလိပ်အစိုးရက-'ဦးကေတုသည် တော်လှန်ရေးအယူအဆများနှင့် အားတက်သရော အလုပ်လုပ်သူတစ်ဦးဖြစ်ပြီး အစွန်းရောက်ဆူပူလှုံ့ဆော်ရေးသမားများ အထူးသဖြင့် မြန်မာ့နိုင်ငံရေးလောကတွင် မနားမနေဆူပူလှုံ့ဆော်ရေးသမားကြီးဖြစ်သော ဦးဥတ္တမနှင့် အလွန်ရင်းနှီးသူဖြစ်ပါသည်။ ထို့ကြောင့် သူ့ကို ဂရုစိုက်စောင့်ကြည့်ရန်လိုအပ်ပါသည်'လို့ ရန်သူတော်စာရင်းမှာ မှတ်တမ်းတင်ခဲ့ခြင်းဖြစ်ပါတယ်။
ဦးကေတုနဲ့ပက်သတ်တဲ့ လှုပ်ရှားမှုတွေကိုစောင့်ကြည့်မှတ်တမ်းတင်ခဲ့ပြီး (၂၈-၉-၃၄တွင် ပုံနှိပ်ဖြန့်ဝေခဲ့ပါသည်။)လို့ ဖော်ပြထားပါတယ်။ (ညွှန်း - ရန်သူတော် စာ-၃ဝ)ဦးကေတုလိုပဲ အမျိုး ဘာသာ သာသနာအတွက် လှုပ်ရှားဆောင်ရွက်ခဲ့ကြတဲ့ ရဟန်းသံဃာတော်တွေ အများကြီးထဲက အဓိကထင်ရှားသော သံဃာ(၁ဝ)ပါးကိုလည်း မိစ္ဆာဒိဋ္ဌိအစိုးရက ရန်သူတော်စာရင်း သွတ်သွင်းခဲ့ပါတယ်။
ဗုဒ္ဓဘာသာအကျိုးသယ်ပိုးတဲ့ ရဟန်းသံဃာတော်တွေကို 'ရန်သူတော်'အဖြစ် သတ်မှတ်လိုက်ခြင်းဟာ အစိုးရကိုယ်တိုင်က မိစ္ဆာဒိဋ္ဌိဖြစ်နေလို့ပါပဲ။
ဒီနေ့ နိုင်ငံတော်ဟာ ဗြိတိသျှနယ်ချဲ့မိစ္ဆာဒိဋ္ဌိတွေရဲ့ လက်အောက်က လွတ်မြောက်ခဲ့ပြီဖြစ်ပေမယ့် အမျိုး ဘာသာ သာသနာတော်ကြီးဟာ ဘာသာခြား၊ လူမျိုးခြားနဲ့ အမျိုးသားသစ္စာဖောက်တို့ရဲ့ ဘေးရန်အန္တရာယ်တွေ ဝိုင်းဝိုင်းလည်နေချိန်ဖြစ်ပါတယ်။
ပြည်ထောင်စုဖွားတိုင်းရင်းသားတွေကို ဘာသာခြား၊ လူမျိုးခြားတွေက အကြိမ်ကြိမ်စော်ကားတာတွေ ကြုံတွေ့နေပါတယ်။ ဒါကြောင့် ဆရာတော်သံဃာတော်များက သမိုင်းအစဉ်အလာရှိခဲ့တဲ့အတိုင်းအမျိုး ဘာသာ သာသနာကာကွယ်စောင့်ရှောက်ရေးအလုပ်တွေ ရှေ့ထွက်ပြီးလုပ်ဆောင်လာကြတဲ့အခါ မိစ္ဆာဒိဋ္ဌိအင်္ဂလိပ်အစိုးရကသတ်မှတ်ခေါ်ဆိုခဲ့တဲ့အတိုင်း 'အစွန်းရောက်ဆူပူလှုံ့ဆော်ရေးသမားများ'လို့ စွပ်စွဲစော်ကားလာခဲ့ကြပါတယ်။
လွန်ခဲ့သော နှစ်ပေါင်း(၈ဝ)ကျော်က မိစ္ဆာဒိဋ္ဌိအစိုးရက ခေါ်ဆိုခဲ့တဲ့
အတိုင်း'အစွန်းရောက်'လို့ မြန်မာ ဒီမိုကရက်တစ်တွေက
ခေါ်ဝေါ်သုံးနှုန်းနေခြင်းဟာ သူတို့ကိုယ်တိုင် ဗြိတိသျှအစိုးရကဲ့သို့ 'မိစ္ဆာဒိဋ္ဌိ' ဖြစ်နေပြီဆိုတာကို ဝန်ခံဖော်ပြရာ ရောက်နေပါတယ်။
သံဃာတော်တွေကို ရန်သူပမာ ပြစ်မှားစော်ကားနေတာတွေဟာလည်း မိစ္ဆာဒိဋ္ဌိတွေရဲ့ လုပ်နည်းလုပ်ဟန်တွေပဲ ဖြစ်ပါတယ်။ဗုဒ္ဓဘာသာအမည်ခံ မြန်မာတွေကိုယ်တိုင်က ဘာသာခြား၊ လူမျိုးခြားတွေရဲ့အလိုကျ ရဟန်းသံဃာတွေကို ပြစ်မှားစော်ကားနေခြင်းဟာနယ်ချဲ့မိစ္ဆာဒိဋ္ဌိအစိုးရက သံဃာတော်တွေကိုရန်သူတော်စာရင်း သွတ်သွင်းတာထက် ပိုဆိုးနေပါတယ်။
ဘာသာ သာသနာကို ပြစ်မှားပြီးသံဃာတော်များကို စော်ကားနေတဲ့ မိစ္ဆာဒိဋ္ဌိတို့ရဲ့သွားရာလမ်းဟာ အပါယ်လေးဘုံကလွဲပြီးအခြားမရှိဆိုတာ သတိပေးပြောကြားလိုက်ပါတယ်။
``မောင်သွေးချွန်´´
သာကီသွေးဂျာနယ်အတွဲ(၄)အမှတ်(၅)
``မဘသ(ဗဟို)Online Media´´
