ကရင် ဟူသောဝေါဟာရ ဖြစ်ပေါ်လာပုံနှင့်

ကရင် ဟူသောဝေါဟာရ ဖြစ်ပေါ်လာပုံနှင့်
ပတ်သက်၍ အယူအဆ အမျိုးမျိုးရှိသည်ကို
တွေ့ရပေသည်။ သမ္မောဟဝိနောဒနီ စသည်၌
ပါသော (ကိရာတသဒ္ဒါ)ကို ဆရာတော်ကြီးများက
**ကရင်** ဟု အနက် မြန်မာပြန်ဆိုကြသည်။

အဘိဓာန်နိဿျသစ်၌လည်း ကိရာတ = ကရင်
ဟူ၍ပင် မြန်မာပြန်ဆို၏ **ကိရာတ** ဟူသော
ပါဠိမှ တစ်ဖန် **ကရ** ဖြစ်လာ၏ ထို *ကရ*မှ
တစ်ဖန် **ကရင်**ဟု ခေါ်ဝေါ်ရေးသားကြသည်။

လက်ဖြင့် တောင်ယာခုတ်ခြင်း စူးထိုးခြင်းစသော
အမှုကို ပြုတတ်သောကြောင့် ပါဠိဘာသာဖြင့်
**ကရ**လူမျိုးဟု ခေါ်ဝေါ်ကြ၍ နောက်နောက်
သောအခါ ကာလရွေ့လျောသဖြင့် ပါဠိပျက်လျက်
**ကရင်**ဟုခေါ်ဆိုကြောင်း သောဠဿရဋ္ဌဒီပနီ
ကျမ်းတွင် ဖော်ပြထားသည်ကို ကရင်ရာဇဝင်ကျမ်း၌
လေ့လာတွေ့ရှိရပါသည်။ ကရဏ္ဏကတိုင်းသား
ဖြစ်သောကြောင့် ကရဏ်ဟုခေါ်ကြသည်။
ထို ကရဏ်မှ ကရင်ဖြစ်လာသည်။ သို့ဖြစ်၍
ကရင် ဟူသောဝေါဟာရသည် ကိရာတသဒ္ဒါ
ကရသဒ္ဒါ ကရဏ္ဏကသဒ္ဒါ တို့မှ ဆင်းသက်လာသော
ပါဠိသက်ဝေါဟာရဖြစ်ကြောင်း သိရှိရပေသည်။

သုဝဏ္ဏဘူမိတိုင်းသည် ဂေါတမမြတ်စွာဘုရား
မပွင့်မီအခါက ကရဏ္ဏကတိုင်းဟုအမည်တွင်
သည်။ ထိုအခါကာလ ကွင်းပြင်မြေညီ၌နေသော
ကရဏ္ဏကတိုင်းသား လူအများကို မွန်ဟုခေါ်
ဆိုကြသည်။ တောတောင်၌နေသော ကရဏ္ဏက
တိုင်းသားလူအများကို ကရဏ်မှ ကရင်ဖြစ်လာ
လေသည်။

မြန်မာအင်္ဂလိပ်ပါဠိအဘိဓာန်၌လည်း
ကာရည = ကရင် = akaren= ဟု ဖွင့်ဆိုထားလေ
သည်။

ကရင်နှင့်ပတ်သက်သော မြန်မာ့သမိုင်းဆရာအချို့
က **ကမ်းယံ* စကြော * တောင်သူ(ပအူ) စသော
ဝေါဟာရများသည် **ကရင်** ဖြစ်သည်ဟု
ဖော်ပြထားကြောင်း တွေ့ရှိရသည်။

ပုဂံကျောက်စာတို့တွင် **ကရင်**ဟူသော
ဝေါဟာရကို များစွာမတွေ့ရသော်လည်း စကြော
တောင်သူအမည်များကိုကား များစွာ တွေ့ရှိရပေ
သည်။ ပုဂံခေတ် ရွှေကွင်းချကျောက်စာမှ
**ပုခြာခါဆီ ၃၈ ကရင်ထမီပြောက်** ကရင်ထမီ
ပြောက်ကို မှတ်တမ်းတင်ထားသည်ကို တွေ့ရှိရ
ပေသည်။

ပြည်တော်သာဦးထွန်းရီ ရေးသားသော
**ပါဒနိုင်ငံရာဇဝင်** တွင် **ကရီကို ကရင်**ဟု
ဖော်ပြထားသည်။ တရုတ်လူမျိုးများက
ကရင်ကို **ယန်း**ဟုခေါ်သည်။ ရှမ်းနှင့်ထိုင်း
လူမျိုးက **ယန်း. ကလယန်း** ဟုခေါ်ဝေါ်ကြ
သည်။

မွန်များက **ကရီယန်**ဟုခေါ်သည်။
မဟာရာဇဝင်ကျမ်း၌ ဖော်ပြချက်အရ ပျူ ကမ်းယံ
သက်လူမျိုးကြီး (၃)မျိုးအနက် **ကမ်းယံ**ဟု
ခေါ်သောအမျိုးမှာ ကရင်ဟူသောအမည်သို့
ပြောင်းလဲလာကြောင်းကို
(Sir AuthurvPhayre) က တင်ပြထားသည်ကို
လည်း တွေ့ရှိရပေသည်။

နိုင်ငံခြားသားတို့၏ မှတ်တမ်းများတွင်ကား
ကရင်တို့ကို ကရေနာ(ကရီယန်နာ) Carayners ဟု
Colonel Symes - ရေးသား၍
Father Sangermano - ကမူ (Carians) ဟု
ရေးသားထားပေသည်။ **သုဝဏ္ဏဘူမိတိုင်း သည်
ရှေးအခါက နေထိုင်ခဲ့သော ကရဏ္ဏကတိုင်းသား
များသည် ကရင်များဖြစ်သည် ** ဆိုသည့်စကား
နှင့် ဆက်နွယ်နေပါသည်။

ကိုးကား -  ကရင်တိုင်းရင်းသားတို့၏
ဘာသာယဉ်ကျေးမှုနှင့်ယဉ်ကျေးမှု
အရှင်ဂုဏသာမိ (ကေါ့ကရိတ်) စာအုပ်မှ
Crd
ရှာဖွေစုစည်းတင်ဆက်သူ
Ven Pa Nna Su Kha Vam Sa( Love  Karen)
စောပွန်ည့ာစူးခလိန်း ( ကရဏ္ဏကတိုင်းသား)
**#စိမ်းလန်းစိုပြေဒေါနအလှဇွဲကပင်မြေ **
ယှူးခိုင်းမုက်ဝ်ှယဝ့်ကျာ်သြီ့ထင်းထဝ့်ဍုဂ်ပါင်လာ.ဆာ်